← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


31:01 ܡܐ܊܂ ܐܝܠܝܢ ܕܡܘܓܠܢ̈ܝܢ ܟܕ ܢܬܟܘܘܢ܃ ܐܢܗܘ ܡܿܢ ܕܐܬܐ ܡܢܗܘܢ ܡܘܓܠܐ ܕܟܝܐ
31:02 ܘܚܘܪܐ܃ ܡܫܬܘܙܒܝܢ܂ ܐܢܗܘ ܕܝܢ ܕܣܝܢܝܐ ܘܣܪܝܐ ܐܿܒܕܝܢ܂
31:03 ܡܒ܊܂ ܐܝܠܝܢ ܕܡܛܠ ܡܘܓܠܐ ܕܒܟܒܕܗܘܢ ܡܬܟܘܝܢ܃ ܐܢܗܘ ܡܿܢ ܕܢܪܕܐ ܡܢܗܘܢ
31:04 ܡܘܓܠܐ ܕܟܝܐ ܘܚܘܪܐ܃ ܡܫܬܘܙܒܝܢ܂ ܒܟܘܬܝܢܐ ܓܝܪ ܐܝܬܘܗܝ ܡܘܓܠܐ ܒܗܠܝܢ܂ ܐܢܗܘ
31:05 ܕܝܢ ܕܒܕܡܘܬ ܬܛܪܐ ܕܡܫܚܐ ܢܪܕܐ ܡܢܗܘܢ ܐܒܿܕܝܢ܂
31:06 ܡܓ܊܂ ܐܝܢܐ ܕܟܢܫ ܡܝ̈ܐ ܟܕ ܢܗܘܐ ܠܗ ܫܥܠܐ ܕܠܐ ܣܒܪܐ ܐܝܬܘܗܝ܂
31:07 ܡܕ܊܂ ܠܡܛܦܘܬ ܬܦܫܘܪܬܐ ܘܥܣܩܘܬ ܬܦܫܘܪܬܐ ܡܫܬܝܐ ܕܚܡܪܐ ܘܦܣܩ
31:08 ܘܪܝܕܐ ܫܿܪܐ܂ ܦܣܘܩ ܕܝܢ ܠܗܿܢܘܢ ܓܘܝ̈ܐ܂
31:09 ܡܗ܊܂ ܠܐܝܢܐ ܕܐܚܝܕ ܒܚܢܘ̈ܩܐ ܟܕ ܢܗܘܐ ܠܗ ܥܘܒܝܢܐ ܘܣܘܡܩܘܬܐ ܒܚܕܝܗ
31:10 ܡܢ ܩܘܕܡܐ ܛܒܬܐ ܗܝ܂ ܡܛܠ ܕܠܒܪ ܢܦܩ ܟܘܪܗܢܐ܂
31:11 ܡܘ܊܂ ܐܝܠܝܢ ܕܡܬܬܚܕ ܡܘܚܐ ܕܪܝܫܗܘܢ ܒܚܫܐ ܕܣܦܐܩܗܠܘܣ ܒܬܠܬܐ ܝܘ̈ܡܝܢ
31:12 ܐܒܿܕܝܢ܂ ܐܢܗܘ ܕܝܢ ܕܢܥܼܒܪܘܢ ܠܗܠܝܢ ܡܬܚܠܡܝܢ܂
31:13 ܡܙ܊܂ ܥܘܛܫܬܐ ܗܿܘܝܐ ܡܢ ܪܝܫܐ ܟܕ ܢܫܼܚܢ ܡܘܚܐ ܕܪܝܫܐ ܘܬܬܪܛܒ ܕܘܟܬܐ
31:14 ܣܦܝܩܬܐ ܕܒܪܝܫܐ ܘܢܿܦܩ ܠܗ ܐܐܪ ܕܒܗܿ ܘܝܿܗܒ ܩܠܐ ܡܛܠ ܕܒܕܘܟܝ̈ܬܐ ܐܠܝܨ̈ܬܐ ܢܿܦܩ܂
31:15 ܡܚ܊܂ ܐܝܠܝܢ ܕܣܓܝ ܟܿܝܒܐ ܟܒܕܗܘܢ܂ ܟܕ ܬܐܩܼܦ ܠܗܿ ܐܫܬܐ܂ ܫܿܪܝܐ ܠܗ ܠܟܐܒܗܘܢ܂
31:16 ܡܛ܊܂ ܠܐܝܠܝܢ ܕܣܢܝ̈ܩܝܢ ܥܠ ܣܘܦܩܐ ܕܕܡܐ ܕܡܢ ܘܪ̈ܝܕܐ܃ ܒܙܒܢܐ ܕܬܐܕܐܐ ܙܿܕܩ
31:17 ܠܡܦܣܩܘ ܠܗܘܢ ܘܪܝܕܐ܂
31:18 ܢܢ܊܂ ܐܝܠܝܢ ܕܒܝܢܬ ܕܝܐܦܪܓܡܐ ܠܟܪܣܐ ܡܬܚܼܒܫ ܒܗܘܢ ܦܠܓܡܐ ܘܥܿܒܕ ܟܐܒܐ
31:19 ܟܕ ܠܝܬ ܠܗ ܡܦܩܢܐ ܘܠܐ ܠܚܕܐ ܡܢ ܬܪ̈ܬܝܗܝܢ ܟܪ̈ܣܬܐ܂ ܟܕ ܢܫܿܢܐ ܗܘܼ ܦܠܓܡܐ ܒܝܕ
31:20 ܘܪܝܕܐ ܠܘܬ ܫܠܦܘܚܬܐ ܗܿܘܐ ܫܪܝܐ ܕܟܘܪܗܢܗܘܢ܂
31:21 ܢܐ܊܂ ܐܝܠܝܢ ܕܟܕ ܡܬܡܠܝܐ ܟܒܕܗܘܢ ܡܝ̈ܐ ܡܬܦܬܩܝܢ ܠܘܬ ܗܦܝܦܠܘܢ
31:22 ܡܬܡܠܝܐ ܟܪܣܗܘܢ ܡܝ̈ܐ ܘܡܿܝܬܝܢ܂
31:23 ܢܒ܊܂ ܠܛܘܪܦܐ ܘܦܘܘܩܐ ܘܩܘܒܒܐ ܚܡܪܐ ܫܘܝܐ ܕܥܡ ܫܘܝܐ ܡܙܝܼܓ ܟܕ
31:24 ܡܫܬܬܐ ܫܿܪܐ܂
31:25 ܢܓ܊܂ ܐܝܠܝܢ ܕܡܙܕܥܙܥ ܡܘܚܐ ܕܪܝܫܗܘܢ ܐܠܨܐ ܕܢܫܬܬܩܘܢ ܒܪ ܫܥܬܗ܂
31:26 ܢܕ܊܂ ܠܦܓܪ̈ܐ ܐܝܠܝܢ ܕܪ̈ܛܝܒܢ ܒܣܪ̈ܬܗܘܢ܂ ܟܦܢܐ ܙܿܕܩ ܠܡܥܼܒܕ܂ ܟܦܢܐ ܓܝܪ
31:27 ܡܝܒܫ ܠܦܓܪܐ܂
31:28 ܢܗ܊܂ ܐܢܗܘ ܕܠܐܝܢܐ ܕܐܚܝܕ ܒܐܫܬܐ܂ ܟܕ ܠܝܬ ܠܗ ܥܘܒܝܢܐ ܒܚܟܗ܂
31:29 ܚܢܘܩܝܐ ܡܢܫܝܠ ܢܗܘܐ ܘܠܐ ܢܬܡܨܐ ܠܡܒܼܠܥ ܐܠܐ ܠܡܚܣܢ܂ ܗܢܐ ܡܡܝܬܢܐ ܗܘ܂
31:30 ܢܘ܊܂ ܓܚܪ̈ܐ ܒܐܫܬܘ̈ܬܐ ܕܠܐ ܥܒ̈ܕܢ ܦܘܫܐ܃ ܗܿܢܘܢ ܩܘ̈ܢܐܐ܂ ܘܗܿܢܘܢ
31:31 ܕܡܕܡ̈ܢܐ܂ ܘܗܿܢܘܢ ܐܘܟܡ̈ܐ܂ ܘܗܿܢܘܢ ܡܪ̈ܬܢܐ܂ ܘܗܿܢܘܢ ܣܪ̈ܝܐ܂ ܟܠܗܘܢ ܒܝܼܫ̈ܝܢ܂
31:32 ܐܢܕܝܢ ܫܦܝܪ ܪܕܝܢ ܛܒܝ̈ܢ܂ ܘܒܟܪܣܐ ܘܒܫܠܦܘܚܬܐ ܘܡܼܢ ܟܠ ܟܪ ܕܗܘ܂ ܟܕ ܡܕܡ ܕܡܬܢܦܨ
31:33 ܗܘܐ ܡܬܟܠܐ܃ ܟܕ ܠܐ ܐܬܕܟܝ ܦܓܪܐ ܒܝܫ܂

next page