← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 137

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


137:01 ܐܣܛܘܟܣܐ ܐܚܪܢܐ ܐܠܗܝܐ ܘܕܠܐ ܢܟܝܢ ܠܒܪ ܡܢ ܗܿܢܘܢ ܐܪ̈ܒܥܐ ܕܥܝܕܐ܀
137:02 ܡܢ ܟܘܟ̈ܒܐ ܕܝܢ ܗܿܢܘܢ ܕܐܝܬ ܒܗܿ܃ ܡܢܗܘܢ ܡܼܿܢ ܕܠܐ ܛܘܥܝܝ ܡܬܟܪܟܝܢ
137:03 ܥܡ ܟܠܗܿ ܫܡܝܐ܂ ܟܕ ܩܢܼܝܢ ܠܗܝܢ ܟܕ ܠܗܝܢ ܠܕܘ̈ܟܝܬܐ‍<‍܂‍>‍ ܗܢܿܘܢ
137:04 ܕܒܡܨܥܬܗܘܢ ܚܘܕܪܐ ܗܿܘ ܕܡܫܬܡܗ ܛܥܼܝܢ ܚܝ̈ܐ܂ ܟܕ ܣܝܡ ܙܠܝܡܐܝܬ܂
137:05 ܒܝܕ ܗܿܢܘܢ ܚܘܕܪ̈ܐ ܐܚܪ̈ܢܐ ܕܡܫܬܡܗܝܢ ܛܪ̈ܘܦܝܩܘ܂ ܚܙܝܩ܂ ܟܕ ܡܦܠܓ
137:06 ܠܡ̈ܢܘܬܐ ܬܪ̈ܬܥܣܪܐ܂ ܕܐܝܬܝܗܝܼܢ ܕܘܟ̈ܝܬܗܘܢ ܕܡܠܘܫ̈ܐ܂ ܡܢܗܘܢ ܕܝܢ
137:07 ܡ̈ܛܥܝܢܐ ܡܫܬܡܗܝܢ܂ ܕܠܐ ܒܕܡܘܬܐ ܕܗܿܢܘܢ ܩܕܡ̈ܝܐ ܡܟܢܝܢ ܠܡܬܬܙܝܥܘ܂
137:08 ܘܠܐ ܬܘܒ ܒܕܡܘܬܐ ܕܚ̈ܕܕܐ܂ ܐܠܐ ܒܟܪ̈ܘܟܝܐ ܐܚܪ̈ܢܐ ܘܐܚܪ̈ܢܐ ܡܬܬܙܝܥܝܼܢ܂
137:09 ܐܝܟܢܐ ܕܡܢܗܘܢ ܠܘܬ ܐܪܥܐ ܢܗܘܐ ܩܪܝܒ ܟܪ̈ܘܟܝܗܘܢܼ܂ ܘܕܡܢܗܘܢ ܠܐܦ̈ܝ
137:10 ܠܥܠ܀ ܣܘܓܐܐ ܗܟܝܠ ܕܗܿܢܘܢ ܕܡܬܟܪ̈ܟܝܢ ܕܠܐ ܛܘܥܝܼܝ܂ ܠܐ ܡܬܕܪܟ
137:11 ܠܒܢ̈ܝܢܫܐ܂ ܟܕ ܛܒ ܒܚܕ ܐܬܪܐ ܡܬܬܙܝܥܝܢ܂ ܗܢܘ ܕܝܼܢ ܒܓܒܗ ܗܿܘ
137:12 ܕܠܟܐ ܕܟܠܗܿ ܫܡܝܐ܂ ܡܢܝܢܐ ܕܝܢ ܕܗܿܢܘܢ ܕܡܬܩܪܝܢ ܡ̈ܛܥܝܢܐܼ܂ ܥܕܡܐ
137:13 ܠܡܢܝ̈ܢܐ ܕܫܒܥܐ ܣܠܼܩ܂ ܟܕ ܡܬܬܙܝܥܝܢ ܐܦ ܗܢܼܘܢ ܒܚܘܕܪ̈ܐ ܫ̈ܒܥܐܿ܂
137:14 ܕܣܝܡܝܢ ܒܬܪ ܚ̈ܕܕܐ܂ ܐܝܟ ܕܢܫܬܟܚ ܒܟܠܙܒܢ ܗܿܘ ܕܡܥܠܝ ܡܢ
137:15 ܚܒܪܗܼ܂ ܕܪܒ ܗܼܘ ܡܢ ܗܿܘ ܕܠܬܚܬ ܡܢܗ܂ ܘܢܗܘܘܢ ܐܝܬܝܗܘܢ
137:16 ܫܒ̈ܥܬܝܗܘܢܼ ܒܓܘ ܚ̈ܕܕܐ܀ ܟܠ ܡܕܡ ܗܟܝܠܼ܂ ܡܢ ܐܣܦܝܪܐ ܗܿܝ ܕܟܘܟ̈ܒܐ
137:17 ܗܿܢܘܢ ܠܐ ܡ̈ܛܥܝܢܐ ܚܒܝܫ܂ ܢܩܝܦ ܠܗܿ ܕܝܢ ܠܗܕܐ ܒܣܝܡܗܼܿ܂ ܚܘܕܪܐ ܗܿܘ
137:18 ܕܡܬܩܪܐ ܕܦܢܘܢ ܐܟܚܕ ܘܕܟܘܢ܂ ܘܒܬܪ ܗܢܐ ܬܘܒ ܣܝܡܼ܂ ܗܿܘ ܕܡܬܩܪܐ
137:19 ܕܦܬܘܢ ܘܕܒܝܠ܂ ܘܒܬܪܟܢ ܬܘܒܼ܂ ܗܿܘ ܣܘܡܩܐ ܕܡܫܬܡܗ ܕܗܪܩܠܝܣ
137:20 ܘܕܐܪܝܣ܂ ܘܒܬܪ ܗܢܐ ܬܘܒܼ ܗܿܘ ܕܡܒܪܩ܂ ܗܿܘ ܕܐܢܫܝܼܢ ܕܩܕܝܫܐ ܗܪܡܝܣ
137:21 ܡܫܡܗܝܢ ܠܗ܂ ܘܐܢܫܝܢ ܕܐܦܠܘ܂ ܘܒܬܪ ܗܢܐ ܬܘܒ ܐܝܬܘܗܝܼ ܗܿܘ
137:22 ܕܟܘܟܒܬܐ܂ ܗܿܘ ܕܐܢܫܝܢ ܡܼܿܢ ܕܒܠܬܝ ܩܿܪܝܢ ܠܗ܂ ܐܢܫܝܢ ܕܝܢ ܕܗܐܪܐ܂
137:23 ܠܥܠ ܕܝܢ ܡܢ ܗܿܘ ܕܗܪܡܝܣ ܐܝܬܘܗܝܼ܂ ܚܘܕܪܐ ܗܿܘ ܕܫܡܫܐ܂ ܘܐܚܪܝܐ
137:24 ܕܟܠܗܘܢ ܠܬܚܬ ܐܝܬܘܗܝܼ ܗܿܘ ܕܣܗܪܐ܂ ܕܥܕܡܐ ܠܨܐܕܘܗܝ ܡܢ ܠܥܠ ܐܬܐ
137:25 ܐܬܝܪܼ܂ ܘܬܡܢ ܡܬܬܚܡ܂ ܟܕ ܚܿܒܫ ܠܗܘܢ ܒܓܘܗ ܠܓܘܫ̈ܡܐ ܐܠܗ̈ܝܐܿ܂
137:26 ܘܠܡܛܟܣܘܬܐ ܕܙܘܥܗܘܢ܂܀ ܒܬܪ ܕܝܢ ܟܝܢܐ ܗܢܐ ܕܐܬܝܪ ܕܐܡܪܝܢܢ ܥܠܘܗܝ
137:27 ܕܐܠܗܝܐ ܗܘ ܘܡܛܟܣܐ܃ ܘܕܠܐ ܫܘܚܠܦ ܬܘܒ ܘܕܠܐ ܫܘܓܢܝ܃ ܘܕܠܐ ܚܫܼ܂
137:28 ܣܝܡܼ ܗܿܘ ܕܐܝܬܘܗܝ ܒܟܠ ܡܕܡ ܚܫܘܫܐ܂ ܘܒܚܕܐ ܡܠܐ ܠܡܐܡܪܼ
137:29 ܡܬܚܒܠܢܐ ܘܡܫܬܚܠܦܢܐ܂ ܕܝܠܗ ܕܝܢ ܕܗܢܐ ܟܝܢܐ܃ ܡܿܢܬܗ ܗܿܝ ܩܕܡܝܬܐ
137:30 ܐܝܬܝܗܿ ܩܛܝܢܬܐ܂ ܘܚܐܡܐ ܘܡܫܬܠܗܒܐ ܡܢܗ ܕܐܬܝܪ ܡܛܘܠ ܪܒܘܬܗܼ܂

next