← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 138

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


138:01 ܘܡܛܠ ܚܪܝܦܘܬܐ ܕܙܘܥܗ܂ ܒܗ ܗܟܝܠ ܒܗܢܐ ܟܝܢܐ ܡܫܬܠܗܒܢܐ
138:02 ܕܡܫܬܡܗܐ ܠܐ ܡܛܟܣܐܼ܂ ܪ̈ܗܛܝܢ ܙܠܓ̈ܐ܂ ܘܡܙܕܢܩ̈ܢ ܓܘܙ̈ܠܬܐ܂ ܘܡܬܩܝܡܝܢ
138:03 ܒܗ ܬܘܒܼ ܘܡܬܕܥܟܝܢ ܒܗ܃ ܟܡܐ ܙܒ̈ܢܝܢ ܗܿܢܘܢ ܕܡܬܩܪܝܢ ܢ̈ܝܙܟܐ܂
138:04 ܘܥܡ̈ܩܘܩܝܬܐ ܘܩܘܡ̈ܛܐ܂ ܠܬܚܬ ܡܢ ܗܕܐ ܬܘܒ ܡܿܢܬܐܼ ܐܫܝܕ ܐܐܪ܂
138:05 ܕܐܝܬܘܗܝ ܥܡܘܛܐܼ ܘܩܪܝܪܐ ܒܟܝܢܗ܂ ܘܡܛܠ ܕܝܢ ܕܢܗܿܪ ܡܢ ܗܿܝ ܕܠܥܠ
138:06 ܡܢܗ ܐܝܟ ܚܕ ܘܡܫܬܠܗܒܼ܂ ܢܗܝܪܐ ܗܿܘܐ ܘܫܚܝܢܐ܂ ܒܗܢܐ ܗܟܝܠ
138:07 ܡܛܠ ܕܐܦ ܗܼܘ ܡܢ ܗܿܘ ܚܝܠܐ ܚܫܘܫܐ ܐܝܬܘܗܝ܃ ܟܕ ܡܫܬܚܠܦ
138:08 ܒܫܘ̈ܚܠܦܐ ܕܟܠ ܓܢܣܼ܂ ܥܢ̈ܢܐ ܡܬܩܝܡܝܢ ܒܗ܂ ܘܙܝܩ̈ܐ ܕܡܛܪܐ ܢܚ̈ܬܝܢ
138:09 ܡܢܗ܂ ܘܬܠܓܐ ܘܐܓܠܝܕܐ ܘܒܪܕܐ ܗܘܿܝܢ ܒܗ܂ ܘܪ̈ܘܚܐ ܘܟܪ̈ܘܟܝܬܐ
138:10 ܕܥ̈ܠܥܠܐ܂ ܐܠܐ ܐܦ ܪ̈ܥܡܐ ܗܿܘܝܢ ܒܗ ܬܘܒ ܘܒܪ̈ܩܐ܂ ܘܡܚܘ̈ܬܐ ܬܘܒ
138:11 ܕܪ̈ܒܘ ܒܪ̈ܩܝܢ ܘܕܦܩ̈ܥܐ ܕܣܪ̈ܚܝܢ܂ ܒܬܪ ܕܝܢ ܟܝܢܐ ܗܢܐ ܕܐܐܪܼ܂ ܐܪܥܐ
138:12 ܘܝܡ̈ܡܐ ܡܫܪܪܐ ܘܣܝܡܐܼ܂ ܟܕ ܡܨܒܬܐ ܒܚܝܘ̈ܬܐ ܘܒܢܨܒ̈ܬܐ܂ ܘܒܡܒܘ̈ܥܐ
138:13 ܘܒܢܗܪ̈ܘܬܐ܂ ܘܡܢܗܘܢܼ܂ ܕܠܐܦ̈ܝ ܠܥܠ ܡܬܝܠܕܝܢ ܘܓܕܝܢ ܡܢܗܿ܂ ܘܡܢܗܘܢܼ
138:14 ܕܠܝܡܐ ܓܣܿܝܢ ܘܢܚܬܝܢ܂ ܡܗܕܪܐ ܕܝܢܼ ܐܦ ܒܪ̈ܒܘܬܐ ܕܓܘܢ̈ܐ ܕܟܠ ܓܢܣ܂
138:15 ܘܒܛܘܪ̈ܐ ܪ̈ܡܐ܂ ܘܒܥ̈ܒܐ ܥܒܘ̈ܛܝ ܩܝܣ̈ܐ܂ ܘܒܡܕܝܢ̈ܬܐ ܬܘܒ ܗܿܢܝܢ
138:16 ܕܚܝܘܬܐ ܗܕܐ ܚܟܝܡܬܐ ܒܪܢܫܐ ܩܒܥ ܐܢܝܼ̈ܢ܂ ܘܒܓܙܪ̈ܬܐ ܕܝܡ̈ܡܐ܂܀
138:17 ܠܥܡܪܬܐ ܗܟܝܠ ܟܠܗܿ܃ ܡܠܬܐ ܕܣܓܝ̈ܐܐܼ܂ ܠܓܙܪ̈ܬܐ ܡܦܠܓܝܢ ܠܗܼܿ܂ ܘܠܝܬܒ̈ܐ
138:18 ܕܦܪ̈ܝܩܝܢ ܡܢ ܝܡܐ܂ ܒܝܕ ܕܠܐ ܚܟܡܿܝܢܿ܂ ܕܐܦ ܟܠܗܿ ܝܬܒܬܐ ܚܕܐ ܓܙܪܬܐ
138:19 ܐܝܬܝܗ̈܂ ܕܚܕܝܪܐ ܡܢ ܝܡܐ ܗܿܘ ܕܡܬܩܪܐ ܐܛܠ‍{‍ܝ‍}‍‍<‍ܢ‍>‍ܛܝܩܘܣ܂ ܟܒܪ ܕܝܢ ܐܝܬܼ
138:20 ܐܦ ܐܚܪ̈ܢܝܬܐ ܣܓܝ̈ܐܬܐ ܕܣܝܡܢ ܠܩܘܒܠܗܿ ܕܗܕܐܿ܂ ܘܦܪ̈ܝܩܝܢ ܡܢܗܿ܂
138:21 ܡܢܗܝܢܿ܂ ܕܪ̈ܘܪܒܢ ܡܢܗܼܿ܂ ܘܡܢܗܝܢ ܕܙܥܘܪ̈ܝܢ ܡܢܗܿ܂ ܟܕ ܠܐ ܚ̈ܙܝܢ ܠܢ ܚܕܐ
138:22 ܡܢܗܝܢܿ܂ ܠܒܪ ܡܢ ܗܕܐ܂ ܗܿܘ ܓܝܪ ܦܚܡܐ ܕܩ̈ܢܼܝܢ ܓܙܪ̈ܬܐ ܗܠܝܢ ܕܨܐܕܝܢ
138:23 ܠܘܬ ܝܡ̈ܡܐ ܗܠܝܼܢ܂ ܠܗܢܐ ܩܢܼܝܐܼ ܐܦ ܗܝܼ ܗܕܐ ܥܡܪܬܐ܂ ܘܗܿܢܝܢ ܐܚܪ̈ܢܝܬܐ
138:24 ܣܓܝ̈ܐܬܐܿ܂ ܠܘܬ ܟܠܗ ܝܡܐ ܕܓܘܐ܂ ܐܦ ܓܝܪ ܗܿܢܝܢ ܓܙܪ̈ܬܐ ܪܘܪ̈ܒܬܐ
138:25 ܕܨܐܕܝܼܢ܂ ܡܢ ܥܘܒ̈ܐ ܪ̈ܘܪܒܐ ܕܝܡܐ ܚܒ̈ܝܫܝܢ܂ ܟܝܢܐ ܕܝܢ ܕܟܠܗܿ ܪܛܝܒܘܬܐܼ܂
138:26 ܒܗܿܝ ܕܪܕܐ ܠܡܥܪ̈ܐ ܘܠܚ̈ܠܠܐ ܕܐܪܥܐܿ܂ ܚܘܝ ܐܢܝ̈ܢ ܠܗ̈ܢܝܢ ܕܡܬܩܪܝܢ܂
138:27 ܥܡܪ̈ܬܐ܂ ܘܡܢܗܿ ܡܬܩܝܡ ܝܬܝܪܐܝܬ ܟܝܢܗ ܕܐܐܪ܂ ܒܬܪ ܗܢܐ ܕܝܼܢ܂ ܐܝܟ
138:28 ܕܐܡܪܢܢ ܐܝܬܝܗܼܿ ܐܪܥܐ܂ ܟܕ ܡܫܪܪܐ ܒܗ ܒܡܨܥܬܗ ܚܬܝܬܐ ܕܥܠܡܐ
138:29 ܘܡܩܝܡܐ ܕܠܐ ܙܘܥܐܿ܂ ܘܕܠܐ ܫܘܓܢܝ܂ ܘܗܢܐ ܐܝܬܘܗܝ ܥܠܡܐ ܕܡܫܬܡܗܼ
138:30 ܗܢܐܼ ܟܠ܂ ܘܗܠܝܢ ܐܝܬܝܗܘܢ ܚܡܫܐ ܐܣܛܘ̈ܟܣܐܿ܂ ܕܣܝܡܝܢ ܒܚܡ̈ܫܐ

next