← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 141

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


141:01 ܥܘܒܐ ܗܘܿ ܕܐܪܒܝܐܼ܂ ܘܠܝܡܐ ܗܘܿ ܓܘܝܐ܂ ܘܡܬܚܒܫ ܡܢܗ ܕܗܢܐ ܝܡܐܼ܂
141:02 ܘܡܢ ܐܘܩܐܢܘܣ ܗܘܿ ܕܚܿܕܪ ܠܗܿ ܠܐܪܥܐ܂ ܐܢܫܝܢ ܕܝܢ ܡܢ ܛܢܐܝܣ ܢܗܪܐܼ܂
141:03 ܥܕܡܐ ܠܢܝܠܘܣ ܣܝܿܡܝܢ ܠܗ ܠܬܚܘܡܐ ܕܐܣܝܐ܂ ܠܝܒܘܐܐ ܕܝܢ ܐܦ ܗܼܝ
141:04 ܡܬܬܚܡܐ ܡܢ ܥܘܒܐ ܗܘܿ ܕܐܪܒܝܐܼ܂ ܥܕܡܐ ܠܣܛܠܘ̈ܣ ܕܗܪܩܠܝܣ܂ ܐܢܫܝܢ
141:05 ܕܝܢ ܡܢ ܢܝܠܘܣ ܡܬܚܡܝܢ ܠܗܼܿ܂ ܥܕܡܐ ܠܗܝܢ ܠܗܠܝܢ ܣ̈ܛܠܘܣ܂
141:06 ܠܡܨܪܝܢ ܕܝܢ ܡܛܠ ܕܒܝܢܬ ܦܘܡܘ̈ܗܝ ܕܢܝܠܘܣ ܚܒܝܫܐܼ܂ ܐܚܪ̈ܢܐ
141:07 ܕܝܢܼ ܡܢ ܐܣܝܐ ܡܢܝܢ ܠܗܿ܂ ܘܐܚܪ̈ܢܐܼ ܡܢ ܠܝܒܘܐܐ‍<‍܂‍>‍ ܘܠܓܙܪ̈ܬܐ ܬܘܒ
141:08 ܟܠܗܝܢ ܕܒܥܡܪܬܐܼ܂ ܐܢܫܝܢ ܡܼܿܢ ܝܚܝܕܐܝܬ ܢܣܒܝܢ ܠܗܝܢ܂ ܐܚܪ̈ܢܐ ܕܝܼܢ
141:09 ܠܡܢܘ̈ܬܐ ܗܠܝܢ ܕܩܪ̈ܝܒܢ ܠܗܝܢ ܡܩܦܝܢ ܠܗܝܢ܂܀ ܟܝܢܗܿ ܗܟܝܠ
141:10 ܘܣܝܡܗܿ ܕܐܪܥܐ ܘܕܝܡܐ ܗܘܿ ܕܥܡܪܬܐ ܡܥܕܝܢ ܚܢܢ ܠܡܫܡܗܘܬܗܼ܂
141:11 ܕܕܐܝܟ ܗܟܢܐ ܐܬܚܙܝ ܠܢ ܕܐܝܬܘܗܝܼ܂ ܐܝܟܢܐ ܕܐܡܪܢܢ܂ ܡܛܠ ܕܝܢ
141:12 ܡܝܬܪ̈ܬܐ ܕܒܗܿ ܒܐܪܥܐ ܘܛܒ̈ܬܐ ܕܚܠܦܝܗܼܿ܂ ܗܫܐ ܐܡܪܝܢܢ܂ ܟܕ ܡܟܢܫܝܢܢ
141:13 ܠܗܝܢ ܒܦܣܝܩ̈ܬܐܿ܂ ܠܗܝܢ ܠܐܠܨ̈ܬܐ܂܀ ܬܪ̈ܝܢ ܗܟܝܠ ܥܛܪ̈ܝܢ ܡܕܡ܂
141:14 ܣܠܩܝܢ ܡܢܗܿ ܐܡܝܢܐܝܬ܃ ܠܘܬ ܐܐܪ ܕܠܥܠ ܡܢܗܿ܂ ܕܩܛܝܢܝܢ ܛܒܼ܂ ܘܠܐ
141:15 ܡܬܚܙܝܢ ܠܢ ܠܓܡܪ܂ ܐܠܐ ܐܢ ܓܕܫܬ ܘܚܙܝܢܢ ܒܡܕܢܚ̈ܝ ܫܡܫܐܿ܂
141:16 ܠܗ̈ܓܐ ܗܿܢܘܢ ܕܡܬܚܙܝܢ ܕܣܠܩܝܢܿ܂ ܡܢ ܢܗܪ̈ܘܬܐ ܘܡܢ ܡܥܝܢ̈ܐ܂ ܘܡܢ
141:17 ܗܿܢܘܢ ܬܪ̈ܝܢ ܥܛܪ̈ܝܼܢ܂ ܗܿܘ ܡܿܢ ܐܝܬܘܗܝ ܝܒܝܫܐ ܘܬܢܢܝܐ܂ ܘܣܠܿܩܼ
141:18 ܡܢܗܿ ܕܐܪܥܐ܂ ܗܿܘ ܕܝܢ ܐܚܪܢܐ ܐܝܬܘܗܝ ܬܠܝܠܐ ܘܠܗܓܝܐ܂ ܘܡܬܠܗܓܼ
141:19 ܡܢ ܟܝܢܐ ܪܛܝܒܐ܂ ܘܗ̈ܘܝܢ ܕܝܢ ܡܢܗ ܕܗܢܐ ܥܛܪܐ ܬܪܝܢܐܼ܂ ܥܪ̈ܦܠܐ ܘ̈ܛܠܐ
141:20 ܘܩܪ̈ܨܢܐ܂ ܘܥܢ̈ܢܐ ܘܡܛܪܐ܂ ܘܬܠܓܐ ܘܒܪܕܐ܂ ܡܢ ܗܘܿ ܕܝܢ ܥܛܪܐ ܝܒܝܫܐ
141:21 ܗܘ̈ܝܼܢ ܪ̈ܘܚܐܼ܂ ܘܡܫܒ̈ܐ ܡܫ̈ܚܠܦܐ܂ ܘܪ̈ܥܡܐ ܘܒܪ̈ܩܐ ܘܦܩ̈ܥܐ ܘܙܠܓ̈ܐ܂
141:22 ܘܐܚܪ̈ܢܝܬܐ ܕܐܝܬܝܗܝܢ ܒܢ̈ܬ ܓܢܣܐ ܕܗܠܝܢ܂܀ ܐܝܬܝܗܿ ܕܝܢ ܥܪܦܠܐܼ
141:23 ܥܛܪܐ ܠܗܓܝܐ ܕܡܢ ܡܝ̈ܐܿ܂ ܕܥܒܿܐ ܝܬܝܪ ܡܢ ܐܐܪ܂ ܘܕܠܝܠܼ ܛܒ ܡܢ
141:24 ܥܢ̈ܢܐ܂ ܗܘܝܐ ܕܝܢ ܐܦ ܒܪܫܥܬܗ ܡܢܗ ܥܢܢܐܼ܂ ܐܘ ܡܢ ܫܪܟܢܗ܂
141:25 ܕܕܠܩܘܒܠܐ ܕܝܢ ܕܗܕܐ ܡܬܐܡܪ ܘܐܝܬܘܗܝܐ܂ ܨܚܘܐ܂ ܗܿܘ ܕܠܘ ܡܕܡ
141:26 ܐܚܪܢܐ ܐܝܬܘܗܝܼ܂ ܐܠܐ ܐܢ ܐܐܪ ܕܕܠܐ ܥܢܢ ܘܕܠܐ ܥܪܦܠ܂ ܛܠܐ ܕܝܢ ܐܝܬܘܗܝܼ
141:27 ܪܓܝܘܬܐ ܕܡܢ ܨܚܘܐܿ܂ ܕܢܚܿܬ ܒܩܘܝܡܐ ܩܛܝܢܐ܂ ܓܠܝܕܐ ܕܝܢ ܐܝܬܘܗܝܼ܂
141:28 ܡܝ̈ܐ ܕܡܢ ܫܝܠ ܕܩܛܪܝܢ ܡܢ ܨܚܘܐ܂ ‍{‍ܐܘ‍}‍‍<‍ܩ‍>‍ܪܨܢܐ ܕܝܢ ܐܝܬܘܗܝܼ܂ ܛܠܐ ܕܩܛܝܪ‍{‍܂‍}‍
141:29 ܘܛܠ ܓܠܝܕ܂ ܬܘܒ ܐܝܬܘܗܝ ܛܠܐܼ ܕܩܛܝܪ ܦܠܓܗ܂ ܘܥܢܢܐ ܐܝܬܝܗܼܿ
141:30 ܥܒܝܘܬܐ ܕܠܗܓܐ ܕܡܟܢܫ ܘܪܩܝܥ܃ ܘܚܒܿܠ ܡܛܪܐ܂ ܡܛܪܐ ܕܝܢ ܗܿܘܐܼ܂

next