← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 144

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


144:01 ܒܥܢܢܐ ܥܒܝܛܬܐ ܘܬܠܝܠܬܐ܃ ܟܕ ܢܙܕܪܒ ܩܛܝܪܐܝܬ ܠܡܣܕܩ ܥܒܝܘܬܗܿ
144:02 ܕܥܢܢܐ ܘܠܡܦܩ܊ ܙܡܡܐ ܡܕܡ ܘܩܠܐ ܕܠܐ ܒܙܥܘܪ ܥܿܒܕ ܠܗܼ܂ ܠܗܢܐ
144:03 ܪܥܡܐ ܡܫܡܗܝܢ ܠܗܿ ܘܐܝܬܘܗܝ ܩܠܗܼ ܒܕܡܘܬܐ ܕܪܘܚܐ ܕܡܬܛܪܕܐ
144:04 ܬܟܝܒܐܝܬ ܒܓܘ ܡܝ̈ܐ܃ ܒܗ ܕܝܢ ܒܬܠܚܗܿ ܕܥܢܢܐ ܟܕ ܬܫܬܠܗܒ ܗܼܝ
144:05 ܪܘܚܐ ܘܬܙܠܓܼ܂ ܒܪܩܐ ܡܫܬܡܗܐ܂ ܗܝܿ ܕܐܦ ܩܘܕܡܘܗܝ ܕܪܥܡܐ
144:06 ܡܬܚܙܐ܂ ܟܕ ܛܒ ܒܬܪܗ ܗܘܝܐܼ܂ ܒܝܕ ܕܡܕܡ ܕܡܫܬܡܥ ܡܟܢ
144:07 ܠܡܬܩܕܡܘ ܘܠܡܬܥܒܪܘ ܡܢ ܗܿܘ ܕܡܬܚܙܐ܂ ܒܗܿܝ ܕܗܘܿ ܡܕܡ ܕܡܬܚܙܐ
144:08 ܐܦ ܡܢ ܛܘܚܐ ܡܼܨܐ ܠܡܬܝܕܥܘ܂ ܗܿܘ ܕܝܢ ܕܡܫܬܡܥܼ ܡܐ ܕܢܬܩܪܒ
144:09 ܠܘܬ ܡܫܡܥܬܐ܂ ܘܝܬܝܪܐܝܬ ܗܘܝܐ ܗܕܐܿ܂ ܡܐ ܕܗܿܘ ܡܿܢ ܕܡܬܚܙܐܿ܂
144:10 ܝܬܝܪ ܡܢ ܟܠ ܨ̈ܒܘܬܐ ܢܗܘܐ ܩܠܝܠ܂ ܗܢܘ ܕܝܢ ܢܗܘܐ ܐܝܬܘܗܝ ܢܘܪܢܐ܂
144:11 ܗܘܿ ܕܝܢ ܕܡܫܬܡܥ ܢܗܘܐ ܒܨܝܪ ܒܩܠܝܠܘܬܗ ܠܡܐܬܐ ܠܘܬ ܡܫܡܥܬܐ܂
144:12 ܐܟܙܢܐ ܕܡܕܡ ܕܗܿܘܐ ܬܠܝܠ ܒܡܚܘܬܗ܃ ܘܗܘܿ ܬܘܒ ܡܕܡ ܕܡܒܪܩ܃
144:13 ܟܕ ܢܫܬܠܗܒ ܥܙܝܙܐܝܬ ܘܢܪܗܛܼ܂ ܥܕܡܐ ܠܐܪܥܐ ܙܠܩܐ ܕܡܿܚܐܼ ܡܫܬܡܗ܂
144:14 ܐܢܗܘܼ ܕܝܢ ܕܠܐ ܢܗܘܐ ܡܫܠܗܒ ܛܒ܃ ܐܠܐ ܗܘܐ ܬܟܝܒ ܘܢܚܿܬ ܡܢ
144:15 ܫܠܝܼ܂ ܗܢܐ ܦܪܝܣܛܝܪ܂ ܕܢܿܚܬ ܡܢ ܠܥܠ ܡܫܬܡܗ܂ ܐܢ ܕܝܢ ܕܠܐ ܢܘܪܐ
144:16 ܢܗܘܐ ܐܝܬܘܗܝ ܘܕܠܐ ܫܘܠܗܒܐ ܠܓܡܪܼ܂ ܗܢܐ ܡܬܩܪܐܼ ܦܩܥܐ܂ ܘܟܠ
144:17 ܚܕ ܚܕ ܡܢ ܗܠܝܢ ܟܕ ܢܬܡܬܚ ܘܢܙܕܪܒ ܥܕܡܐ ܠܐܪܥܐܼ܂ ܣܩܝܦܝܛܘܣ
144:18 ܡܫܬܡܗ܂ ܡܢܗܘܢ ܕܝܢ ܕܙܠܩ̈ܐ ܕܡܚܝܢ ܗܿܢܘܢ ܕܬܠܝܠܝܼܢ܂ ܟܒܪ̈ܬܢܐ
144:19 ܡܫܬܡܗܝܢ܂ ܗܿܢܘܢ ܕܝܢ ܕܩܠܝܠܝܼܢ܂ ܪ̈ܗܘܛܐ ܕܠܐ ܦܣܩܝܢ܂ ܥܩܠܩ̈ܠܐ
144:20 ܕܝܢ ܡܬܩܪܝܼܢ܂ ܗܿܢܘܢ ܕܗܿܘܝܢ ܒܕܡܘܬ ܣܘܪܛܐ ܡܦܬܠܐ܂ ܣܩ̈ܘܦܛܘ
144:21 ܕܝܢ ܡܫܬܡܗܝܼܢ܂ ܟܘܠܗܘܢ ܐܝܠܝܢ ܕܢܚܬܝܢ ܥܕܡܐ ܠܐܪܥܐ܂ ܐܝܟܢܐ
144:22 ܕܐܿܡܪܬ܂ ܘܟܢܝܫܐܝܬ ܠܡܐܡܪܼ܂ ܟܠܗܝܢ ܗܠܝܢ ܨ̈ܒܘܬܐ ܕܡܬܚܙܝܢ ܒܐܐܪ
144:23 ܡܢܗܝܢܿ܂ ܠܦܘܬ ܚܙܬܢ ܡܬܩܝܡܝܢ܂ ܐܟܙܢܐ ܕܩܫܬܐ܂ ܘܗܿܘ ܕܡܬܩܪܐ
144:24 ܫܒܛܐ܂ ܘܟܠܗܝܢ ܐܝܠܝܢ ܕܿܕܐܝܟ ܗܠܝܢ܂ ܘܡܢܗܝܼܢ ܩܢܘܡܐܝܬ ܗܘܼܿܝܢ܂
144:25 ܐܟܙܢܐ ܕܙܠܓ̈ܐ ܘܟܘܟܒ̈ܐ ܕܪ̈ܗܛܝܢ ܘܩܘܡ̈ܛܐ܂ ܘܗܿܢܝܢ ܕܕܡ̈ܝܢ ܠܗܝܢ܂
144:26 ܩܫܬܐ ܗܟܝܠ ܐܝܬܝܗܼܿ܂ ܙܗܪܐ ܕܓܝܓܠܗ ܕܫܡܫܐܿ܂ ܕܒܦܠܓܘܬ ܐܪܥܐ
144:27 ܒܠܚܘܕܝܗܿ܂ ܕܠܒܝܕ ܘܡܚܝܕ ܠܘܬ ܚܙܬܢܿ ܕܐܝܟ ܕܒܡܚܙܝܬܐ ܡܬܚܙܐ ܠܢ
144:28 ܒܦܠܓܘܬ ܚܘܕܪܐ܂܀ ܫܒܛܐ ܕܝܢ ܐܝܬܘܗܝ ܕܘܡܝܐ ܕܩܫܬܐ ܕܡܬܝܚ
144:29 ܬܪܝܨܐܝܬ܂ ܚܘܓܬܐ ܕܝܢ ܐܝܬܘܗܝܼܿ܂ ܙܗܪܐ ܕܢܨܝܚܘܬܗ ܕܚܕ ܡܢ ܢܗܝܪ̈ܐ
144:30 ܕܚܕܪ̈ܝ ܓܝܓܠܗܿ܂ ܕܡܫܚܠܦܐ ܡܢܗ ‍<‍ܕܩܫܬܐ‍>‍ ܒܝܚܝܕܝܘܬܗܿ܂ ܘܩܫܬܐ

next