← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 146

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


146:01 ܕܡܫܬܡܗ ܠܒܕܝܐ܂ ܘܡܢܗܘܢ ܠܓܡܪ ܡܚܒܠܝܢ ܠܗܘܢ܂ ܐܟܙܢܐ ܕܗܢܿܘܢ
146:02 ܕܒܦܘܪܓܝܐ܂܀ ܟܡܐ ܕܝܢ ܙܒ̈ܢܝܢ ܐܦ ܪܘܚܐ ܕܡܡܙܓ ܟܕ ܢܬܕܚܐ ܡܢ
146:03 ܠܬܚܬ ܡܢ ܚ̈ܠܠܝܗܿ ܕܐܪܥܐ܃ ܘܢܬܬܚܩ ܡܢ ܕܘܟܝ̈ܬܗܼ܂ ܐܬܪ̈ܘܬܐ ܣܓܝ̈ܐܐ
146:04 ܡܿܪܥܠ ܥܡܗ܂ ܟܡܐ ܕܝܢ ܙܒ̈ܢܝܢ ܡܐ ܕܢܗܘܐ ܣܓܝ ܛܒ܃ ܘܢܬܕܚܐ
146:05 ܡܢ ܥܘܡ̈ܩܝܗ ܕܐܪܥܐ܃ ܘܢܬܚܒܫ ܩܛܝܪܐܝܬܼ܂ ܢܐܙܠ ܠܗ ܥܡܗܿ ܟܕ
146:06 ܒܿܥܐ ܕܢܫܟܚ ܠܗ ܡܦܩܢܐ܂ ܘܥܿܒܕ ܠܗ ܠܓܕܫܐ ܗܢܐ ܗܘܿ ܕܡܥܕܝܢ
146:07 ܚܢܢ ܕܢܫܡܗܗ ܙܘܥܗܿ ܕܐܪܥܐ܂ ܡܢܗܘܢ ܕܝܢ ܕܝܠܗܘܢ ܕܙܘ̈ܥܐ ܗܿܢܘܢ ܡܿܢ
146:08 ܕܠܚܕ ܣܛܪ ܡܪܥܠܝܢ ܒܓܘ̈ܢܝܬܐ ܚܪ̈ܝܦܬܐ ܡܬܩܪ̈ܝܢ ܙܘ̈ܥܙܥܢܐ܂ ܗܿܢܘܢ
146:09 ܕܝܢ ܕܠܥܠ ܢܦܨܝܢ ܠܗܿ ܘܠܬܚܬ ܒܓܘ̈ܢܝܬܐ ܬܪ̈ܝܨܬܐܼ܂ ܓܕܝ̈ܐ ܡܫܬܡܗܝܢܿ܂
146:10 ܗܿܢܘܢ ܕܝܢ ܕܡܟܐ ܘܡܟܐ ܡܙܝܥܝܢ ܥܕܡܐ ܠܥܘܡܩܐ܂ ܪ̈ܥܠܐ ܡܬܩܪܝܢ܂
146:11 ܘܗܿܢܘܢ ܬܘܒ ܕܥܒܝܕܝܢ ܦ̈ܬܚܐ ܘܦ̈ܬܚܝܢ ܠܗܿ ܠܐܪܥܐܼ܂ ܦܚܘ̈ܬܐ
146:12 ܡܫܬܡܗܝܢ܂ ܘܗܼܢܘܢ ܕܝܢ ܗܠܝܼܢ܂ ܡܢܗܘܢ ܪ̈ܘܚܐ ܓܕܝ̈ܢܿ܂ ܘܡܣܩܝܢ
146:13 ܡܢ ܓܘ ܐܪܥܐ܂ ܘܡܢܗܘܢ ܟܐܦ̈ܐ ܪ̈ܘܪܒܬܐ܂ ܘܡܢܗܘܢ ܛܝܢܐ܂ ܡܢܗܘܢ
146:14 ܕܝܢ ܐܦ ܡܒܘ̈ܥܐ ܕܡܝ̈ܐ ܦܬܚܝܢ ܕܠܐ ܐܝܬܝܗܘܢ ܗܘܘ ܡܕܡ ܡܢ ܩܕܝܡ܂
146:15 ܡܢܗܘܢ ܕܝܢ ܐܦ ܡܓܙܝܢ ܠܗܘܢ ܒܚܕ ܕܚܝܐ܂ ܘܒܕܓܘܢ ܕܚܘ̈ܝܐ
146:16 ܩܪܝܢ ܠܗܘܢ ܠܗܠܝܢ܂ ܗܿܢܘܢ ܕܝܢ ܕܓܿܕܝܢ ܠܥܠ ܘܒܙܘܥܙܥܐ ܕܠܬܪ̈ܝܗܘܢ
146:17 ܓܒ̈ܐ ܢܛܪܝܢ ܠܗ ‍{‍ܘ‍}‍ܠܗܘܿ ܡܕܡ ܕܪܥܿܠ ܬܪܝܨܐܝܬ܂ ܪ̈ܬܝܬܐ ܡܫܬܡܗܝܢ܂
146:18 ܡܛܠ ܕܓܕܫܐ ܡܕܡ ܕܕܡܿܐ ܠܪܬܝܬܐ ܥܒܿܕܝܢ܂ ܗܿܘܝܢ ܕܝܢ ܒܙܒܢ ܐܦ
146:19 ܙܘ̈ܥܐ ܓܥܘ̈ܝܐ ܕܡܙܝܥܝܢ ܠܗܿ ܠܐܪܥܐ ܥܡ ܩܠ ܓܥܬܐ ܡܕܡ܂ ܟܡܐ ܕܝܢ
146:20 ܙܒ̈ܢܝܢ ܐܦ ܣܛܪ ܡܢ ܙܘ̈ܥܐ ܗܘܝܐ ܓܥܬܐ ܡܕܡ ܡܢ ܐܪܥܐ܂ ܡܐ
146:21 ܕܪܘܚܐ ܗܘܿ ܚܒܝܫ ܒܗܿ ܠܐ ܢܗܘܐ ܣܿܦܩ ܠܡܙܥܘܬܗܿ܂ ܐܠܐ ܟܕ
146:22 ܢܗܘܐ ܡܬܟܪܟ ܒܗ ܘܡܬܩܛܥ ܒܩܛܝܪܐ ܩܫܝܐ܃ ܢܬܠ ܩܠܐ ܕܐܝܟ ܗܢܐ܂
146:23 ܪ̈ܘܚܐ ܗܟܝܠ ܗܠܝܢ ܕܡܙܝ̈ܥܐܢ܂ ܐܝܬ ܐܡܬܝ ܕܐܦ ܒܪܛܝܒܘܬܐ ܕܒܓܘ
146:24 ܐܪܥܐ ܡܬܡܙܓܐ܂ ܘܒܕܓܘܢ ܐܦ ܒܝܡܐ ܓܕܫ̈ܢ ܒܕܡܘܬܐ ܕܗܠܝܢ
146:25 ܕܐܬܐܡܪ܂܀ ܟܡܐ ܓܝܪ ܙܒ̈ܢܝܢ ܗܘܿܐ ܒܝܡܐ ܐܦ ܫܘܢܝܐ ܕܡܢ ܕܘܟ
146:26 ܠܕܘܟ܂ ܘܚܐܦܐ ܕܓ̈ܠܠܐ ܬܟܝ̈ܒܐ܂ ܕܒܙܒܢ ܡܢ ܠܘܩܒܠ ܚ̈ܕܕܐ ܐܪ̈ܥܝܢ܂
146:27 ܘܒܙܒܢ ܠܚܕ ܓܒܐ ܒܠܚܘܕ ܡܬܕܚܝܢ܂ ܐܟܙܢܐ ܕܟܬܝܒ܂ ܕܗܘܼܐ ܒܐܠܘܩܝܢ
146:28 ܘܒܒܘܪܢ܂܀ ܟܡܐ ܕܝܢ ܙܒ̈ܢܝܢ ܐܦ ܓ̈ܕܝܐ ܕܢܘܪܐ ܗܘܿܝܢ ܒܝܡܐ܂
146:29 ܘܥܒܿܕܝܢ ܪܕܝܐܼ ܕܡܒܘ̈ܥܐ ܘܡ̈ܦܩܢܐ ܕܢܗܪ̈ܘܬܐ܂ ܘܡܘ̈ܥܝܬܐ ܕܐܝ̈ܠܢܐ܂
146:30 ܘܡܪܕܝܬܐ ܬܘܒ ܘܟܪܘܟܝܬܐ܂ ܒܕܡܘܬܐ ܕܗܢܿܘܢ ܕܐܡܪܝܢ ܕܗܿܘܝܢ ܡܢ

next