← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 148

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


148:01 ܚܕ ܟܝܢܐ܂ ܘܚܕܐ ܐܪܡܘܢܝܐ ܐܬܩܢܗܿ ܡܢ ܪ̈ܝܫܐ ܕܕܠܩܘܒܠܐ܂ ܘܗܟܘܬ
148:02 ܚܒܟ ܝܒܝܫܐ ܒܪܛܝܒܐ܂ ܘܩܪܝܪܐ ܒܚܡܝܡܐ܂ ܘܝܩܝܪܐ ܒܩܠܝܠܐ܂ ܘܬܪܝܨܐ
148:03 ܒܟܦܝܦܐ܂ ܘܐܬܩܢ ܐܪܥܐ ܟܠܗܿ ܘܝܡܐ ܘܐܬܝܪ܂ ܘܫܡܫܐ ܘܣܗܪܐ ܥܡ
148:04 ܟܠܗܿ ܫܡܝܐ܂ ܚܝܠܐ ܕܝܢ ܗܿܘ ܕܒܝܕ ܟܘܠܗܘܢ ܦܪܝܣ ܚܕ ܐܝܬܘܗܝ܂
148:05 ܗܘܿ ܕܡܢ ܨܒ̈ܘܬܐ ܐܚܪ̈ܢܝܬܐ ܘܢܘܟܪ̈ܝܬܐ܃ ܗܢܘ ܕܝܢ ܡܢ ܐܐܪ ܘܐܪܥܐ܃
148:06 ܘܡܢ ܢܘܪܐ ܘܡܝ̈ܐ܃ ܠܟܠܗ ܩܘܝܡܗ ܕܥܠܡܐ ܒܪܐܼ܂ ܘܒܚܕ ܟܦܦܗܿ
148:07 ܕܐܣܦܝܪܐ ܚܒܼܫ܂ ܘܟܝ̈ܢܐ ܕܐܝܬܝܗܘܢ ܒܗ ܕܕܠܩܘܒܠܐ ܕܚ̈ܕܕܐܼ܂ ܐܠܼܨ
148:08 ܕܢܫܠܡܘܢ ܠܚܕܐ܂ ܟܕ ܡܬܛܟܢ ܡܢ ܗܠܝܢ ܠܡܫܟܚܘ ܢܘܛܪܐ ܠܟܘܠ܂
148:09 ܘܡܢܗ ܬܘܒ ܕܗܢܐ ܚܝܠܐ ܐܬܬܩܢܬ ܫܠܡܘܬܗܘܢ ܕܐܣܛܘ̈ܟܣܐ܂
148:10 ܕܬܗܘܐ ܫܘܝܐ ܥܡ ܠܐ ܫܠܡܘܬܗܘܢܿ ܐܝܟ ܕܠܐ ܢܗܘܐ ܚܕ ܡܢܗܘܢ
148:11 ܚܝܠܬܢ ܡܢ ܚܒܪܗ܂܀ ܢܙܠܐ ܓܝܪ ܫܘܝܐ ܩܢܼܝܐ ܝܩܝܪܘܬܐ ܕܒܥܠܡܐܿ܂ ܠܦܘܬ
148:12 ܩܠܝܠܘܬܐ܂ ܘܚܡܝܡܘܬܐ ܬܘܒ ܠܦܘܬ ܩܪܝܪܘܬܐܼ ܚܝܠܐ ܕܫܼܘܐ ܩܢܼܝܐ܂
148:13 ܟܕ ܡܿܠܦ ܠܢ ܟܝܢܐ܃ ܐܦ ܒܝܕ ܗܠܝܢ ܐܝܬܝܗܿ ܕܥܠܡܐ܂ ܗܿܘ ܕܐܝܬܘܗܝ
148:14 ܐܝܬܝܗܿ ܕܐܘܝܘܬܐ܂ ܐܘܝܘܬܐ ܕܝܢ ܦܘܪܩܢܐ ܐܝܬܝܗܿ ܕܥܠܡܐ܂ ܗܿܘ ܕܐܝܬܘܗܝ
148:15 ܝܠܘܕܐ ܕܟܠ ܡܕܡܿ܂ ܘܡܝܬܪܐ ܡܢ ܟܠܡܕܡ܂܀ ܡܢܐ ܓܝܪ ܐܝܬ ܕܡܝܬܪ ܡܢ
148:16 ܥܠܡܐ܂ ܟܠ ܡܕܡ ܓܝܪ ܕܢܦܬܚ ܐܢܫ ܦܘܡܗ ܘܢܐܡܪܼ܂ ܡܿܢܬܐ ܐܝܬܘܗܝ
148:17 ܡܢܗ܂ ܐܠܐ ܐܦ ܠܡܛܟܣܘܬܐ ܡܢ ܬܘܩܢܗ ܕܥܠܡܐ ܢܣܒܝܢܢ ܘܐܡܪܝܢܢ
148:18 ܠܗܼܿ ܕܡܬܩܢܬܐ ܗܝ܂܀ ܡܢܐ ܕܝܢ ܐܝܬ ܡܢ ܗܠܝܢ ܕܒܐܝܕܐ ܒܐܝܕܐܿ܂
148:19 ܕܡܼܨܐ ܕܢܫܬܘܐ ܥܡ ܡܛܟܣܘܬܐ ܕܫܡܝܐܿ܂ ܘܥܡ ܡܬܬܙܝܥܢܘܬܐ ܕܟܘܟ̈ܒܐ
148:20 ܘܕܫܡܫܐ ܘܕܣܗܪܐܿ܂ ܕܡܬܙܝܥܝܢ ܒܡܘ̈ܫܚܬܐ ܚܬܝ̈ܬܬܐ ܡܢ ܥܠܡ ܘܥܕܡܐ
148:21 ܠܥܠܡ܂ ܐܝܢܐ ܓܝܪ ܫܪܪܐ ܡܨܐ ܕܢܗܘܐ ܕܐܝܟ ܗܢܐܿ܂ ܕܢܛܪ̈ܝܢ ܙܒ̈ܢܐ ܕܫܢܬܐܿ܂
148:22 ܕܐܝܬܝܗܘܢ ܡܝܬܪ̈ܐ ܘܡܘ̈ܠܕܢܐ ܕܟܠ܂ ܟܕ ܥܒܿܕܝܢ ܩܝܛܐ ܘܣܬܘܐ
148:23 ܡܛܟܣܐܝܬ܂ ܘܐܝܡ̈ܡܐ ܘܠܝܠܘ̈ܬܐ܂ ܠܫܘܠܡܐ ܕܝܪ̈ܚܐ ܘܕܫܢܬܐ܂ ܐܠܐ ܐܦ
148:24 ܒܪܒܘܬܗ ܗܼܘ ܗܢܐܼ܂ ܠܟܠ ܡܕܡ ܥܒܿܪ܂ ܘܒܡܬܙܝܥܢܘܬܗ ܝܬܝܪ ܡܢ
148:25 ܟܠ ܚܪܝܦ܂ ܘܒܨܡܚܗ ܡܢ ܟܠ ܡܝܬܪ܂ ܘܒܚܝܠܗ ܐܝܬܘܗܝ ܕܠܐ
148:26 ܣܐܿܒ ܘܠܐ ܡܬܚܒܠ܂ ܗܢܐ ܗܟܝܠ ܟܝܢܐ ܐܚܕ ܕܚܝܘ̈ܬܐ ܡܫ̈ܚܠܦܬܐ
148:27 ܕܒܝܡܐ ܘܕܒܝܒܫܐ ܘܕܒܐܐܪ܂ ܘܚܝ̈ܐ ܘܕܘܒܪ̈ܐ ܬܚܿܡ ܠܗܝܢ ܒܡܬܙܝܥܢܘܬܐ
148:28 ܕܝܬܗ܂ ܟܠܗܝܢ ܚܝܘ̈ܬܐ ܚܝ̈ܝܢ ܘܢܣܒ̈ܢ ܢܦܫܐ܂ ܡܢ ܗܢܐ ܗܿܘܝܢ ܐܦ
148:29 ܣܬܘ̈ܐ ܩܫ̈ܝܐ܂ ܡܛܟܣܐܝܬ ܟܕ ܢܫܒ̈ܢ ܪ̈ܘܚܐ ܕܟܠ ܓܢܣ܂ ܘܢܦܠܝܢ
148:30 ܒܪ̈ܩܐ ܬܩ̈ܝܦܐ܂ ܘܗܘܝܢ ܫ̈ܦܥܐ ܪܘܪ̈ܒܐ܂ ܘܡܢ ܗܠܝܢ ܟܕ ܡܬܥܨܪ ܐܐܪ

next