← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 149

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


149:01 ܘܡܬܦܘܫܫ ܫܘܠܗܒܐ ܕܒܗ܂ ܡܿܝܬܐ ܠܗ ܠܐܘܝܬܐ ܠܗܢܐ ܟܠ܂
149:02 ܘܐܪܥܐ ܬܘܒ ܡܦܪܝܐ ܢܨ̈ܒܬܐ ܕܟܠ ܓܢܣ܂ ܘܡܒܘ̈ܥܐ ܕܟܠ ܓܢܣ܂
149:03 ܓܣܝܐ ܘܐܝܬ ܒܗܿ܂ ܘܚܝܘ̈ܬܐ ܬܘܒ ܒܙܒܢ ܙܒܢ ܡܦܩܐ ܘܡܩܒܠܐ
149:04 ܘܡܪܒܝܐܿ܂ ܟܕ ܡܦܩܐ ܪ̈ܒܘ ܐܕܫ̈ܝܢ ܕܥܣ̈ܒܐ܂ ܘܢܛܪܐ ܠܗ ܠܟܝܢܐ ܒܗܿ
149:05 ܒܕܡܘܬܐ ܕܠܐ ܣܝܒܘ܂ ܟܕ ܛܒ ܢܦܨܐ ܠܗܝܢ ܒܙܒܢ ܠܢܨܒ̈ܬܐ ܘܫܦܥܐ
149:06 ܒܛܘܦ̈ܢܐ ܘܡܬܚܒܠܐ ܒܡ̈ܢܘܢ ܡܢܘ̈ܢ܂ ܒܝܩ̈ܕܢܐ ܕܢܘܪܐ܂ ܕܡܿܝܐ ܕܝܢ ܕܐܦ
149:07 ܟܠܗܝܢ ܗܠܝܢ ܠܛܒ̈ܬܗܿ ܗ̈ܘܝܢ܂ ܡܛܠ ܕܢܘܛܪܐ ܕܠܥܠܡ ܝܗܝܒܢ ܠܗܿ܂
149:08 ܡܦܩܢܐ ܓܝܪ ܕܪ̈ܘܚܐ ܕܗ̈ܘܝܢ ܡܢܗܿ ܡܐ ܕܪܥܿܠܐ ܘܡܬܦܚܬܐܼ܂ ܡܫܒ̈ܐ
149:09 ܗܘ̈ܝܢ ܥܠܝܗܿ܂ ܘܐܝܟܢܐ ܕܡܢ ܠܥܠ ܐܡܪܢ܂ ܡܬܕܟܝܐ ܡܐ ܕܛܝܿܦܐ ܒܫܦ̈ܥܐ܂
149:10 ܡܬܫܝܓܐ ܕܝܢ ܡܢܗܿ ܟܘܠܗܿ ܟܪܝܗܘܬܐ܃ ܡܐ ܕܢܗܡܿܝܢ ܦܘܝܓ̈ܐ ܘܥܒܕܝܢ
149:11 ܕܘܟ̈ܝܐ ܠܗܿ ܘܠܗܿܝܢ ܕܥܠܝܗܿ܂ ܐܦ ܫܘܠܗ̈ܒܐ ܬܘܒ ܕܗܘܿܝܢ ܒܗܿ
149:12 ܡܪ̈ܟܟܝܢ ܠܗܘܢ ܠܩܘܪ̈ܫܐ ܘܠܩܘܪ̈ܐ܂ ܘܗܿܢܝܢ ܬܘܒ ܟܕ ܡܫܬܪ̈ܝܢ
149:13 ܡܘܠܕܝܢ ܡܒܘ̈ܥܐ܂ ܘܟܢܝܫܐܝܬ ܠܡܐܡܪܼ܂ ܗܿܢܝܢ ܕܒܐܝܕܐ ܘܒܐܝܕܐ ܟܠܗܝܢ
149:14 ܡܢܗܝܢ ܗ̈ܘܝܢ܂ ܘܡܢܗܝܢ ܡܬܥܠܡܼܢ ܘܡܢܗܝܢ ܣܐܒ̈ܢ܂ ܘܡܘ̈ܠܕܝܗܝܘܢ
149:15 ܡܢ ܕܨܪ̈ܘܬܐ ܡܥܕܪܝܢ ܠܗܘܢ ܠܚܒ̈ܠܐ܂ ܘܚܒ̈ܠܐ ܕܝܢ ܡܣܝܥܝܢ ܠܗܘܢ
149:16 ܠܡܘ̈ܠܕܐ܂ ܘܚܕ ܦܘܪܩܢܐ ܗܿܘܐ ܡܢ ܟܠܗܘܢ ܒܟܠܙܒܢ ܟܕ ܫܘܝܢ
149:17 ܣܩܘܒܠܝܘܬܗܘܢ ܠܘܩܒܠ ܚ̈ܕܕܐ܂ ܘܟܕ ܗܢܐ ܥܿܫܢ ܘܗܿܘ ܡܬܥܫܼܢ܂
149:18 ܢܛܪ̈ܝܢ ܠܗ ܠܗܢܐ ܟܠ ܕܠܐ ܚܒܠ ܥܕܡܐ ܠܥܠܡ܂܀ ܕܫܪܟܐ ܕܝܢ ܐܝܬܝܗܿ
149:19 ܕܐܦ ܕܥܠ ܥܠܬܼܐ ܗܝܿ ܕܐܚܝܕܐ ܠܟܠܗܘܢ ܗܘ̈ܝܐ ܠܡܐܡܪ ܒܦܣ̈ܝܩܬܐ ܐܝܟ
149:20 ܕܐܦ ܥܠ ܟܠܗܝܢ ܗܢܿܝܢ ܐܚܪ̈ܢܝܬܐ܂ ܡܛܠ ܕܣܟܠܐ ܗܝ ܕܢܐܡܪ ܡܛܠ
149:21 ܥܠܬܐ ܐܦܢ ܠܘ ܚܬܝܬܐܝܬܿ܂ ܐܠܐ ܐܝܟ ܕܠܘܬ ܛܘܦܣܐ ܕܝܘܠܦܢܐܿ ܘܢܫܒܘܩ
149:22 ܡܠܬܐ ܕܥܠ ܗܘܿ ܕܡܝܬܪ ܡܢ "ܥܠܐܡܐ"‍<‍܂‍>‍ ܡܠܬܐ ܗܟܝܠ ܡܕܡ ܥܬܝܩܬܐ ܐܝܬܝܗܿ
149:23 ܘܐܡܐ܂ ܘܡܫܠܡܢܘܬܐ ܕܟܠܗܘܢ ܒܢܝܢܫ̈ܐ܂ ܗܝ ܕܟܠܡܕܡ ܡܢ ܐܠܗܐ ܘܡܛܠ
149:24 ܐܠܗܐ ܬܬܩܝܡ܂ ܠܐ ܐܝܬ ܕܝܢ ܐܦܠܐ ܚܕ ܟܝܢܐ ܕܗܼܘ ܡܢ ܝܬܗ ܣܿܦܩ
149:25 ܗܘܐ ܠܡܟܬܪܘܿ܂ ܐܠܘ ܐܬܢܟܪ܂܂ ܡܢ ܦܘܪܩܢܗ ܕܗܢܐ܂ ܘܡܛܠ ܗܢܐ
149:26 ܢܦܼܠܬ ܠܡܐܡܪ ܐܢܫ̈ܝܢ ܡܢ ܩܕܡ̈ܝܐܿ܂ ܕܟܠܗܝܢ ܗܠܝܢ ܕܡܬܚܙܝܢ ܠܢ ܒܝܕ
149:27 ܥܝ̈ܢܝܢܿ܂ ܘܡܬܪ̈ܓܫܢ ܠܢ ܒܝܕ ܟܠܗܿ ܪܓܫܬܢ܂ ܡܢ ܐܠܗ̈ܐ ܡ̈ܠܝܢ܂
149:28 ܘܠܚܝܠܐ ܡܢ ܐܠܗܝܐܼ ܦܐܝܐ ܗܝ ܡܠܬܗܘܢ ܗܕܐ܂ ܠܐܘܣܝܐ ܕܝܢ ܠܐ ܠܚܡܿܐ܂
149:29 ܦܪܘܩܐ ܓܝܪ ܐܝܟ ܕܒܫܪܪܐ ܐܝܬܘܗܝ ܐܠܗܐ܂ ܘܝܠܘܕܐ ܕܟܠܗܝܢ ܐܝܠܝܢ
149:30 ܕܐܝܟܢ ܕܗܼܘ ܡܫܬܡܠܝܢ ܒܗ ܒܥܠܡܐ‍<‍܂‍>‍ ܠܘ ܕܝܢ ܗܘܼ ܩܢܘܡܗ ܡܣܝܒܪ

next