← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 150

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


150:01 ܥܡܠܐ ܒܕܡܘܬ ܚܝܘܬܐ ܡܕܡ ܥܡܘܠܬܐ܂ ܐܠܐ ܒܚܝܠܐ ܡܬܚܫܚ ܕܠܐ ܠܐܐ܂
150:02 ܗܿܘ ܕܒܐܝܕܘ̈ܗܝ ܚܣܿܢ ܐܦ ܐܝܠܝܢ ܕܡܣܬܒܪ̈ܢ ܕܪ̈ܚܝܩܢ ܘܡܒ̈ܥܕܢܿ ܪܝܫܐ
150:03 ܗܟܝܠ ܗܘܿ ܕܩܕܡܝ ܛܒ ܘܡܥܠܝ ܥܠܡܐ ܠܗ ܡܛܼܐ܂ ܘܒܕܓܘܢ ܚܙܝܐ
150:04 ܕܟܠ ܐܫܬܡܗ ܐܝܟ ܕܐܡܪ ܦܐܘܛܐ ܐܡܪܘܣ܂ ܘܡܛܠ ܕܒܪܘܡܐ ܗܿܘ
150:05 ܥܠܝܐ ‍<‍ܕ‍>‍ܟܠܗܿ ܫܡܝܐ ܫܼܪܐ܃ ܝܬܝܪܐܝܬ ܘܩܕܡܐܝܬ ܡܿܩܒܠ ܡܢ ܚܝܠܗ ܓܘܫܡܐ
150:06 ܗܿܘ ܕܩܪܝܒ ܠܗ܂ ܘܡܛܠ ܗܢܐ ܒܨܝܪܐܝܬ ܕܠܬܚܬ ܡܢܗ܂ ܕܗܟܘܬ
150:07 ܒܐܝܕܐ ܒܐܝܕܐ ܥܕܡܐ ܠܐܬܪ̈ܘܬܐ ܕܨܐܕܝܢܿ܂ ܟܠ ܚܕ ܚܕ ܡܢ ܗܘ̈ܝܐ ܠܦܘܬ
150:08 ܟܝܢܗ܂ ܘܒܕܓܘܢ ܐܪܥܐ ܟܠܗܿ ܘܗܠܝܢ ܕܥܠܝܗܿ ܕܡ̈ܝܢ܂ ܕܡܛܠ ܕܒܡ‍{‍ܥܒ‍}‍‍<‍ܒܥ‍>‍ܕܢܘ̈ܬܐ
150:09 ܣܓܝ̈ܐܬܐ ܐܝܬܝܗܝܢ ܕܝܘܬܪܢܐ ܕܡܢ ܐܠܗܐ܃ ܡܚܝ̈ܠܢ ܛܒ ܘܬܚܘܒ̈ܢ܂ ܘܡ̈ܠܝܢ
150:10 ܒܠܝܠܘܬܐ ܕܠܐ ܒܙܥܘܪ܂ ܐܠܐ ܡܛܠ ܕܐܠܗܐ ܕܒܟܠܕܘܟ ܡܟܢ ܠܡܥܒ‍{‍ܕ‍}‍‍<‍ܪ‍>‍܃ ܐܦ
150:11 ܗܿܢܝܢ ܕܒܐܬܪ̈ܘܬܐ ܗܠܝܢ ܕܨܐܕܝܼܢ܂ ܢܣܒ̈ܢ ܐܢܝ̈ܢ ܡܢ ܥܘܕܪ̈ܢܘܗܝ܂ ܗܿܢܝܢ
150:12 ܕܝܢ ܕܠܥܠ ܡܢܢܿ܂ ܠܦܘܬ ܩܪܝܒܘܬܗܝܼܢ ܘܠܦܘܬ ܪܚܝܩܘܬܗܝܢ܂ ܗܟܘܬ
150:13 ܝܬܝܪܐܝܬ ܘܒܨܝܪܐܝܬ ܠܦܘܬ ܟܝܢܗܘܢ ܡܩܒ̈ܠܢ ܝܘܬܪܢܐ ܕܡܢܗ܂܀ ܗܕܐ
150:14 ܗܟܝܠ ܦܐܝܐ ܘܙܕܩܐ ܘܠܚܡܿܐ ܝܬܝܪܐܝܬ ܠܡܪܢܐ ܥܠ ܐܠܗܐܼ܂ ܕܚܝܠܐ ܗܿܘ ܕܫܼܪܐ
150:15 ܒܫܡܝܐܿ܂ ܐܦ ܠܨ̈ܒܘܬܐ ܟܠܗܝܢ ܗܠܝܢ ܕܛܒ ܪ̈ܚܝܩܢ ܘܡܒ̈ܥܕܢܼܿ ܗܘܝܘ
150:16 ܥܠܼܬܐ ܕܦܘܪܩܢܐ ܘܕܥܘܕܪܢܐ܂ ܝܬܝܪ ܡܢ ܗܿܝ ܕܢܪܢܐ ܕܗܘܼ ܟܕ ܗܘܼ ܚܝܠܐ
150:17 ܦܪܝܣ ܘܢܨܝܒ܂ ܐܝܟܐ ܕܠܐ ܦܐܐ ܘܠܐ ܫܦܝܪ܂ ܥܒܿܪ ܠܗ ܒܝܕ ܩܢܘܡܗ
150:18 ܠܗܢܿܝܢ ܕܒܐܪܥܐ܂ ܗܕܐ ܕܝܢ ܐܦܠܐ ܥܠ ܚܕ ܐܢܫ ܡܢ ܒܢܝ̈ܢܫܐ ܠܚܡܿܐ
150:19 ܠܡܪܢܐܿ ܕܡܗܝܼܡܢ ܥܠ ܓܒܪܐ ܐܝܢܐ ܕܗܘܼ܂ ܐܡܿܪ ܐܢܐ ܕܝܢ ܐܟܙܢܐ ܕܥܠ
150:20 ܡܕܒܪܢܐ ܕܐܣܛܪܛܝܐ܂ ܐܘ ܕܡܕܝܢܬܐ ܡܕܡ ܐܘ ܕܒܼܝܬܐ܂ ܠܗܢܐ ܓܝܪ ܠܐ
150:21 ܦܐܝܐ ܕܢܣܒ ܡ̈ܐܢܐ܂ ܐܢ ܢܗܘܐ ܣܘܢܩܢܐ ܠܡܫܩܠ ܐܢܘܢ ܐܘ ܕܢܥܒܕ
150:22 ܥܿܒܕܐ ܫܝܛܐ ܐܝܢܐ ܕܗܘܼ܃ ܗܘܿ ܕܓܕܫܐ ܘܥܿܒܕ ܗܘܐ ܠܗ ܒܪܒܝܬܐ܂܀ ܐܠܐ
150:23 ܐܟܙܢܐ ܕܡܟܬܒܐ ܥܠ ܡܿܠܟܐ ܗܘܿ ܪܒܐ ܩܡܒܣܝܣ܂ ܘܥܠ ܟܘܪܫ ܘܥܠ
150:24 ܕܪܝܘܫ܃ ܕܡܨܒܬܝܢ ܗܘܘ ܒܐܣܟܡܐ ܪܒܐ ܘܒܫܘܒܚܐ ܘܒܪܒܘܬ ܝܐܝܘܬܐ܂
150:25 ܘܟܠ ܚܕ ܚܕ ܡܢܗܘܢ ܐܝܟ ܕܐܡܪܐ ܡܠܬܐ ܫܼܪܐ ܗܘܐ ܒܫܘܫܢ ܐܘ
150:26 ܒܐܩܒܛܝܘܣ܃ ܟܕ ܝܬܿܒ ܒܒܝܬܐ ܕܦܐܐ ܠܡܠܟܘܬܐ܃ ܘܚܐܪ ܒܟܠ ܡܕܡ
150:27 ܬܡܝܗܐܝܬ ܘܫܼܪܐ ܒܒܝܪܬܐ ܕܡܨܡܚܐ ܒܕܗܒܐ܃ ܘܒܐܠܩܛܪܘܢ ܘܒܓܪܡ
150:28 ܦܝܠܐ܃ ܕܐܝܬ ܠܗܿ ܬܪ̈ܥܐ ܣܓܝ̈ܐܐ ܘܪ̈ܘܪܒܐ܃ ܘܣܝܡ ܠܓܘ ܡܢ ܬܪ̈ܥܐ
150:29 ܣܓܝ̈ܐܐ ܕܪ̈ܚܝܩܝܢ ܐܣܛܕܘ̈ܬܐ ܡܢ ܚ̈ܕܕܐ܃ ܘܡܿܚܣܢ ܗܘܐ ܠܓܘ ܡܢ ܬܪ̈ܥܐ
150:30 ܕܢܚܫܐ ܘܫܘܪ̈ܐ ܪ̈ܘܪܒܐ܃ ܘܠܒܪ ܡܢ ܗܿܢܝܢ ܕܝܢ ܐܝܟ ܕܡܬܐܡܪܐ܃ ܓܒܪ̈ܐ

next