The Comprehensive Aramaic Lexicon

151:01	ܩܐܝܡܝܢ ܗܘܘ܃ ܗܿܢܘܢ ܩܕܡ̈ܝܐ ܘܚܝ̈ܠܬܢܐ܃ ܟܕ ܡܨܒܬܝܢ ܗܘܘ ܚܕܪ̈ܘܗܝ
151:02	ܡܿܢ ܕܡܿܠܟܐ ܩܝܘ̈ܡܘܗܝ ܘܡܫ̈ܡܫܢܘܗܝ܃ ܠܢܛܘܪܬܗܿ ܕܝܢ ܕܒܝܪܬܐ ܗܿܢܘܢ
151:03	ܕܡܬܩܪܝܢ ܬܪ̈ܥܐ ܘܢܛܪ̈ܝ ܚܨܐ܃ ܐܝܟܢܐ ܕܗܘܼ ܡܿܠܟܐ ܐܠܗܐ ܢܣܬܒܪ܃
151:04	ܕܟܠܡܕܡ ܚܿܙܐ ܘܟܠ ܡܕܡ ܫܡܿܥ܂܀ ܐܬܪ̈ܘܬܐ ܕܝܢ ܠܗܠܝܢ ܡܦܠܓܝܢ ܗܘܘ
151:05	ܠܥ̈ܠܠܬܐ܃ ܘܡܩܝܡܝܢ ܗܘܘ ܠܗ ܐܣܛܪ̈ܛܓܐ ܥܠ ܡܕܝ̈ܢܬܐ ܘܥܠ
151:06	ܢܚܫܝܪ̈ܬܢܘܬܐ܃ ܘܐܚܪ̈ܢܐ ܕܡܩܒܠܝܢ ܩܘܪ̈ܒܢܐ܃ ܘܐܚܪ̈ܢܐ ܗܿܢܘܢ ܕܝܨܝܦܝܢ
151:07	ܕܥܿܒ̈ܕܐ ܗܿܢܘܢ ܕܡܬܥܒܕܝܢ ܒܐܝ̈ܕܝܐ܃ ܘܒܟܠܗ ܫܘܠܛܢܐ ܕܐܣܝܐ܃ ܕܐܝܬܘܗܝ
151:08	ܣܟܗ ܡܢ ܓܒܐ ܗܿܘ ܡܥܪܒܝܐܼ܂ ܐܠܣܦܢܛܘܣ܂ ܡܢ ܗܿܘ ܕܝܢ
151:09	ܡܕܢܚܝܐ ܗܢܕܘ̈ܝܐ܂ ܒܟܠܗܘܢ ܥܡܡ̈ܐ ܡܕܒܪ̈ܢܐ ܐܝܬ ܗܘܐ ܠܗ܂ ܘܣܛܪ̈ܦܐ܂
151:10	ܘܥܒܼ̈ܕܝ ܡܠܟ̈ܐܼ ܘܕܘܩ̈ܐܼ܂ ܘܒܪ̈ܝܕܪܐ ܘܡܣܒܪ̈ܢܐ܂ ܘܕܘܩ̈ܐ ܕܒܝܬ ܢܘܪܐ ܕܚܕ
151:11	ܠܚܕ ܡܚܘܝܢ ܗܘܘ܂ ܘܕܐܝܟ ܗܟܢܐ ܐܝܬܝܗܿ ܗܘܬ ܨܒܬܗ ܘܪܒܘܬܗ
151:12	ܘܝܐܝܘܬܗ܂ ܘܝܬܝܪܐܝܬ ܒܗܘܢ ܒܗܠܝܢ ܕܘܩ̈ܐܿ܂ ܕܚܕ ܠܚܕ ܡܝܒܠܝܢ ܗܘܘ
151:13	ܙܗܪܐ ܕܢܘܪܐ ܡܢ ܣܟܐ ܕܫܘܠܛܢܗܿ܂ ܥܕܡܐ ܠܫܘܫܢ ܒܝܪܬܐܼ ܘܠܐܩܒܛܝܣ܂
151:14	ܐܝܟܢܐ ܕܒܗ ܒܝܘܡܐ ܢܕܥ ܡܿܠܟܐ ܟܘܠܗܝܢ ܐܝܠܝܢ ܕܗ̈ܘܝܢ ܗܘ̈ܝ ܚܕܬ
151:15	ܐܘ ܡܬܙܝ̈ܥܢ ܗܘ̈ܝ ܒܐܣܝܐ܂ ܗܿܢܝܢ ܟܠܗܝܢ ܡܟܬܒܢ ܥܠܘܗܝ ܕܡܿܠܟܐ ܗܢܐ
151:16	ܪܒܐ܂ ܙܕܩܿ ܕܝܢ ܕܢܚܫܒܝܘܗܝ ܠܫܘܒܚܗ ܘܠܪܒܘܬ ܝܐܝܘܬܗ܂ ܒܦܚܡܐ
151:17	ܕܐܠܗܐ ܗܘܿ ܕܡܕܒܪ ܠܗ ܠܥܠܡܐ܂ ܕܐܝܟ ܗܟܢܐ ܒܨܝܪ܂ ܐܝܟ ܟܡܐ ܕܒܨܝܪܐ
151:18	ܡܢ ܕܗܘܿ ܬܫܒܘܚܬܐ ܕܚܝܘܬܐ ܡܕܡ ܫܝܛܬܐ ܘܬܚܘܒܬܐ܂܀ ܡܕܝܢ ܐܢܗܘܼ
151:19	ܕܡܫܟܪܐ ܠܡܣܒܪܘ܃ ܕܗܼܘ ܟܘܪܫ ܩܢܘܡܗ ܥܿܒܕ ܗܘܐ ܟܠܡܕܡ ܘܡܫܡܠܐ
151:20	ܗܘܐ ܟܠܡܕܡ ܕܨܒܐ ܗܘܐ ܠܡܥܒܕ ܗܘܼ ܒܐܝܕܘ̈ܗܝ܃ ܘܒܟܠܕܘܟ ܗܘܼ
151:21	ܡܫܬܟܚ ܗܘܐ ܘܟܢ ܡܿܕܒܪ ܛܒܼ܂ ܣܓܝ ܝܬܝܪܐܝܬ ܡܫܟܪܐ ܐܦ ܥܠ
151:22	ܐܠܗܐ ܠܡܪܢܝܗܿ ܠܗܕܐ܂ ܡܫܟܪܐ ܕܝܢ ܝܬܝܪ ܡܢ ܗܕܐ ܘܠܐ ܦܐܝܐܼ܂ ܐܦ
151:23	ܗܝܿ ܕܢܪܢܐ ܐܢܫ ܕܟܕ ܗܘܼ ܫܼܪܐ ܒܐܬܪܐ ܗܿܘ ܥܠܝܐܿ܂ ܦܪܝܣ ܚܝܠܗ ܒܝܕ
151:24	ܟܘܠܗ ܥܠܡܐܿ܂ ܘܡܙܝܥ ܠܫܡܫܐ ܘܠܣܗܪܐܿ܂ ܘܡܒܪܟ ܠܗ ܠܟܘܠܗܿ
151:25	ܫܡܝܐܿ܂ ܘܗܘܿܐ ܥܠܬܐ ܕܦܘܪܩܢܐ ܠܟܘܠܗܝܢ ܕܒܐܪܥܐ܂ ܠܐ ܓܝܪ ܣܢܝܩ
151:26	ܥܠ ܬܫܡܫܬܐ ܘܬܥܕܝܪܐ ܕܡܢ ܐܚܪ̈ܢܐܿ܂ ܐܝܟ ܕܣܢܝܩܝܢ ܫ̈ܠܝܛܐ ܕܠܘܬܢ
151:27	ܥܠ ܥܕܪܐ ܕܠܘܬ ܡܚܝܠܘܬܗܘܢܿ ܐܠܐ ܗܕܐ ܐܝܬܝܗܿ ܕܡܥܠܝܐ ܘܐܠܗܝܐܼ܂
151:28	ܕܦܫܝܩܐܝܬ ܘܥܡ ܡܬܙܝܥܢܘܬܐ ܦܫܝܛܬܐ ܢܫܡܠܐ ܐܕܫ̈ܐ ܕܟܠ ܓܢܣ܂
151:29	ܐܟܙܢܐ ܕܥܒܕܝܢ ܒ̈ܢܝ ܐܘܡܢܘܬܐ ܗܝܿ ܪܒܬܐ܂ ܕܒܝܕ ܚܕ ܦܟܪܗ
151:30	ܕܐܘܪܓܢܘܢܼܿ ܡܫܡܠܝܢ ܡܥܒ̈ܕܢܘܬܐ ܣܓ̈ܝܐܬܐ ܘܡܫܚܠܦ̈ܬܐ܂ ܒܗܿ ܕܝܢ