The Comprehensive Aramaic Lexicon

152:01	ܒܕܡܘܬܐ ܥܒܿܕܝܼܢ܂ ܐܦ ܗܢܿܘܢ ܕܡܙܝܥܝܢ ܨ̈ܠܡܐ ܡܕܡܿ܂ ܕܟܕ ܢܬܠܘܢ
152:02	ܒܚܕܐ ܡܿܢܬܐ܂ ܥܿܒܕܝܢ ܠܗ ܠܩܕܠܗ ܕܨܠܡܐ ܕܢܬܙܝܥ܃ ܘܠܐܝܕܗ ܘܠܥܝܢܗ܂
152:03	ܐܝܬ ܕܝܢ ܐܡܬܝ ܐܦ ܕܠܟܠܗܝܢ ܡ̈ܢܘܬܗ ܥܒ̈ܕܢܿ ܕܢܬܬܙܝ̈ܥܢ ܒܛܟܣܐ
152:04	ܡܕܡ܂ ܗܟܢܐ ܐܦ ܟܝܢܐ ܐܠܗܝܐܼ܂ ܡܢ ܡܬܙܝܥܢܘܬܗ ܡܕܡ ܦܫܝܛܬܐ
152:05	ܕܓܘܫܡܐ ܗܘܿ ܩܕܡܝܐܿ܂ ܝܿܗܒ ܚܝܠܐ ܠܗܠܝܢ ܕܢܩ̈ܝܦܝܢ܂ ܘܡܢ ܗܠܝܢ
152:06	ܬܘܒܼ ܡܘܫܛ ܠܗܠܝܢ ܕܪ̈ܚܝܩܝܢܿ܂ ܥܕܡܐ ܕܢܥܼܒܪ ܒܝܕ ܟܠ܂ ܟܠ ܓܝܪ
152:07	ܕܢܬܙܝܥ ܗܢܐ ܡܢ ܗܘܼܿ܂ ܐܦ ܗܘܼ ܬܘܒ ܡܙܝܥ ܠܐܚܪ̈ܢܐ ܥܡ ܟܘܠܗ
152:08	ܥܠܡܐ܂ ܘܗܟܘܬ ܟܠ ܚܕܐ ܚܕܐ ܡܢ ܡܢܘ̈ܬܗ ܕܗܢܐ ܟܠܼ܂ ܥܒܿܕܐ ܥܒܕܗܿ
152:09	ܠܬܘܩܢܐ ܕܟܠ ܚܕܐ ܚܕܐ ܡܢܗܝܢ܂ ܟܕ ܠܘ ܗܝܼ ܟܕ ܗܝܼ ܐܝܬܝܗܿ ܐܘܪܚܐ
152:10	ܕܟܠܗܝܢ܂ ܐܠܐ ܐܚܪܝܬܐ ܘܐܚܪܝܬܐ ܘܡܫ̈ܚܠܦܢ܂ ܘܐܝܬ ܕܝܢ ܡܢܗܝܼܢ܂ ܕܐܦ
152:11	ܐܘܪܚܐ ܕܕܠܩܘܒܠܐ ܩܼܢܝܢ ܒܡܬܬܙܝܥܢܘܬܗܝܢ܂ ܐܦ ܡܢܗ ܕܫܘܪܝܗܝܢ
152:12	ܩܕܡܝܐ܂ ܟܕ ܚܕ ܪܝܫܐ ܗܿܘܐ ܠܟܠܗܝܢ܂ ܐܟܙܢܐ ܕܐܢ ܐܢܫ ܡܢ ܚܕ ܩܘܩܝܐ
152:13	ܡܕܡ ܢܫܼ‍{‍ܪ‍}‍‍<‍ܕ‍>‍ܐ ܐܣܦܝܪܐ ܐܟܚܕ ܘܦܣܦܣܐ ܘܩܘܢܕܩܐ ܘܩܘܠܕܪܘܢ܂ ܟܠ ܚܕ
152:14	ܡܢ ܗܠܝܢ ܓܝܪ ܐܝܟ ܕܝܠܢܘܬܐ ܕܝܬܗ ܡܬܬܙܝܥ܂ ܐܘ ܐܢ ܐܢܫ ܢܗܘܐ
152:15	ܐܝܬ ܠܗ ܒܥܘܒܗ ܚܝܘܬܐ ܡܕܡ ܕܝܡܐ ܐܟܚܕ ܘܪܚܫܐ ܕܐܪܥܐ ܘܦܪܚܬܐ
152:16	ܡܕܡ܃ ܘܢܿܦܩ ܐܢܘܢ ܐܟܚܕܐܼ܂ ܝܕܝܥܐ ܗܝ ܓܝܪ ܕܗܿܝ ܡܿܢ ܕܡܼܝ̈ܐܼ܂ ܕܟܕ
152:17	ܡܫܘܪܐ ܠܥܘܡܩܐ ܕܕܘܒܪܗ̈ ܪܗܛܐ ܕܬܣܚܐ܂ ܗܝܿ ܕܝܢ ܕܡܢ ܐܪܥܐܼ܂
152:18	ܠܥܝ̈ܕܝܗܿ ܘܠܢܡܘܣ̈ܝܗܿ ܪܦܬܐ ܘܪܚܫܐ܂ ܘܗܝܿ ܬܘܒ ܕܐܐܪܼ܂ ܟܕ ܬܬܠܐ
152:19	ܢܦܫܗܿ ܡܢ ܐܪܥܐܼ܂ ܠܥܠ ܦܪܚܐ ܘܥܿܪܩܐ܂ ܟܕ ܚܕܐ ܥܠܼܬܐ ܗܝܿ ܩܕܡܝܬܐ
152:20	ܝܗܼܒܬ ܠܟܠܗܝܢ ܦܫܝܩܘܬܐ ܕܡܿܚܝܢܐ ܠܗܿ܂ ܗܟܢܐ ܓܝܪ ܙܕܩܿ ܠܡܪܢܐܼ
152:21	ܐܦ ܥܠ ܥܠܡܐ܂ ܒܝܕ ܓܝܪ ܟܪܟܗ ܕܫܡܝܐ ܗܿܘ ܕܡܬܬܚܡ ܒܐܝܡܡ
152:22	ܠܝܠܝܼ܂ ܡܦ̈ܩܢܐ ܡܫܚܠܦܐ ܕܟܠܗܝܢ ܗܿܢܝܢ ܕܒܫܡܝܐ ܗܿܘܝܢ܂ ܘܟܕ ܒܚܕܐ
152:23	ܐܣܦܝܪܐ ܚܒܝܫܝܼܢ܂ ܡܢܗܘܢ ܩܠܝܠܐܝܬܼ܂ ܘܡܢܗܘܢ ܝܩܝܪܐܝܬ ܡܬܬܙܝܥܝܢܿ܂
152:24	ܠܦܘܬ ܐܘܪ̈ܟܝܗܘܢ ܕܛܘܪ̈ܐ ܕܥܡ ܬܘܩܢܐ ܕܟܠ ܚܕ ܚܕ ܡܢܗܘܢ ܡܬܿܚܡܝܢ܂
152:25	ܣܗܪܐ ܓܝܪ ܒܝܪܚܐ ܚܕ ܡܣܝܟܐ ܠܗ ܠܟܠܗ ܚܘܕܪܗܿ܂ ܟܕ ܡܬܪܒܝܐ
152:26	ܘܦܓܿܡܐ ܘܒܨܿܪܐ܂ ܫܡܫܐ ܕܝܢ ܠܟܠܗܿ ܫܢܬܐ ܥܒܿܪ ܠܗ ܠܚܘܕܪܗ܂
152:27	ܘܒܕܡܘܬܗ ܐܦ ܗܢܿܘܢ ܬܪ̈ܝܢ ܟܘܟܒ̈ܝܢ ܕܩܕܡܘܗܝ܂ ܐܡܿܪ ܐܢܐ ܕܝܢ
152:28	ܟܘܟܒܬܐ ܘܗܘܿ ܕܡܬܩܪܐ ܗܪܡܝܣ܂ ܗܿܘ ܕܝܢ ܕܐܪܝܣ܂ ܒܥܦܐ
152:29	ܕܙܒܢܗܘܢ ܕܗܢܿܝܢ ܪܗܛܿ ܠܗ ܠܚܘܕܪܗ܂ ܘܗܘܿ ܕܒܝܠ ܒܐܫܬܐ ܥܦ̈ܝܢ
152:30	ܕܙܒܢܗ ܗܢܐ܂ ܘܠܚܪܬܐ ܗܿܘ ܕܡܫܡܗ ܕܟܘܢ ܒܥܦܐ ܘܦܠܓܗ ܕܙܒܢܐ ܕܗܿܘ