← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 153

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


153:01 ܕܠܬܚܬ ܡܢܗ܂ ܚܕܐ ܕܝܢ ܐܪܡܢܝܐ ܡܢ ܟܠܗܘܢ ܡܬܟܢܫܐܿ܂ ܟܕ ܪ̈ܕܝܢ ܘܡܬܙܝܥܝܢ
153:02 ܒܫܡܝܐ܂ ܕܡܢ ܚܕ ܗܘܝܐܼ ܘܠܘܬ ܚܕ ܫܪܟܐܿ܂ ܗܿܝ ܬܘܩܢܐ ܕܟܠ ܦܫܝܩܐܝܬ
153:03 ܩܪܗ̈܂ ܘܠܘ ܠܐ ܬܘܩܢܐ ܫܡܗܗܿ܂ ܐܟܙܢܐ ܗܟܝܠ ܕܒܚܕܐ ܓܘܕܐ ܟܕ ܢܫܿܪܐ
153:04 ܒܩܠܐ ܡܠܦܢܗܿ܃ ܥܿܢܐ ܥܡܗ ܟܠܗ ܟܢܫܐ ܟܡܐ ܙܒ̈ܢܝܢ ܕܓܒܪ̈ܐ ܘܕܢܫ̈ܐ܃
153:05 ܕܒܒ̈ܢܬ ܩ̈ܠܐ ܡܫ̈ܚܠܦܬܐ ܩܛܝܢ̈ܐ ܘܥܒ̈ܝܬܐ܃ ܡܡܙܓܝܢ ܚܕܐ ܩܝܢܬܐܼ܂
153:06 ܗܟܢܐ ܐܝܬܝܗܼܿ ܐܦ ܥܠ ܐܠܗܐ ܡܕܒܪܢܐ ܕܟܠ܂ ܡܛܠ ܙܘܥܗ ܓܝܪ ܗܘܿ
153:07 ܕܡܢ ܠܥܠ ܕܒܕܡܘܬܐ ܗܘܿ ܡܫܼܪܝܢܐ ܕܒܓܘܕܐ ܪܝܫܐ ܕܟܠ ܡܫܬܡܗܼ܂ ܡܬܬܙܝܥܝܢ
153:08 ܐܦ ܟܘܟܒ̈ܐ܂ ܘܒܕܓܘܢ ܐܦ ܟܠܗܿ ܫܡܝܐ܂ ܪܕܿܐ ܕܝܢ ܐܦ ܬܪ̈ܬܝܢ ܡܪ̈ܕܝܬܐ
153:09 ܫܡܫܐ ܗܿܘ ܕܥܠ ܟܠ ܡܢܗܪ܂ ܘܒܚܕܐ ܡܼܿܢ ܐܝܡܡܐ ܘܠܠܝܐ ܡܬܿܚܡܿ܂
153:10 ܒܡܣܩ̈ܘܗܝ ܘܒܡܥܪ̈ܒܘܗܝ܂ ܒܗܿܝ ܕܝܢ ܐܚܪܝܬܐܼ܂ ܠܐܪ̈ܒܥܬܝܗܘܢ ܙܒ̈ܢܝܗܿ
153:11 ܕܫܢܬܐ ܥܿܒܕ܂ ܟܕ ܪܚܿܫ ܠܩܕܡܘܗܝܼ܂ ܠܓܪܒܝܐ ܘܠܒܣܬܪܗ ܠܬܝܡܢܐ܂
153:12 ܗܘܿܝܢ ܕܝܢ ܐܦ ܡܛܪ̈ܐ ܒܙܒܢܗܘܢ ܘܪ̈ܘܚܐ ܘ̈ܛܠܐ܂ ܘܣܓܝ̈ܐܬܐ ܐܚܪ̈ܢܝܬܐ
153:13 ܕܓܕܫ̈ܢ ܒܐܐܪ܂ ܡܛܠܬܗܿ ܕܥܼܠܬܐ ܩܕܡܝܬܐ ܡܘܠܕܬ ܡܢ ܩܕܝܡ܂ ܢܩܝܦܝܢ ܕܝܢ
153:14 ܠܗܠܝܢ ܐܦ ܪ̈ܕܝܐ ܕܢܗܪ̈ܘܬܐ ܘܪ̈ܦܚܐ ܕܝܡ̈ܡܐ܂ ܘܡܘ̈ܥܝܬܐ ܕܐܝ̈ܠܢܐ܂
153:15 ܘܒܘܫܠܐ ܕܦܐܪ̈ܐ܂ ܘܙܪ̈ܥܐ ܘܚܝܘ̈ܬܐ܂ ܘܫܘܚܠܦܐ ܬܘܒ ܕܟܠܗܝܢ ܨ̈ܒܘܬܐ܂
153:16 ܘܥܠܝܡܘܬܐ ܘܚܘܒܠܐ ܕܥܿܕܪ̈ܝܢ ܛܒ ܠܡܘܠܕܢ̈ܐ܂ ܐܝܟܢܐ ܕܐܡܿܪܬ ܡܢ ܠܥܠ܂
153:17 ܕܗܿܘ ܕܝܢ ܡܕܒܪܢܐ ܘܝܠܘܕܐ ܕܟܘܠܼ܂ ܠܐ ܡܬܚܙܝܢܐ ܐܝܬܘܗܝ ܠܡܕܡ ܐܚܪܝܢ܂
153:18 ܒܪܡ ܐܠܐ ܕܝܢ ܠܗܘܢܐ‍{‍܂‍}‍ ܡܫܘܕܥ ܟܠܗ ܟܝܢܐ ܗܢܐ ܕܡܬܙܝܥ ܒܝܢܬ ܫܡܝܐ
153:19 ܠܐܪܥܐ܂ ܡܬܟܪܟ ܓܝܪ ܟܠܗ ܐܡܝܢܐܝܬ ܡܢ ܚܕ ܪܝܫܐܼ܂ ܒܚܘܕܪܐ ܘܒܬܚܘܡ̈ܐ
153:20 ܝܚܝ̈ܕܝܐ܂ ܟܕ ܒܙܒܢ ܡܬܚܙܐ ܡܢܗܼܡ ܘܒܙܒܼܢ ܠܐ ܡܬܚܙܐ܂ ܘܪ̈ܒܘ ܐܕܫ̈ܝܢ
153:21 ܐܚܪ̈ܢܐ ܡܿܚܘܐ ܠܢ ܒܗܼ܂ ܘܬܘܒܼ ܡܿܛܫܐ ܠܗܘܢ܂܀ ܕܡܿܝܐ ܕܝܢ ܗܝܼ ܗܕܐ
153:22 ܕܡܣܬܥܪܐ ܛܒܼ܂ ܠܗܠܝܢ ܕܗܿܘܝܢ ܝܬܝܪܐܝܬ ܒܙܒܢܐ ܕܩܪܒܐ܂ ܡܐ ܕܬܩܪܐ
153:23 ܩܪܢܐ ܘܬܫܘܕܥܗ ܠܥܡܐ܂ ܗܝܕܝܢ ܓܝܪ ܡܚܕܐ ܕܫܡܿܥ ܟܠܢܫ ܩܠܐ ܕܩܪܢܐܼ܂
153:24 ܗܢܐ ܡܼܿܢ ܣܟܪܐ ܢܣܿܒ܂ ܗܿܘ ܕܝܢ ܬܢܘܪܐ ܠܒܿܫ܂ ܘܗܿܘ ܬܘܒ ܐܚܪܢܐܼ܂
153:25 ܒܪܙܢܩܢܐ ܘܣܢܘܪܬܐ ܘܫܪܝܢܐ ܡܿܬܚܙܩ܂ ܘܡܢܗܘܢ ܬܘܒ ܪ̈ܟܫܐ ܡܦ̈ܓܕܝܢ܂
153:26 ܘܐܚܪ̈ܢܐܼ ܥܠ ܡܪ̈ܟܒ̈ܬܐ ܣܠܩܝܢ܂ ܘܗܿܘ ܕܝܿܗܒ ܬܢܘܝܼ ܡܿܦܪܓܠ܂ ܘܬܩܿܢ
153:27 ܒܪܫܥܬܗ ܗܿܘ ܕܥܒܝܕ ܥܠ ܓܘܕܐ ܠܘܬ ܓܘܕܐ܂ ܘܗܘܿ ܕܡܛܟܣܼ ܠܘܬ
153:28 ܛܟܣܗ܂ ܘܦܪܫܐ ܒܪ ܫܥܬܗܼ ܠܘܬ ܩܪܢܗ ܕܚܝܠܐ܂ ܘܪܓܠܐ ܬܘܒ ܬܩܿܢ
153:29 ܒܕܘܟܬܗ܂ ܟܠܗܘܢ ܕܝܢ ܬܚܝܬ ܚܕ ܡܫܘܕܥܢܐ ܡܬܙܝܥ̈ܝܢܿ܂ ܒܦܘܩܕܢܗ
153:30 ܕܡܕܒܪܢܐ ܗܿܘ ܕܐܚܝܕ ܠܗ ܠܫܘܠܛܢܐ܂܀ ܒܗܿ ܒܕܡܘܬܐ ܙܕܩܿ ܠܩܪܢܐܼ܂

next