← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 154

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


154:01 ܐܦ ܥܠ ܙܘܥܘ̈ܗܝ ܕܗܢܐ ܟܠ܂ ܡܢ ܚܕ ܓܝܪ ܢܙܠܐ ܟܕ ܡܬܙܝܥܝܢ ܟܠܗܘܢ
154:02 ܗܘ̈ܝܐܼ܂ ܗܘܿܝܢ ܟܘܠܗܘܢ ܥܿܒ̈ܕܝܗܘܢ ܒܛܟܣܐ܂ ܟܕ ܛܒ ܗܼܘ ܡܙܝܥܢܐ
154:03 ܘܡܕܒܪܢܐ܂ ܠܐ ܡܬܙܝܥܢܐ ܐܝܬܘܗܝܼ ܘܠܐ ܡܬܪܓܫܢܐ܂ ܗܿܝ ܕܠܐ ܠܗ ܡܒܿܛܠܐ
154:04 ܡܢ ܕܠܡܣܥܪܼ܂ ܘܠܐ ܠܢ ܬܘܒ ܡܢ ܕܠܡܗܝܡܢܘ܂܀ ܐܦ ܓܝܪ ܢܦܫܐ
154:05 ܗܿܝ ܕܡܛܠܬܗܿ ܚܐܝܢܢ ܘܩܢܝܢܢ ܒ̈ܬܐ ܘܡܕܝ̈ܢܬܐ܃ ܟܕ ܗܼܝ ܠܐ ܡܬܬܙܝܥܢܝܬܐ
154:06 ܐܝܬܝܗܼܿ܂ ܡܢ ܥܿܒ̈ܕܝܗܿ ܡܬܚܙܝܐ܂ ܘܟܠܗ ܨܒܬܗ ܘܕܘܒܪܗ ܕܥܠܡܐ ܗܢܐܼ܂
154:07 ܡܢ ܗܕܐ ܐܫܬܟܚ ܘܐܬܬܩܢ܂ ܗܢܘ ܕܝܢ ܦܘܠܚܢܐ ܕܐܪ̈ܥܬܐ ܘܫܘܪܒܐ
154:08 ܕܢܨ̈ܒܬܐ܂ ܘܚܘܫ̈ܒܐ ܘܚܘܫ̈ܚܐ ܕܐܘܡ̈ܢܘܬܐ܂ ܘܨܒܬܐ ܕܢܡܘܣ̈ܐܼ܂ ܘܕܘܒܪ̈ܐ
154:09 ܕܡܕܝܢ̈ܬܐ܂ ܘܣܥܘܪ̈ܘܬܐ ܕܗܘܐ܂ ܘܩܪܒܐ ܕܠܒܪ ܡܢ ܬܚܘܡ̈ܐ܂ ܘܫܝ̈ܢܐ
154:10 ܕܕܐܝܟ ܗܠܝܢ܂ ܡܕܝܢ ܙܕܩ ܠܡܬܚܫܒܘ ܐܦ ܥܠ ܐܠܗܐܼ܂ ܕܒܚܝܠܗ ܡܿܢ
154:11 ܐܝܬܘܗܝ ܚܝܠܬܢ ܡܢ ܟܠ܃ ܒܡܝܬܪܘܬܗ ܕܝܢ ܥܫܝܢ ܡܢ ܟܠܼ܂ ܘܒܕܓܘܢ
154:12 ܟܕܠܐ ܡܬܚܙܝܢܐ ܐܝܬܘܗܝ ܟܠܗ ܟܝܢܐ ܡܝܘܬܐܼ܂ ܡܢ ܥܿܒ̈ܕܘܗܝ ܡܬܪܢܐ
154:13 ܘܡܬܝܕܥ܂ ܫܘܚ̈ܠܦܐ ܓܝܪ ܗܠܝܢ ܕܗܿܘܝܢ ܠܥܠ܃ ܘܗܢܿܘܢ ܟܠܗܘܢ ܕܗܿܘܝܢ
154:14 ܒܝܕ ܐܐܪ ܕܥܠ ܐܪܥܐ ܘܒܡ̈ܝܐܼ܂ ܕܥܿܒ̈ܕܐ ܐܝܬܝܗܘܢ ܡܟܪ̈ܙܝܢ ܒܫܪܪܐ ܕܐܠܗܐܿ܂
154:15 ܗܿܘ ܕܐܚܝܕ ܠܗ ܠܟܠܗ ܥܠܡܐ ܗܿܘ ܕܡܢܗܿ܂ ܐܝܟܢܐ ܕܐܡܼܪ ܐܡܦܕܘܩܠܝܣ
154:16 ܗܘܿ ܦܝܠܣܘܦܐ ܟܝܢܝܐ܂ ܐܝܬܝܗܝܢ ܟܠܗܝܢ ܕܗܫܐ ܩܝܡ̈ܢ ܘܕܥܬܝ̈ܕܢ
154:17 ܠܡܗܘܐܼ܂ ܘܢܨ̈ܒܬܐ ܟܠܗܝܼܢ ܘܓܒܪ̈ܐ ܥܡ ܢܫ̈ܐ܂ ܘܚܝܘ̈ܬܐ ܘܦܪ̈ܚܬܐ܂ ܘܢܘܢ̈ܐܼ
154:18 ܡܬܬܪ̈ܣܝܢ ܒܝܡܐ܂ ܕܡܿܝܐ ܓܝܪ ܐܝܟ ܕܒܫܪܪܐ ܐܦܢ ܐܝܬܝܗܿ ܕܡܼܟܐ ܛܒ
154:19 ܘܙܥܘܪܬܐ ܠܗܢܿܘܢ ܕܡܬܩܪ̈ܝܢ ܐܣܪ̈ܐ ܕܒܡܣܦܪܬܐ܂ ܕܨ̈ܨܐ ܓܝܪ ܗܿܢܘܢ
154:20 ܕܩܒܝܥܝܢ ܒܡܨܥܬܐ ܒܐܣܪܐ ܗܘܿ ܕܡܿܢܬܐ ܗܿܝ ܐܚܪܬܐ܂ ܢܛܪܝܢ ܠܗ
154:21 ܠܐܣܟܡܗܿ ܕܡܣܦܪܬܐ܂ ܟܕ ܡܿܩܦ ܘܡܿܛܟܣ ܘܠܐ ܡܬܬܙܝܥ܀ ܐܡܪܝܢ
154:22 ܕܝܢ ܐܦ ܥܠ ܦܝܕܝܘܣ ܗܿܘ ܥܿܒܕ ܐܕܪ̈ܝܢܛܐܼ܂ ܕܟܕ ܥܿܒܕ ܨܠܡܗܿ ܕܐܬܢܐ
154:23 ܗܘܿ ܕܩܒܝܥ ܒܡܕܝܢܬܐ܃ ܥܠܝܬܐ܃ ܡܨܥܬ ܣܟܪܗܿ ܕܗܕܐ ܛܒܼܥܼ ܦܪܨܘܦܐ
154:24 ܕܩܢܘܡܗ܂ ܘܐܣܪܗ ܒܗ ܒܟܠܗ ܨܠܡܐܼ܂ ܘܪܟܒܗ ܒܝܕ ܐܘܡܢܘܬܐ ܗܿܝ
154:25 ܕܠܐ ܡܬܚܙܝܐ܂ ܐܝܟܢܐ ܕܐܢ ܐܢܫ ܢܨܒܐ ܡܡܬܘܡ ܠܡܣܒܝܘܗܝܼ܂ ܐܠܨܐ
154:26 ܕܠܟܠܗ ܨܠܡܐ ܢܫܪܐ ܘܢܒܠܒܠ ܗܘܐ܂܀ ܒܗܢܐ ܗܟܝܠ ܛܘܦܣܐ ܐܝܬܘܗܝ
154:27 ܐܠܗܐ ܒܥܠܡܐܼ܂ ܒܝܕ ܕܐܚܝܕ ܠܐܪܡܢܝܐ ܘܠܦܘܪܩܢܐ ܕܟܘܠܗܘܢ ܗܘ̈ܝܐ܂ ܕܠܐ
154:28 ܗܘܐ ܒܡܨܥܬܐ ܟܕ ܕܐܝܬ ܐܪܥܐ ܘܐܬܪܐ ܗܢܐ ܫܓܫܐ ܫܿܪܐ܂ ܐܠܐ ܠܥܠ ܐܝܟ
154:29 ܕܟܝܐܼ ܒܐܬܪܐ ܕܟܝܐ܂ ܗܘܿ ܕܫܡܝܐ ܡܫܡܗܝܢܢ ܠܗ܂ ܘܐܠܘܡܦܘܣ ܫܡܝܐ
154:30 ܡܿܢ ܩܿܪܝܢ ܠܗ܂ ܡܛܠ ܕܬܚܘܡܐ ܐܝܬܘܗܝ ܕܠܥܠ܂ ܕܘܡܝܐ ܓܝܪ ܕܫܡܗ

next