← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 155

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


155:01 ܕܫܡܝܐ ܒܠܫܢܐ ܝܘܢܝܐܼ܂ ܐܝܟ ܬܚܘܡܐ ܐܝܬܘܗܝ ܕܠܥܠ܂ ܡܛܠ ܕܠܫܡܝܐ
155:02 ܩܿܪܝܢ ܠܗ ܐܘܪܢܘܣ܂ ܘܠܬܚܘܡܐ ܐܘܪܣ܂ ܘܠܥܠ ܐܢܘܢ܂ ܐܠܘܡܦܝܘܣ ܕܝܢ
155:03 ܩܿܪܝܢ ܠܗܼ܂ ܐܝܟ ܡܿܢ ܕܟܠܗ ܢܗܝܪ ܘܡܒܥܕ ܡܢ ܟܠܗܿ ܥܡܘܛܘܬܐ ܘܙܘܥܐ
155:04 ܠܐ ܡܛܟܣܐ܂ ܗܠܝܢ ܕܗ̈ܘܝܢ ܬܢܢ ܠܘܬܢ ܒܝܕ ܣ̈ܬܘܐܼ ܘܒܝܕ ܩܛܝܪܐ
155:05 ܕܪ̈ܘܚܐ܂ ܐܝܟܢܐ ܕܐܡܼܪ ܦܐܘܛܝܣ ܕܐܘܠܘܦܘܣ ܠܡ ܕܟܝܐ ܠܐܠܗܐ ܝܗܒܬܘܗܝ
155:06 ܠܒܝܬ ܡܥܡܪܐ ܠܥܠܡ܂ ܗܘܿ ܕܠܐ ܡܢ ܪ̈ܘܚܐ ܡܬܢܨܦ ܠܓܡܪ܂ ܘܠܐ ܬܘܒ
155:07 ܡܛܪ̈ܐ ܡܨܒܥܝܢ ܠܗ܂ ܘܠܐ ܬܠܓܐ ܡܪܣܐ ܠܗ܂ ܐܠܐ ܨܚܘܐ ܕܠܐ ܥܢܢ ܕܛܒ
155:08 ܕܟܼܐ ܦܪܝܣ ܒܗ܂ ܣܗܿܕ ܕܝܢ ܥܡ ܗܠܝܼܢ ܐܦ ܟܠܗ ܕܘܒܪܐ ܕܥܝܕܐ
155:09 ܕܓܘܐ ܕܐܬܪܐ ܗܿܘ ܕܠܥܠ܃ ܕܝܗܝܒ ܦܪܝܫ ܠܗ ܠܐܠܗܐ܂ ܗܐ ܓܝܪ ܐܦ
155:10 ܟܠܢ ܒܢܝ̈ܢܫܐܼ܂ ܠܫܡܝܐ ܡܪ̈ܝܡܝܢ ܚܢܢ ܐܝܕܝ̈ܢ ܒܨ̈ܠܘܬܐ ܘܒܬܟܫ̈ܦܬܐ܂
155:11 ܘܡܛܠ ܗܕܐ ܠܘ ܒܝܫܐܝܬ ܐܡܝܪܐ ܡܢ ܦܐܘܛܝܣܿ܂ ܕܠܙܘܣ ܠܡ ܫܡܝܐ
155:12 ܡܛܼܬܿ܂ ܐܬܝܪ ܘܥܢܢ̈ܐ܂ ܡܛܘܠ ܕܡܢ ܐܝܠܝܢ ܕܡܬܪ̈ܓܫܝܢ܃ ܗܿܢܝܢ ܕܡܝܩܪ̈ܢ
155:13 ܒܗܝܢ܂ ܠܗ ܟܕ ܠܗ ܠܛܘܦܣܐ ܩܢܼܝܢ ܟܘܟܒ̈ܐ ܓܝܪ ܫܡܫܐ ܘܣܗܪܐ܂
155:14 ܘܗܠܝܢ ܫ̈ܡܝܢܝܬܼ܂ ܟܠܗܝܢ ܡܛܠ ܗܕܐ ܒܟܠܙܒܢ ܠܗ ܟܕ ܠܗ ܠܛܟܣܐ
155:15 ܩܢܝܢ܂ ܘܒܕܓܘܢ ܡܬܩܢܢ ܘܠܐ ܐܿܫܬܚܠܦܢ ܠܓܡܪ ܐܘ ܐܫ̈ܬܓܢܝܢ
155:16 ܐܟܙܢܐ ܕܗܠܝܢ ܕܠܥܠ ܐܪܥܐ ܕܡܫܬܚܠܦܢ ܒܟܠܥܕܢܿ܂ ܘܩܢܝܢ ܫܘܓܢܝܐ ܕܠܐ ܣܟܐ܂
155:17 ܗܐ ܓܝܪ ܙܥܘ̈ܐ ܬܟܝ̈ܒܐܼ܂ ܣܓܝ̈ܐܬܐ ܡܢ ܡܢܘ̈ܬܗܿ ܕܐܪܥܐ ܬܠܚܘ܂ ܘܫ̈ܓܡܐ
155:18 ܕܡܛܪ̈ܐ ܬܘܒ ܐܛܝܦ ܐܢܝ̈ܢ܂ ܘܚܐܦ̈ܐ ܬܘܒ ܘܡܚܫܘ̈ܠܐ ܕܓ̈ܠܠܐ ܟܡܐ
155:19 ܙܒ̈ܢܝܢ ܝܒܝܫܬܐ ܣܓܝܐܬܐ ܫܚܿܠܦ ܠܝܡܐ܂ ܘܝܡ̈ܡܐ ܣܓܝ̈ܐܐ ܐܘܒܫ܂
155:20 ܘܩܛܝܪܐ ܬܘܒ ܕܪ̈ܘܚܐ ܬܟܝܒ̈ܬܐ ܘܕܥ̈ܠܥܠܐ ܟܡܐ ܙܒ̈ܢܝܢ܂ ܡܕܝ̈ܢܬܐ ܣܓ̈ܝܐܬܐ
155:21 ܟܠܗܝܢ ܗܦܼܟܘ܂ ܐܦ ܓܘܙ̈ܠܬܐ ܬܘܒ ܕܢܘܪܐܼ܂ ܡܢܗܝܢ ܕܡܢ ܫܡܝܐ
155:22 ܩܕܡܐܝܬܐܼ܂ ܐܝܟܢܐ ܕܐܡܪ̈ܝܢ ܕܗܘܼܐ ܒܝܘܡ̈ܝ ܦܐܬܘܢܿ܂ ܟܠܗܝܢ ܡܢܘ̈ܬܐ
155:23 ܡܕܢܚ̈ܝܬܐ ܐܘܩܕ ܐܢܝ̈ܢ܂ ܘܡܢܗܝܢ ܕܝܢ ܠܐܦ̈ܝ ܐܬܪܐ ܕܡܥܪܒܐ ܢܦ̈ܚܝܢ
155:24 ܘܣ̈ܠܩܢ܂ ܐܟܙܢܐ ܕܒܐܛܢܐ ܐܬܪܐ܂ ܘܣܕܩܝܢ ܛܘܪ̈ܐ ܩܫ̈ܝܐ ܘܪ̈ܕܝܢ ܒܐܪܥܐܼ܂
155:25 ܒܕܡܘܬܐ ܕܢܗܪܐ܂ ܟܕ ܕܐܦ ܥܿܒܕܐ ܕܡܪ̈ܚܡܢܐ ܪܝܫܐܝܬ ܝܩܿܪ܂ ܘܚܘܝܗ ܗܘ
155:26 ܓܕܐ ܕܕܘܟܬܐ܂ ܟܕ ܓܝܪ ܐܕܪܟ ܪܕܝܗܿ ܕܫܠܗܒܝܬܐ܃ ܥ̈ܠܝܡܐ ܕܫܩܝܠܝܢ
155:27 ܗܘܘ ܥܠ ܟܬܦ̈ܬܗܘܢ ܠܣܒ̈ܝܗܘܢ܃ ܘܨܒܝܢ ܠܡܦܪܩ ܐܢܘܢܼ܂ ܠܐ ܐܿܟܝ
155:28 ܐܢܘܢ܂ ܡܚܕܗ ܓܝܪ ܕܐܬܩܪ̈ܒܘ ܠܘܬܗܘܢ‍{‍܂‍}‍ ܢܗܪܐ ܗܿܘ ܕܢܘܪܐܼ܂ ܐܣܬܕܩܼ
155:29 ܘܐܗܦܟܗ ܠܚܐܦܗܿ ܕܓܘܙܠܬܐܿ܂ ܡܢܗ ܠܟܐ ܘܡܢܗ ܠܟܐ܂ ܘܢܛܪ ܕܠܐ ܢܟܝܢ
155:30 ܠܥܠܝ̈ܡܐܼ ܥܡ ܐܒܗ̈ܝܗܘܢ܂܀ ܒܚܕܐ ܗܟܝܠ ܡܠܐ ܠܡܐܡܪܼ܂ ܐܝܟ ܙܢܐ

next