← Back
The Comprehensive Aramaic Lexicon
← Return to the Text Browser
click on the file description for more information
60802: De Mundo p. 156

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


156:01 ܕܩܘܒܪܢܛܐ ܒܐܠܦܐ܃ ܘܫܢܘܙܐ ܒܡܪܟܒܬܐ܃ ܘܡܠܦܢܐ ܒܓܘܕܐ܃ ܘܒܡܕܝܢܬܐ
156:02 ܢܡܘܣܐ܃ ܘܡܕܒܪܢܐ ܒܚܝܠܐܼ܂ ܗܟܢܐ ܐܦ ܐܠܗܐ ܒܥܠܡܐ܂ ܒܪܡ ܣܛܪ
156:03 ܡܢ ܗܿܝ ܕܠܗܠܝܢ ܡܿܢ ܒܥܡܠܐ ܐܝܬܝܗܿ ܪܫܢܘܬܗܘܢ܂ ܘܒܡܬܬܙܝܥܢܘܬܐ
156:04 ܘܒܨܦܬܐ܂ ܠܗ ܕܝܢ ܕܠܐ ܥܩܐ܂ ܐܝܟ ܡܐ ܕܡܥܒܕ ܡܿܢ ܟܠܗܿ ܡܚܝܠܘܬܐ
156:05 ܐܢܫܝܬܐ܂ ܟܕ ܫܼܪܐ ܒܚܝܠܐ ܠܐ ܡܬܬܙܝܥܢܐܿ܂ ܠܟܠܗܘܢ ܗܘ̈ܝܐ ܡܙܝܥ ܘܡܗܦܟ
156:06 ܠܟܪ ܕܨܿܒܐܿ܂ ܘܐܝܟ ܕܨܿܒܐ ܒܐܕܫ̈ܐ ܡܫܚ̈ܠܦܐ ܘܟܝܢ̈ܐ ܕܟܠ ܓܢܣ܂܀ ܐܟܙܢܐ
156:07 ܓܝܪ ܕܐܦ ܢܡܘܣܐ ܗܿܘ ܕܡܕܝܢܬܐ܃ ܟܕ ܗܼܘ ܠܐ ܡܬܙܝܥܢܐ ܐܝܬܘܗܝ܃
156:08 ܟܠܗܝܢ ܗܠܝܢ ܕܗ̈ܘܝܢ ܒܡܕܝܢܬܐܼ܂ ܡܙܝܥܼ ܘܡܕܒܪ ܒܢܦ̈ܫܬܐ ܕܗܿܢܘܢ
156:09 ܕܡܬܚܫܚܝܢ ܒܗ܂ ܟܕ ܓܝܪ ܢܩܒܠܘܢܝܗܝܼ܂ ܒܗ ܟܕ ܒܗ ܡܬܚܫܚܝܢ
156:10 ܡܕܒܪ̈ܢܐ ܡܢ ܠܘܬ ܗܠܝܢ ܕܡܬܕܒܪ̈ܝܢ ܡܢܗܘܢ܂ ܘܕܝܢ̈ܐ ܒܝܬ ܕܝܢܝܗ̈ܘܢ܂
156:11 ܘܡܠܘܟ̈ܐ ܬܘܒܼ ܘܐܡܪ̈ܝ ܡܠܬܐ ܒܟܢ̈ܘܫܬܗܘܢ܂ ܘܗܢܐ ܡܼܿܢ ܒܗ ܐܿܙܠ
156:12 ܠܐܘܪܝܘܢ܂ ܕܢܪܡܐ ܡܕܐܬܗ܂ ܘܗܿܘ ܬܘܒ ܪܗܿܛ ܠܒܝܬ ܕܝܢܼܐܼ ܕܢܦܘܩ
156:13 ܒܪܘܚܐ܂ ܐܚܪܢܐ ܡܬܕܒܪ ܠܒܝܬ ܚܒܘܫܝܐܼ ܕܢܡܘܬ܂ ܗܿܘܝܢ ܕܝܢ ܐܦ
156:14 ܢܡܘܣܐܝܬ ܐܦ ܚܫ̈ܡܝܬܐ ܕܓܘܐ܂ ܘܥ̈ܕܐ ܕܡܢ ܫܢܐ ܠܫܢܐ܂ ܘܕܒ̈ܚܐ ܕܐܠܗ̈ܐ
156:15 ܘܩܘܪ̈ܒܢܐ ܕܐܪܝܣ܂ ܘܢܝ̈ܚܬܐ ܕܠܐܝ̈ܐ܂ ܘܡܥܒܕ ܟܠܢܫ ܡܫܚܠܦܐܝܬ ܒܚܕ
156:16 ܦܘܩܕܢܐ ܘܫܘܠܛܢܐ ܢܡܘܣܝܐ܂ ܘܢܛܿܪ ܛܟܣܐ ܕܣܝܡ ܠܗ܂ ܡܛܠ ܕܗܢܘ
156:17 ܐܕܫܐ ܕܡܕܝܢܬܐ܂ ܕܬܢܢ ܗܘܬ ܡܠܼܝܐ ܒܘܣܡܐܼ܂ ܘܬܢܢ ܥܩ̈ܬܐ ܘܬܢ̈ܚܬܐ܂
156:18 ܒܗܿ ܒܕܡܘܬܐ ܙܕܩܿ ܠܡܪܢܐ ܐܦ ܥܠ ܡܕܝܢܬܐ ܗܕܐ ܪܒܬܐ܂܀ ܐܡܿܪ ܐܢܐ
156:19 ܕܝܢ ܥܠ ܥܠܡܐ܂ ܢܡܘܣܐ ܗܘ ܠܢ ܓܝܪ ܫܘܝܐ ܐܠܗܐܿ܂ ܕܠܐ ܡܩܒܠ ܬܘܪܨܐܿ܂
156:20 ܫܘܓܢܝܐ ܣܟ܂ ܐܠܐ ܡܫܪܪ ܘܡܼܣܬܬ ܝܬܝܪ ܡܢ ܩ̈ܘ‍<‍ܪ‍>‍ܒܘ ܕܡܬܪ̈ܫܡܝܢ
156:21 ܐܝܟ ܦܣܘܩܐ ܡܕܡ܂ ܡܬܦܪܢܣ ܟܠܗ ܥܠܡܐ ܟܕ ܡܕܒܪ ܫܘܝܐܝܬ
156:22 ܘܡܛܟܣܐܝܬܼ܂ ܘܡܿܦܠܓ ܠܫܡܝܐ ܘܠܐܪܥܐܼ ܘܠܨ̈ܒܘܬܐ ܕܒܗܘܢ܂ ܟܘܠܗܝܢ
156:23 ܠܢܨ̈ܒܬܐ ܘܠܚܝܘ̈ܬܐ ܕܒܟܠ ܓܢܣ܂ ܘܒܟܠ ܐܕܫܼ܂ ܐܦ ܓܘܦ̈ܢܐ ܘܕܩ̈ܠܐ
156:24 ܘܦܪ̈ܣܐܐ ܘܬܐܢ̈ܐ ܚ̈ܠܝܬܐ܂ ܘܙ̈ܝܬܐ ܐܝܟ ܕܐܡܼܪ ܦܐܘܛܐ܂܂ ܘܗܠܝܢ ܐܝ̈ܠܢܐ ܐܚܪ̈ܢܐ
156:25 ܕܐܝܬܝܗܘܢ ܡܿܢ ܕܠܐ ܦܐܪ̈ܐ܂ ܥܒܕܝܢ ܕܝܢ ܠܚܫܚܬܐ ܕܣܘܢܩ̈ܢܐ ܐܚܪ̈ܢܐ܂
156:26 ܘܕܘܠܒ̈ܐ ܘܐܪ̈ܙܐ ܘܫܪ̈ܘܝܢܐ܂ ܘܚܘܪ̈ܐ ܘܚܘܪܢܝܬܐ ܘܫܘܪܒܝܢܐ ܕܒܣܝܡ ܪܝܚܗܿ
156:27 ܘܗܿܢܘܢ ܬܘܒ ܕܥܒܕܝܢ ܐܒܐ ܗܢܝܐܐܿ܂ ܕܣܓܝ ܛܒ ܒܚܘܡܠܗ܂ ܗܢܘ ܕܝܢ
156:28 ܓܘ̈ܙܬܐܼ ܘܪ̈ܘܡܢܐ ܘܚܙܘܪ̈ܐ܂ ܘܚܝܘ̈ܬܐ ܬܘܒ ܕܟܠ ܓܢܣ ܒܥܪ̈ܝܪܝܬܐ ܕܠܐ
156:29 ܡܟܒ̈ܫܢ܂ ܘܕܒܐܐܪ ܘܒܐܪܥܐ ܘܒܝܡܐ ܡܬܕܒܪ̈ܢ܂܀ ܗܠܝܢ ܟܘܠܗܝܢ ܕܐܡܼܪ
156:30 ܦܐܘܛܐܼ܂ ܗܘ̈ܝܢ ܘܡܬܥܠܡ̈ܢ܂ ܘܡܬܚܒ̈ܠܢ ܒܕܢܩ̈ܝܦܢ ܠܢܡܘܣ̈ܘܗܝ

next