← Back
The Comprehensive Aramaic Lexicon
← Return to the Text Browser
click on the file description for more information
60804: On birds pp. 250-56

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

250:16 ܡܛܿܠܡܿܢܐ ܓܢܼ̈ܣܐ ܕܥܘܦܐ ܘܦܪ̈ܚܬܐ ܘܡܼܢ ܐܝܟܐ܂ ܘܡܿܢܐ ܗܢܝܢܐ ܡܼܢܗܝܢ܂ ܘܡܢܘܼ
250:17 ܣܘܼܟ̈ܠܝܗܝܢ܂ ܕܐܦ ܡܛܿܠ ܗܿܠܝܢ ܒܡܼܠܬܐ ܕܒܪܘܼܝܘܼܬܐ܃ ܐܝܟ ܕܐܡܼܪ ܟܬܒܐ ܩܕ̄ ܕܒܪܝܼܬܐ ܕܐܟܬܒ ܡܘܿܫܐ ܪܒܐ
250:18 ܐܝܟ ܕܩܒܠ ܡܼܢ ܐܠܗܐ ܒܬܪ ܒܪܝܬܐ ܕܫܡܼܫܐ ܘܣܗܪܐ ܘܫܪܟܐ ܕܟܘܟ̈ܒܐ܃ ܗܿܢܘܢ ܕܐܬܼܒܪܝܼܘ ܒܝܘܡܐ ܪܒܝܼܥܝܐ܂
250:19 ܐܬܒܪܝܼܘ ܓܢܼܣܐ ܕܥܘܦܐ ܘܦܪܚܬܐ ܘܐܦ ܓܢܼܣܐ ܕܢܘܼܢܐ܂ ܘܟܠܗ ܪܚܫܐ ܕܒܡܝ̈ܐ܂ ܒܝܘܡ ܚܡܝܼܫܝܐ܂ ܐܠܐ ܩܕܝܼܡܐ
250:20 ܒܪܝܼܬܐ ܕܐܝܼܠ̈ܢܐ ܘܙܪ̈ܥܘܢܐ ܐܦ ܠܗܿܠܝܢ܂ ܡܛܿܠ ܕܙܪ̈ܥܐ ܘܟܠܗ ܬܲܐܕܐ ܒܝܘܡܐ ܬܠܝܬܝܐ ܐܬܼܒܪܝܼܘ ܡܢ ܒܪܘܝܐ
250:21 ܚܟܝܼܡ ܒܟܠ ܘܡܬܩܢܢܐ ܕܒܪ̈ܝܬܐ܂ ܐܠܐ ܚܢܢ ܐܟܡܐ ܕܐܡܼܪܢܢ ܡܼܢ ܠܥܼܠ܂ ܨܿܒܝܢܢ ܕܒܛܟܼܣܐ ܢܿܪܕܐ ܘܢܡܠܠ ܥܠ ܚܕܐ
250:22 ܚܕܐ ܡܼܢ ܒܼܪ̈ܝܬܐ܂ ܟܕ ܩܕܡܐܝܼܬ ܡܿܢ ܡܼܢ ܡܼܬܝܕ̈ܥܢܐ ܘܠܐ ܡܼܬܚܙ̈ܝܢܐ ܫܪܝܼܢܢ܂ ܘܗܿܝܕܝܢ ܐܩܦܼܢܢ ܕܢܿܐܡܪ ܥܠ ܒܪܝܼܬܐ
251:01 ܠܐ ܡܼܬܚܙܝܢܝܼܬܐ܂ ܟܕ ܡܼܢ ܠܥܠ ܡܼܢ ܡܝ̈ܐ ܕܠܥܼܠ ܡܼܢ ܫܡ̈ܝܐ ܫܪܝܼܢܢ܂ ܘܗܟܢܐ ܒܬܪ ܒܬܪ ܡܠܠܢܢ ܥܠ ܪ̈ܩܝܼܥܐ ܟܠܗܘܿܢ
251:02 ܕܫܡܿܝܐ܂ ܘܥܠ ܢܗܝܼܪ̈ܐ܂ ܘܗܿܝܕܝܢ ܥܠ ܐܬܝܼܪ ܢܘܼܪܢܐ܂ ܘܥܠ ܐܐܪ ܗܿܢܐ܂ ܘܟܠܗܘܿܢ ܫܘܼܚ̈ܠܦܘܗܝ ܘܡܬܼܬܙܝܥܢܘܼܬܗ܂
251:03 ܘܡܛܿܠ ܕܥܘܦܐ ܘܦܪܚܬܐ ܒܐܐܪ ܛܿܝܣܝܢ ܙܿܕܩ ܠܢ ܕܩܿܕܡܐܝܼܬ ܥܠܝܗܘܢ ܢܚܘܐ܂ ܘܗܿܝܕܝܢ ܢܿܚܘܬ ܠܐܪܥܐ ܘܢܡܠܠ
251:04 ܥܠܝܗܿ܃ ܘܥܠ ܟܠ ܕܒܗܿ܀ ܒܡܼܠܬܐ ܕܝܢ ܕܒܪܘܝܘܼܬܐ ܫܦܝܼܪ ܛܟܣ ܪܘܼܚܐ ܕܐܠܗܐ ܘܚܟܡ ܠܡܟܬܒܢܐ܂
251:05 ܕܩܕܡܐܝܬ ܐܝܼܠ̈ܢܐ ܘܙܪ̈ܥܐ ܘܥܣܼ̈ܒܐ ܐܬܼܒܪܝܼܘ܃ ܘܡܝ̈ܐ ܐܬܼܟܢܫܘ ܠܩܒܝ̈ܬܐ܂ ܘܡܼܢܗܘܢ ܐܬܦܠܓܘ ܒܢܗܪ̈ܘܬܐ܂
251:06 ܘܗܿܝܕܝܢ ܐܬܼܒܪܝܼܘ ܥܘܦܐ ܘܦܪ̈ܚܬܐ ܠܡܼܫܟܢ ܒܐܝܼ̈ܠܢܐ ܘܠܡܼܬܬܪܣܝܘܼ ܡܼܢ ܦܐܪ̈ܝܗܘܢ܂ ܘܐܦ ܢܘܼ̈ܢܐ ܘܟܠܗ
251:07 ܪ̈ܚܫܐ ܕܒܡܝ̈ܐ ܐܬܼܒܪܝܼܘ ܡܼܢܗܘܢ ܕܡܝ̈ܐ ܠܡܫܥܛܘ ܒܗܘܢ ܘܠܡܥܡܪ ܒܗܘܢ܂ ܗܟܘܬ ܐܦ ܒܥܝܼܪܐ ܘܚܝܘܼܬܐ
251:08 ܐܬܼܒܪܝܼܘ ܒܬܪ ܗܿܠܝܢ܂ ܕܥܡ ܗܿܝ ܕܡܼܬܒܪܝܢ ܘܡܼܬܬܩܢܝܼܢ ܘܩܿܝܡܝܢ܃ ܢܫܪܘܢ ܘܢܪܥܘܢ ܥܼܣܒܐ܂
251:09 ܘܢܼܬܬܪܣܘܢ܂ ܕܡܛܿܠ ܗܕܐ ܩܕܡ ܐܬܼܒܪܝܼ ܥܣܼܒܐ ܕܢܗܼܘܐ ܠܗܘܿܢ ܡܐܟܘܿܠܬܐ ܘܩܘܼܝܡܐ܂ ܘܡܛܿܠ ܕܗܿܠܝܢ ܟܠܗܝܢ
251:10 ܡܛܿܠ ܒܪܢܫܐ ܐܬܼܒܪܝܼܘ܃ ܕܢܗܼܘܘܢ ܠܚܫܚܬܗ ܘܠܟܠܗܘܿܢ ܣܘܼܢܩ̈ܢܘܗܝ܃ ܥܠܗܿܝ ܩܕܡ ܐܬܼܒܪܝ ܟܠܡܕܡ ܘܐܬܼܛܝܒ܂
251:11 ܘܗܿܝܕܝܢ ܐܬܒܪܝܼ ܒܪܐܢܫܐ ܘܐܫܼܟܚ ܟܠܗܘܢ ܣܘܼܢܩ̈ܢܘܗܝ ܘܟܠܗ ܚܫܚܬܗ ܟܕ ܡܛܝܐ ܘܣܝܼܡܐ ܐܝܟ
251:12 ܕܠܡܠܟܐ܂ ܡܪܝܐ܂ ܒܪܝܼܟ ܒܪܘܝܐ ܚܟܝܼܡܐ܂ ܟܡܐ ܪܘܪ̈ܒܝܢ ܘܬܡܝܼܗܝܢ ܥܒܿܕ̈ܘܗܝ ܘܫܒܝܼܚ̈ܢ ܒܪ̈ܝܬܗ܂ ܘܒܬܪ
251:13 ܕܐܫܿܬܿܡܠܝ ܗܿܠܝܢ ܕܒܝܘܡܐ ܕܐܪܒܥܐ܂ ܘܗܘܼܐ ܪܡܫܐ ܘܗܘܼܐ ܨܦܪܐ ܕܐܝܼܬܘܗܝ ܗܼܘܐ ܨܦܪܗ ܕܝܘܡ ܚܡܫܐ܃
251:14 ܘܐܡܼܪ ܐܠܗܐ ܢܪܚܫܘܢ ܡܝ̈ܐ ܘܪ̈ܚܫܐ ܢܦܫܐ ܚܝܬܐ ܘܦܪܚܬܐ ܬܦܪܚܝ ܥܠ ܐܪܥܐ ܥܠ ܐܦ̈ܝ ܪܩܝܼܥܐ ܕܫܡܝܐ܂
251:15 ܘܒܪܐ ܐܠܗܐ ܬܢܝܼ̈ܢܐ ܪܘܪ̈ܒܐ ܘܟܠ ܪܚܫܐ ܚܝܬܐ ܕܐܪܚܼܫܘ ܡܝ̈ܐ ܠܓܢܼܣܗܘܢ ܘܟܠ ܦܪܚܬܐ ܕܓܦܐ ܠܓܼܢܣܗܿ܂
251:16 ܘܚܼܙܐ ܐܠܗܐ ܕܫܦܝܼܪ ܘܒܪܟ ܐܢܘܢ ܐܠܗܐ ܘܐܡܪ ܠܗܘܢ ܦܪܼܘ ܘܐܣܓܼܘ ܘܡܠܼܘ ܡܝ̈ܐ ܕܒܝܡ̈ܡܐ ܘܦܪܚܬܐ ܬܣܓܐ
251:17 ܒܐܪܥܐ܀ ܐܟܡܐ ܕܐܡܼܪܢܢ ܡܼܢ ܠܥܼܠ܂ ܐܟܙܢܐ ܕܡܠܟܐ ‍[‍ܕܨܿܒܐ‍]‍ ܕܢܥܼܒܕ ܚܠܘܼܠܐ ܠܒܪܗ ܒܘܼܟܪܗ ܪܚܝܼܡܐ܂ ܩܿܕܡ ܡܬܩܢ
251:18 ܒ̈ܬܐ ܪ̈ܘܝܼܚܐ ܘܐܿܣܢ ܒܗܘܢ ܚܫܚ̈ܬܐ ܘܣܘܼܢܩ̈ܢܐ ܕܐܘܼܟܠܐ ܘܫܩܼܝܐ ܘܦܘܪܓܝܐ ܘܙ̈ܢܝ‍{‍ܐ‍}‍ ܙܡܪܐ ܘܩܝܼܬܪ̈ܘܕܐ
251:19 ܠܡܚܕܝܘ ܠܡܙܡ̈ܢܢܐ ܘܠܣܡ̈ܝܼܟܐ܂ ܗܟܢ ܩܕܡ ܐܬܩܢ ܗܢ ܡܠܟܐ ܫܡܿܝܢܐ ܘܛܝܒ ܟܠܡܕܡ ܕܚܿܫܚ ܠܒܪܢܫܐ ܐܝܟ
251:20 ܕܠܚܬܢܐ ܘܒܪ ܡܠܟܐ܂ ܩܕܡ ܕܢܒܼܪܝܘܗܝ ܘܢܩܝܼܡܝܘܗܝ܂ ܘܩܕܡܐܝܼܬ ܡܿܢ ܡܬܼܚ ܠܗ ܗܕܐ ܝܪܝܼܥܬܐ ܪܡܿܬܐ܂
251:21 ܘܢܩܼܫ ܠܗ ܗܿܢܐ ܡܫܟܢ ܗܕܝܼܪܐ ܘܡܫܒܚܐ܂ ܘܫܬܼܠ ܠܗ ܗܿܠܝܢ ܦܪ̈ܕܝܣܐ ܫܒܝܼܚ̈ܐ܂ ܘܡܠܼܐ ܠܐܝܼܠ̈ܢܝܗܘܢ ܦܐܪ̈ܐ
251:22 ܪ̈ܓܝܼܓܐ܂ ܘܐܓܝܼܚ ܠܗ ܢܗܪ̈ܘܬܐ ܫܦܝܼܥ̈ܐ܂ ܘܐܪܕܝܼ ܠܗ ܢܒܼ̈ܥܐ ܘܡܒܘܼ̈ܥܐ ܕܡܝ̈ܐ ܫܦܝܼ̈ܥܐ ܘܨܠ̈ܝܼܠܐ܂ ܣܕܪ
251:23 ܒܪܘܡܐ ܕܬܛܠܝܼܠܗ ܣܘܓܐ ܕܢܗܝܼܪ̈ܐ ܡܙܠ̈ܓܐ܂ ܘܐܢܗܼܪ ܠܗ ܬܪ̈ܬܝܢ ܩܢܕ̈ܝܼܠܐܣ ܡܬܢܒܪ̈ܫܝ ܒܢܘܼܗܪܐ ܥܙܝܼܙܐ܂
252:01 ܠܡܢܗܪܘܼ ܠܗ ܒܐܝܼܡ̈ܡܐ ܘܒܠܝ̈ܠܘܬܐ܂ ܚܒܼܫ ܬܘܼܒ ܘܩܒܼܐ ܠܗ ܡܝ̈ܐ ܣܿܓܝܼ̈ܐܐ ܒܝܡ̈ܡܐ ܥܡܝܼ̈ܩܐ ܘܬܗܘܡ̈ܢܝܐ
252:02 ܠܡܪܟܒ ܥܠ ܚܨ̈ܝܗܘܢ ܠܡܕܫ ܬܟܝܼܠܐܝܬ ܥܠ ܓܠ̈ܠܝܗܘܢ܂ ܘܠܡܛܦ ܠܒܝܼܒܐܝܬ ܒܝܬ ܡܚܫܘܼܠ̈ܝܗܘܢ܃
252:03 ܘܠܡܫܡܠܝܘܼ ܐܘܼܪ̈ܚܬܗ ܘܫܒܝܼܠ̈ܘܗܝ ܒܝܬ ܡܡܘܼܠ̈ܝܗܘܢ ܬܩܝܼܦ̈ܐ܂ ܐܪܚܫ ܬܘܼܒ ܒܓܘ ܥܘܼܒ̈ܝܗܘܢ
252:04 ܪ̈ܚܫܐ ܣܿܓܝܼ̈ܐܐ ܕܠܐ ܣܿܟܐ܂ ܡܦܿܬܟ ܒܓܼܢܣ̈ܐ ܘܐܕ̈ܫܐ܂ ܘܙܢ̈ܝܐ ܛܥܿܡ̈ܬܐ ܠܬܘܼܪܣܝܗ ܘܠܦܘܼܢ̈ܩܘܗܝ ܡܫܪܬܚܐܝܼܬ
252:05 ܘܫܒܝܼܚܐܝܼܬ܂ ܘܥܒܕ ܬܘܼܒ ܘܒܪܐ ܒܚܟܼܡܬܗ܃ ܬܢܝܼ̈ܢܐ ܪܘܪ̈ܒܐ ܘܥܫܝܼ̈ܢܐ܂ ܘܩܼܝ̈ܛܝ ܪܘܪ̈ܒܝ ܩܘܡ̈ܬܐ܃
252:06 ܥܡ ܠܘܝܬܢ ܠܐ ܡܼܬܡܫܚܢܐ ܘܡܿܠܐ ܕܘܼܡܪܐ ܘܚܙܼܬܐ ܕܬܕܡܘܼܪܬܐ܂ ܡܛܿܠ ܦܘܼܪ̈ܣܐ ܣܿܓܝ̈ܐܐ ܘܥܠ̈ܠܬܐ ܡܫܚܠ̈ܦܬܐ܂
252:07 ܕܣܿܓܝܼܐܐ ܗܿܝ ܡܠܼܬܐ ܠܡܐܡܪ ܘܠܡܚܘܝܘܼ ܥܠܝܗܘܢ܂ ܒܬܪܟܢ ܢܿܛܪ ܠܗ ܠܒܪܢܫܐ ܐܡܝܼܢܐܝܼܬ ܨܠܡ ܪܒܘܬܗ܂
252:08 ܘܡܫܲܘܙܒ ܠܗ ܡܢ ܡܐܟܝܢܘܼܬܗܘܢ ܕܠܐ ܣܟ ܫܠܝܼܛ ܚܕ ܡܼܢܗܘܢ ܕܢܣܓܦܝܼܘܗܝ ܒܠܥܕ ܪܡܼܙܐ ܕܦܘܩܕܢܗ܂
252:09 ܘܗܟܢܐ ܡܠܼܐ ܠܝܡ̈ܡܐ ܪ̈ܚܫܐ ܘܓܼܢ̈ܣܐ ܕܢܘܼ̈ܢܐ܂ ܘܚܝ̈ܘܬܐ ܘܚܠ̈ܝܼܙܘܼܢܐ ܘܓ̈ܠܐ ܘܣܪ̈ܛܢܐ ܘܐܚܪ̈ܢܝܬܐ ܣܿܓܝܼ̈ܐܬܐ
252:10 ܕܠܐ ܡܣܼܬܿܝܟ̈ܢ ܘܠܐ ܡܬܼܡܢ̈ܝܢ܂ ܟܠܗܝܢ ܠܚܫܚܬܐ ܕܒܪܐܢܫܐ ܒܣܘܼܥܪ̈ܢܐ ܣܿܓܝܼ̈ܐܐ܂ ܕܐܠܘܼ ܡܫܪܝܢ ܗܘܼܝܢ
252:11 ܠܡܐܡܪ ܥܠ ܗܿܠܝܢ܂ ܐܦ ܒܨܝܼܪܐ ܘܙܥܘܼܪܝܐܝܼܬ ܠܐ ܟܪܛܝܼܣܐ ܡܣܝܟ ܗܘܼܐ ܐܦܠܐ ܡܠܼܬܐ ܣܿܦܩܐ ܗܘܼܬ܂܂܂܂ ܫܦܝܼܪ
252:12 ܐܡܼܪ ܚܕ ܡܼܢ ܚܟܝܼ̈ܡܝ ܒܐܠܗܐ܃ ܘܡܡܠܠ ܒܪܘܼܿܐ ܩܕ̄܂ ܗܿܢܘ ܠܡ ܝܡܐ ܪܒܐ ܘܪܘܝܚܬܐ ܕܐܝܼܕ̈ܝܐ܃ ܕܒܗ ܐܝܼܬ
252:13 ܪ̈ܚܫܐ ܕܠܐ ܡܼܢܝ̈ܢ܂ ܚܝ̈ܘܬܐ ܪܘܪ̈ܒܬܐ ܥܡ ܕܩܕ̈ܩܬܐ܂ ܘܒܗ ܗܼܘ ܡܗ̈ܠܟܢ ܣܦܝܼ̈ܢܐ܂ ܘܠܘܝܬܢ ܗܢܐ ܕܒܪܝܬܿ
252:14 ܠܡܓܼܚܟ ܥܠܘܗܝ܂ ܗ̄ ܡܛܿܠ ܪܒܘܬ ܩܘܡܬܗ ܘܡܫܘܼܚܬܗ ܣܿܓܝܼܐܬܐ܂ ܕܡܼܢ ܝܘܼܩܪܐ ܥܫܝܼܢܐ ܕܓܘܼܫܡܗ ܠܐ
252:15 ܡܫܼܟ‍{‍ܟ‍}‍‍<‍ܚ‍>‍ ܕܢܬܼܗܦܟ ܠܟܐ ܘܠܟܐ܂ ܐܠܐ ܣܝܼܡ ܒܬܗܘܼܡ̈ܐ ܕܝܡ̈ܡܐ ܐܝܟ ܛܘܼܪܐ ܡܕܡ ܝܩܝܼܪܐ ܕܠܐ ܦܫܝܼܩ
252:16 ܠܙܘܼܥܙܥܐ܂ ܗܿܢܐ ܡܬܼܡܬܠ ܒܗܿܘ ܬܢܝܼܢܐ ܡܼܬܝܕܥܢܐ ܐܟܠ ܩܪܨܐ܂ ܕܐܦܢ ܪܒ ܘܥܫܝܼܢ ܘܐܝܼܬܘܗܝ ܪܘܼܚܢܝܐ܂
252:17 ܘܣܿܓܝܼ ܪ̈ܝܼܫܐ܂ ܗ̄ ܦܘܼܪ̈ܣܐ ܒܝܼ̈ܫܐ ܘܨܼܢܥ̈ܬܐ ܘܠܘܼ̈ܬܟܐ܂ ܘܥܝܼܪ ܘܚܦܝܼܛ ܐܡܝܼܢܐܝܼܬ ܥܠ ܣܘܼܓܦ̈ܢܐ ܘܡܠܒܛ
252:18 ܒܛܝܼܠܐܝܼܬ܂ ܟܕ ܠܐ ܫܿܠܐ ܘܠܐ ܢܿܐܚ ܥܠ ܣܘܼܪ̈ܚܢܐ܂ ܐܠܐ ܝܗܼܒ ܐܠܗܐ ܠܕܚ̈ܠܘܗܝ ܐܝܠܝܢ ܕܢܿܛܪܝܢ ܦܘܩܕ̈ܢܘܗܝ
252:19 ܘܥܿܒܕܝܢ ܨܒܝܿܢܗ܂ ܚܝܠܐ ܘܥܘܼܫܢܐ ܠܡܕܫ ܥܠ ܨܘܼܪܗ ܘܠܡܼܪܨ ܪ̈ܝܼܫܘܗܝ ܣܿܓܝܼ̈ܐܐ܂ ܘܠܡܼܓܚܟ ܥܠܘܗܝ
252:20 ܘܠܡܗܠܘܼ ܒܨܢܥ̈ܬܗ܂ ܘܠܡܼܫܪܐ ܦܘܼܪ̈ܣܘ̄܂ ܘܠܡܬܒܪܘܼ ܦܚ̈ܘܗܝ܂ ܘܠܡܦܣܩܘܼ ܢܼܫ̈ܒܘ̄ ܘܡܨܝܕ̈ܬܗ܂ ܒܪܝܼܟ
252:21 ܗܼܘ ܡܪܢ ܛܒܿܐ ܘܐܠܗܢ ܬܩܝܼܦܐ܃ ܐܥܼܬܪܢ ܒܫܘܼܟ̈ܢܘܗܝ ܘܐܫܼܦܥ ܠܢ ܣܘܼܓܐܐ ܕܡܘܗܒ̈ܬܗ܂ ܘܗܿܢܐ ܝܡܐ ܪܒܐ
252:22 ܘܕܚܝܼܠܐ ܘܚܿܢܘܿܩܐ܃ ܡܠܼܐ ܘܐܣܼܢ ܠܢ ܒܗ ܚܫܚ̈ܬܐ ܘܣܘܼܢܩ̈ܢܐ ܘܫܪ̈ܒܐ ܕܠܐ ܣܟ ܡܣܼܬܝܟܝܢ܂ ܡܼܐܟ̈ܠܬܐ
252:23 ܡܫܚ̈ܠܦܬܐ ܘܬܘܼܪ̈ܣܝܐ ܕܣܿܓܝܼ̈ܐܬܐ܂ ܘܚܝ̈ܘܬܐ ܕܠܐ ܡܼܢܝܢ ܕܚܿܫܚܝܢ ܠܣܘܼܥܪ̈ܢܐ ܣܿܓܝܼ̈ܐܐ܂ ܠܐܣܝܘܼܬܐ ܕܗܕ̈ܡܐ܂
253:01 ܘܓܪ̈ܡܐ ܘܦܓܪ̈ܐ ܡܢ̈ܘܠܐ ܘܡܟܪ̈ܗܢܐ܂ ܠܨܼܒܘ̈ܬܐ ܘܚܫܚ̈ܬܐ ܕܡ̈ܠܟܐ ܘܪ̈ܫܢܐ܂ ܠܨܘܼܒ̈ܥܢܐ ܘܓܘܢ̈ܢܐ ܡܫܚܠ̈ܦܐ
253:02 ܘܨܡܘܼܚ̈ܬܢܐ ܕܐܪ̈ܓܘܢܐ ܡ̈ܠܟܝܐ ܕܡܼܢ ܚ̈ܠܝܼܙܘܼܢܐ ܘܙܚܘܼܪ̈ܝܬܐ ܡܙܠ̈ܓܬܿ ܓܘܢܐ܂ ܥܡ ܫܪܟܐ ܕܐܚܪ̈ܢܝܬܐ܂ ܐܣܼܩ ܠܢ
253:03 ܬܘܼܒ ܡܼܢ ܥܘܼܡ̈ܩܐ ܬܚ̈ܬܝܐ ܕܝܠܗܘܢ ܕܝܡ̈ܡܐ ܡܪ̈ܓܢܝܬܐ ܫܒܝܼܚ̈ܬܐ ܘܝܩܝܼܪ̈ܬܐ ܕܡܝ̈ܐ ܕܣܿܓܝܼ ܡܬܗܪ̈ܢ
253:04 ܠܚܙܝ̈ܐ ܒܫܘܼܦܪ̈ܝܗܘܢ܂ ܐܝܼܬ ܠܡ ܒܥܘܼܡܩ̈ܘܗܝ ܕܝܡܐ ܚܝܘܼܬܐ ܡܕܡ ܚܼܨܦܢܝܼܬܐ ܡܼܢ ܓܢܼܣܐ ܕܓ̈ܠܐ
253:05 ܘܚܠܝܼܙ̈ܘܼܢܐ܂ ܗܿܝ ܕܕܿܡܝܐ ܠܥܪ̈ܒܘܼܢܝܬܐ ܬܐܡ̈ܬܐ܂ ܘܒܙܒܢ ܢܝܼܣܢ ܪܚܿܫܐ܂ ܘܚܡܿܐ ܘܡܼܬܦܬܚܐ ܐܝܟ ܬܐܡ̈ܬܐ
253:06 ܕܬܪܝܢ ܬܪ̈ܥܐ܂ ܘܣܿܠܩܐ ܠܥܠ ܘܛܝܿܦܐ ܥܠ ܐܦ̈ܝ ܡܝ̈ܐ ܕܝܡܐ܂ ܘܐܝܟ ܨܒܝܿܢܗ ܕܐܠܗܐ ܢܿܛܦ ܒܗܿ ܛܘܼܦܬܐ ܕܛܐܠܐ
253:07 ܠܦܘܼܬ ܪܒܘܼܬܗܿ ܘܙܥܘܼܪܘܼܬܗܿ܂ ܘܗܿܝܕܝܢ ܒܿܪܩ ܥܠܝܗܿ ܒܪܩܐ܂ ܘܡܼܢ ܚܝܠܗ ܡܬܬܚܕܐ܂ ܟܕ ܡܼܬܚܫܒ ܒܗܿ
253:08 ܡܼܢ ܢܘܼܗܪܗ ܥܡ ܛܘܼܦܬܐ ܗܿܝ ܛܐܠܢܝܬܐ܂ ܘܝܩܪܐ ܘܬܘܼܒ ܢܿܚܬܐ ܘܫܿܟܢܐ ܒܥܘܼܡܩ̈ܘܗܝ ܕܝܡܐ ܘܝܿܪܒܐ
253:09 ܐܝܟ ܚܝܘܼܬܐ ܟܡܐ ܕܦܿܝܫܐ ܒܕܘܼܟܬܐ ܗܿܝ܂ ܘܐܝܼܬ ܐ̱ܢܫ̈ܝܢ ܐܘܼܡ̈ܢܐ ܕܡܥܝܕܝܢ ܠܡܥܼܡܕ ܒܥܘܼܡ̈ܩܐ ܕܡܝ̈ܐ
253:10 ܘܢܿܚܬܝܢ ܒܐܘܼܡܢܘܼܬܐ ܘܥܿܡܕܝܢ ܒܬܗܘܼ̈ܡܐ ܘܕܿܠܝܢ ܡܣܩܝܼܢ ܠܗܿ ܠܡܪܓܢܝܼܬܐ ܫܒܝܼܚܬܐ ܘܥܿܬܪܝܢ
253:11 ܡܼܢ ܛܝܼܡ̈ܝܗܿ܂ ܘܡܼܬܡܠܝܢ ܟܠܗܘܢ ܣܘܼܢܩ̈ܢܝܗܘܢ܂ ܣܿܓܝܼ ܕܡܿܝܐ ܡܪܓܢܝܬܐ ܠܗܝܡܢܘܼܬܐ ܫܪܝܼܪܬܐ܂ ܚܕܐ ܗܿܝ
253:12 ܗܝܡܢܘܼܬܐ ܬܪܝܼܨܬܿ ܫܘܒܚܐ ܕܒܚܕ ܐܠܗܐ܂ ܘܠܝܬ ܠܡܘܣܦܘܼ ܥܠܝܗܿ ܘܠܐ ܠܡܒܨܪܘܼ ܡܢܗܿ܂ ܐܟܡܐ ܕܡܪܓܢܝܬܐ
253:13 ܫܒܝܼܚܬܐ ܠܐ ܡܼܬܬܘܣܦ ܥܠܝܗܿ ܘܠܐ ܡܬܒܨܪ ܡܢܗܿ܂ ܘܠܡܪܓܢܝܬܐ ܡܣܩܝܢ ܣܚ̈ܝܐ ܡܼܢ ܥܘܼܡܩ̈ܘ̄
253:14 ܕܝܲܡܐ܂ ܘܠܗܝܡܢܘܼܬܐ ܡܫܪܪܝܢ ܦܪ̈ܘܼܫܐ ܡܼܢ ܥܘܼܡܩܐ ܕܝܕܥܬܐ ܘܣܚܘܐ ܕܒܟܬܒ̈ܐ ܩܕ̈ܝܫܐ܂ ܡܝܬܪܘܼܬܐ
253:15 ܕܝܢ ܕܿܡܝܐ ܠܕܗܒܐ ܘܣܐܡܐ ܕܡܩܒܠܝܼܢ ܬܘܣܦܬܐ ܘܣܿܓܝܢ ܘܡܥܬܪܝܢ܂ ‍[‍ܐܦ‍]‍ ܡܝܬܪܘܼܬ ܕܘܒܪ̈ܐ
253:16 ܬܩ̈ܢܐ܃ ܟܡܐ ܕܡܘܣܦ ܐܢܬ ܥܠܝܗܘܢ܃ ܣܿܓܐ ܥܘܼܬܪܟ ܪܘܼܚܢܝܐ܂ ܘܡܫܼܬܿܪܬܚ ܒܝܬ ܓܐܙܟ܂ ܗܝܡܢܘܼܬܐ ܕܝܢ
253:17 ܕܒܚܕ ܐܠܗܐ ܗܘܢܐ ܘܡܠܼܬܐ ܘܪܘܼܚܐ܂ ܬܠܝܼܬܝܘܼܬܐ ܐܝܼܬܝܼܝܼܬܐ ܘܡܬܘܼܡܝܬܐ ܘܡܪܢܿܝܬܐ܂ ܠܝܬ ܠܡܘܣܦܘ
253:18 ܥܠܝܗܿ ܡܛܿܠ ܕܠܝܬ ܐܠܗܐ ܐ̱ܚܪܝܢ ܣܛܪ ܡܼܢ ܚܕ܂ ܘܠܐ ܡܼܬܒܨܪ ܡܢܗܿ܂ ܡܛܿܠ ܕܠܝܬ ܡܘܼܫܚ̈ܬܐ ܒܐܠܗܘܼܬܐ
253:19 ܐܦܠܐ ܡܢܝ̈ܢܐ܂ ܐܦܢ ܐܿܡܪܝܼܢܢ ܬܠܬܐ ܩܢܘܼ̈ܡܐ܂ ܐܠܐ ܠܘ ܡܿܢܝܢܢ ܠܗܘܢ ܚܕ ܒܬܪ ܚܕ܂ ܐܝܟܢܐ ܕܢܐܡܪ ܚܕ ܬܪܝܢ
253:20 ܬܠܬܐ܂ ܠܘ ܗܿܟܢ ܗܼܝ ܬܠܝܼܬܝܘܼܬܐ ܡܪܢܿܝܬܐ܂ ܠܘ ܚܕ ܒܬܪ ܘܟܢ ܐܚܪܢܐ܂ ܠܝܬ ܒܗܿ ܩܕܡܝܘܼܬܐ ܘܬܪܝܢܘܼܬܐ܂
253:21 ܐܠܐ ܟܠܗܿ ܚܕܐ ܐܝܼܬܝܘܼܬܐ ܚܕܐ ܡܬܘܼܡܝܘܼܬܐ܂ ܚܕܐ ܡܪܢܝܘܼܬܐ܂ ܚܕ ܟܝܿܢܐ܂ ܚܕ ܚܝܠܐ ܚܕ ܨܒܝܿܢܐ ܚܕܐ ܡܪܘܬܐ ܚܕܐ
253:22 ܡܠܟܘܼܬܐ ܚܕܐ ܡܕܒܪܢܘܼܬܐ܂ ܠܝܬ ܠܡܘܣܦܘܼ ܥܠܗܿܕܐ ܗܝܡܢܘܼܬܐ ܫܪܝܼܪܬܐ܂ ܘܠܐ ܠܡܒܨܪܘ ܡܢܗܿ܃ ܐܟܡܐ
253:23 ܕܡܪܓܢܝܬܐ ܚܕܐ ܗܿܝ ܒܫܘܼܦܪܗܿ ܘܟܝܿܢܗܿ܂ ܒܪܝܼܟ ܗܼܘ ܕܝܗܼܒ ܠܢ ܡܪܓܢܝܼܬܐ ܡܼܬܚܙܝܿܢܝܬܐ ܘܡܬܝܕܥܢܝܼܬܐ
254:01 ܐܡܝܼܢ܀ ܡܢܘܼ ܡܫܼܟܚ ܠܛܒ̈ܬܐ ܪܘܪ̈ܒܬܐ ܘܥܘܕܪ̈ܢܐ ܣܿܓܝܼ̈ܐܐ ܕܐܬܩܢ ܠܢ ܡܪܢ ܛܒܐ ܒܝܡܐ ܡܿܢ ܘܒܝܒܫܐ ܘܒܐܐܪ
254:02 ܘܒܬܗܘܼ̈ܡܐ܂ ܒܬܪ ܣܿܓܝܼ̈ܐܬܐ ܕܒܪܐ ܘܟܫܼܐ ܠܢ ܒܝܡ̈ܡܐ ܘܢܗܪ̈ܘܬܐ ܓܢܼܣ̈ܐ ܣܿܓܝܼ̈ܐܐ ܘܐܕ̈ܫܐ ܡܦܬܟ̈ܐ ܘܟܝ̈ܢܐ
254:03 ܡܫܼܚܠ̈ܦܐ ܕܣܿܓܝܼܐܐ ܗܿܝ ܡܠܼܬܐ ܘܡܐܡܪܐ ܕܥܠܝܗܘܢ܂ ܬܘܼܒ ܦܪܢܣܬܸ ܚܼܟܡܬܐ ܪܒܬܐ ܘܒܛܝܼܠܘܬܗܿ
254:04 ܬܗܝܼܪܬܐ܂ ܘܐܣܼܩ ܠܢ ܡܼܢ ܝܡܐ ܦܪܚܬܐ ܓܦܢܝܬܐ ܓܼܢܣ̈ܐ ܣܿܓܝ̈ܐܐ ܘܐܕ̈ܫܐ ܡܫܚܠ̈ܦܐ ܕܠܐ ܡܢܝܢ܂
254:05 ܟܠܗܘܢ ܠܚܫܚܬܐ ܕܣܘܼܢ̈ܩܢܝܢ܂ ܘܠܡܫܡܫܘܼ ܩܕܡܝܢ܂ ܡܼܢܗܝܢ ܡܿܢ ܡܬܪܒܝܢ ܥܡܢ ܘܩܕܿܡܝܢ ‍[‍ܕܐܝܟ
254:06 ܬܪ̈ܢܘܓܠܬܐ ܘܘܙ̈ܐ ܘܒ̈ܛܐ܂ ܕܢܘܠܕ̈ܢ ܒܢ̈ܬܐ ܘܢܦܩ̈ܢ ܦܪ̈ܘܓܐ ܠܒܘܼܣܡ ܡܐܟ̈ܠܬܐ܂ ܘܕܢܥܝܪ̈ܢ ܠܢ ܒܥܕ̈ܢܝ ܠܠܝܐ
254:07 ܘܠܡܼܫܗܪ ܥܠ ܡܛܪ̈ܬܢ܂ ܐܟܡܐ ܕܐܝܼܬܘܗܝ ܟܝܿܢܐ ܕܘ̈ܙܐ ܡܪ̈ܓܫܢܐ ܣܿܓܝܼ܃ ܐܦ ܡܢ ܨܠܠܬܐ ܒܨܝܼܪܬܐ ܘܙܥܘܼܪܬܐ
254:08 ܕܥܡ ܗܿܝ ܕܡܪ̈ܓܫܢ ܒܩܠܝܼܠ ܡܕܡ܂ ܫܓ̈ܫܢ ܘܡܙܥܩ̈ܢ ܒܩ̈ܠܐ ܪ̈ܡܐ ܘܡܥܝܼܪ̈ܢ ܠܐܢܫ̈ܝ ܕܘܼܟܬܐ ܕܢܩܘܼܡܘܢ ܢܚܼܙܘܢ
254:09 ܡܵܢܐ ܗܿܝ ܨܠܠܬܐ ܕܓܕܫܬܿ܂ ܘܒܝܕ ܗܕܐ ܣܿܓܝܼ ܡܕ̈ܝܼܢܬܐ ܘܚܣܢ̈ܘܬܐ ܘܒ̈ܬܐ ܘܕܘܼܟ̈ܝܬܐ ܐܫܼܬܘܙܒܘ ܡܢ
254:10 ܓܲܢܵܒܘܼܬܐ܂ ܐܦ ܓܢܼܣܐ ܫܒܝܼܚܐ ܘܡܦܼܬܟ ܒܟܠܫܘܦܪ̈ܝܢ ‍[‍ܕ‍]‍ܛܘܣܐ ܕܝܗܼܒ ܠܢ܃ ܐܝܟ ܕܠܦܘܪܓܝܐ ܘܒܘܼܣܡܐ
254:11 ܕܚܙܵܬܢ܂ ܘܐܠܒܫ ܐܢܘܢ ܘܨܝܪ ܐܢܘܢ ܒܓܘܢ̈ܐ ܡܦܬܟ̈ܐ ܕܡܬܗܪܝܢ ܠܚܙ̈ܝܐ܂ ܐܝܟ ܕܗܒܐ ܘܐܝܟ ܐܪܓܘܢܐ ܘܐܝܟ
254:12 ܙܚܘܼܪܝܼܬܐ ܘܐܝܟ ܝܘܼܪܩܐ ܘܐܝܟ ܚܘܪܐ ܥܡ ܣܘܓܐܐ ܕܓܘܢ̈ܐ ܡܫܚܠ̈ܦܐ ܘܡܙܗܪ̈ܐ ܘܨܡܘܼܚ̈ܬܢܐܢ܂ ܕܟܠܗܘܿܢ
254:13 ܐܘܡ̈ܢܝ ܡ̈ܠܟܐ ܠܐ ܡܿܨܝܢܼ ܕܢܪܟܒܘܢ ܕܐܝܟ ܗܿܠܝܢ ܓܘܢ̈ܐ ܫܒ̈ܝܼܚܐ ܘܡܙܗܪ̈ܐ܂ ܘܐܝܟ ܗܿܘ ܕܒܡ̈ܝ ܕܗܒܐ
254:14 ܓܒܝܼܠܝܢ ܟܠܗܘܿܢ ܘܕܗܒܐ ܩܪܝܼܡܝܢ܂ ܘܟܕ ܡܼܙܕܠܠ ܡܼܢ ܗܪܟܐ ܛܘܣܐ ܘܡܚܘܐ ܫܘܼܦܪܗ ܘܡܒܣܡ ܠܚܙ̈ܝܐ܂
254:15 ܘܡܲܪܬܚ ܠܠܒܘ̈ܬܐ ܘܗܘ̈ܢܐ ܠܡܫܒܚܘܼ ܠܒܪܘܼܝܐ ܕܬܕܡܪ̈ܬܐ ܗܿܠܝܢ ܫܒܝܼܚ̈ܬܐ܀ ܘܬܘܼܒ ܡܼܢܗܝܢ
254:16 ܕܦܪ̈ܚܬܐ ܛܟܣ ܥܒܘܿܕܐ ܕܢܩܕܡ̈ܢ ܠܡܢܨܪܘܼ ܠܢ ܘܠܡܩܡܘܼ ܡܼܢ ܬܫܘܝ̈ܬܢ ܠܥܒܿܕ̈ܝܢ ܘܠܦܘܼ̈ܠܚܢܝܢ܂ ܡܐܠܠܘܢ
254:17 ܠܡܫܲܒܚܘܼ ܠܒܪܘܝܗ ܕܨܦܪܐ ܘܡܛܠܩܢܐ ܕܚܫܼܟܐ ܠܠܝܝܐ܂ ܘܣܢܘܢܝ̈ܬܐ ܡܢܨܪ̈ܢ ܘܠܥܙ̈ܢ ܒܟܝ̈ܠܐ ܘܡܘܼܫ̈ܚܬܐ܂
254:18 ܨܦܼܪ̈ܐ ܕܝܢ ܡܨܘܨ̈ܝܢ ܡܼܢ ܩܢܝ̈ܗܘܢ܂ ܐ̱ܚܪ̈ܢܝܬܐ ܡܦܪ̈ܚܢ ܘܛܿܝܣ̈ܢ܂ ܐ̱ܚܪ̈ܢܝܬܐ ܢܿܗ̈ܡܢ ܘܡ‍{‍ܒ‍}‍‍<‍ܩ‍}‍ܪ̈ܩܢܢ܂ ܐ̱ܚܪ̈ܢܝܬܐ
254:19 ܚܦܝܼ̈ܛܢ ܥܠ ܦܘܼܠܚܢܗܝܢ܃ ܐ̱ܚܪ̈ܢܝܬܐ ܡܬܼܟܢܫ̈ܢ ܪ̈ܦܝܢ ‍[‍ܪ̈ܦܝܢ‍]‍ ܘܡܛܝܣ̈ܢ ܠܥܠ ܡܼܢܢ܂ ܐܚܪ̈ܢܝܬܐ ܬܘܼܒ
254:20 ܝܬܝܪ ܐ̈ܠܦܐ ܘܪ̈ܒܘܬܐ ܡܫܩ̈ܠܢ ܡܼܢ ܕܘܼܟ ܠܕܘܼܟ܂ ܐܚܪ̈ܢܝܬܐ ܪ̈ܚܘܿܫܐ ܘܕܒܒ̈ܐ ܘܒܩ̈ܐ ܡܠܩ̈ܛܢ ܡܼܢ
254:21 ܐܪ̈ܥܬܢ܂ ܐ̱ܚܪ̈ܢܝܬܐ ܥܠ ܩܡ̈ܨܐ ܫܟ̈ܢܢ ܠܡܓܪܘܼܬܗܘܢ ܡܼܢ ܚܩ̈ܠܬܢ܂ ܐ̱ܚܪ̈ܢܝܬܐ ܫܪ̈ܨܐ ܘܥܘܼܩܒܪ̈ܐ ܘܦܪ̈ܚܕܘܕܐ
254:22 ܡܨܝܕܢ ܡܢ ܐܪ̈ܥܬܢ܂ ܐܚܪ̈ܢܝܬܐ ܥܿܡܪ̈ܝܢ ܒܝܢܬܢ ܘܪ̈ܗܝܢ ܠܚܘܘ̈ܬܐ ܘܓܪ̈ܣܐ ܕܐܝܟܐ ܕܡܼܬܚܙܝܢ ܒܪܗܝܒܘܼ̄ ܡܪ̈ܝܼܡܢ
255:01 ܠܗܘܢ ܕܠܐ ܢܐܟܘܢ ܠܢ܂ ܘܐܦ ܒܠܝ̈ܠܘܬܐ ܬܘܼܒ ܥܝܪ̈ܢ ܘܫܿܗܪ̈ܢ ܥܠ ܡܛܪ̈ܬܢ܂ ܘܟܕ ܐ̱ܢܫ ܡܼܙܕܥܙܥ ܒܠܠܝܐ ܡܩܘܩ̈ܝܢ
255:02 ܘܡܓܪ̈ܓܝܝܢ ܡܩܘܪ̈ܝܗܘܢ ܘܡܫܡ̈ܥܢ ܪ̈ܥܡܐ ܕܩܿܠܗܝܢ ܠܡܢܛܪܘܼ ܒ̈ܬܝܢ ܡܼܢ ܬܚܠ̈ܘܼܨܐ ܘܓܢܒܘ̈ܬܐ܂ ܐ̱ܚܪ̈ܢܝܬܐ
255:03 ܫܥ̈ܐ ܡܿܢܼܝ̈ܢ ܒܪܦܦ ܓܦ̈ܝܗܘܢ ܠܡܫܘܕܥܘ ܠܢ ܥܕ̈ܢܐ ܕܐܝܼܡ̈ܡܐ ܘܠܝܠ̈ܘܬ܂ ܐ̱ܚܪ̈ܢܝܬܐ ܒܛܗܪܐ ܡܢܗ̈ܡܢ ܘܡܫܓܫ̈ܢ
255:04 ܠܡܛܪ̈ܦܐ ܥܠ ܫܢܼܬܐ ܘܢܝܿܚܐ ܕܒܚܘܼܡ̈ܐ ܥܙܝܼ̈ܙܐ܂ ܘܐ̱ܚܪ̈ܢܝܬܐ ܒܐܝܼܠ̈ܢܐ ܡܫܘܕܥܢ ܘܡܦܪ̈ܩܥܢ ܩ̈ܠܐ ܪ̈ܗܝܼܒܐ ܘܠܥܙ̈ܐ
255:05 ܡܫܚ̈ܠܦܐ܃ ܠܡܒܣܡܘܼ ܫܼܡܥܢ܂ ܐ̱ܚܪ̈ܢܝܬܐ ܐܝܟ ܚܒ̈ܠܐ ܚܒ̈ܠܐ ܛܿܝܣܝܢ ܒܐܐܪ ܘܙܒ̈ܢܐ ܡܫܘܕ̈ܥܢ ‍[‍ܠܢ‍]‍܂ ܡܼܢܗܝܢ ܡܿܢ
255:06 ܒܬܐܕܐ ܪ̈ܘܙܢ ܘܡܼܬܚ̈ܙܝܢ ܠܢ܂ ܐ̱ܚܪ̈ܢܝܬܐ ܒܥܙܝܼܙܘܼܬܗ ܕܩܝܛܐ ܥܿܡܪ̈ܢ ܠܘܬܢ܂ ܐ̱ܚܪ̈ܢܝܬܐ ܒܡܥܠܗ ܕܣܬܘܐ ܡܼܬܚܘܝ̈ܢ
255:07 ܠܢ܂ ܐ̱ܚܪ̈ܢܝܬܐ ܒܙܒܢܗ ܕܩܘܼܪܐ ܥܙܝܼܙܐ ܐܿܬܝ̈ܢ ܡܼܢ ܐܬܪ̈ܘܬܐ ܐܚܪ̈ܢܐ ܠܘܬܢ܂ ܐ̱ܚܪ̈ܢܝܬܐ ܒܟܠܗ ܐܝܼܡܡܐ ܡܦܪ̈ܓܝܢ ܠܢ܂
255:08 ܐ̱ܚܪ̈ܢܝܬܐ ܒܥܕܢ ܪܡܫܐ ܩܪ̈ܝܢ ܘܡܫܘܕ̈ܥܢ ܥܠ ܫܘܼܠܡ ܐܝܼܡܡܐ܂ ܘܟܕ ܢܗܼܘܐ ܝܘܡܐ ܕܣܬܘܐ ܘܠܐ ܣܟ ܡܼܬܚܙܐ
255:09 ܫܡܼܫܐ܃ ܡܼܢܗܝܢ ܡܨܝܢܢ ܠܡܼܫܬܘܕܥܘܼ ܥܕ̈ܢ ܟܠܗܘܢ ܕܐܝܼܡܡܐ܂ ܝܬܝܪܐܝܼܬ ܒܥܕܢ ܪܡܫܐ ܟܕ ܬܚܼܙܐ ܣܿܓܝܼ̈ܐܬܐ ܡܼܢܗܝܢ
255:10 ܕܫܘܪ̈ܢ ܡܼܢ ܩܢ̈ܝܗܝܢ ܘܡܦܪ̈ܚܢ ܘܡܨܘܨܝ̈ܢ ܘܩܪ̈ܝܢ ܠܚܕ̈ܕܐ܂ ܕܥ ܕܫܪܝܼܪܐܝܼܬ ܕܩܪܒ ܪܡܫܐ ܘܢܦܝܼܩ̈ܢ ܗܿܠܝܢ ܦܪ̈ܚܬܐ
255:11 ܠܩܢܗܝܢ/ܠܡܬܦܫܛܘ/ ܘܠܡܼܬܛܝܒܘܼ ܠܡܫܟܢ ܟܠܗ ܡܼܬܚܐ ܠܠܝܼܝܼܐ܂ ܘܒܪܡܫܐ ܥܡܝܼܩܐ ܡܫܪ̈ܝܢ ܐ̱ܚܪ̈ܢܝܬܐ ܠܡܢܗܡܘ ܘܠܡܫܡܥܘܼ
255:12 ܩܵܠܝܗ̈ܝܢ ܟܕ ܐܝܟ ܗܿܘ ܕܠܫܢܼܬܐ ܘܠܢܝܿܚܬܐ ܩܿܪ̈ܝܢ ܠܢ܂ ܐ̱ܚܪ̈ܢܝܬܐ ܦܪ̈ܚܕܘܕܢܝܬܐ ܘܫܪ̈ܨܢܝܬܐ܃ ܡܢܨܪ̈ܢ ܚܢܝܓܐܝܼܬ
255:13 ܘܐܝܟ ܗܿܘ ܕܡܢܝܕ̈ܢ ܠܢ ܒܫܢܼܬܐ ܐܝܟ ܐܡܼܐ ܕܡܢܝܼܕܐ ܘܡܥܢܝܐ ܠܝܢܣܩܐ ܕܬܒܣܡܝ ܠܗ ܫܢܼܬܐ ܘܢܕܡܟ܂
255:14 ܐ̱ܚܪ̈ܢܝܬܐ ܒܗ ܒܦܠܓܗ ܕܠܠܝܐ ܩܿܪ̈ܝܢ ܘܡܥܝܼܪ̈ܢ ܠܢ ܥܠ ܬܫܒܘܼ̄ ܘܬܘܕܝܼܬܐ ܕܗܿܘ ܕܝܗܼܒ ܠܠܝܐ ܠܢܝܿܚܬܐ
255:15 ܕܡܼܢ ܥܡܠܐ ܘܛܘܼܪܦܐ܂ ܘܗܿܟܢܐ ܟܕܝ̈ܢܢ ܟܠܗܝܢ ܥܡ ܟܠܗܝܢ ܥܠ ܬܫܡܫ̈ܬܢ܂ ܐܝܟ ܥܒܼܕ̈ܐ ܟܫܝܼܪ̈ܐ ܕܠܐ ܢܿܝܡܝܢ
255:16 ܘܠܐ ܕܿܡܟܝܢ܂ ܐ̱ܚܪ̈ܢܝܬܐ ܓܕܠ̈ܢ ܘܡܬܼܥ̈ܠܝܢ ܠܪ̈ܘܡܐ ܥܠ̈ܝܐ܂ ܐ̱ܚܪ̈ܢܝܬܐ ܥܠ ܐܦ̈ܝܗܿ ܕܐܪܥܐ ܥܡܢ ܘܒܝܢܬܢ
255:17 ܡܼܬܗܦ̈ܟܢ܂ ܐܝܼܬ ܬܘܼܒ ܠܡܼܚܙܐ ܐ̱ܚܪ̈ܢܝܬܐ ܨܝܕ̈ܬܐ ܘܚܿܛܘܼܦ̈ܝܬܐ ܕܐܝܼܬ ܒܟܝܿܢܗܝܢ ܕܟܕ ܡܬܼܠܒ̈ܟܢ
255:18 ܘܡܼܬܪ̈ܒܝܢ ܥܡܢ܃ ܡܬܥܝܕ̈ܢ ܠܢ ܘܡܼܬܢܩ̈ܦܢ܂ ܘܠܐ ܬܘܼܒ ܡܫܢ̈ܝܢ ܡܼܢ ܠܘܬܢ܂ ܘܨܿܝܕܢ ܠܢ ܡܼܢ ܚܒܪ̈ܬܗܝܢ܂
255:19 ܘܡܚܛܦ̈ܢ ܡܼܢ ܐ̱ܚܪ̈ܢܝܬܐ ܘܡܝܬܝ̈ܢ ܠܢ܀ ܐ̱ܚܪ̈ܢܝܬܐ ܥܒܕ̈ܢ ܠܢ ܟܠܗ ܝܘܡܐ ܙܡܪ̈ܐ ܘܩܝܼܬܪ̈ܘܕܐ܂ ܘܡܢܨܪ̈ܢ
255:20 ܘܠ̈ܥܙܢ ܘܡܨܘܨ̈ܝܢ ܘܡܦܪ̈ܚܢ ܘܡܛܝ̈ܣܢ ܚܕܪ̈ܝܢ ܒܢܘܼܨܪ̈ܐ ܗܢܝ̈ܐܬܐ ܘܙܡܪ̈ܐ ܚܠ̈ܝܐ ܘܩܝܼܢ̈ܬܐ ܗܢܝ̈ܐܬܐ܂
255:21 ܘܡܒܝܐܝܢܝ̈ܬܐ ܕܠܐ ܡܼܨܝܐ ܠܒܢܝ̈ܢܫܐ ܠܡܪܟܒܘܼ ܕܐܝܟ ܗܿܠܝܢ ܩ̈ܠܐ ܚܠ̈ܝܐ ܘܢܘܼܨܪ̈ܬܐ ܗܢܝ̈ܐܬܐ܂ ܘܐܝܢܐ ܕܚܿܐܪ
255:22 ܘܡܼܬܒܩܐ ܒܗܝܢ ܚܬܝܼܬܐܝܼܬ܃ ܘܡܐܨܕ ܪܘܼܚܢܐܝܼܬ ܒܬܐܘܪܝܐ ܕܛܡܝܼܪܐ ܘܟܣܝܐ ܒܗܘܢ܂ ܒܗ ܒܟܝܿܢܗܘܢ
255:23 ܘܥܝܿܕܗܘܢ ܘܓܘܢ̈ܝܗܘܢ܂ ܚܿܙܐ ܠܗ ܠܥܒܘܿܕܐ ܣܓܝܼܕܐ ܘܡܫܼܬܘܕܥ ܠܗ ܡܼܢ ܚܝܠܗ ܪܒܐ ܕܡܥܒܕ ܒܗܘܿܢ܂
256:01 ܘܒܛܝܼܠܘܼܬܗ ܕܥܠܝܗܘܢ܃ ܒܐܕܫ̈ܝܗܘܢ ܡܿܢ ܒܩܢܘ̈ܡܝܗܘܢ ܘܒܓܘܢ̈ܝܗܘܢ܂ ܘܒܨܘܼ‍<‍ܝ‍>‍ܪ̈ܝܗܘܢ ܬܗܝܼܪ̈ܐ ܘܫܒܝܼܚ̈ܐ
256:02 ܘܡܬܚ̈ܡܐ܂ ܘܒܫܪܟܐ ܕܟܠܗܝܢ ܕܝܼ̈ܠܝܬܗܘܢ܂ ܘܕܠܡܐ ܢܬܼܚܫܒ ܐ̱ܢܫ ܗܕܝܘܼܛܐܝܼܬ ܘܢܐܡܪ܃ ܕܡܢܐ ܗܢܝܿܢܐ
256:03 ܡܼܢ ܗܿܠܝܢ܃ ܕܗܿܐ ܛܠܝܘܼ̈ܣܐ ܒܪܝܼܪ̈ܐ ܠܟܠܗܘܢ ܝܿܕܥܝܢ ܘܡܼܫܬܘܕܥܝܢ܂ ܠܘ ܒܝܼܕܥܬܐ ܐܬܼܚܫܒ܂ ܐܠܐ ܣܿܓܝܼ ܝܼܕܥܬܐ
256:04 ܪܘܼܚܢܿܝܬܐ ܩܿܛܦ ܘܡܬܼܚܟܡ ܢܗܝܼܪܐܝܼܬ ܡܼܢ ܡܬܼܒܩܝܢܘܼܬܐ ܘܗܪܓܐ ܕܒܗܿܠܝܢ ܘܒܫܪܟܐ ܕܗܘ̈ܝܐ ܘܬܘܼܩ̈ܢܐ
256:05 ܕܒܪܝܼܬܐ܂ ܐܡܼܬܝ ܕܒܝܼܕܥܬܐ ܡܐܨܕ ܥܡ ܫܠܼܝܐ ܘܨܠܘܿܬܐ ܘܣܦܝܼܩܘܼܬܐ ܕܠܒܐ ܕܡܼܢ ܚܘܼܫ̈ܒܐ ܘܡܪ̈ܢܝܬܐ ܣܪ̈ܝܼܩܬܐ
256:06 ܕܣܘܼܥܪ̈ܢܐ ܥܿܒܘܪ̈ܐ܂ ܘܡܢܐ ܐܣܓܐ ܡܼ̈ܠܐ܂ ܕܠܗ ܠܒܪܘܼܝܐ ܡܫܼܬܘܕܥ ܡܼܢ ܒܪ̈ܝܬܗ܀ ܘܒܗܿܠܝܢ ܫܠܡ ܩܦܠܐܘܢ ܩܕܡܝܐ
256:07 ܒܝܕ ܐܠܗܐ ܕܚܝܠ ܘܥܕܪ܂