The Comprehensive Aramaic Lexicon

128:01	ܥܠ ܚܝܠܗ ܕܡܪܢ ܟܬܒܢܐ ܢܘܗܪܐ ܕܟܬܒܐ ܕܐܢܐܠܘ̈ܛܝܩܐ ܕܥܒܝܕ ܠܦܪܘܒܐ ܚܟܝܡܐ ܂
128:02	ܫܒܥܐ ܐܝܬܝܗܘܢ ܩܗܦܐܠܗ̈ܐ ܕܩܕܡ ܟܠ ܟܬܒܐ ܙܕܩ ܕܢܬܬܣܝܡܘܢ ܐܝܟ ܕܝܠܦܢܢ ܒܟܬܒܐ
128:03	ܗܘܿ ܕܩܕܡ ܗܢܐ ܂ ܢܝܫܐ ܂ ܚܫܚܘܬܐ ܂ ܛܟܣܐ ܂ ܕܡܢܘ ܐܝܬܘܗܝ ܂ ܥܠܬܐ ܕܪܘܫܡܐ ܂ ܦܘܠܓܐ
128:04	ܕܠܩܗܦܐ̈ܠܗܐܿ ܕܠܘܬ ܡܢܘ ܣܠܩ ܂
128:05	ܢܝܫܐ ܂ ܢܝܫܐ ܗܟܝܠ ܕܟܬܒܐ ܗܢܐ ܐܝܬܘܗܝ ܕܢܠܦ ܠܢ ܡܛܠ ܣܘܢܠܘܓܝܣܡܘܣ ܟܠܢܝܐ ܂
128:06	ܬܠܬܐ ܓܝܪ ܐܝܬܝܗܘܢ ܐ̈ܕܫܐ ܕܣܘܢܠܘܓܝܣܡܘܣ ܂ ܐܦܘܕܝܩܛܝܩܘܣܿ ܕܝܐܠܗܩܛܝܩܘܣ ܂
128:07	ܣܘܦܣܛܝܩܘܣ ܂ ‍>‍܂܂܂‍<‍
128:08	ܟܕ ܗܟܢܐ ܗܟܝܠ ܗܘܐ ܦܘܠܓܐ ܕܠܩ̈ܗܦܐܠ ܗܐܿ ܙܕܩ ܕܢܕܥ ܕܐܝܬܘܗܝ ܪܘܫܡܗ ܕܟܬܒܐ ܗܢܐ
128:09	ܐܢܐܠܘܛ̈ܝܩܐ ܗܢܘ ܕܝܢ ܫܪܝܐ ܂ ܘܡܬܒܥܝܐ ܕܟܕ ܠܬܠܬܐ ܩܗ̈ܦܐܠܗܐ ܡܦܠܓ ܡܛܠܡܢܐ ܫܒܩ ܗܿܘ
128:10	ܩܕܡܝܐ ܘܗܿܘ ܡܨܥܝܐ ܘܡܢ ܗܿܘ ܐܚܪܝܐ ܫܡܗܗܿ ܘܐܡܪܝܢܢ ܕܐܘ ܡܛܠ ܕܣܒܝܣܐܝܬ ܐܬܚܫܚ
128:11	ܒܗ ܂ ܐܘ ܡܛܠ ܥܣܩܘܬܗ ܂ ܟܕ ܓܝܪ ܪܘܟܒܐ ܐܝܬ ܘܫܪܝܐ ܂ ܐܝܬ ܐܡܬܝ ܕܪܘܟܒܐ ܥܣܩ ܡܼܢ
128:12	ܫܪܝܐ ܂ ܘܐܝܬ ܐܡܬܝ ܕܫܪܝܐ ܥܣܩ ܡܼܢ ܪܘܟܒܐ ܂ ܐܡܬܝ ܕܝܢ ܕܬܪܬܝܗܝܢ ܥܣܩ̈ܢ ܝܬܝܪ ܥܣܩ ܫܪܝܐ
128:13	ܡܼܢ ܪܘܟܒܐ ܕܐܝܟ ܐܝܟܢ ܪܘܟܒܐ ܕܒܝܬܐ ܝܬܝܪ ܥܣܩ ܡܸܢ ܫܪܝܗܿ ܘܫܪܝܐ ܕܡܝ̈ܐ ܘܕܚܡܪܐ ܝܬܝܪ
128:14	ܥܣܩ ܡܼܢ ܪܘܟܒܐ ܂ ܟܕ ܓܝܪ ܒܢܝܢܐ ܕܒܝܬܐ ܥܣܩ ܘܫܪܝܐ ܕܡ̈ܝܐ ܘܕܚܡܪܐ ܥܣܩ ܣܓܝ ܥܣܩ
128:15	ܫܪܝܐ ܕܡܝ̈ܐ ܘܕܚܡܪܐ ܝܬܝܪ ܡܼܢ ܒܢܝܢܐ ܕܒܝܬܐ ܂
128:16	ܕܠܘܬ ܡܢܘ ܣܠܩ ܂ ܡܬܒܥܝܐ ܕܠܘܬ ܡܢܘ ܣܠܩ ܟܬܒܐ ܗܢܐ ܂ ܘܐܡܪܝܢܢ ܕܠܘܬ ܡܠܝܠܘܬܐ ܣܠܩ ܂
128:17	ܐܐ ܡܬܒܥܝܐ ܕܗܿܝ ܡܠܝܠܘܬܐ ܡܢܐ ܐܝܬܝܗܿ ܂ ܐܪܐ ܡܢܬܐ ܕܦܝܠܣܘܦܘܬܐ ܐܘ ܐܘܪܓܐܢܘܢ
128:18	ܕܝܠܗܿ ܂ ܘܐܣܛܘܐܝ̈ܩܘ ܡܿܢ ܓܝܪ ܐܡܪܝܢ ܕܡܢܬܐ ܕܦܝܠܣܘܦܘܬܐ ܐܝܬܝܗܿ ܂ ܐܪܝܣܛܘܛܗܠܝܣ ܕܝܢ
128:19	ܐܘܪܓܐܢܘܢ ܂ ܦܠܛܘܢ ܕܝܢ ܐܘܪܓܐܢܘܢ ܘܡܢܬܐ ܂
128:20	ܘܐܣܛܘܐܝ̈ܩܘ ܡܿܢ ܒܿܥܝܢ ܕܢܚܘܘܢ ܕܡܢܬܐ ܕܦܝܠܣܘܦܘܬܐ ܐܝܬܝܗܿ ܒܝܕ ܬܪܝܢ ܣܥܝ̈ܐ ܂
128:21	ܘܣܥܝܐ ܡܿܢ ܩܕܡܝܐ ܐܝܬܘܗܝ ܗܢܐ ܕܟܠܡܕܡ ܕܡܬܚܫܚܐ ܒܗ ܐܘܡܢܘܬܐ ܘܠܝܬܘܗܝ ܡܢܬܐ ܣܟ
128:22	ܕܐܘܡܢܘܬܐ ܐܚܪܬܐ ܘܠܐ ܡܢܬ ܡܢܬܐ ܕܝܠܗܿ ܕܐܘܡܢܘܬܐ ܗܿܝ ܕܡܬܚܫܚܐ ܒܗ ܡܼܢ ܐܢܐܢܩܐ
128:23	ܡܢܬܐ ܐܝܬܘܗܝ ܕܐܘܡܢܘܬܐ ܗܿܝ ܕܡܬܚܫܚܐ ܒܗ ܂ ܒܡܠܝܠܘܬܐ ܓܝܪ ܡܬܚܫܚܐ ܐܣܛܪܘܢܘܡܝܐ
128:24	ܟܕ ܡܢܬܐ ܕܦܝܠܣܘܦܘܬܐ ܐܝܬܝܗܿ ܂ ܘܗܿܝ ܡܿܢ ܕܠܝܬܝܗܿ ܡܠܝܠܘܬܐ ܡܢܬܐ ܕܐܘܡܢܘܬܐ ܐܚܪܬܐ
128:25	ܐܝܟ ܡܿܢ ܕܓܠܝܐ ܫܒܩܘܗܿ ܂ ܗܿܝ ܕܝܢ ܕܠܝܬܝܗܿ ܡܢܬ ܡܢܬܐ ܒܥܝܢ ܕܢܚܘܘܢ ܗܟܢܐ ܕܦܝܠܣܘܦܝܐ
128:26	ܠܬܗܐܘܪܝܐ ܘܠܣܥܘܪܘܬܐ ܡܬܦܠܓܐ ܂ ܘܟܠ ܚܕܐ ܡܢܗܝܢ ܐܝܬ ܠܗܿ ܗܘܿܕܣܝܡ ܘܫܘܡܠܝܐ ܂
128:27	ܕܐܝܟ ܐܝܟܢ ܐܟܙܢܐ ܕܠܐܘܡܢܘܬܐ ܕܐܣܝܘܬܐ ܐܝܬ ܠܗܿ ܗܿܘ ܡܿܢ ܕܣܝܡ ܦܓܪ̈ܐ ܕܒܢܝ̈ܢܫܐ ܂
128:28	ܫܘܠܡܐ ܕܝܢ ܚܘܠܡܢܐ ܂ ܟܠܗܿ ܓܝܪ ܝܨܝܦܘܬܗܿ ܐܝܬܝܗܿ ܕܬܥܒܕ ܐܘ ܬܛܪ ܚܘܠܡܢܐ ܒܦܓܪ̈ܐ
128:29	ܐܢܫܝ̈ܐ ܂ ܘܗܟܢܐ ܘܠܬܗܐܘܪܝܐ ܐܝܬ ܡܿܢ ܗܘܿ ܕܣܝܡ ܟܠܗܝܢ ܗܠܝܢ ܕܐܝܬܝܗܝܢ ܫܘܡܠܝܐ ܕܝܢ
128:30	ܝܕܥܬܐ ܫܪܝܪܬܐ ܕܗܠܝܢ ܂ ܠܣܥܘܪܘܬܐ ܕܝܢ ܗܘܿ ܡܐ ܕܣܝܡ ܐܝܬܘܗܝ ܢܦܫ̈ܬܐ ܕܒܢܝ̈ܢܫܐ ܂ ܫܘܡܠܝܐ
128:31	ܕܝܢ ܨܒܬܐ ܕܒܗܠܝܢ ܂ ܒܡܠܝܠܘܬܐ ܕܝܢ ܘܬܗܐܘܪܝܐ ܘܣܥܘܪܘܬܐ ܫܘܝܐܝܬ ܡܬܚܫ̈ܚܢ ܘܡܢܬܐ
128:32	ܕܚܕܐ ܡܢܗܝܢ ܠܝܬܝܗܿ ܂ ܡܕܝܢ ܠܝܬܝܗܿ ܡܢܬ ܡܢܬܐ ܕܦܝܠܣܘܦܘܬܐ ܂
128:33	ܘܐܡܪܝܢܢ ܠܗܘܢ ܕܡܒܨܪ ܦܘܠܓܐ ܕܝܠܟܘܢ ܂ ܙܕܩ ܗܘܼܐ ܓܝܪ ܕܬܐܡܪܘܢ ܕܟܠܡܕܡ ܕܡܬܚܫܚܐ
128:34	ܒܗ ܐܘܡܢܘܬܐ ܘܠܐ ܐܝܬܘܗܝ ܡܢܬܐ ܕܐܘܡܢܘܬܐ ܐܚܪܬܐ ܘܠܐ ܡܢܬ ܡܢܬܐ ܕܝܠܗܿ ܘܠܐ
128:35	ܐܘܪܓܐܢܘܢ ܡܢܬܐ ܕܝܠܗܿ ܐܝܬܘܗܝ ܂ ܗܐ ܓܝܪ ܐܘܡܢܘܬܐ ܕܐܣܝܘܬܐ ܡܬܚܫܚܐ ܒܡܓܙܪܐ
128:36	ܘܠܐ ܐܝܬܘܗܝ ܡܢܬܐ ܕܐܘܡܢܘܬܐ ܐܚܪܬܐ ܘܠܐ ܡܢܬ ܡܢܬܐ ܕܝܠܗܿ ܘܠܐ ܐܝܬܘܗܝ ܡܢܬܐ
128:37	ܕܐܘܡܢܘܬܐ ܕܐܣܝܘܬܐ ܂ ܡܕܝܢ ܠܐ ܩܿܐܡ ܦܘܠܓܐ ܕܝܠܟܘܢ ܂
130:01	ܣܥܝܐ ܕܝܢ ܕܬܪܝܢ ܡܥܬܕܝܢ ܒܗܢܐ ܙܢܐ ܂ ܕܟܠܡܕܡ ܕܡܣܪܚܐ ܐܘܡܢܘܬܐ ܡܢܬܐ ܕܝܠܗܿ ܐܝܬܘܗܝ ܂
130:02	ܘܐܡܪܝܢܢ ܕܐܦܐ ܦܘܠܓܐ ܗܢܐ ܩܿܐܡ ܂ ܗܐ ܓܝܪ ܐܘܡܢܘܬܐ ܕܐܣܝܘܬܐ ܐܝܟ ܕܐܬܐܡܪܬ
130:03	ܡܣܪܚܐ ܡܓܙܪܐ ܘܠܐ ܐܝܬܘܗܝ ܡܢܬܐ ܕܝܠܗܿ ܂
130:04	ܐܪܝܣܛܘܛܗܠܝܣ ܕܝܢ ܒܿܥܐ ܕܢܚܘܐ ܕܐܘܪܓܐܢܘܢ ܕܦܝܠܣܘܦܘܬܐ ܐܝܬܝܗܿ ܡܠܝܠܘܬܐ
130:05	ܒܗܢܐ ܙܢܐ ܂ ܕܟܠܡܕܡ ܕܡܬܚܫܚܐ ܒܗ ܐܘܡܢܘܬܐ ܘܡܛܠܬܗܿ ܐܝܬܘܗܝ ܡܼܢ ܐܢܐܢܩܐ ܒܨܝܪ
130:06	ܡܼܢ ܐܘܡܢܘܬܐ ܗܝ ܕܒܗ ܡܬܚܫܚܐ ܂ ܐܟܙܢܐ ܕܐܘܡܢܘܬܐ ܕܪܟܒܘܬܐ ܡܬܚܫܚܐ ܒܥܒܘܕܘܬ
130:07	ܦܓܘ̈ܕܐ ܂ ܐܢ ܡܕܝܢ ܓܪܡܛܝܩܘܬܐ ܘܪܗܛܪܘܬܐ ܘܗܠܝܢ ܐܚܪ̈ܢܝܬܐ ܡܬܚܫܚ̈ܢ ܒܡܠܝܠܘܬܐ ܕܐܦ
130:08	ܡܛܠܬܗܝܢ ܐܝܬܝܗܿ ܡܫܬܟܚܐ ܡܢܬܐ ܕܦܝܠܣܘܦܘܬܐ ܒܨܝܪܐ ܡܼܢ ܓܪܡܛܝܩܐ ܘܪܝܛܘܪܝܩܐ ܂ ܗܿܝ
130:09	ܕܫܟܝܪܬܐ ܐܝܬܝܗܿ ܂
130:10	ܦܠܛܘܢ ܕܝܢ ܐܡܿܪ ܕܐܘܪܓܐܢܘܢ ܐܝܬܝܗܿ ܘܡܢܬܐ ܂ ܐܘܪܓܐܢܘܢ ܡܿܢ ܐܡܬܝ ܕܒܩܢܘ̈ܢܐ
130:11	ܐܝܟ ܕܒܩܢܘܿܢܐ ܢܚܘܪ ܂ ܐܟܙܢܐ ܕ ܡܼܢ ܬܪ̈ܬܝܢ ܩܛܐܦܣ̈ܝܣ ܟܘܠܢܝ̈ܬܐ ܩܐܛܐܦܐܣܝܣ ܟܠܢܝܬܐ
130:12	ܡܬܟܢܫܐ ܂ ܡܢܬܐ ܕܝܢ ܐܡܬܝ ܕܒܐܚܝܢܘܬܐ ܕܝܠܗܝܢ ܟܠܢܝܬܐ ܘܡܢܬܝܬܐ ܘܒܪܚܝܩܘܬܗܝܢ ܬܘܒ
130:13	ܟܠܢܝܬܐ ܘܡܢܬܝܬܐ ܢܬܒܩܐ ܂ ܗܿܝ ܕܝܢ ܕܗܠܝܢ ܬܸܕܥ ܕܦܝܠܣܘܦܝܐ ܒܠܚܘܕ ܐܝܬܝܗܿ ܂ ܠܘ ܓܝܪ

Page 1 of 10 next page » show all