Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 01:002 | [1ܲ1] ܐܡܘ̈ܢܡܐ ܐܘܟܝܬ ܫܘ̈ܝܝ ܫܡܐ ܡܬܐܡܪܝܢ ܕܗܿܢܘܢ ܕܫܡܐ ܒܠܚܘܕ ܕܓܘܐ ܡܠܬܐ ܕܝܢ ܕܐܘܣܝܐ ܗܿܝ ܕܒܗ ܒܫܡܐ ܐܚܪܬܐ ܗܝ |
| 01:003 | ܕܐܝܟ ܐܝܟܢ ܚܝܘܬܐ ܒܪܢܫܐ ܟܝܬ ܘܗܿܝ ܕܨܝܪܐ |
| 01:004 | ܕܗܠܝܢ ܓܝܪ ܫܡܐ ܒܠܚܘܕ ܓܘܢܝܐ ܡܠܬܐ ܕܝܢ ܕܐܘܣܝܐ ܗܿܝ ܕܒܗ ܒܫܡܐ ܐܚܪܬܐ ܗܝ |
| 01:005 | ܐܢܓܝܪ [1ܲ5] ܢܬܠ ܐܢܫ ܟܠܚܕܐ ܚܝܘܬܐ ܡܢܗܝܢ ܕܡܢܐ ܐܝܬܝܗܿ ܗܿܝ ܕܐܝܬܝܗܿ ܡܠܬܐ ܕܝܠܝܢܝܬܐ ܕܟܠ ܚܕܐ ܝܗܿܒ |
| 01:006 | ܣܘܢܐܘܢܘ̈ܡܐ ܕܝܢ ܐܘܟܝܬ ܕܥܡ ܫܡܐ ܡܬܐܡܪܝܢ ܕܗܿܢܘܢ ܕܫܡܐ ܟܝܬ ܓܘܢܝܐ ܘܐܦ ܡܠܬܐ ܕܥܠܘܗܝ ܕܫܡܐ ܕܐܘܣܝܐ ܗܼܝ ܟܕ ܗܼܝ |
| 01:007 | ܕܐܝܟ ܐܝܟܢ ܚܝܘܬܐ ܒܪܢܫܐ ܟܝܬ ܘܐܦ ܬܘܪܐ |
| 01:008 | ܒܪܢܫܐ ܓܝܪ ܘܬܘܪܐ ܒܫܡܐ ܓܘܢܝܐ ܡܬܟܢܝܢ ܚܝܘܬܐ ܘܐܦ ܡܠܬܐ ܕܝܢ [1ܲ10] ܕܐܘܣܝܐ ܗܼܝ ܟܕ ܗܼܝ |
| 01:009 | ܐܢܓܝܪ ܢܬܼܠ ܐܢܫ ܡܠܬܐ ܗܿܝ ܕܟܠܚܕ ܡܢܗܘܢ ܕܡܢܐ ܐܝܬܝܗܿ ܠܟܠܚܕܐ ܚܝܘܬܐ ܡܢܗܝܢ ܗܿܝ ܕܐܝܬܝܗܿ ܗܼܝ ܟܕ ܗܼܝ ܡܠܬܐ ܢܬܼܠ |
| 01:010 | ܦܐܪ̈ܐܘܢܘܡܐ ܕܝܢ ܐܘܟܝܬ ܕܡܢ ܫܡܐ ܡܬܐܡܪܝܢ ܟܠܗܘܢ ܗܠܝܢ ܕܟܕ ܡܫܚܠܦܝܢ ܒܦܛܘܣܝܣ ܐܘܟܝܬ ܒܡܦܘܠܬܐ ܡܢ ܡܕܡ ܐܝܬ ܠܗܘܢ ܠܟܘܢܝܐ ܕܥܠܘܗܝ ܕܫܡܐ |
| 01:011 | ܕܐܝܟ ܐܝܟܢ ܡܢ ܓܪܡܛܝܩܝ ܓܪܡܛܝܩܘܣ ܘܡܢ [1ܲ15] ܓܢܒܪܘܬܐ ܓܢܒܪܐ |