Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 03:026 | [1ܒ10] ܐܡܬܝ ܕܐܚܪܢܐ ܥܠ ܐܚܪܢܐ ܡܬܩܛܪܓ ܐܝܟ ܕܥܠ ܗܿܘ ܕܣܝܡ ܟܠܗܝܢ ܗܠܝܢ ܕ ܥܠ ܗܿܘ ܕܡܬܩܛܪܓ ܡܬܐܡܪ̈ܢ ܟܠܗܝܢ ܐܦ ܥܠ ܗܿܘ ܕܣܝܡ ܢܬܐܡܪ̈ܢ |
| 03:027 | ܕܐܝܟ ܐܝܟܢ ܒܪܢܫܐ ܥܠ ܐܢܫ ܒܪܢܫܐ ܡܬܩܛܪܓ ܚܝܘܬܐ ܕܝܢ ܥܠ ܒܪܢܫܐ |
| 03:028 | ܡܕܝܢ ܥܠ ܐܢܫ ܒܪܢܫܐ ܚܝܘܬܐ ܬܬܩܛܪܓ ܥ29ܐ [1ܒ15] ܐܢܫ ܓܝܪ ܒܪܢܫܐ ܘܒܪܢܫܐ ܘܚܝܘܬܐ ܐܝܬܘܗܝ |
| 03:030 | ܕܓܢܣ̈ܐ ܐܚܪ̈ܢܐ ܘܕܠܘ ܬܚܝܬ ܚܕ̈ܕܐ ܡܛܟܣܝܢ ܐ̄ܚܪ̈ܢܐ ܒܐܕܫܐ ܐܦ ܫܘ̈ܚܠܦܐ ܕܐܝܟ ܐܝܟܢ ܕܚܝܘܬܐ ܘܕܝܕܥܬܐ |
| 03:031 | ܕܚܝܘܬܐ ܡܿܢ ܓܝܪ ܫܘ̈ܚܠܦܐ ܦܪܚܬܐ ܟܝܬ ܘܗܠܟܬܐ ܘܬܪ̈ܝܢܝܬ ܪ̈ܓܠܐ ܘܗܿܝ ܕܒܡ̈ܝܐ ܕܝܕܥܬܐ ܕܝܢ ܘܐܦܠܐ ܚܕܐ ܡܢ ܗܠܝܢ |
| 03:032 | ܠܐ ܓܝܪ [1ܒ20] ܡܫܚܠܦܐ ܝܕܥܬܐ ܡܢ ܝܕܥܬܐ ܒܗܿܝ ܕܬܪ̈ܝܢܝܬ ܪ̈ܓܠܐ ܬܗܘܐ ܐܝܬܝܗܿ |
| 03:033 | ܕܓܢܣ̈ܐ ܕܝܢ ܕܬܚܝܬ ܚܕ̈ܕܐ ܘܠܐ ܡܕܡ ܟܿܠܐ ܕܗܼܢܘܢ ܟܕ ܗܼܢܘܢ ܫܘ̈ܚܠܦܐ ܢܗܘܘܢ ܐܝܬܝܗܘܢ |
| 03:034 | ܗܠܝܢ ܓܝܪ ܕܠܥܠ ܥܠ ܓܢ̈ܣܐ ܕܬܚܘܬܝܗܘܢ ܡܬܩܛܪܓܝܢ ܐܝܟܢܐ ܟܝܬ ܕܟܡܐ ܕܐܝܬܝܗܘܢ ܫܘ̈ܚܠܦܐ ܕܗܿܘ ܕܡܬܩܛܪܓ ܟܠܗܘܢ ܗܠܝܢ ܐܦ ܥܠ ܗܿܘ ܕܣܝܡ ܢܗܘܘܢ |