← Back
The Comprehensive Aramaic Lexicon
← Return to the Text Browser
click on the file description for more information
60808: Categories_Jacob of Edessa

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

06:193 ‍[‍4ܒ20‍]‍ ܡܛܠ ܟܡܝܘܬܐ ܡܢ ܟܡܝܘܬܐ ܕܝܢ ܗܿܝ ܡܿܢ ܡܦܪܫܬܐ ܐܝܬܝܗܿ ܗܿܝ ܕܝܢ ܣܒܝܣܬܐ
06:194 ܘܗܿܝ ܡܿܢ ܡܢ ܗܠܝܢ ܕܐܝܬ ܠܗܝܢ ܣܝܡܐ ܠܘܬ ܚܕ̈ܕܐ ܕܡܢܘ̈ܬܐ ܗܠܝܢ ܕܒܗܝܢ ܡܩܝܡܐ ܗܿܝ ܕܝܢ ܠܘ ܡܢ ܗܠܝܢ ܕܐܝܬ ܠܗܝܢ ܣܝܡܐ
06:195 ܐܝܬܝܗܿ ܕܝܢ ܡܦܪܫܬܐ ܡܢ ܕܐܝܟ ܐܝܟܢ ܡܢܝܢܐ ܘܡܠܬܐ ܣܒܝܣܬܐ ܕܝܢ ܣܘܪܛܐ ܫܛܝܚܘܬܐ ܓܘܫܡܐ ܬܘܒ ܕܝܢ ܠܒܪ ܡܢ ܗܠܝܢ ܙܒܢܐ ܘܐܬܪܐ
06:196 ‍[‍4ܒ25‍]‍ ܕܡܢܘܬܐ ܡܿܢ ܓܝܪ ܕܡܢܝܢܐ ܘܐܦܠܐ ܚܕ ܬܚܘܡܐ ܓܘܢܝܐ ܗܿܘ ܕܠܘܬܗ ܢܩܦ̈ܢ ܡܢܘ̈ܬܗ
06:197 ܕܐܝܟ ܐܝܟܢ ܚܡܫܐ ܐܢ ܡܢܘ̈ܬܐ ܐܝܬܝܗܘܢ ܕܥܣܪܐ ܐܦܠܐ ܠܘܬ ܚܕ ܬܚܘܡܐ ܓܘܢܝܐ ܡܬܬܠܘܬܝܢ ܚܡܫܐ ܘܚܡܫܐ ܐܠܐ ܡܦܪܫܝܢ
06:198 ܐܦ ܬܠܬܐ ܟܝܬ ܘܫܒܥܐ ܐܦܠܐ ܠܘܬ ܚܕ ܬܚܘܡܐ ܓܘܢܝܐ ܡܬܬܠܘܬܝܢ
06:199 ܘܠܐ ܟܠ ܟܠܗ ‍[‍4ܒ30‍]‍ ܐܝܬ ܠܟ ܥܠ ܡܢܝܢܐ ܠܡܼܣܒ ܬܚܘܡܐ ܓܘܢܝܐ ܕܡܢ̈ܘܬܐ ܐܠܐ ܒܟܠ ܙܒܢ ܡܦܪܫ
06:200 ܐܝܟܢܐ ܟܝܬ ܕܡܢܝܢܐ ܡܢ ܡܢ ܗܠܝܢ ܕܡܦܪ̈ܫܢ ܐܝܬܘܗܝ
06:201 ܗܘܼ ܗܟܘܬ ܕܝܢ ܐܦ ܡܠܬܐ ܡܢ ܗܠܝܢ ܕܡܦܪ̈ܫܢ ܐܝܬܝܗܿ
06:202 ܕܟܡܝܘܬܐ ܡܿܢ ܓܝܪ ܐܝܬܝܗܿ ܡܠܬܐ ܓܠܝܐ ܗܝ
06:203 ܡܿܫܚ ܐܢܬ ܓܝܪ ܒܣܘܠܒܐ ܙܥܘܪܬܐ ܘܒܐܪܝܟܬܐ
06:204 ܐܿܡܪ ܐܢܐ ܕܝܢ ܠܗܿ ܠܡܠܬܐ ܗܿܝ ܕܥܡ ܩܠܐ ‍[‍4ܒ35‍]‍ ܗܘܿܝܐ
06:205 ܐܦܠܐ ܓܝܪ ܠܘܬ ܚܕ ܬܚܘܡܐ ܓܘܢܝܐ ܡܬܬܠܘ̈ܬܢ ܡܢ̈ܘܬܗܿ
06:206 ܠܐ ܓܝܪ ܐܝܬ ܬܚܘܡܐ ܓܘܢܝܐ ܗܿܘ ܕܠܘܬܗ ܡܬܬܠܘ̈ܬܢ ܣܘ̈ܠܐܒܣ ܐܠܐ ܟܠܚܕܐ ܡܢܗܝܢ ܡܦܪܫܐ ܗܝ ܡܢܗܿ ܘܠܗܿ
06:207 ‍[‍5ܲ1‍]‍ ܣܘܪܛܐ ܕܝܢ ܣܒܝܣܬܐ
06:208 ܐܝܬ ܓܝܪ ܠܡܼܣܒ ܬܚܘܡܐ ܓܘܢܝܐ ܗܿܘ ܕܠܘܬܗ ܡܬܬܠܘ̈ܬܢ ܡܢܘ̈ܬܗ ܢܘܩܙܐ
06:209 ܘܐܦ ܕܫܛܝܚܘܬܐ ܣܘܪܛܐ
06:210 ܡܢܘ̈ܬܐ ܓܝܪ ܕܫܛܝܚܘܬܐ ܠܘܬ ܬܚܘܡܐ ܡܕܡ ܓܘܢܝܐ ܡܬܬܠܘ̈ܬܢ
06:211 ܗܘܼ ܗܟܘܬ ܕܝܢ ܐܦ ܥܠ ܓܘܫܡܐ ‍[‍5ܲ5‍]‍ ܐܝܬ ܠܟ ܠܡܼܣܒ ܬܚܘܡܐ ܓܘܢܝܐ ܣܘܪܛܐ ܘܫܛܝܚܘܬܐ ܕܠܘܬܗ ܡܢ̈ܘܬܐ ܕܓܘܫܡܐ ܡ̈ܬܬܠܘܬܢ
06:212 ܐܝܬܘܗܝ ܕܝܢ ܙܒܢܐ ܐܦ ܐܬܪܐ ܡܢ ܗܠܝܢ ܕܕܐܝܟ ܗܟܢ
06:213 ܙܒܢܐ ܓܝܪ ܗܿܘ ܕܗܫܐ ܡܠܘܬ ܠܗܿܘ ܕܥܒܪ ܟܝܬ ܘܠܘܬ ܗܿܘ ܕܥܬܝܕ
06:214 ܬܘܒ ܐܦ ܐܬܪܐ ܡܢ ܗܠܝܢ ܣܒܝ̈ܣܬܐ ܐܝܬܘܗܝ
06:215 ܠܐܬܪܐ ܓܝܪ ܡܕܡ ܐܚܝܕ̈ܢ ܡܢ̈ܘܬܗ ܕܓܘܫܡܐ ‍[‍5ܲ10‍]‍ ܗܠܝܢ ܕܠܘܬ ܬܚܘܡܐ ܕܡܕܡ ܓܘܢܝܐ ܡܬܬܠܘ̈ܬܢ
06:216 ܡܕܝܢ ܐܦ ܡܢ̈ܘܬܗ ܕܐܬܪܐ ܗܠܝܢ ܕܐܚܝܕ̈ܢ ܟܠ ܚܕܐ ܡܢ ܡܢܘ̈ܬܗ ܕܓܘܫܡܐ ܠܘܬܗ ܟܕ ܠܘܬܗ ܕܬܚܘܡܐ ܢܬܬܠܘ̈ܬܢ ܠܘܬ ܗܿܘ ܕܐܦ ܡܢܘ̈ܬܗ ܕܓܘܫܡܐ
06:217 ܐܝܟܢܐ ܟܝܬ ܕܣܒܝܣܐ ܢܗܘܼܐ ܐܝܬܘܗܝ ܐܦ ܐܬܪܐ
06:218 ܠܘܬ ܓܝܪ ܚܕ ܬܚܘܡܐ ܓܘܢܝܐ ܡܬܬܠܘ̈ܬܢ ܡܢ̈ܘܬܗ
06:219 ‍[‍5ܲ15‍]‍ ܬܘܒ ܕܝܢ ܗܠܝܢ ܡܿܢ ܡܢ ܗܠܝܢ ܕܐܝܬ ܠܗܘܢ ܣܝܿܡܐ ܠܘܬ ܚ̈ܕܕܐ ܕܡܢ̈ܘܬܐ ܗܠܝܢ ܕܒܗܘܢ ܡܩܝܡܐ ܗܠܝܢ ܕܝܢ ܠܘܬ ܡܢ ܗܠܝܢ ܕܐܝܬ ܠܗܘܢ ܣܝܿܡܐ
06:220 ܕܐܝܟ ܐܝܟܢ ܡܢ̈ܘܬܐ ܡܿܢ ܕܣܘܪܛܐ ܣܝܿܡܐ ܐܝܬ ܠܗܝܢ ܠܘܬ ܚܕ̈ܕܐ
06:221 ܟܠܚܕܐ ܡܢܗܝܢ ܓܝܪ ܣܝܼܡܐ ܒܫܛܝܚܘܬܐ ܘܐܝܬ ܠܗܝܢ ܕܢܬܝ̈ܗܒܢ ܕܐܝܟܐ ܣܝܼܡܐ ܟܠ ܚܕܐ ܡܢܗܝܢ ‍[‍5ܲ20‍]‍ ܘܠܘܬ ܐܝܕܐ ܡܢܬܐ ܡܢ ܗܠܝܢ ܕܫܪܟܐ ܡܬܬܠܘܬܐ
06:222 ܗܘܼ ܗܟܘܬ ܕܝܢ ܐܦ ܡܢܘ̈ܬܐ ܕܫܛܝܚܘܬܐ ܣܝܿܡܐ ܡܕܡ ܐܝܬ ܠܗܝܢ
06:223 ܒܗܿ ܒܕܡܘܬܐ ܓܝܪ ܬܬܝܗܒ ܟܠܚܕܐ ܡܢܗܝܢ ܐܝܟܐ ܕܣܝܼܡܐ ܘܐܝܠܝܢ ܢܩ̈ܦܢ ܠܘܬ ܚܕ̈ܕܐ
06:224 ܐܦ ܗܠܝܢ ܕܝܢ ܕܓܘܫܡܐ ܘܐܦ ܗܠܝܢ ܕܕܘܟܬܐ
06:225 ܥܠ ܟܝܬ ܡܢܝܢܐ ܠܝܬ ܠܗ ܠܐܢܫ ܕܢܚܘܪ ܕܡܢ̈ܘܬܗ ܣܝܿܡܐ ܡܕܡ ܐܝܬ ܠܗܝܢ ܠܘܬ ܚܕ̈ܕܐ ܐܘ ‍[‍5ܲ25‍]‍ ܣܝ̈ܡܢ ܒܕܘܟ ܐܿܘ ܕܐܝܠܝܢ ܡܢ̈ܘܬܐ ܟܝܬ ܠܘܬ ܚܕ̈ܕܐ ܡ̈ܬܬܠܘܬܢ
06:226 ܘܐܦ ܠܐ ܕܝܢ ܕܗܠܝܢ ܕܗܿܘ ܠܐ ܡܬܦܣܩܢܐ
06:227 ܡܩܘܐ ܓܝܪ ܘܠܐ ܡܕܡ ܡܢ ܡܢ̈ܘܬܐ ܕܙܒܢܐ ܗܿܘ ܕܝܢ ܕܠܐ ܐܝܬܘܗܝ ܕܡܟܬܪ ܐܝܟܢܐ ܟܝܬ ܗܢܐ ܐܝܬ ܠܗ ܣܝܿܡܐ
06:228 ܐܠܐ ܡܠܘܢ ܛܟܣܐ ܡܕܡ ܬܐܡܪ ܟܝܬ ܕܐܝܬ ܠܗ ܒܗܿܝ ܕܗܿܘ ܡܿܢ ܡܢ ‍[‍5ܲ30‍]‍ ܙܒܢܐ ܡܢ ܩܕܝܡ ܐܝܬܘܗܝ ܗܿܘ ܕܝܢ ܐܚܪܝܐ
06:229 ܐܠܐ ܐܦ ܥܠ ܡܢܝܢܐ ܕܝܢ ܒܗܿܝ ܕܩܕܡܝܬ ܡܬܡܢܐ ܚܕ ܡܢ ܩܕܡ ܬܪܝܢ ܘܬܪܝܢ ܡܢ ܩܕܡ ܬܠܬܐ
06:230 ܘܗܟܢܐ ܛܟܣܐ ܡܕܡ ܟܝܬ ܐܝܬ ܠܗܘܢ ܣܝܿܡܐ ܕܝܢ ܠܐ ܟܝܬ ܢܣܼܒ ܐܢܫ
06:231 ܘܐܦ ܥܠ ܡܠܬܐ ܕܝܢ ܗܘܼ ܗܟܘܬ
06:232 ܠܐ ܡܕܡ ܓܝܪ ܡܟܬܪ ܡܢ ܡܢ̈ܘܬܗܿ
06:233 ܐܠܐ ܐܬܐܡܪܬ ܟܝܬ ܘܠܐ ܐܝܬ ܬܘܒ ‍[‍5ܲ35‍]‍ ܠܡܣܒܗܿ ܠܗܕܐ ܐܝܟܢܐ ܟܝܬ ܕܠܐ ܢܗܘܼܐ ܐܝܬ ܣܝܿܡܐ ܕܡܢ̈ܘܬܗܿ ܘܐܦܠܐ ܡܕܡ ܕܡܟܬܪ
06:234 ܗܿܝ ܡܿܢ ܗܟܝܠ ܡܢ ܗܠܝܢ ܕܐܝܬ ܠܗܘܢ ܣܝܿܡܐ ܕܡܢ̈ܘܬܐ ܗܠܝܢ ܕܒܗܘܢ ܡܩܝܡܐ ܗܠܝܢ ܕܝܢ ܠܘ ܡܢ ܗܠܝܢ ܕܐܝܬ ܠܗܘܢ ܣܝܿܡܐ
06:235 ܡܪܢܐܝܬ ܕܝܢ ܟܡܝ̈ܘܬܐ ܗܠܝܢ ܡܬܐܡܪ̈ܢ ܗܠܝܢ ܕܐܬܐܡܪ̈ܝ ܗܠܝܢ ܕܝܢ ܐܚܪ̈ܢܝܬܐ ܟܠܗܝܢ ܒܓܕܫܐ
06:236 ܟܕ ܓܝܪ ܒܗܠܝܢ ‍[‍5ܒ1‍]‍ ܚܝܿܪܝܢܢ ܐܦ ܗܠܝܢ ܟܡܝ̈ܘܬܐ ܐܚܪ̈ܢܝܬܐ ܐܡܪܝܢܢ
06:237 ܕܐܝܟ ܐܝܟܢ ܣܓܝܐܐ ܚܘܪܘܬܐ ܐܿܡܪܝܢܢ ܒܗܿܝ ܟܝܬ ܕܣܓܝܐܬܐ ܐܝܬܝܗܿ ܫܛܝܚܘܬܐ
06:238 ܘܣܥܘܪܘܬܐ ܐܪܝܟܬܐ ܒܗܿܝ ܕܙܒܢܐܿ ܣܓܝܐܐ ܐܝܬܘܗܝ ܘܡܬܬܙܝܥܢܘܬܐ ܣܓܝܐܬܐ
06:239 ܠܘ ܓܝܪ ܡܢܗܿ ܘܠܗܿ ܟܠܚܕܐ ܡܢ ܗܠܝܢ ܡܬܐܡܪܐ ܟܡܝܘܬܐ
06:240 ܕܐܝܟ ܐܝܟܢ ܐܢ ܢܬܼܠܐ ‍[‍5ܒ5‍]‍ ܐܢܫ ܕܟܡܐ ܐܝܬܝܗܿ ܣܥܘܪܘܬܐ ܒܙܒܢܐ ܡܬܚܡ ܟܕ ܫܢܬܢܝܬܐ ܐܿܘ ܗܟܢܐ ܐܝܟܢ ܕܗܘܼ ܝܗܿܒ ܘܟܕ ܚܘܪܘܬܐ ܕܟܡܐ ܗܝ ܝܗܿܒ ܐܢܫ ܒܫܛܝܚܘܬܐ ܡܬܚܡ
06:241 ܟܡܐ ܓܝܪ ܕܬܗܘܼܐ ܟܝܬ ܐܝܬܝܗܿ ܫܛܝܚܘܬܐ ܟܠܗ ܗܢܐ ܚܘܪܘܬܐ ܬܐܡܪ ܕܐܝܬ
06:242 ܐܝܟܢܐ ܟܝܬ ܕܒܠܚܘܕ ܡܪܢܐܝܬ ܘܡܢܗܝܢ ܘܠܗܝܢ ܢܬܐܡܪ̈ܢ ܟܡܝ̈ܘܬܐ ܗܠܝܢ ܕܐܬܐܡܪ ܡܢ ܗܠܝܢ ܕܝܢ ܐܚܪ̈ܢܝܬܐ ܘܠܐ ܡܕܡ ܡܢܗܿ ܘܠܗܿ ‍[‍5ܒ10‍]‍ ܐܠܐ ܐܢ ܐܪܐ ܒܓܕܫܐ
06:243 ܬܘܒ ܠܟܡܝܘܬܐ ܘܠܐ ܡܕܡ ܐܝܬ ܣܩܘܒܠܝܐ
06:244 ܥܠ ܗܠܝܢ ܓܝܪ ܕܡܦܪ̈ܫܢ ܓܠܝܐ ܗܝ ܕܘܠܐ ܡܕܡ ܐܝܬ ܣܩܘܒܠܝܐ
06:245 ܕܐܝܟ ܐܝܟܢ ܠܬܪ̈ܝܢܝ ܐܡ̈ܐ ܐܿܘ ܠܬܠܝ̈ܬܝ ܐܡ̈ܐ ܐܿܘ ܠܫܛܝܚܘܬܐ ܐܿܘ ܠܡܕܡ ܡܢ ܗܠܝܢ ܕܕܐܝܟ ܗܟܢ ܘܠܐ ܡܕܡ ܐܝܬ ܣܩܘܒܠܝܐ
06:246 ܐܠܐ ܐܢ ܕܠܡܐ ܠܣܓܝܐܐ ܠܩܠܝܠ ܡܕܡ ‍[‍5ܒ15‍]‍ ܢܐܡܼܪ ܐܢܫ ܕܐܝܬܘܗܝ ܐܿܘ ܠܪܒܐ ܠܙܥܘܪܐ
06:247 ܡܢ ܗܠܝܢ ܕܝܢ ܘܠܐ ܡܕܡ ܐܝܬܘܗܝ ܟܡܝܘܬܐ ܐܠܐ ܡܢ ܗܠܝܢ ܕܠܘܬ ܡܕܡ
06:248 ܘܠܐ ܡܕܡ ܓܝܪ ܗܼܘ ܡܢܗ ܘܠܗ ܪܒܐ ܐܿܘ ܙܥܘܪܐ ܡܬܐܡܪ ܐܠܐ ܠܘܬ ܡܕܡ ܐܚܪܢܐ ܣܿܠܩ
06:249 ܕܐܝܟ ܐܝܟܢ ܛܘܪܐ ܡܿܢ ܙܥܘܪܐ ܡܬܐܡܪ ܦܪܓܐ ܕܝܢ ܪܒܐ
06:250 ܒܗܿܝ ܕܗܿܘ ܡܿܢ ܕܝܬܝܪ ܪܒ ܐܝܬܘܗܝ ܗܿܘ ܕܝܢ ܕܝܬܝܪ ܒܨܝܪ ‍[‍5ܒ20‍]‍ ܡܢ ܫܘܝ̈ܝ ܒܓܢܣܐ
06:251 ܡܕܝܢ ܠܘܬ ܐܚܪܢܐ ܗܝ ܡܣܩܬܐ ܘܡܛܠ ܕܐܠܘ ܟܝܬ ܡܢܗ ܘܠܗ ܙܥܘܪܐ ܐܿܘ ܪܒܐ ܡܬܐܡܪ ܗܘܐ
06:252 ܘܠܐ ܡܬܘܡ ܡܬܐܡܪ ܗܘܐ ܛܘܪܐ ܡܿܢ ܙܥܘܪܐ ܂ ܦܪܓܐ ܕܝܢ ܪܒܐ
06:253 ܬܘܒ ܒܩܪܝܬܐ ܡܿܢ ܒܢܝ̈ܢܫܐ ܣܓܝ̈ܐܐ ܐܿܡܪܝܢܢ ܕܐܝܬ ܒܐܬܝܢܣ ܕܝܢ ܙܥܘܪ̈ܐ ܟܕ ܥܐܦ̈ܐ ܣܓܝ̈ܐܐ ܕܝܠܗܿ ܐܝܬܝܗܘܢ ܘܒܒܝܬܐ ܡܿܢ ‍[‍5ܒ25‍]‍ ܣܓܝ̈ܐܐ ܒܬܐܘܛܪܘܢ ܕܝܢ ܙܥܘܪ̈ܐ ܟܕ ܥܐܦ̈ܐ ܣܓܝ̈ܐܐ ܐܝܬܝܗܘܢ
06:254 ܬܘܒ ܬܪ̈ܝܢܝ ܐܡ̈ܐ ܡܿܢ ܘܟܠܚܕܐ ܡܢ ܗܠܝܢ ܕܕܐܝܟ ܗܟܢ ܟܡܝܘܬܐ ܡܫܘܕܥܐ ܪܒܐ ܕܝܢ ܐܿܘ ܙܥܘܪܐ ܠܐ ܡܫܘܕܥ ܟܡܝܘܬܐ ܐܠܐ ܡܠܘܢ ܠܘܬ ܡܕܡ
06:255 ܠܘܬ ܓܝܪ ܐܚܪܢܐ ܡܬܚܙܐ ܪܒܐ ܘܙܥܘܪܐ
06:256 ܐܝܟܢܐ ܟܝܬ ܕܓܠܝܐ ܗܝ ܕܗܠܝܢ ܡܢ ܗܠܝܢ ܕܠܘܬ ܡܕܡ ܐܝܬܝܗܝܢ
06:257 ‍[‍5ܒ30‍]‍ ܬܘܒ ܐܢ ܢܣܝܼܡ ܐܢܘܢ ܐܢܫ ܕܐܝܬܝܗܘܢ ܟܡܝ̈ܘܬܐ ܘܐܢ ܟܝܬ ܠܐ ܢܣܝܼܡ ܠܐ ܐܝܬ ܠܗܘܢ ܣܩܘܒܠܝܐ ܘܠܐ ܡܕܡ
06:258 ܗܿܘ ܓܝܪ ܕܠܐ ܐܝܬ ܠܡܣܼܒܗ ܠܗ ܡܢܗ ܘܠܗ ܐܠܐ ܟܕ ܠܘܬ ܐ̄ܚܪܢܐ ܣܿܠܩ ܂ ܐܝܟܢܐ ܟܝܬ ܢܗܘܼܐ ܐܝܬ ܠܗ ܠܗܢܐ ܡܕܡ ܣܩܘܒܠܝܐ
06:259 ܬܘܒ ܐܢ ܢܗܘܼܘܢ ܪܒܐ ܘܙܥܘܪܐ ܣܩܘ̈ܒܠܝܐ ܬܓܕܫ ܕܗܘܼ ܟܕ ܗܘܼ ܐܟܚܕܐ ܢܩܒܼܠ ܣܩܘ̈ܒܠܝܬܐ ‍[‍5ܒ35‍]‍ ܘܐܦ ܕܗܼܢܘܢ ܠܗܘܢ ܐܝܬܝܗܘܢ ܣܩܘ̈ܒܠܝܐ
06:260 ܬܓܕܫ ܓܝܪ ܕܗܘܼ ܟܕ ܗܘܼ ܐܟܚܕܐ ܪܒܐ ܟܝܬ ܘܙܥܘܪܐ ܢܗܘܼܐ ܐܝܬܘܗܝ
06:261 ܐܝܬܘܗܝ ܓܝܪ ܠܘܬ ܗܢܐ ܡܿܢ ܙܥܘܪܐ ܠܘܬ ܐܚܪܢܐ ܕܝܢ ܟܝܬ ܗܘܼ ܟܕ ܗܘܼ ܗܢܐ ܪܒܐ
06:262 ܐܝܟܢܐ ܟܝܬ ܟܕ ܗܘܼ ܪܒܐ ܘܙܥܘܪܐ ܒܗ ܟܕ ܒܗ ܒܙܒܢܐ ܢܗܘܼܐ ܐܝܬܘܗܝ ܓܕܫܐ ܕܐܟܚܕܐ ܟܝܬ ܗܠܝܢ ܣܩܘ̈ܒܠܝܬܐ ܠܡܩܒܠܘ
06:263 ܐܠܐ ܘܠܐ ܡܕܡ ܡܣܬܒܪ ܕܡܩܒܠ ‍[‍6ܲ1‍]‍ ܐܟܚܕܐ ܣܩܘ̈ܒܠܝܬܐ
06:264 ܕܐܝܟ ܐܝܟܢ ܥܠ ܐܘܣܝܐ ܡܩܒܠܢܝܬܐ ܡܿܢ ܕܣܩܘ̈ܒܠܝܬܐ ܡܣܬܒܪܐ ܕܐܝܬܝܗܿ ܐܠܐ ܠܘ ܐܟܚܕܐ ܟܝܬ ܡܬܟܪܗܐ ܘܡܬܚܠܡܐ ܘܐܠܦܐ ܚܘܪܘܬܐ ܘܐܘܟܡܘܬܐ ܐܝܬܝܗܿ ܐܟܚܕܐ ܐܠܐ ܐܦܠܐ ܡܕܡ ܡܢ ܗܠܝܢ ܐܚܪ̈ܢܝܬܐ ܐܟܚܕܐ ܣܩܘ̈ܒܠܝܬܐ ܡܩܒܠ
06:265 ܐܦ ‍[‍6ܲ5‍]‍ ܗܿܢܝܢ ܕܝܢ ܠܗܠܝܢ ܓܿܕܫܐ ܣܩܘ̈ܒܠܝܬܐ ܢܗ̈ܘܝܢ ܐܝܬܝܗܝܢ
06:266 ܐܢ ܓܝܪ ܐܝܬܘܗܝ ܪܒܐ ܣܩܘܒܠܝܐ ܠܙܥܘܪܐ ܗܘܼ ܕܝܢ ܟܕ ܗܘܼ ܐܝܬܘܗܝ ܐܟܚܕܐ ܙܥܘܪܐ ܘܪܒܐ ܗܘܼ ܠܗ ܢܗܘܼܐ ܐܝܬܘܗܝ ܣܩܘܒܠܝܐ
06:267 ܐܠܐ ܡܢ ܠܐ ܡܫܟܚܢ̈ܝܬܐ ܐܝܬܝܗܿ ܕܢܗܘܼܐ ܐܝܬܘܗܝ ܡܕܡ ܗܘܼ ܠܗ ܣܩܒܘܠܝܐ
06:268 ܠܐ ܐܝܬܘܗܝ ܐܪܐ ܪܒܐ ܠܙܥܘܪܐ ܣܩܘܒܠܝܐ ܐܦܠܐ ܣܓܝܐܐ ܠܩܠܝܠ ܡܕܡ
06:269 ܐܝܟܢܐ ܕܐܦܢ ‍[‍6ܲ10‍]‍ ܠܐ ܢܐܡܪ ܐܢܫ ܠܗܠܝܢ ܡܢ ܗܿܢܘܢ ܕܠܘܬ ܡܕܡ ܐܠܐ ܡܢ ܟܡܝܘܬܐ ܘܐܦܠܐ ܗܟܢܐ ܡܩܒܠܐ ܣܩܘ̈ܒܠܝܬܐ ܐܟܚܕܐ
06:270 ܝܬܝܪܐܝܬ ܕܝܢ ܣܩܘܒܠܝܘܬܐ ܕܟܡܝܘܬܐ ܠܘܬ ܐܬܪܐ ܡܣܬܒܪܐ ܕܐܝܬܝܗܿ
06:271 ܠܥܠ ܓܝܪ ܠܠܬܚܝܬ ܣܩܘܒܠܝܐ ܣܝܿܡܝܢ ܠܗ ܟܕ ܠܐܬܪܐ ܗܿܘ ܕܠܘܬ ܡܨܥܬܐ ܠܬܚܬ ܐܿܡܪܝܢ ܠܗ
06:272 ܡܛܠ ܕܝܬܝܪ ܣܓܝܐܬܐ ܐܝܬܝܗܿ ܡܬܝܚܘܬܐ ‍[‍6ܲ15‍]‍ ܕܒܡܨܥܬܐ ܕܠܘܬ ܣܟܘ̈ܗܝ ܕܥܠܡܐ
06:273 ܕܡܝܢ ܕܝܢ ܕܐܦ ܠܬܚܘܡܐ ܕܣܩܘ̈ܒܠܝܬܐ ܐܚܪ̈ܢܝܬܐ ܡܢ ܗܠܝܢ ܐܝܬܘܗܝ
06:274 ܗܠܝܢ ܓܝܪ ܕܣܓܝ ܪ̈ܚܝܩܢ ܡܢ ܐܚܪ̈ܢܝܬܐ ܗܠܝܢ ܕܒܗ ܟܕ ܒܗ ܒܓܢܣܐ ܣܩܘ̈ܒܠܝܬܐ ܡܬܚܡܝܢ ܠܗܝܢ
06:275 ܠܐ ܡܣܬܒܪܐ ܕܝܢ ܟܡܝܘܬܐ ܕܡܩܒܠܐ ܝܬܝܪܘܬܐ ‍[‍6ܲ20‍]‍ ܘܒܨܝܪܘܬܐ ܕܐܝܟ ܐܝܟܢ ܬܪ̈ܝܢܝ ܐܡ̈ܐ
06:276 ܠܐ ܓܝܪ ܐܝܬܘܗܝ ܐܚܪܢܐ ܡܢ ܐܚܪܢܐ ܝܬܝܪܐܝܬ ܬܪ̈ܝܢܝ ܐܡ̈ܐ
06:277 ܘܐܦܠܐ ܥܠ ܡܢܝܢܐ ܕܐܝܟ ܐܝܟܢ ܬܠܬܐ ܡܢ ܚܡܫܐ ܠܐ ܡܕܡ ܝܬܝܪܐܝܬ ܬܠܬܐ ܡܢ ܚܡܫܐ ܡܬܐܡܪܝܢ ܡܢܝܢܐ ܘܐܦܠܐ ܚܡܫܐ ܡܢ ܬܠܬܐ
06:278 ܘܐܦܠܐ ܟܝܬ ܙܒܢܐ ܐܚܪܢܐ ܡܢ ܐܚܪܢܐ ܝܬܝܪܐܝܬ ܡܬܐܡܪ ܙܒܢܐ
06:279 ܘܐܦܠܐ ܥܠ ܡܕܡ ܡܢ ܗܠܝܢ ܕܐܬܐܡܪ ܣܟ ܗܿܝ ܕܝܬܝܪܐܝܬ ܘܒܨܝܪܐܝܬ ܡܬܐܡܪܐ
06:280 ܐܝܟܢܐ ܟܝܬ ‍[‍6ܲ25‍]‍ ܕܟܡܝܘܬܐ ܠܐ ܡܩܒܠܐ ܠܗܿ ܕܝܬܝܪܐܝܬ ܘܒܨܝܪܐܝܬ
06:281 ܕܝܠܝܬܐ ܕܝܢ ܝܬܝܪܐܝܬ ܕܟܡܝܘܬܐ ܗܿܝ ܕܫܘܝܐ ܟܝܬ ܘܠܐ ܫܘܝܐ ܬܬܐܡܪܝ
06:282 ܟܠܚܕܐ ܓܝܪ ܡܢ ܗܠܝܢ ܟܡܝ̈ܘܬܐ ܕܐܬܐܡܪ̈ܝ ܘܕܫܘܐ ܘܕܠܐ ܫܘܝܐ ܡܬܐܡܪܐ
06:283 ܕܐܝܟ ܐܝܟܢ ܓܘܫܡܐ ܘܕܫܘܐ ܘܕܠܐ ܫܘܐ ܡܬܐܡܪ ܘܐܦ ܡܢܝܢܐ ܕܫܘܐ ܟܝܬ ܘܕܠܐ ܫܘܐ ܡܬܐܡܪ ܘܐܦ ܙܒܢܐ ܕܫܘܐ ܟܝܬ ܘܕܠܐ ܫܘܐ ܡܬܐܡܪ
06:284 ܗܘܼ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ ‍[‍6ܲ30‍]‍ ܕܐܬܐܡܪ̈ܝ ܟܠܚܕܐ ܡܢܗܝܢ ܫܘܝܬܐ ܟܝܬ ܘܠܐ ܫܘܝܬܐ ܡܬܐܡܪܐ
06:285 ܡܢ ܗܠܝܢ ܕܝܢ ܕܫܪܟܐ ܗܿܝ ܕܠܐ ܐܝܬܝܗܿ ܟܡܝܘܬܐ ܠܘ ܣܓܝ ܡܣܬܒܪܐ ܕܫܘܝܬܐ ܟܝܬ ܘܠܐ ܫܘܝܬܐ ܬܬܐܡܪ
06:286 ܕܐܝܟ ܐܝܟܢ ܕܝܐܬܣܝܣ ܫܘܝܬܐ ܟܝܬ ܘܠܐ ܫܘܝܬܐ ܠܘ ܣܓܝ ܡܬܐܡܪܐ ܐܠܐ ܝܬܝܪܐܝܬ ܕܕܡܝܐ ܘܐܦ ܚܘܪܘܬܐ ܫܘܝܬܐ ܟܝܬ ܘܠܐ ܫܘܝܬܐ ܘܠܘ ܣܓܝ ܡܬܐܡܪܐ ܐܠܐ ܕܕܡܝܐ
06:287 ܐܝܟܢܐ ܟܝܬ ܕܕܟܡܝܘܬܐ ܝܬܝܪܐܝܬ ‍[‍6ܲ35‍]‍ ܬܗܘܐ ܐܝܬܝܗܿ ܕܝܠܝܬܐ ܗܿܝ ܕܫܘܝܬܐ ܟܝܬ ܘܠܐ ܫܘܝܬܐ ܬܬܐܡܪ