← Back
The Comprehensive Aramaic Lexicon
← Return to the Text Browser
click on the file description for more information
60808: Categories_Jacob of Edessa

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

07:288 ܡܛܠ ܗܠܝܢ ܕܠܘܬ ܡܕܡ ܠܘܬ ܡܕܡ ܕܝܢ ܗܠܝܢ ܕܐܝܟ ܗܟܢ ܡܬܐܡܪ̈ܢ ܟܠܗܝܢ ܗܠܝܢ ܕܗܼܘ ܡܐ ܕܐܝܬܝܗܝܢ ܕܐܚܪ̈ܢܝܬܐ ܐܝܬܝܗܝܢ ܡܬܐܡܪ̈ܢ ܐܘܿ ܐܝܟܢ ܕܗܼܘ ܐܚܪܢܝܐܝܬ ܠܘܬ ܐܚܪܢܐ
07:289 ܕܐܝܟ ܐܝܟܢ ܝܬܝܪ ܪܒܐ ܗܼܘ ܗܢܐ ܗܿܘ ܡܐ ܕܐܝܬܘܗܝ ܕܐܚܪܢܐ ܡܬܐܡܪ
07:290 ܡܢ ܡܕܡ ܓܝܪ ܝܬܝܪ ܪܒܐ ܡܬܐܡܪ
07:291 ܘܐܦ ܥܐܦܐ ܕܐܚܪܢܐ ܡܬܐܡܪ ܗܘܼ ܗܢܐ ܗܿܘ ܡܐ ܕܐܝܬܘܗܝ
07:292 ‍[‍6ܒ1‍]‍ ܕܡܕܡ ܓܝܪ ܥܐܦܐ ܡܬܐܡܪ
07:293 ܗܼܘ ܗܟܘܬ ܕܝܢ ܐܦ ܟܠܗܝܢ ܐܚܪ̈ܢܝܬܐ ܕܕܐܝܟ ܗܠܝܢ
07:294 ܐܝܬܝܗܝܢ ܕܝܢ ܐܦ ܗܠܝܢ ܕܕܐܝܟ ܗܟܢ ܡܢ ܗܠܝܢ ܕܠܘܬ ܡܕܡ ܕܐܝܟ ܐܝܟܢ ܐܟܣܝܣ ܕܝܐܬܣܝܣ ܡܪܓܫܢܘܬܐ ܝܕܥܬܐ ܣܝܡܐ
07:295 ܟܠܗܝܢ ܓܝܪ ܗܠܝܢ ܕܐܬܐܡܪ̈ܝ ܗܼܘ ܗܢܐ ܗܿܘ ܡܐ ܕܐܝܬܝܗܝܢ ܕܐܚܪܢܐ ܡܬܐܡܪ̈ܢ ܘܠܘܬ ܐܚܪܢܐ ܡܕܡ
07:296 ܐܟܣܝܣ ‍[‍6ܒ5‍]‍ ܓܝܪ ܐܘܟܝܬ ܩܢܝܘܬܐ ܕܡܕܡ ܩܢܝܘܬܐ ܡܬܐܡܪܐ ܐܦ ܝܕܥܬܐ ܕܡܕܡ ܝܕܥܬܐ ܘܣܝܿܡܐ ܕܡܕܡ ܣܝܿܡܐ ܐܦ ܗܠܝܢ ܕܝܢ ܐܚܪܢܝܬܐ ܗܘܼ ܗܟܘܬ
07:297 ܠܘܬ ܡܕܡ ܗܟܝܠ ܐܝܬܝܗܝܢ ܟܠܗܝܢ ܗܠܝܢ ܕܗܿܘ ܡܐ ܕܐܝܬܝܗܝܢ ܕܐܚܪܢܐ ܡܬܐܡܪ̈ܢ ܐܘܿ ܐܝܟܢ ܕܗܘܼ ܐܚܪܢܝܐܝܬ ܠܘܬ ܐܚܪܢܐ
07:298 ܕܐܝܟ ܐܝܟܢ ܛܘܪܐ ܪܒܐ ܡܬܐܡܪ ܠܘܬ ܛܘܪܐ ܐܚܪܢܐ
07:299 ܠܘܬ ܡܕܡ ܓܝܪ ܪܒܐ ܡܬܐܡܪ ܛܘܪܐ
07:300 ܘܗܿܘ ܕܕܡܐ ܕܠܡܕܡ ܕܡܐ ‍[‍6ܒ10‍]‍ ܡܬܐܡܪ
07:301 ܐܦ ܐܚܪ̈ܢܝܬܐ ܕܝܢ ܕܐܝܟ ܗܠܝܢ ܗܘܼ ܗܟܘܬ ܠܘܬ ܡܕܡ ܡܬܐܡܪ̈ܢ
07:302 ܐܝܬܘܗܝ ܓܝܪ ܐܦ ܡܓܢܝܐ ܘܩܘܡܐ ܘܡܘܬܒܐ ܣܝ̈ܡܐ ܣܝ̈ܡܐ ܕܝܢ ܡܢ ܗܠܝܢ ܕܠܘܬ ܡܕܡ
07:303 ܗܿܝ ܕܝܢ ܕܢܓܼܢܐ ܐܿܘ ܕܢܬܼܒ ܐܘ ܕܢܩܘܡ ܗܢܝܢ ܡܢ ܠܐ ܐܝܬܝܗܝܢ ܣܝ̈ܡܐ ܦܪܐܢܘܡܘܣ ܕܝܢ ܐܘܟܝܬ ܡܢ ܫܡܗܐܝܬ ܡܢ ܗܠܝܢ ܣܝ̈ܡܐ ܕܐܬܐܡܼܪܘ ܡܬܐܡܪܝܢ
07:304 ‍[‍6ܒ15‍]‍ ܫܟܝܚܐ ܕܝܢ ܐܦ ܣܩܘܒܠܝܘܬܐ ܒܗܠܝܢ ܕܠܘܬ ܡܕܡ ܕܐܝܟ ܐܝܟܢ ܠܡܝܬܪܘܬܐ ܒܝܫܘܬܐ ܣܩܘܒܠܝܐ ܟܕ ܟܠܚܕܐ ܡܢܗܝܢ ܡܢ ܗܠܝܢ ܕܠܘܬ ܡܕܡ ܐܝܬܝܗܿ ܘܠܝܕܥܬܐ ܘܠܐ ܝܕܥܬܐ
07:305 ܠܘ ܕܝܢ ܒܟܠܗܝܢ ܗܠܝܢ ܕܠܘܬ ܡܕܡ ܫܟܝ̈ܚܢ ܣܩܘ̈ܒܠܝܬܐ
07:306 ܠܥܦܝܦ ܬܪܝܢܐܝܬ ܓܝܪ ܐܦܠܐ ܚܕ ܐܝܬ ܣܩܘܒܠܝܐ ܐܦܠܐ ܠܥܦܝܦ ܬܠܝܬܐܝܬ ܐܦܠܐ ܠܡܕܡ ܡܢ ܗܠܝܢ ܕܕܐܝܟ ܗܟܢ
07:307 ܡܣܬܒܪ̈ܢ ܕܝܢ ܕܐܦ ܗܿܝ ܕܝܬܝܪܐܝܬ ‍[‍6ܒ20‍]‍ ܘܗܿܝ ܕܒܨܝܪܐܝܬ ܡܩܒ̈ܠܢ ܗܠܝܢ ܕܠܘܬ ܡܕܡ
07:308 ܗܿܝ ܓܝܪ ܕܕܡܐ ܝܬܝܪܐܝܬ ܘܒܨܝܪܐܝܬ ܡܬܐܡܪܐ ܘܗܿܝ ܕܫܘܐ ܘܕܠܐ ܫܘܐ ܝܬܝܪܐܝܬ ܘܒܨܝܪܐܝܬ ܡܬܐܡܪܐ ܟܕ ܟܠܚܕܐ ܡܢܗܝܢ ܡܢ ܗܠܝܢ ܕܠܘܬ ܡܕܡ ܐܝܬܝܗܿ
07:309 ܗܘܿ ܓܝܪ ܕܕܡܐ ܟܝܬ ܠܡܕܡ ܡܬܐܡܪ ܕܕܡܐ ܘܗܠܝܢ ܕܫܘܝ̈ܢ ܕܠܡܕܡ ܕܠܐ ܫܘܝ̈ܢ
07:310 ܠܘ ‍[‍6ܒ25‍]‍ ܕܝܢ ܟܠܗܝܢ ܡܩܒ̈ܠܢ ܗܿܝ ܕܝܬܝܪܐܝܬ ܘܒܨܝܪܐܝܬ
07:311 ܥܐܦܐ ܓܝܪ ܠܐ ܡܬܐܡܪ ܝܬܝܪܐܝܬ ܘܒܨܝܪܐܝܬ ܥܐܦܐ ܘܐܦܠܐ ܡܕܡ ܡܢ ܗܠܝܢ ܕܕܐܝܟ ܗܟܢ
07:312 ܟܠܗܝܢ ܕܝܢ ܗܠܝܢ ܕܠܘܬ ܡܕܡ ܠܘܬ ܗܠܝܢ ܕܗܦܟ̈ܢ ܥܠܝܗܝܢ ܡܬܐܡܪ̈ܢ
07:313 ܕܐܝܟ ܐܝܟܢ ܥܒܕܐ ܕܡܪܐ ܡܬܐܡܪ ܥܒܕܐ ܘܡܪܐ ܕܥܒܕܐ ܡܬܐܡܪ ‍[‍6ܒ30‍]‍ ܡܪܐ ܘ ܥܐܦܐ ܕܦܠܓܐ ܥܐܦܐ ܘܦܠܓܐ ܕܥܐܦܐ ܦܠܓܐ ܘܪܒܐ ܕܙܥܘܪܐ ܪܒܐ ܘܙܥܘܪܐ ܕܪܒܐ ܙܥܘܪܐ
07:314 ܗܘܼ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ
07:315 ܒܪܡ ܒܦܛܘܣܝܣ ܐܘܟܝܬ ܒܡܦܘܠܬܐ ܐܝܬ ܐܡܬܝ ܕܡܫܚܠܦܝܢ ܒܡܠܬܐ
07:316 ܕܐܝܟ ܐܝܟܢ ܝܕܥܬܐ ܕܡܬܝܕܥܢܐ ܡܬܐܡܪܐ ܝܕܥܬܐ ‍[‍6ܒ35‍]‍ ܘܡܬܝܕܥܢܐ ܒܝܕܥܬܐ ܡܬܝܕܥܢܐ ܘܡܪܓܫܢܘܬܐ ܕܡܬܪܓܫܢܐ ܡܪܓܫܢܘܬܐ ܘܡܬܪܓܫܢܐ ܒܡܪܓܫܢܘܬܐ ܡܬܪܓܫܢܐ
07:317 ܠܘ ܒܠܚܘܕ ܐܠܐ ܐܝܬ ܐܡܬܝ ܕܠܐ ܡܣܬܒܪ̈ܢ ܕܗܦ̈ܟܢ ܐܢ ܠܘ ܒܝܬܐܝܬ ܢܬܝܗ̈ܒܢ ܠܘܬ ܗܿܘ ܡܐ ܕܡܬܐܡܪ̈ܢ ܠܘܬܗ ܐܠܐ ܢܣܟܠ ܗܿܘ ܕܝܗܿܒ
07:318 ܕܐܝܟ ܐܝܟܢ ܓܦܐ ܕܦܪܚܬܐ ܐܢ ܢܬܝܗܒ ܠܐ ܗܦܟܐ ܦܪܚܬܐ ܕܓܦܐ
07:319 ܠܘ ܓܝܪ ܒܝܬܐܝܬ ‍[‍7ܲ1‍]‍ ܗܿܝ ܩܕܡܝܬܐ ܡܬܝܗܒܐ ܓܦܐ ܕܦܪܚܬܐ
07:320 ܠܘ ܓܝܪ ܒܗܝ ܕܦܪܚܬܐ ܒܗܕܐ ܓܦܐ ܕܝܠܗܿ ܡܬܐܡܪ ܐܠܐ ܒܗܿܝ ܕܓܦܢܝܬܐ ܐܝܬܝܗܿ
07:321 ܕܣܓܝ̈ܐܬܐ ܓܝܪ ܐܚܪ̈ܢܝܬܐ ܐܝܬܝܗܘܢ ܓܦ̈ܐ ܗܠܝܢ ܕܠܐ ܐܝܬܝܗܝܢ ܦܪ̈ܚܬܐ
07:322 ܐܝܟܢܐ ܟܝܬ ܕܐܢ ܢܬܝܗ̈ܒܢ ܒܝܬܐܝܬ ܐܦ ܗܦܟ̈ܢ ܕܐܝܟ ܐܝܟܢ ܓܦܐ ܕܓܦܢܝܬܐ ‍[‍7ܲ5‍]‍ ܓܦܐ ܘܓܦܢܝܬܐ ܒܓܦܐ ܓܦܢܝܬܐ
07:323 ܐܝܬ ܕܝܢ ܐܡܬܝ ܕܐܦ ܗܿܝ ܕܢܥܼܒܕ ܫܡܗ̈ܐ ܟܒܪ ܐܠܝܨܝܬܐ ܗܝ ܐܢ ܠܐ ܢܗܘܐ ܐܝܬ ܫܡܐ ܕܣܝܼܡ ܠܘܬ ܗܿܘ ܕܒܝܬܐܝܬ ܢܬܝܼܗܒ
07:324 ܕܐܝܟ ܐܝܟܢ ܣܘܟܢܐ ܕܐܠܦܐ ܐܢ ܗܘ ܕܢܬܼܝܗܒ ܠܘ ܒܝܬܝܬܐ ܗܝ ܝܗܝܒܘܬܐ
07:325 ܠܘ ܓܝܪ ܒܗܿܝ ܕܐܠܦܐ ܒܗܕܐ ܡܬܐܡܪ ܕܝܠܗܿ ܣܘܟܢܐ ܐܝܬ ܓܝܪ ܐܠܦ̈ܐ ܕܗܠܝܢ ܕܠܐ ‍[‍7ܲ10‍]‍ ܐܝܬ ܣܘܟܢ̈ܐ
07:326 ܡܛܠ ܗܕܐ ܠܐ ܗܦܟܐ
07:327 ܐܠܦܐ ܓܝܪ ܠܐ ܡܬܐܡܪܐ ܕܣܘܟܢ̈ܐ
07:328 ܐܠܐ ܟܒܪ ܝܗܝܒܘܬܐ ܡܕܡ ܕܝܬܝܪ ܒܝܬܝܐ ܬܗܘܼܐ ܐܢ ܗܟܢܐ ܬܬܝܗܒ ܣܘܟܢܐ ܕܣܘܟܢܝܬܐ ܐܘ ܐܝܟܢ ܕܗܘܼ ܐܚܪܢܝܐܝܬ
07:329 ܫܡܐ ܓܝܪ ܠܐ ܣܝܼܡ
07:330 ܐܦ ܗܦܟܐ ܟܝܬ ܐܢ ܒܝܬܐܝܬ ܬܬܼܝܗܒ
07:331 ܣܘܟܢܝܬܐ ܓܝܪ ‍[‍7ܲ15‍]‍ ܒܣܘܟܢܐ ܣܘܟܢܝܬܐ
07:332 ܗܘܼ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ
07:333 ܕܐܝܟ ܐܝܟܢ ܪܝܫܐ ܝܬܝܪ ܒܝܬܐܝܬ ܟܝܬ ܢܬܼܝܗܒ ܟܕ ܕܪܫܢܐ ܐܘܿ ܕܚܝܘܬܐ ܡܬܝܗܒ
07:334 ܠܘ ܓܝܪ ܒܗܿܝ ܕܚܝܘܬܐ ܪܝܫܐ ܐܝܬ ܠܗܿ
07:335 ܣܓܝ̈ܐܬܐ ܓܝܪ ܡܢ ܚܝܘ̈ܬܐ ܠܝܬ ܠܗܝܢ ܪܝܫܐ
07:336 ܗܟܢܐ ܕܝܢ ܦܫܝܩܐܝܬ ܟܝܬ ܢܣܒ ܐܢܫ ܠܗܠܝܢ ܕܠܐ ܣܝܼܡܝܢ ܠܗܘܢ ܫܡܗ̈ܐ ܐܢ ܡܢ ܗܠܝܢ ‍[‍7ܲ20‍]‍ ܘܒܗܠܝܢ ܕܠܘܬܗܘܢ ܗܿܦܟܝܢ ܢܣܝܼܡ ܠܗܘܢ ܫܡܗ̈ܐ
07:337 ܐܟܙܢܐ ܕ ܠ ܗܠܝܢ ܕܩܕܡܘ ܐܬܐܡܪܘ ܡܢ ܓܦܐ ܓܦܢܝܐ ܘܡܢ ܣܘܟܢܐ ܣܘܟܢܝܐ
07:338 ܟܠܗܝܢ ܗܟܝܠ ܗܠܝܢ ܕܠܘܬ ܡܕܡ ܐܢ ܟܝܬ ܒܝܬܐܝܬ ܡܬܝܗ̈ܒܢ ܠܘܬ ܗܠܝܢ ܕܗ̈ܦܟܢ ܥܠܝܗܝܢ ܡܬܐܡܪ̈ܢ
07:339 ܡܛܠ ܕܐܢ ܟܝܬ ܠܘܬ ܡܘܢ ܕܗܿܘ ܕܓܕܫ ܡܬܝܗܒ̈ܢ ܘܠܐ ܗܘܼܐ ܠܘܬܗ ‍[‍7ܲ25‍]‍ ܡܬܐܡܪ̈ܢ ܠܐ ܗܦܟ̈ܢ
07:340 ܐܡܪ ܐܢܐ ܕܝܢ ܕܐܦܠܐ ܡܢ ܗܠܝܢ ܕܡܬܬܘܕܝܢ ܕܠܘܬ ܗܠܝܢ ܕܗܦܟ̈ܢ ܥܠܝܗܝܢ ܡܬܐܡܪ̈ܢ ܘܣܝܼܡܝܢ ܠܗܝܢ ܫܡܗ̈ܐ ܐܦܠܐ ܚܕܐ ܗܿܦܟܐ ܐܢ ܠܘܬ ܡܕܡ ܡܢ ܓܕܫ̈ܐ ܡܬܝܗܒܐ ܘܠܐ ܗܘܼܐ ܠܘܬܗ ܡܬܐܡܪܐ
07:341 ܕܐܝܟ ܐܝܟܢ ܥܒܕܐ ܐܢ ܠܘ ܕܡܪܐ ܡܬܝܗܒ ܥܒܕܐ ܐܠܐ ܕܒܪܢܫܐ ܐܘܿ ܕܬܪ̈ܝܢܝ ܪ̈ܓܠܐ ‍[‍7ܲ30‍]‍ ܐܘܿ ܕܡܘܢ ܕܗܘܼ ܡܢ ܕܐܝܟ ܗܠܝܢ ܠܐ ܗܿܦܟ
07:342 ܠܘ ܓܝܪ ܒܝܬܝܬܐ ܗܝ ܝܗܝܒܘܬܐ
07:343 ܬܘܒ ܐܢܗܘ ܡܿܢ ܕܒܝܬܐܝܬ ܢܗܘܼܐ ܝܗܝܒ ܠܘܬ ܗܿܘ ܕܡܬܐܡܪ ܠܘܬܗ ܟܕ ܟܠܗܝܢ ܗܠܝܢ ܐܚܪ̈ܢܝܬܐ ܡܬܬܪ̈ܝܡܢ ܗܠܝܢ ܕܓܕ̈ܫܐ ܐܝܬܝܗܝܢ ܡܫܬܒܩ ܕܝܢ ܒܠܚܘܕ ܗܢܐ ܗܘܿ ܕܠܘܬܗ ܐܬܝܗܼܒ ܒܝܬܐܝܬ ܒܟܠܙܒܢ ܠܘܬܗ ܢܬܼܐܡܪ
07:344 ܕܐܝܟ ܐܝܟܢ ܐܢ ‍[‍7ܲ35‍]‍ ܥܒܕܐ ܠܘܬ ܡܪܗ ܡܬܐܡܪ ܟܕ ܡܬܬܪ̈ܝܡܢ ܟܠܗܝܢ ܗܠܝܢ ܕܓܕ̈ܫܐ ܐܝܬܝܗܝܢ ܠܡܪܐ
07:345 ܕܐܝܟ ܐܝܟܢ ܗܿܝ ܕܬܪ̈ܝܢܝ ܪ̈ܓܠܐ ܢܗܼܘܐ ܐܝܬܘܗܝ ܗܿܝ ܕܡܩܒܠܢܐ ܕܝܕܥܬܐ ܗܿܝ ܕܒܪܢܫܐ
07:346 ܡܫܬܒܩܐ ܕܝܢ ܒܠܚܘܕ ܗܿܝ ܕܕܡܪܐ ܢܗܘܼܐ ܐܝܬܘܗܝ ܟܠܙܒܢ ܠܘܬܗ ܢܬܼܐܡܪ ܥܒܕܐ
07:347 ܥܒܕܐ ܓܝܪ ܕܡܪܐ ܡܬܐܡܪ
07:348 ‍[‍7ܒ1‍]‍ ܐܢܕܝܢ ܟܝܬ ܠܘ ܒܝܬܐܝܬ ܢܬܝܗܒ ܠܘܬ ܗܿܘ ܕܒܙܒܢ ܡܬܐܡܪ ܠܘܬܗ ܟܕ ܡܬܬܪ̈ܝܡܢ ܗܠܝܢ ܐܚܪ̈ܢܝܬܐ ܡܫܬܒܩ ܕܝܢ ܒܠܚܘܕܘܗܝ ܗܿܘ ܕܠܘܬܗ ܐܬܼܝܗܒ ܠܐ ܢܬܐܡܪ ܠܘܬܗ
07:349 ܢܬܼܝܗܒ ܓܝܪ ܥܒܕܐ ܕܒܪܢܫܐ ܘܓܦܐ ܕܦܪܚܬܐ ‍[‍7ܒ5‍]‍ ܘܬܬܼܪܝܡ ܡܢ ܒܪܢܫܐ ܗܿܝ ܕܡܪܐ ܢܗܘܼܐ ܐܝܬܘܗܝ
07:350 ܠܐ ܓܝܪ ܬܘܒ ܥܒܕܐ ܠܘܬ ܒܪܢܫܐ ܢܬܼܐܡܪ ܟܕ ܓܝܪ ܠܝܬ ܡܪܐ ܘܐܦܠܐ ܥܒܕܐ ܢܗܘܼܐ ܐܝܬܘܗܝ
07:351 ܗܘܼ ܗܟܘܬ ܕܝܢ ܐܦ ܡܢ ܦܪܚܬܐ ܬܬܼܪܝܡ ܗܿܝ ܕܓܦܢܝܬܐ ܬܗܘܐ ܐܝܬܝܗܿ
07:352 ܠܐ ܓܝܪ ܬܘܒ ܢܗܘܼܐ ܐܝܬܘܗܝ ܓܦܐ ܡܢ ܗܠܝܢ ܕܠܘܬ ܡܕܡ
07:353 ܟܕ ܓܝܪ ܠܝܬ ܓܦܢܝܐ ܘܐܦܠܐ ܓܦܐ ܢܗܘܼܐ ܐܝܬܘܗܝ ܕܡܕܡ
07:354 ‍[‍7ܒ10‍]‍ ܐܝܟܢܐ ܟܝܬ ܕܙܿܕܩ ܡܿܢ ܕܢܬܝܗ̈ܒܢ ܠܘܬ ܗܿܘ ܕܒܙܒܢ ܒܝܬܐܝܬ ܢܬܐܡܪ̈ܢ ܠܘܬܗ
07:355 ܘܐܢܗܘܼ ܡܿܢ ܕܢܗܘܐ ܐܝܬ ܫܡܐ ܕܣܝܼܡ ܦܫܝܩܬܐ ܗܿܘܝܐ ܝܗܝܒܘܬܐ ܟܕ ܕܝܢ ܠܝܬ ܐܠܝܨܬܐ ܗܝ ܟܒܪ ܗܿܝ ܕܢ ܥܼܒܕ ܫܡܗ̈ܐ
07:356 ܟܕ ܗܟܢܐ ܓܝܪ ܡܬܝܗܒ̈ܢ ܓܠܝܐ ܗܝ ܕܒܗܠܝܢ ܗܠܝܢ ܕܠܘܬ ܡܕܡ ܠܘܬ ܗܠܝܢ ܕܗܦܟ̈ܢ ܥܠܝܗܝܢ ܢܬܐܡܪ̈ܢ
07:357 ‍[‍7ܒ15‍]‍ ܡܣܬܒܪ̈ܢ ܕܝܢ ܗܠܝܢ ܕܠܘܬ ܡܕܡ ܕܐܟܚܕܐ ܐܝܬܝܗܝܢ ܒܟܝܢܐ
07:358 ܘܥܠ ܣܓܝ̈ܐܬܐ ܡܿܢ ܫܪܝܪܬܐ ܐܝܬܝܗܿ ܥܠ ܚܕ ܚܕ̈ܢܝܬܐ ܕܝܢ ܠܐ ܫܪܝܪܐ
07:359 ܐܟܚܕܐ ܓܝܪ ܟܕ ܥܐܦܐ ܟܝܬ ܐܝܬܘܗܝ ܐܦ ܦܠܓܐ ܐܝܬܘܗܝ ܘܟܕ ܦܠܓܐ ܐܝܬ ܥܐܦܐ ܐܝܬ ܘܟܕ ܥܒܕܐ ܐܝܬ ܡܪܐ ܐܝܬ
07:360 ܒܗܿ ܒܕܡܘܬܐ ܕܝܢ ܠܗܠܝܢ ܐܦ ܗܠܝܢ ܐܚܪ̈ܢܝܬܐ
07:361 ܐܦ ܡܪ̈ܝܡܢ ܕܝܢ ܐܟܚܕܐ ܗܠܝܢ ܠܚܕ̈ܕܐ
07:362 ܟܕ ܓܝܪ ܠܝܬܘܗܝ ‍[‍7ܒ20‍]‍ ܐ ܥܦܐ ܠܐ ܐܝܬܘܗܝ ܦܠܓܐ ܘܟܕ ܦܠܓܐ ܠܝܬ ܠܝܬ ܐܥܦܐ
07:363 ܗܘܼ ܗܟܘܬ ܕܝܢ ܐܝܬ ܠܗܝܢ ܐܦ ܥܠ ܗܠܝܢ ܐܚܪ̈ܢܝܬܐ ܟܠܗܝܢ ܕܐܝܟ ܗܠܝܢ
07:364 ܠܘ ܕܝܢ ܥܠ ܟܠܗܝܢ ܗܠܝܢ ܕܠܘܬ ܡܕܡ ܫܪܝܪܬܐ ܡܣܬܒܪܐ ܗܿܝ ܕܐܟܚܕܐ ܒܟܝܢܐ ܢܗܘ̈ܝܢ ܐܝܬܝܗܝܢ
07:365 ܡܬܝܕܥܢܐ ܓܝܪ ܡܢ ܝܕܥܬܐ ܕܩܕܝܡ ܐܝܬܘܗܝ ܟܒܪ ܡܣܬܒܪ
07:366 ܐܝܟ ܕܒܣܘܓܐܐ ܓܝܪ ܟܕ ܫܟܝܚܝܢ ‍[‍7ܒ25‍]‍ ܣܘܥܪ̈ܢܐ ܠܝܕ̈ܥܬܐ ܢܣܒܝܢܢ
07:367 ܥܠ ܙܥܘܪ̈ܐ ܓܝܪ ܐܘܿ ܥܠ ܘܠܐ ܚܕ ܡܕܡ ܐܝܬ ܠܐܢܫ ܕܢܣܒ ܐܟܚܕܐ ܥܡ ܡܬܝܕܥܢܐ ܠܝܕܥܬܗ ܗܝܿ ܕܗܿܘܝܐ
07:368 ܬܘܒ ܡܬܝܕܥܢܐ ܡܿܢ ܟܕ ܢܬܼܬܪܝܡ ܡܪܝܡ ܐܟܚܕܐ ܥܡܗ ܠܝܕܥܬܐ
07:369 ܟܕ ܓܝܪ ܡܬܝܕܥܢܐ ܠܝܬܘܗܝ ܠܐ ܐܝܬܝܗܿ ܝܕܥܬܐ ܐܦܠܐ ‍[‍7ܒ30‍]‍ ܓܝܪ ܕܡܕܡ ܬܘܒ ܬܗܘܐ ܐܝܬܝܗܿ ܝܕܥܬܐ
07:370 ܟܕ ܕܝܢ ܝܕܥܬܐ ܠܝܬܝܗܿ ܠܐ ܡܕܡ ܟܿܠܐ ܕܡܬܝܕܥܢܐ ܢܗܘܐ ܐܝܬܘܗܝ
07:371 ܕܐܝܟ ܐܝܟܢ ܐܦ ܪܘܒܥܗ ܕܚܘܕܪܐ ܐܢ ܐܝܬܘܗܝ ܡܬܝܕܥܢܐ ܝܕܥܬܐ ܡܿܢ ܓܝܪ ܕܝܠܗ ܠܐ ܐܝܬܝܗܿ ܥܕܟܝܠ ܗܘܼ ܕܝܢ ܡܬܝܕܥܢܐ ܐܝܬܘܗܝ
07:372 ܬܘܒ ܟܕ ܬܬܼܪܝܡ ܚܝܘܬܐ ܡܬܬܪܝܡܐ ܝܕܥܬܐ ܡܢ ܡܬܝܕܥܢܐ ܕܝܢ ܣܓܝ̈ܐܐ ܡܨܝܐ ‍[‍7ܒ35‍]‍ ܕܢܗܘܼܘܢ ܐܝܬܝܗܘܢ
07:373 ܒܗܿ ܒܕܡܘܬܐ ܕܝܢ ܠܗܠܝܢ ܐܝܬ ܠܗܘܢ ܐܦ ܠܗܠܝܢ ܕܥܠ ܡܪܓܫܢܘܬܐ
07:374 ܡܬܪܓܫܢܐ ܓܝܪ ܕܩܕܝܡ ܠܡܪܓܫܢܘܬܐ ܡܣܬܒܪ ܕܐܝܬܘܗܝ
07:375 ܗܿܘ ܡܿܢ ܓܝܪ ܟܕ ܢܬܬܼܪܝܡ ܡܪܝܡ ܐܟܚܕܐ ܥܡܗ ܠܡܪܓܫܢܘܬܐ ܡܪܓܫܢܘܬܐ ܕܝܢ ܠܡܬܪܓܫܢܐ ܠܐ ܡܪܝܡܐ ܐܟܚܕܐ ܥܡܗܿ
07:376 ܡܪ̈ܓܫܢܘܬܐ ܓܝܪ ܠܘܬ ܓܘܫܡ̈ܐ ܘܒܓܘܫ̈ܡܐ ܐܝܬܝܗܝܢ ܟܕ ܕܝܢ ܡܬܪܓܫܢܐ ܢܬܬܼܪܝܡ ܡܪܝܡ ‍[‍8ܲ1‍]‍ ܐܦ ܓܘܫܡܐ
07:377 ܡܢ ܓܝܪ ܡܬܪ̈ܓܫܢܐ ܐܦ ܓܘܫܡܐ
07:378 ܟܕ ܓܝܪ ܓܘܫܡܐ ܢܬܬܼܪܝܡ ܡܪܝܡܐ ܡܪܓܫܢܘܬܐ ܐܝܟܢܐ ܟܝܬ ܕܐܟܚܕܐ ܡܪܝܡ ܥܡܗ ܡܬܪܓܫܢܐ ܠܡܪܓܫܢܘܬܐ
07:379 ܡܪܓܫܢܘܬܐ ܕܝܢ ܟܝܬ ܠܡܬܪܓܫܢܐ ܠܐ
07:380 ܟܕ ܓܝܪ ܚܝܘܬܐ ܬܬܪܝܡ ܡܪܓܫܢܘܬܐ ܡܿܢ ܡܪܝܡܐ ‍[‍8ܲ5‍]‍ ܡܬܪܓܫܢܐ ܕܝܢ ܢܗܘܼܐ ܐܝܬܘܗܝ ܕܐܝܟ ܐܝܟܢ ܓܘܫܡܐ ܫܚܝܢܘܬܐ ܚܠܝܘܬܐ ܡܪܝܪܘܬܐ ܘܗܠܝܢ ܐܚܪ̈ܢܝܬܐ ܟܠܗܝܢ ܐܝܠܝܢ ܕܐܝܬܝܗܝܢ ܡܬܪ̈ܓܫܢܝܬܐ
07:381 ܬܘܒ ܡܪܓܫܢܘܬܐ ܡܿܢ ܐܟܚܕܐ ܥܡ ܡܪܓܫܢܐ ܗܿܘܝܐ
07:382 ܐܟܚܕܐ ܕܝܢ ܗܿܘܝܐ ܚܝܘܬܐ ܟܝܬ ܘܡܪܓܫܢܘܬܐ
07:383 ܡܬܪܓܫܢܐ ܕܝܢ ܟܝܬ ܐܝܬܘܗܝ ܐܦ ܩܕܡ ܕܡܪܓܫܢܘܬܐ ܬܗܘܐ ܐܝܬܝܗܿ
07:384 ܢܘܪܐ ܓܝܪ ܘܡܝ̈ܐ ܘܗܠܝܢ ܕܕܐܝܟ ܗܟܢ ܗܠܝܢ ‍[‍8ܲ10‍]‍ ܕܡܢܗܝܢ ܡܪܟܒܐ ܚܝܘܬܐ ܐܝܬܝܗܝܢ ܩܕܡ ܕܚܝܘܬܐ ܣܟ ܬܗܘܼܐ ܐܝܬܝܗܿ ܐܘܿ ܡܪܓܫܢܘܬܐ
07:385 ܐܝܟܢܐ ܟܝܬ ܕܕܩܕܝܡ ܐܝܬܘܗܝ ܡܬܪܓܫܢܐ ܠܡܪܓܫܢܘܬܐ ܢܼܣܬܒܪ
07:386 ܐܝܬ ܠܗ ܕܝܢ ܦܘܫܟܐ ܐܝܕܐ ܡܢܗܝܢ ܐܦܠܐ ܚܕܐ ܐܘܣܝܐ ܡܢ ܗܠܝܢ ܕܠܘܬ ܡܕܡ ܡܬܐܡܪܐ ܐܟܙܢܐ ܕܡܣܬܒܪܐ ܐܘܿ ܗܕܐ ܡܨܝܐ ܗܝ ܒܡܕܡ ܡܕܡ ‍[‍8ܲ15‍]‍ ܡܢ ܐܘܣܝ̈ܣ ܬܪ̈ܝܢܝܬܐ
07:387 ܥܠ ܐܘܣܝ̈ܣ ܡܿܢ ܓܝܪ ܩܕܡ̈ܝܬܐ ܫܪܝܪܬܐ ܐܝܬܝܗܿ
07:388 ܘܐܦܠܐ ܓܝܪ ܟܘ̈ܠܐ ܘܐܦܠܐ ܡܢܘ̈ܬܐ ܠܘܬ ܡܕܡ ܡܬܐܡܪ̈ܢ
07:389 ܐܢܫ ܓܝܪ ܒܪܢܫܐ ܠܐ ܡܬܐܡܪ ܕܡܕܡ ܒܪܢܫܐ ܘܐܦܠܐ ܬܘܪܐ ܡܕܡ ܕܡܕܡ ܬܘܪܐ ܡܕܡ
07:390 ܗܘܼ ܗܟܘܬ ܕܝܢ ܐܦ ܡܢܘ̈ܬܐ
07:391 ܐܝܕܐ ܓܝܪ ܡܕܡ ܠܐ ܡܬܐܡܪܐ ܕܡܕܡ ܐܝܕܐ ܡܕܡ ܐܠܐ ܕܐܢܫ ܐܝܕܐ ܡܕܡ
07:392 ‍[‍8ܲ20‍]‍ ܘܪܝܫܐ ܡܕܡ ‍<‍ܘ ܐܦܠܐ ܡܬܐܡܪ ܪܝܫܐ ܠܘܬ ܡܕܡ ܐܝܟܢܐ ܕܬܗܘܐ ܠܗܘܢ ܗܿܝ ܕܢܗܘܘܢ ܐܝܬܝܗܘܢ ‍>‍
07:393 ܗܘܼ ܗܟܘܬ ܕܝܢ ܐܦ ܥܠ ܐܘܣܝ̈ܣ ܬܪ̈ܝܢܝܬܐ ܥܠ ܟܝܬ ܣܓܝ̈ܐܬܐ
07:394 ܕܐܝܟ ܐܝܟܢ ܒܪܢܫܐ ܠܐ ܡܬܐܡܪ ܕܡܕܡ ܒܪܢܫܐ ܘܐܦܠܐ ܬܘܪܐ ܕܡܕܡ ܬܘܪܐ ܘܐܦܠܐ ܩܝܣܐ ܕܡܕܡ ܩܝܣܐ ܐܠܐ ܕܡܕܡ ܩܢܝܢܐ ܡܬܐܡܪ
07:395 ܥܠ ܗܠܝܢ ܡܿܢ ܓܝܪ ܕܕܐܝܟ ܗܠܝܢ ܓܠܝܐ ܗܝ ‍[‍8ܲ25‍]‍ ܕܠܝܬܝܗܝܢ ܡܢ ܗܠܝܢ ܕܠܘܬ ܡܕܡ ܥܠ ܚܕܚܕ̈ܢܝܬܐ ܕܝܢ ܡܢ ܐܘܣܝ̈ܣ ܬܪ̈ܝܢܝܬܐ ܐܝܬ ܠܗܿ ܦܘܫܟܐ
07:396 ܕܐܝܟ ܐܝܟܢ ܪܝܫܐ ܕܡܕܡ ܡܬܐܡܪ ܪܝܫܐ ܘܐܦ ܐܝܕܐ ܕܡܕܡ ܐܝܕܐ ܡܬܐܡܪܐ ܘܟܠܚܕܐ ܕܐܝܟ ܡܢ ܗܠܝܢ ܕܐܝܟ ܗܟܢ ܐܝܟܢܐ ܟܝܬ ܕܗܠܝܢ ܡܢ ܗܠܝܢ ܕܠܘܬ ܡܕܡ ܢܣܬܒܪ̈ܢ ܟܐܡܬ
07:397 ܐܢ ܡܿܢ ܗܟܝܠ ܣܦܩܐܝܬ ܐܬܝܼܗܒ ܬܚܘܡܐ ܕܗܠܝܢ ܐܠܘܬ ܡܕܡ ܐܘܿ ܡܢ ܗܠܝܢ ܕܣܓܝ ‍[‍8ܲ30‍]‍ ܥܣܩ̈ܢ ܐܘ ܡܢ ܠܐ ܡܫܟܚ̈ܢܝܬܐ ܐܝܬܝܗܿ ܗܿܝ ܕܢܫܪܝܘܗܝ ܕܐܦܠܐ ܚܕܐ ܐܘܣܝܐ ܡܢ ܗܠܝܢ ܕܠܘܬ ܡܕܡ ܡܬܐܡܪܐ
07:398 ܐܢܕܝܢ ܠܘ ܣܦܩܐܝܬ ܐܠܐ ܐܝܬ ܕܠܘܬ ܡܕܡ ܗܠܝܢ ܕܗܿܝ ܕܐܝܬܝܗܝܢ ܗܝܼ ܟܕ ܗܝܼ ܐܝܬܝܗܿ ܠܗܝܢ ܠܗܿܝ ܕܐܝܟܢܐ ܐܝܬ ܠܗܝܢ ܠܘܬ ܡܕܡ ܟܒܪ ܟܐܡܬ ܢܬܼܐܡܪ ܡܕܡ ܠܘܬܗܝܢ
07:399 ܬܚܘܡܐ ܕܝܢ ܗܿܘ ܩܕܡܝܐ ܢܿܩܦ ܡܿܢ ܠܟܠܗܝܢ ܗܠܝܢ ܕܠܘܬ ܡܕܡ ܠܘ ܓܝܪ ܗܕܐ ܟܝܬ ܐܝܬܝܗܿ ‍[‍8ܲ35‍]‍ ܗܝܼ ܟܕ ܗܝܼ ܠܗܿܝ ܕܗܿܘ ܡܐ ܕܐܝܬܝܗܘܢ ܕܐܚܪ̈ܢܐ ܡܬܐܡܪܝܢ
07:400 ܡܢ ܟܝܬ ܗܠܝܢ ܝܕܥܬܐ ܐܝܬܝܗܿ ܕܐܢܗܘܼ ܕܐܢܫ ܢܕܥ ܡܕܡ ܡܬܚܡܐܝܬ ܡܢ ܗܠܝܢ ܕܠܘܬ ܡܕܡ ܐܦ ܠܗܿܘ ܕܠܘܬܗ ܡܬܐܡܪ ܡܬܚܡܐܝܬ ܢܕܥ
07:401 ܓܠܝܬܐ ܡܿܢ ܗܟܝܠ ܐܦ ܗܝܼ ܡܢܗܿ ܐܝܬܝܗܿ
07:402 ܐܢ ܓܝܪ ܢܕܥ ܐܢܫ ܠܗܢܐ ܡܕܡ ܕܡܢ ܗܠܝܢ ܐܠܘܬ ܡܕܡ ܐܝܬܘܗܝ ܬܗܘܐ ܕܝܢ ܐܝܬܝܗܿ ܠܗܠܝܢ ܕܠܘܬ ܡܕܡ ܗܿܝ ܕܢܗܘ̈ܝܢ ܐܝܬܝܗܝܢ ܗܝܼ ܟܕ ܗܝܼ ܠܗܿܝ ܕܐܝܟܢܐ ܐܝܬ ܠܗܝܢ ‍[‍8ܒ1‍]‍ ܠܘܬ ܡܕܡ ܐܦ ܠܗܿܘ ܢܕܥ ܕܠܘܬ ܡܢܘ ܐܝܟܢܐ ܐܝܬ ܠܗ ܠܗܢܐ
07:403 ܐܢ ܓܝܪ ܠܐ ܢܕܥ ܣܟ ܗܿܘ ܕܠܘܬܗ ܐܝܟܢܐ ܐܝܬ ܠܗ ܠܗܢܐ ܘܐܦܠܐ ܐܢ ܠܘܬ ܡܕܡ ܐܝܟܢ ܕܗܘܼ ܐܝܬ ܠܗ ܝܿܕܥ
07:404 ܐܦ ܥܠ ܗܠܝܢ ܕܝܢ ܕܟܠܚܕܐ ܝܕܝܥܐ ܗܝ ܕܐܝܟ ܗܕܐ
07:405 ܕܐܝܟ ܐܝܟܢ ܗܿܝ ܕܐܢܗܘܼ ܕܝܢ ܕܐܢܫ ܝܿܕܥ ܡܬܚܡܐܝܬ ܕܐܝܬ ‍[‍8ܒ5‍]‍ ܥܐܦܐ ܐܦ ܠܗܿܘ ܕܕܝܠܗ ܐܝܬܘܗܝ ܥܐܦܐ ܡܚܕܐ ܡܬܚܡܐܝܬ ܝܿܕܥ
07:406 ܐܢ ܓܝܪ ܕܐܦܠܐ ܕܡܕܡ ܡܢ ܗܠܝܢ ܕܡܦܪ̈ܫܢ ܝܿܕܥ ܠܗ ܕܐܝܬܘܗܝ ܥܐܦܐ ܘܐܦܠܐ ܐܢ ܐܝܬܘܗܝ ܥܐܦܐ ܣܟ ܝܿܕܥ
07:407 ܗܘܼ ܗܟܘܬ ܕܝܢ ܐܦ ܗܢܐ ܡܕܡ ܐܢ ܝܿܕܥ ܕܝܬܝܪ ܛܒܐ ܐܝܬܘܗܝ ܐܠܨܝܬܐ ܐܝܬܝܗܿ ܕܡܬܚܡܐܝܬ ܢܕܥ ܡܛܠ ܗܠܝܢ
07:408 ܠܘ ܠܐ ܡܬܚܡܐܝܬ ‍[‍8ܒ10‍]‍ ܕܝܢ ܕܗܢܐ ܐܝܬܘܗܝ ܕܗܿܘ ܕܒܝܫ ܝܬܝܪ ܛܒܐ
07:409 ܡܟܠܢܘܬܐ ܓܝܪ ܗܿܝ ܕܐܝܟ ܗܕܐ ܗܿܘܝܐ ܘܠܘ ܝܕܥܬܐ
07:410 ܠܐ ܓܝܪ ܬܘܒ ܝܕܥ ܚܬܝܬܐܝܬ ܕܐܝܬܘܗܝ ܝܬܝܪ ܛܒܐ ܕܗܿܘ ܕܒܝܫ
07:411 ܐܠܘ ܓܝܪ ܗܟܢܐ ܐܝܬܘܗܝ ܗܘܼܐ ܠܐ ܡܕܡ ܐܝܬ ܕܒܝܫ ܡܢܗ
07:412 ܐܝܟܢܐ ܟܝܬ ܕܓܠܝܐ ܗܝ ܕܐܠܨܝܬܐ ܐܝܬܝܗܿ ܕܗܿܘ ܡܐ ܕܝܼܕܥ ܐܢܫ ܡܢ ܗܠܝܢ ܕܠܘܬ ܡܕܡ ܡܬܚܡܐܝܬ ܐܦ ܠܗܿܘ ܕܠܘܬܗ ‍[‍8ܒ15‍]‍ ܡܬܐܡܪ ܡܬܚܡܐܝܬ ܢܕ
07:413 ܠܪܝܫܐ ܕܝܢ ܟܝܬ ܘܠܐܝܕܐ ܘܠܟܠ ܚܕܐ ܡܢ ܗܠܝܢ ܕܐܝܟ ܗܟܢ ܗܠܝܢ ܕܐܝܬܝܗܝܢ ܐܘܣܝ̈ܣ ܗܘܼ ܡܿܢ ܗܿܘ ܡܐ ܕܐܝܬܝܗܿ ܡܬܚܡܐܝܬ ܐܝܬܝܗܿ ܕܢܕܥ ܕܝܢ ܗܿܘ ܕܠܘܬܗ ܡܬܐܡܪܐ ܠܘ ܐܠܨܝܬܐ ܗܝ
07:414 ܕܡܢ ܗܘܼ ܓܝܪ ܗܘܼ ܪܝܫܐ ܐܘܿ ܕܡܢ ܗܝܼ ܗܝ ܐܝܕܐ ܠܐ ܐܝܬܝܗܿ ܠܡܼܕܥ ܡܬܚܡܐܝܬ
07:415 ܐܝܟܢܐ ܟܝܬ ܕܠܐ ܢܗܘ̈ܝܢ ܐܝܬܝܗܝܢ ܗܠܝܢ ܡܢ ܗܠܝܢ ܕܠܘܬ ܡܕܡ
07:416 ‍[‍8ܒ20‍]‍ ܐܢܕܝܢ ܠܐ ܐܝܬܝܗܝܢ ܡܢ ܗܠܝܢ ܕܠܘܬ ܡܕܡ ܫܪܝܪܬܐ ܟܝܬ ܐܝܬܝܗܿ ܠܡܼܐܡܪ ܕܐܦܠܐ ܚܕܐ ܐܘܣܝܐ ܡܢ ܗܠܝܢ ܕܠܘܬ ܡܕܡ ܐܝܬܝܗܿ
07:417 ܟܒܪ ܕܝܢ ܥܣܩܐ ܗܝ ܡܛܠ ܗܠܝܢ ܕܕܐܝܟ ܗܟܢ ܡܪܢܐܝܬ ܠܡܼܣܦܩ ܟܕ ܠܐ ܙܒܢ̈ܝܢ ܣܓܝ̈ܐܢ ܥܩܒܢܢ ܗܿܝ ܓܝܪ ܕܢܬܼܦܫܟ ܡܛܠ ܟܠܚܕܐ ܡܢܗܝܢ ܠܘ ܕܠܐ ܚܫܚܘ ܐܝܬܝܗܿ