← Back
The Comprehensive Aramaic Lexicon
← Return to the Text Browser
click on the file description for more information
60808: Categories_Jacob of Edessa

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

08:418 ‍[‍8ܒ25‍]‍ ܡܛܠ ܐܝܢܐ ܘܐܝܢܝܘܬܐ ܐܝܢܝܘܬܐ ܕܝܢ ܐܿܡܪ ܐܢܐ ܗܿܝ ܕܒܗܿ ܕܐܝܟ ܐܝܠܝܢ ܐܢܫܝ̈ܢ ܡܬܐܡܪܝܢ
08:419 ܐܝܬܝܗܿ ܕܝܢ ܐܝܢܝܘܬܐ ܡܢ ܗܠܝܢ ܕܣܓܝܐܢܐܝܬ ܡܬܐܡܪ̈ܢ
08:420 ܚܕ ܡܢ ܗܟܝܠ ܐܕܫܐ ܕܐܝܢܝܘܬܐ ܐܟܣܝܣ ܘܕܝܐܬܣܝܣ ܢܬܐܡܪ̈ܢ
08:421 ܡܫܚܠܦܐ ܕܝܢ ܐܟܣܝܣ ܡܢ ܕܝܐܬܣܝܣ ܒܗܿܝ ܕܗܝ ܡܿܢ ܝܬܝܪ ܡܟܬܪܢܝܬܐ ܐܝܬܝܗܿ ܘܝܬܝܪ ܣܓܝܐܬ ܙܒܢܐ
08:422 ܕܐܝܟ ܗܠܝܢ ܕܝܢ ܐܝܬܝܗܝܢ ܝܕ̈ܥܬܐ ܟܝܬ ܘܡܝܬܪ̈ܘܬܐ
08:423 ܝܕܥܬܐ ܓܝܪ ‍[‍8ܒ30‍]‍ ܡܣܬܒܪܐ ܕܡܢ ܗܠܝܢ ܡܟܬܪ̈ܢܝܬܐ ܘܥܣܩܬ ܠܡܬܬܙܥܘ ܐܝܬܝܗܿ ܐܢ ܐܦ ܡܡܫܚܐܝܬ ܐܢܫ ܢܣܒ ܝܕܥܬܐ ܐܢ ܟܝܬ ܠܘ ܒܫܘܚܠܦܐ ܪܒܐ ܢܗܘܐ ܡܢ ܟܘܪܗܢܐ ܐܿܘ ܡܢ ܡܕܡ ܐܚܪܢܐ ܕܐܝܟ ܗܢܐ
08:424 ܗܼܘ ܗܟܘܬ ܕܝܢ ܐܦ ܡܝܬܪܘܬܐ ܕܐܝܟ ܐܝܟܢ ܙܕܝܩܘܬܐ ܘܢܟܦܘܬܐ ܘܟܠܚܕܐ ܡܢ ܗܠܝܢ ܕܕܐܝܟ ܗܟܢ ܠܘ ܦܫܝܩܬ ܠܡܬܬܙܝܥܢܘܬܐ ܡܣܬܒܪܐ ܕܐܝܬܝܗܿ ܘܐܦܠܐ ܦܫܝܩܬ ܠܫܘܚܠܦܐ
08:425 ‍[‍8ܒ35‍]‍ ܕܝܐܬܣ̈ܝܣ ܕܝܢ ܡܬܐܡܪ̈ܢ ܗܠܝܢ ܕܐܝܬܝܗܝܢ ܦܫܝܩܬ ܠܡܬܬܙܝܥܢܘܬܐ ܘܕܩܠܝܠܐܝܬ ܡܫܬܚܠܦ̈ܢ ܕܐܝܟ ܐܝܟܢ ܫܚܝܢܘܬܐ ܘܩܪܝܪܘܬܐ ܘܟܘܪܗܢܐ ܘܚܘܠܡܢܐ ܘܟܠܗܝܢ ܗܠܝܢ ܐܚܪ̈ܢܝܬܐ ܕܕܐܝܟ ܗܠܝܢ
08:426 ܣܝܼܡ ܡܿܢ ܓܝܪ ܐܝܟܢ ܕܗܼܘ ܒܗܠܝܢ ܒܪܢܫܐ ܒܥܓܠ ܕܝܢ ܡܫܬܚܠܦ ܟܕ ܡܢ ܚܡܝܡܐ ܩܪܝܪܐ ܗܘܐ ܘܡܢ ܗܿܝ ܕܚܠܝܡ ܠܗܿܝ ܕܢܬܟܪܗ
08:427 ‍[‍9ܲ1‍]‍ ܗܼܘ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ ܐܢ ܠܘ ܡܕܡ ܐܦ ܡܢܗܝܢ ܕܗܠܝܢ ܐܝܬܝܗܿ ܟܕ ܡܛܠ ܣܓܝܐܘܬܐ ܕܙܒܢܐ ܡܢ ܟܕܘ ܐܬܟܝܢܬ ܘܠܐ ܡܬܐܣܝܢܝܬܐ ܐܘ ܣܓܝ ܥܣܩܬܐ ܠܡܬܬܙܝܥܢܘܬܐ ܐܝܬܝܗܿ ܠܗܿܝ ܕܐܢܫ ܟܒܪ ܐܟܣܝܣ ܟܐܡܬ ܢܟܢܝܗܿ
08:428 ܓܠܝܐ ܗܝ ܕܝܢ ܕܠܗܠܝܢ ܨܒܝ̈ܢ ܐܟܣܝ̈ܣ ‍[‍9ܲ5‍]‍ ܠܡܐܡܪ ܠܗܠܝܢ ܕܐܝܬܝܗܝܢ ܝܬܝܪ ܣܓܝܐܬ ܙܒܢܐ ܘܥܣܩܬ ܠܡܬܬܙܝܥܢܘܬܐ
08:429 ܠܗܠܝܢ ܓܝܪ ܕܥܠ ܝܕ̈ܥܬܐ ܠܘ ܣܓܝ ܐܚܝܕܝܢ ܐܠܐ ܦܫܝ̈ܩܝ ܠܡܬܬܙܥܘ ܐܝܬܝܗܘܢ ܠܐ ܐܿܡܪܝܢ ܕܐܝܬ ܠܗܘܢ ܐܟܣܝܣ ܘܟܕ ܛܒ ܣܿܝܡܝܢ ܟܝܬ ܐܝܟܢ ܕܗܼܘ ܒܐܝܕܥܬܐ ܐܿܘ ܒܝܫܬܐ ܐܿܘ ܛܒܬܐ
08:430 ܐܝܟܢܐ ܟܝܬ ܕܡܫܚܠܦܐ ܐܟܣܝܣ ܡܢ ܕܝܐܬܣܝܣ ܒܗܿܝ ܕܗܿܝ ܡܿܢ ܦܫܝܩܬ ܠܡܬܬܙܝܥܢܘܬܐ ܐܝܬܝܗܿ ܗܿܝ ܕܝܢ ܝܬܝܪ ܣܓܝܐܬ ܙܒܢܐ ܟܝܬ ‍[‍9ܲ10‍]‍ ܘܝܬܝܪ ܥܣܩܬ ܠܡܬܬܙܝܥܢܘܬܐ
08:431 ܐܝܬܝܗܝܢ ܕܝܢ ܐܟܣܝ̈ܣ ܡܼܿܢ ܐܦ ܕܝܐܬܣܝ̈ܣ ܕܝܐܬܣܝ̈ܣ ܕܝܢ ܠܘ ܡܢ ܐܢܢܩܐ ܐܟܣܝ̈ܣ
08:432 ܗܿܢܘܢ ܡܿܢ ܓܝܪ ܕܐܝܬ ܠܗܘܢ ܐܟܣܝ̈ܣ ܐܦ ܣܝܡܝܢ ܐܝܟܢ ܕܗܼܘ ܒܗܠܝܢ ܗܿܢܘܢ ܕܝܢ ܕܣܝܡܝܢ ܠܘ ܡܢ ܟܠܦܪܘܣ ܐܦ ܐܟܣܝܣ ܐܝܬ ܠܗܘܢ
08:433 ܐܚܪܢܐ ܓܝܪ ܓܢܣܐ ܕܐܝܢܝܘܬܐ ܗܿܝ ܕܒܗ ܕܪ̈ܐܪܐ ܐܿܘ ܪ̈ܗܛܐ ܐܿܘ ܡܬܚ̈ܠܡܢܐ ܐܿܘ ܡܬܟܪ̈ܗܢܐ ܐܿܡܪܝܢܢ ܘܦܫܝܛܐܝܬ ܟܠܗܝܢ ܐܝܠܝܢ ܕܒܚܝܠܐ ܟܝܢܝܐ ‍[‍9ܲ15‍]‍ ܐܿܘ ܒܠܐ ܚܝܠܬܢܘܬܐ ܡܬܐܡܪ̈ܝܢ
08:434 ܠܐ ܗܼܘܐ ܓܝܪ ܒܗܿܝ ܕܣܝܡܝܢ ܐܝܟܢ ܕܗܼܘ ܟܠܚܕ ܡܢ ܗܠܝܢ ܕܐܝܟ ܗܟܢ ܡܬܐܡܪ ܐܠܐ ܒܗܿܝ ܕܚܝܠܐ ܟܝܢܝܐ ܐܝܬ ܠܗܘܢ ܠܡܥܒܕ ܡܕܡ ܦܫܝܩܐܝܬ
08:435 ‍[‍9ܲ20‍]‍ ֯֯֯
08:436 ܕܚܠܝܡܝܢ ܕܝܢ ܡܬܐܡܪܝܢ ܒܗܿܝ ܕܐܝܬ ܠܗܘܢ ܚܝܠܐ ܟܝܢܝܐ ܕܠܐ ܡܕܡ ܢܚܫܘܢ ܦܫܝܩܐܝܬ ܡܢ ܐܝܠܝܢ ܕܓܕܫ̈ܢ ܟܪ̈ܝܗܐ ܕܝܢ ܒܗܿܝ ܕܠܐ ܚܝܠܬܢܘܬܐ ܐܝܬ ܠܗܘܢ ܗܿܝ ܕܠܐ ܡܕܡ ܢܚܫܼܘܢ
08:437 ܕܡܝܐܝܬ ܕܝܢ ܠܗܠܝܢ ܐܦ ܠܩܫܝܐ ܐܦ ܠܪܟܝܟܐ ‍[‍9ܲ25‍]‍ ܐܝܬ ܠܗܘܢ
08:438 ܩܫܝܐ ܡܿܢ ܓܝܪ ܡܬܐܡܪ ܒܗܿܝ ܕܐܝܬ ܠܗ ܚܝܠܐ ܕܠܘ ܦܫܝܩܐܝܬ ܢܬܦܠܓ ܪܟܝܟܐ ܕܝܢ ܒܗܿܝ ܕܠܐ ܚܝܠܬܢܘܬܐ ܐܝܬ ܠܗ ܕܝܠܗ ܟܕ ܕܝܠܗ ܕܗܕܐ
08:439 ܓܢܣܐ ܕܝܢ ܕܬܠܬܐ ܕܐܝܢܝܘܬܐ ܐܝܢܝܘ̈ܬܐ ܡܚܫܢ̈ܝܬܐ ܘܚܫ̈ܐ
08:440 ܐܝܬܝܗܝܢ ܕܝܢ ܗܠܝܢ ܕܐܝܟ ܗܟܢ ܚܠܝܘܬܐ ܟܝܬ ܘܡܪܝܪܘܬܐ ‍[‍9ܲ30‍]‍ ܘܨܪܘܦܘܬܐ ܘܟܠܗܝܢ ܗܠܝܢ ܒܢ̈ܬ ܓܢܣܐ ܕܗܠܝܢ ܬܘܒ ܕܝܢ ܫܚܝܢܘܬܐ ܘܩܪܝܪܘܬܐ ܘܚܘܪܘܬܐ ܘܐܘܟܡܘܬܐ
08:441 ܕܗܠܝܢ ܡܿܢ ܗܟܝܠ ܐܝ̈ܢܝܘܬܐ ܐܝܬܝܗܝܢ ܓܠܝܐ ܗܝ ܗܠܝܢ ܕܝܢ ܕܡܩܒܠܝܢ ܡܬܐܡܪܝܢ ܒܗܠܝܢ
08:442 ܕܐܝܟ ܐܝܟܢ ܕܒܫܐ ܒܗܿܝ ܕܚܠܝܘܬܐ ܡܩܒܠ ܡܬܐܡܪ ܚܠܝܐ ܘܓܘܫܡܐ ܚܘܪܐ ܒܗܿܝ ܕܚܘܪܘܬܐ ܡܩܒܠ
08:443 ‍[‍9ܲ35‍]‍ ܗܼܘ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ ܐܝܬ ܠܗܝܢ
08:444 ܐܝܢܝܘ̈ܬܐ ܕܝܢ ܡܚ̈ܫܢܝܬܐ ܡܬܐܡܪ̈ܢ ܠܐ ܗܼܘܐ ܒܗܿܝ ܕܗܼܢܘܢ ܗܠܝܢ ܕܡܩܒܠܝܢ ܠܗܝܢ ܠܐܝܢܝܘ̈ܬܐ ‍[‍9ܒ1‍]‍ ܚܫܝܢ ܡܕܡ
08:445 ܘܐܦܠܐ ܓܝܪ ܕܒܫܐ ܒܗܿܝ ܕܚܐܫ ܡܕܡ ܡܬܐܡܪ ܚܠܝܐ ܘܐܦܠܐ ܡܕܡ ܡܢ ܗܠܝܢ ܐܚܪ̈ܢܝܬܐ ܕܐܝܟ ܗܟܢ
08:446 ܒܗܿ ܕܝܢ ܒܕܡܘܬܐ ܠܗܠܝܢ ܐܦ ܫܚܝܢܘܬܐ ܘܩܪܝܪܘܬܐ ܐܝܢܘ̈ܬܐ ܡܚ̈ܫܢܝܬܐ ܡܬܐܡܪ̈ܢ ܠܐ ܗܼܘܐ ܒܗܿܝ ܕܗܢܘܢ ܗܠܝܢ ܕܡܩܒܠܝܢ ܚܫܝܿܢ ‍[‍9ܒ5‍]‍ ܡܕܡ
08:447 ܐܠܐ ܒܗܿܝ ܕܒܪ̈ܓܫܐ ܟܠܚܕܐ ܡܢ ܐܝܢ̈ܝܘܬܐ ܗܠܝܢ ܕܐܬܐܡܪ̈ܝ ܥܒܘܕܬܐ ܕܚܫܐ ܐܝܬܝܗܿ ܐܝܢܝܘ̈ܬܐ ܡܚܫ̈ܢܝܬܐ ܡܬܐܡܪ̈ܢ
08:448 ܚܠܝܘܬܐ ܓܝܪ ܟܝܬ ܚܫܐ ܡܕܡ ܒܛܥܡܬܐ ܥܿܒܕܐ ܘܫܚܝܢܬܐ ܒܓܫܬܐ ܒܗܿ ܕܝܢ ܒܕܡܘܬܐ ܐܦ ܗܠܝܢ ܐܚܪ̈ܢܝܬܐ
08:449 ܚܘܪܘܬܐ ܕܝܢ ܘܐܘܿܟܡܘܬܐ ܘܗܠܝܢ ܓܘ̈ܢܐ ܐܚܪ̈ܢܐ ‍[‍9ܒ10‍]‍ ܠܐ ܗܼܘܐ ܒܗ ܟܕ ܒܗ ܒܙܢܐ ܠܗܠܝܢ ܕܐܬܐܡܪ̈ܝ ܐܝܢܝܘ̈ܬܐ ܡܚܫ̈ܢܝܬܐ ܡܬܐܡܪ̈ܢ ܐܠܐ ܒܗܿܝ ܕܗܿܢܝܢ ܡܢ ܚܫܐ ܗܘ̈ܝܢ
08:450 ܕܗܿܘܝܢ ܡܿܢ ܗܟܝܠ ܡܛܠ ܚܫܐ ܫܘ̈ܚܠܦܐ ܕܓܘ̈ܢܐ ܙܒܢ̈ܝܢ ܣܓܝ̈ܐܢ ܝܕܝܥܐ ܗܝ
08:451 ܟܕ ܓܝܪ ܐܬܚܡܨ ܐܢܫ ܣܘܡܩܐ ܗܼܘܐ ܘܟܕ ܕܚܼܠ ܡܘܪܩܐ ܘܟܠܚܕܐ ܡܢ ܗܠܝܢ ܕܕܐܝܟ ܗܟܢ
08:452 ܐܝܟܢܐ ܟܝܬ ܕܐܦܢ ܐܢܫ ܒܟܝܢܐ ‍[‍9ܒ15‍]‍ ܡܕܡ ܡܢ ܗܠܝܢ ܕܕܐܝܟ ܗܟܢ ܚܫ ܕܓܘܢܐ ܕܕܡܐ ܟܒܪ ܢܗܘܼܐ ܐܝܬ ܠܗ
08:453 ܗܿܝ ܓܝܪ ܕܝܐܬܣܝܣ ܕܗܫܐ ܒܗܿܝ ܕܒܗܬ ܠܘܬ ܓܘܫܡܐ ܗܘܬ ܘܒܩܘܝܡܐ ܟܝܢܝܐ ܗܼܝ ܟܕ ܗܼܝ ܟܝܬ ܕܝܐܬܣܝܣ ܬܗܘܐ ܐܝܟܢܐ ܟܝܬ ܕܒܟܝܢܐ ܐܦ ܓܘܢܐ ܕܕܡܐ ܢܗܘܼܐ
08:454 ܟܠܗܘܢ ܡܿܢ ܗܟܝܠ ‍[‍9ܒ20‍]‍ ܓܕ̈ܫܐ ܕܕܐܝܟ ܗܠܝܢ ܕܡܢ ܚܫ̈ܐ ܡܕܡ ܥܣܩ̈ܝ ܠܡܬܬܙܥܘ ܘܡܟܬܪ̈ܢܐ ܢܣܒܘ ܫܘܪܝܐ ܐܝܢ̈ܝܘܬ ܡܬܐܡܪܝܢ
08:455 ܐܢ ܟܝܬ ܓܝܪ ܒܩܘܝܡܐ ܕܒܟܝܢܐ ܡܘܪܩܘܬܐ ܐܿܘ ܐܘܟܡܘܬܐ ܗܘܼܬ ܐܝܢܝܘܬܐ ܡܬܐܡܪܐ
08:456 ܕܐܝܠܝܢ ܓܝܪ ܒܗܠܝܢ ܡܬܐܡܪܝܢܢ
08:457 ܘܐܢ ܟܝܬ ܡܛܠ ܟܘܪܗܢܐ ܢܓܝܪܐ ܐܘ ܡܛܠ ܚܘܡܐ ܗܕܐ ‍[‍9ܒ25‍]‍ ܓܕܫܬܼ ܡܘܪܩܘܬܐ ܐܿܘ ܐܘܟܡܘܬܐ ܘܠܘ ܦܫܝܩܐܝܬ ܗܦܟ̈ܢ ܬܩܢ̈ܢ ܐܿܘ ܐܦ ܒܟܠܗܘܢ ܚܝ̈ܐ ܡܟܬܪ̈ܢ ܐܝܢܝ̈ܘܬܐ ܐܦ ܗܿܢܝܢ ܡܬܐܡܪ̈ܢ
08:458 ܒܗܿ ܒܕܡܘܬܐ ܓܝܪ ܐܝܠܝܢ ܒܗܠܝܢ ܡܬܐܡܪܝܢܢ
08:459 ܟܠܗܘܢ ܕܝܢ ܗܿܢܘܢ ܕܡܢ ܗܠܝܢ ܕܦܫܝܩܐܝܬ ܡܫܬܪ̈ܝܢ ܘܩܠܝܠܐܝܬ ܗܦܟ̈ܢ ܬܩܢ̈ܢ ܗܘ̈ܝܢ ܚܫ̈ܐ ܡܬܐܡܪܝܢ
08:460 ܠܐ ܓܝܪ ܡܬܐܡܪܝܢ ܐܝܠܝܢ ܐܢܫ̈ܝܢ ‍[‍9ܒ30‍]‍ ܒܗܠܝܢ
08:461 ܘܠܐ ܓܝܪ ܗܿܘ ܕܡܣܡܩ ܡܛܠ ܕܐܬܚܼܡܨ ܣܘܡܩܐ ܡܬܐܡܪ ܘܐܦܠܐ ܗܿܘ ܕܡܘܪܩ ܡܛܠ ܕܕܚܼܠ ܡܘܪܩܐ ܐܠܐ ܡܠܘܢ ܒܗܿܝ ܕܚܼܫ
08:462 ܐܝܟܢܐ ܟܝܬ ܕܚܫ̈ܐ ܡܢ ܗܠܝܢ ܕܕܐܝܟ ܗܟܢ ܢܬܐܡܪ̈ܢ ܐܝܢ̈ܝܘܬܐ ܕܝܢ ܠܐ
08:463 ܒܗܿ ܕܝܢ ܒܕܡܘܬܐ ܠܗܠܝܢ ܐܦ ܒܢܦܫܐ ܐܝܢܘ̈ܬܐ ܡܚܫ̈ܢܝܬܐ ܘܚܫ̈ܐ ܡܬܐܡܪ̈ܝܢ
08:464 ‍[‍9ܒ35‍]‍ ܟܠܗܝܢ ܓܝܪ ܐܝܠܝܢ ܕܡܘܠܕܐ ܡܚܕܐ ܡܢ ܚܫ̈ܐ ܡܕܡ ܗܘ̈ܝܢ ܐܝܢܝܘ̈ܬܐ ܡܬܐܡܪ̈ܢ ܕܐܝܟ ܐܝܟܢ ܬܡܝܗܘܬܐ ܟܝܬ ‍[‍10ܲ1‍]‍ ܫܢܝܘܬܐ ܘܪܘܓܙܐ ܘܗܠܝܢ ܕܐܝܟ ܗܟܢ
08:465 ܐܝܠܝܢ ܓܝܪ ܒܗܠܝܢ ܡܬܐܡܪܝܢ ܕܐܝܟ ܐܝܠܝܢ ܪ̈ܓܘܙܬܢܐ ܟܝܬ ܘܫܢ̈ܝܐ
08:466 ܒܗܿ ܒܕܡܘܬܐ ܕܝܢ ܘܟܠܗܝܢ ܫܢܝܘ̈ܬܐ ܕܠܘ ܟܝܢܝ̈ܬܐ ܐܠܐ ܡܢ ܓܕܫ̈ܐ ܡܕܡ ܐܚܪ̈ܢܐ ܗܘ̈ܝܢ ܥܣܩܼܬ ܠܫܘܚܠܦܐ ܐܿܘ ܐܦ ܟܠ ܟܠܗ ܠܐ ܡ‍{‍ܕܙ‍}‍‍<‍ܙܕ‍>‍ܥܙܥܢܝ̈ܬܐ ܐܝܢܝܘ̈ܬܐ ‍[‍10ܲ5‍]‍ ܐܦ ܗܠܝܢ ܕܕܐܝܟ ܗܟܢ ܡܬܐܡܪ̈ܢ
08:467 ܐܝܠܝܢ ܓܝܪ ܒܗܠܝܢ ܡܬܐܡܪܝܢ
08:468 ܟܠܗܝܢ ܕܝܢ ܗܠܝܢ ܕܡܢ ܗܿܢܝܢ ܕܩܠܝܠܐܝܬ ܗܦܟ̈ܢ ܬܩܢ̈ܢ ܗܿܘܝܢ ܚܫ̈ܐ ܡܬܐܡܪ̈ܢ
08:469 ܕܐܝܟ ܐܝܟܢ ܗܿܘ ܕܡܬܬܥܝܩ ܝܬܝܪ ܪܓܘܙܬܢܐ ܐܝܬܘܗܝ
08:470 ܠܐ ܓܝܪ ܡܬܐܡܪ ܪܓܘܙܬܢܐ ܗܿܘ ܕܒܚܫܐ ܕܕܐܝܟ ܗܢܐ ܝܬܝܪ ܪܓܘܙܬܢܐ ܐܝܬܘܗܝ ܐܠܐ ܡܠܘܢ ܕܚܫ ܡܕܡ
08:471 ܐܝܟܢܐ ܟܝܬ ܕܚܫ̈ܐ ܡܿܢ ܗܠܝܢ ܕܕܐܝܟ ܗܠܝܢ ܢܬܐܡܪ̈ܢ ‍[‍10ܲ10‍]‍ ܐܝܢܝܘ̈ܬܐ ܕܝܢ ܠܐ
08:472 ܓܢܣܐ ܕܝܢ ܕܐܪܒܥܐ ܕܐܝܢܝܘܬܐ ܐܣܟܡܐ ܟܝܬ ܘܕܡܘܬܐ ܗܿܝ ܕܫܟܝܚܐ ܠܘܬ ܟܠܚܕ ܬܘܒ ܕܝܢ ܥܡ ܗܠܝܢ ܬܪܝܨܘܬܐ ܟܝܬ ܘܟܦܝܦܘܬܐ ܘܐܢ ܡܕܡ ܕܕܡܐ ܠܗܠܝܢ
08:473 ܐܝܬ ܒܟܠܚܕܐ ܓܝܪ ܡܢ ܗܠܝܢ ܕܐܝܢܐ ܡܕܡ ܡܬܐܡܪ
08:474 ‍[‍10ܲ15‍]‍ ܒܗܿܝ ܓܝܪ ܕܛܪܝܢܓܢܘܢ ܐܿܘ ܛܝܛܪܓܢܘܢ ܢܗܘܐ ܐܝܬܘܗܝ ܗܢܘ ܕܝܢ ܕܬܠܬ ܓܘܢܘ̈ܬܐ ܐܿܘ ܕܐܪܒܥ ܓܘܢܘ̈ܬܐ ܕܐܝܢܐ ܡܕܡ ܡܬܐܡܪ ܘܒܗܿܝ ܕܬܪܝܨܐ ܐܘ ܦܬܝܠܐ
08:475 ܘܐܦ ܒܕܡܘܬܐ ܕܝܢ ܟܠܚܕ ܐܝܢܐ ܡܬܐܡܪ
08:476 ܐܦ ܕܠܝܠܐ ܐܦ ܥܒܘܛܐ ܐܦ ܚܪܘܣܐ ܐܦ ܫܥܝܥܐ ܡܣܬܒܪܝܢ ܡܿܢ ܟܝܬ ܕܐܝܢܐ ܡܫܘܕܥܝܢ ܕܡܝܢ ܕܝܢ ܕܢܘܟܪ̈ܝܐ ܐܝܬܝܗܘܢ ܗܠܝܢ ܕܐܝܟ ܗܟܢ ܕܦܘܠܓܐ ܕܥܠ ܐܝܢܝܘܬܐ
08:477 ܣܝܡܐ ܓܝܪ ܡܕܡ ܕܡܢܘ̈ܬܐ ܡܠܘܢ ‍[‍10ܲ20‍]‍ ܡܬܚܙܐ ܟܠܚܕ ܡܢܗܘܢ ܕܡܘܕܥ
08:478 ܥܒܘܛܐ ܡܿܢ ܓܝܪ ܒܗܿܝ ܕܡܢܘ̈ܬܐ ܒܩܪܝܒܘܬܐ ܐܝܬܝܗܝܢ ܡܢ ܚܕܕ̈ܐ ܕܠܝܠܐ ܕܝܢ ܒܗܿܝ ܕܪ̈ܚܝܩܢ ܡܢ ܚܕܕ̈ܐ ܘܫܥܝܥܐ ܡܿܢ ܒܗܿܝ ܕܒܫܘܝܘܬܐ ܡܕܡ ܣܝ̈ܡܢ ܡܢܘ̈ܬܐ ܚܪܘܣܐ ܕܝܢ ܒܗܿܝ ܕܗܿܝ ܡܿܢ ܫܟܝܚܐ ܗܿܝ ܕܝܢ ܚܣܝܪܐ
08:479 ‍[‍10ܲ25‍]‍ ܟܒܪ ܡܿܢ ܗܟܝܠ ܐܦ ܙܢܐ ܡܕܡ ܐܚܪܢܐ ܢܬܼܚܙܐ ܟܝܬ ܕܐܝܢܝܘܬܐ ܐܠܐ ܗܠܝܢ ܟܝܬ ܕܝܬܝܪܐܝܬ ܡܬܐܡܪܝܢ
08:480 ܒܦܣܝܩ̈ܬܐ ܟܠܗܘܢ ܗܠܝܢ ܐܝܬܝܗܘܢ ܐܝܢܝܘ̈ܬܐ ܗܟܝܠ ܗܿܠܝܢ ܕܐܬܐܡܪ̈ܝ ܐܝܠܝܢ ܕܝܢ ܗܠܝܢ ܕܒܗܝܢ ܡܢ ܫܡܗܐܝܬ ܡܬܐܡܪܝܢ
08:481 ܐܿܘ ܐܝܟܢ ܕܗܼܘ ܡܢܗܝܢ ܥܠ ܣܓܝ̈ܐܬܐ ܡܿܢ ܗܟܝܠ ܘܟܢܝܫܐܝܬ ܥܠ ܟܠܗܝܢ ܡܢ ܫܡܗܐܝܬ ‍[‍10ܲ30‍]‍ ܡܬܐܡܪܝܢ
08:482 ܕܐܝܟ ܐܝܟܢ ܡܢ ܚܘܪܘܬܐ ܚܘܪܐ ܘܡܢ ܓܪܡܛܝܩܝ ܓܪܡܛܝܩܘܣ ܘܡܢ ܙܕܝܩܘܬܐ ܙܕܝܩܐ ܗܼܘ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ
08:483 ܥܠ ܚܕܚܕ̈ܢܝܬܐ ܕܝܢ ܡܛܠ ܗܿܝ ܕܠܐ ܣܝܡܝܢ ܫܡܗ̈ܐ ܠܐܝܢܝܘ̈ܬܐ ܠܐ ܡܨܝܐ ܕܡܢ ܫܡܗܐܝܬ ܡܢܗܝܢ ܢܬܐܡܪܘܢ
08:484 ܕܐܝܟ ܐܝܟܢ ܪܗܛܐ ܐܿܘ ܕܪܪܐ ‍[‍10ܲ35‍]‍ ܗܿܘ ܕܒܚܝܠܐ ܟܝܢܝܐ ܡܩܒܠ ܐܦܠܐ ܡܢ ܚܕܐ ܐܝܢܝܘܬܐ ‍[‍10ܒ1‍]‍ ܡܢ ܫܡܗܐܝܬ ܡܬܐܡܪ
08:485 ܠܐ ܓܝܪ ܣܝܡܝܢ ܫܡܗ̈ܐ ܠܚܝ̈ܠܐ ܗܠܝܢ ܕܒܗܘܢ ܗܟܢܐ ܐܝܠܝܢ ܡܬܐܡܪܝܢ ܐܟܙܢܐ ܕܠܗܠܝܢ ܕܝܕܥ̈ܬܐ ܗܠܝܢ ܕܒܗܘܢ ܦܘܩܛܝܩ̈ܘ ܐܿܘ ܦܐܠܐܣܛܪ̈ܝܩܘ ܗܢܘ ܕܝܢ ܕܪܪ̈ܐ ܗܢܘܢ ܕܒܕܝܐܬܣܝܣ ܐܘܟܝܬ ܣܿܝܡܐ ܡܬܐܡܪܝܢ
08:486 ܝܕܥܬܐ ܕܝܢ ܦܘܩܛܝܩܝ ܡܬܐܡܪܐ ܘܦܐܠܐܣܛܪܝܩܝ ܗܢܘ ܕܝܢ ܕܪܢܝܬܐ ܐܝܠܝܢ ܕܝܢ ‍[‍10ܒ5‍]‍ ܡܢ ܗܠܝܢ ܡܢ ܫܡܗܐܝܬ ܗܿܢܘܢ ܕܣܝܡܝܢ ܕܡܬܐܡܪܝܢ
08:487 ܐܝܬ ܕܝܢ ܐܡܬܝ ܕܐܦ ܟܕ ܣܝܡ ܫܡܐ ܠܐ ܡܬܐܡܪ ܡܢ ܫܡܗܐܝܬ ܗܿܘ ܕܒܗ ܡܬܐܡܪ ܐܝܢܐ
08:488 ܕܐܝܟ ܐܝܟܢ ܡܢ ܡܝܬܪܘܬܐ ܚܦܝܛܐ ܒܗܿܝ ܓܝܪ ܕܐܝܬ ܠܗ ܡܝܬܪܘܬܐ ܚܦܝܛܐ ܡܬܐܡܪ ܐܠܐ ܠܘ ܡܢ ܫܡܗܐܝܬ ܡܢ ܡܝܬܪܘܬܐ
08:489 ܠܘ ܓܝܪ ܥܠ ܣܓܝ̈ܐܬܐ ܕܐܝܟ ܗܕܐ ܐܝܬܝܗܿ
08:490 ܐܝܠܝܢ ܗܟܝܠ ‍[‍10ܒ10‍]‍ ܡܬܐܡܪܝܢ ܗܠܝܢ ܕܡܢ ܫܡܗܐܝܬ ܡܢ ܐܝܢܝ̈ܘܬܐ ܗܠܝܢ ܕܐܬܐܡܪܝ ܡܬܐܡܪܝܢ ܐܿܘ ܐܝܟܢ ܕܗܼܘ ܐܚܪܢܝܐܝܬ ܡܢܗܝܢ
08:491 ܫܟܝܚܐ ܕܝܢ ܐܦ ܣܩܘܒܠܝܘܬܐ ܒܐܝܢܝܘܬܐ
08:492 ܕܐܝܟ ܐܝܟܢ ܙܕܝܩܘܬܐ ܠܥܘܠܘܬܐ ܣܩܘܒܠܝܐ ܘܚܘܪܘܬܐ ܠܐܘܟܡܬܐ ܘܗܠܝܢ ܐܚܪ̈ܢܝܬܐ
08:493 ܗܼܘ ܗܟܘܬ ܐܦ ܗܿܢܘܢ ܕܝܢ ܕܒܗܠܝܢ ܡܬܐܡܪ̈ܢ ܐܝܠܝܢ ܕܐܝܟ ܐܝܟܢ ‍[‍10ܒ15‍]‍ ܥܘܠܐ ܠܙܕܝܩܐ ܘܚܘܪܐ ܠܐܘܟܡܐ
08:494 ܠܘ ܥܠ ܟܠܗܝܢ ܕܝܢ ܕܐܝܟ ܗܕܐ
08:495 ܠܣܘܡܩܐ ܓܝܪ ܐܘܿ ܠܝܘܪܩܐ ܘܠܓܘ̈ܢܐ ܕܐܝܟ ܗܠܝܢ ܟܕ ܐܝܠܝܢ ܐܝܬܝܗܘܢ ܘܠܐ ܡܕܡ ܐܝܟ ܣܩܘܒܠܝܐ
08:496 ܬܘܒ ܟܝܬ ܡܢ ܗܠܝܢ ܣܩܘ̈ܒܠܝܬܐ ܐܢ ܚܕܐ ܡܢܬܐ ܐܝܬܝܗܿ ܐܝܢܐ ܐܦ ܗܿܝ ܕܫܪܟܐ ܬܗܼܘܐ ܐܝܬܝܗܿ ܐܝܢܐ
08:497 ܗܕܐ ܕܝܢ ܡܬܚܘܝܐ ܒܗܠܝܢ ܩܛܝܓܘܪ̈ܝܣ ܐܚܪ̈ܢܝܬܐ
08:498 ܕܐܝܟ ܐܝܟܢ ܐܢ ܐܝܬܝܗܿ ‍[‍10ܒ20‍]‍ ܙܕܝܩܘܬܐ ܠܥܘܠܘܬܐ ܣܩܘܒܠܝܬܐ ܐܝܢܝܘܬܐ ܕܝܢ ܙܕܝܩܘܬܐ ܐܝܢܝܘܬܐ ܐܦ ܥܘܠܘܬܐ
08:499 ܐܦܠܐ ܓܝܪ ܚܕܐ ܡܢ ܗܠܝܢ ܩܛܝܓܘܪ̈ܝܣ ܐܚܪ̈ܢܝܬܐ ܬܠܚܡ ܠܩܛܝܓܘܪܝܐ ܘܠܐ ܟܡܝܘܬܐ ܘܠܐ ܠܘܬ ܡܕܡ ܘܠܐ ܐܝܟܐ ܘܐܦܠܐ ܣܟ ܡܢ ܗܠܝܢ ܕܕܐܝܟ ܗܟܢ ܘܠܐ ܡܕܡ ܐܠܐ ܐܢ ܐܝܢܝܘܬܐ
08:500 ܗܘܼ ܗܟܘܬ ܕܝܢ ܐܦ ܥܠ ܗܠܝܢ ܐܚܪ̈ܢܝܬܐ ܣܩܘ̈ܒܠܝܬܐ ܗܠܝܢ ‍[‍10ܒ25‍]‍ ܕܒܐܝܢܝܘܬܐ