← Back
The Comprehensive Aramaic Lexicon
← Return to the Text Browser
click on the file description for more information
60808: Categories_Jacob of Edessa

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

09:501 ܡܩܒܠܢ ܕܝܢ ܐܝܢܝܘ̈ܬܐ ܐܦ ܗܿܝ ܕܝܬܝܪܐܝܬ ܘܒܨܝܪܐܝܬ
09:502 ܚܘܪܐ ܓܝܪ ܝܬܝܪܐܝܬ ܘܒܨܝܪܐܝܬ ܐܪܢܐ ܡܢ ܐܚܪܢܐ ܡܬܐܡܪ ܘܙܕܝܩܐ ܐܚܪܢܐ ܡܢ ܐܚܪܢܐ ܝܬܝܪܐܝܬ ܙܕܝܩܐ
09:503 ܘܐܦ ܗܘܼ ܟܕ ܫܘܫܛܐ ܢܿܣܒ ܟܕ ܓܝܪ ܚܘܪܐ ܐܝܬܘܗܝ ܡܨܝܐ ܕܝܬܝܪ ܚܘܪܐ ܢܗܘܼܐ ܠܘ ‍[‍10ܒ30‍]‍ ܟܠܗܝܢ ܕܝܢ ܐܚܪ̈ܢܝܬܐ ܣܓܝ̈ܐܬܐ
09:504 ܙܕܝܩܘܬܐ ܓܝܪ ܡܢ ܙܕܝܩܘܬܐ ܐܢ ܬܬܐܡܪ ܝܬܝܪܐܝܬ ܘܒܨܝܪܐܝܬ ܡܬܦܫܟ ܟܝܬ ܐܢܫ ܒܗܿ ܒܕܡܘܬܐ ܕܝܢ ܐܦ ܥܠ ܗܠܝܢ ܕܝܐܬܝܣܝ̈ܣ ܐܚܪ̈ܢܝܬܐ
09:505 ܚܕ̈ܚܕܢܐ ܓܝܪ ܡܬܚܪܝܢ ܥܠ ܕܐܝܟ ܗܕܐ
09:506 ܠܙܕܝܩܘܬܐ ܡܢ ܓܝܪ ܡܢ ܙܕܝܩܘܬܐ ܠܘ ܣܓܝ ܐܡܪܝܢ ܕܡܬܐܡܪܐ ܝܬܝܪܐܝܬ ܘܒܨܝܪܐܝܬ ܘܐܦܠܐ ܡܢ ܚܘܠܡܢܐ ܚܘܠܡܢܐ
09:507 ‍[‍10ܒ35‍]‍ ܕܒܨܝܪܐܝܬ ܡܿܢ ܓܝܪ ܐܝܬ ܠܗ ܠܐܚܪܢܐ ܡܢ ܐܚܪܢܐ ܚܘܠܡܢܐ ܐܿܡܪܝܢ ܘܙܕܝܩܘܬܐ ‍[‍11ܲ1‍]‍ ܒܨܝܪܐܝܬ ܠܐܚܪܢܐ ܡܢ ܐܚܪܢܐ ܗܘܼ ܗܟܘܬ ܓܝܪ ܐܦ ܓܪܡܛܝܩܝ ܐܦ ܗܠܝܢ ܕܝܐܬܝܣܝ̈ܣ ܐܚܪ̈ܢܝܬܐ
09:508 ܐܠܐ ܗܟܝܠ ܗܠܝܢ ܟܝܬ ܕܒܗܝܢ ܡܬܐܡܪܝܢ ܕܠܐ ܚܪܝܢܐ ܡܩܒܠܝܢ ܗܿܝ ܕܝܬܝܪܐܝܬ ܘܒܨܝܪܐܝܬ
09:509 ܕܝܬܝܪ ܓܝܪ ܓܪܡܛܝܩܘܣ ܐܝܬܘܗܝ ܐܚܪܢܐ ܡܢ ܐܚܪܢܐ ܡܬܐܡܪ ܘܕܝܬܝܪ ܙܕܝܩܐ ‍[‍11ܲ5‍]‍ ܘܕܝܬܝܪ ܚܠܝܡܐ ܡܢ ܗܠܝܢ ܕܝܢ ܐܚܪ̈ܢܐ ܗܘܼ ܗܟܘܬ
09:510 ܛܪܢܓܢܘܢ ܕܝܢ ܘܛܛܪܓܢܘܢ ܠܐ ܡܣܬܒܪ ܕܡܩܒܠ ܗܿܝ ܕܝܬܝܪܐܝܬ ܘܐܦܠܐ ܡܢ ܗܠܝܢ ܕܕܐܝܟ ܗܟܢ ܘܠܐ ܡܕܡ
09:511 ܗܠܝܢ ܡܿܢ ܕܡܩܒܠܝܢ ܠܡܠܬܐ ܕܛܪܝܓܢܘܢ ܘܠܗܿܝ ܕܚܘܕܪܐ ܟܠܗܘܢ ܒܗܿ ܒܕܡܘܬܐ ܛܪ̈ܝܓܘܢܐ ܐܘܿ ܚܘܕܪ̈ܐ ܐܝܬܝܗܘܢ ܡܢ ܗܠܝܢ ܕܝܢ ܕܠܐ ܡܩܒܠܝܢ ܘܠܐ ܡܕܡ ܐܚܪܢܐ ܡܢ ܐܚܪܢܐ ‍[‍11ܲ10‍]‍ ܢܬܼܐܡܪ ܝܬܝܪܐܝܬ
09:512 ܠܐ ܡܕܡ ܓܝܪ ܝܬܝܪܐܝܬ ܛܛܪܓܢܘܢ ܡܢ ܐܛܪܡܩܝܣ ܗܢܘ ܕܝܢ ܐܚܪ̈ܢܝܝ ܐܘܪܟܐ ܐܝܬܘܗܝ ܚܘܕܪܐ
09:513 ܐܦܠܐ ܓܝܪ ܚܕ ܡܢܗܘܢ ܡܩܒܠ ܠܡܠܬܐ ܕܚܘܕܪܐ
09:514 ܦܫܝܛܐܝܬ ܕܝܢ ܐܢܗܘܼ ܕܠܐ ܡܩܒܠܝܢ ܬܪܝܗܘܢ ܠܡܠܬܐ ܕܗܿܘ ܕܩܕܝܡ ܣܝܡ ܠܐ ܡܬܐܡܪ ܗܘܿ ܐܚܪܢܐ ܝܬܝܪ ܡܢ ܗܿܘ ܐܚܪܢܐ ܝܬܝܪܐܝܬ
09:515 ܠܐ ܟܠܗܝܢ ܗܟܝܠ ܐܝܢܝ̈ܘܬܐ ܡܩ̈ܒܠܢ ܗܿܝ ܕܝܬܝܪܐܝܬ ܘܗܿܝ ܕܒܨܝܪܐܝܬ
09:516 ‍[‍11ܲ15‍]‍ ܡܢ ܗܠܝܢ ܡܿܢ ܕܐܬܐܡܪ̈ܝܢ ܘܠܐ ܡܕܡ ܕܝܠܢܝܐ ܐܝܬܘܗܝ ܕܐܝܢܝܘܬܐ ܗܿܝ ܓܝܪ ܕܕܡܝ̈ܢ ܘܠܐ ܕܡܝ̈ܢ ܥܠ ܐܝܢܝ̈ܘܬܐ ܒܠܚܘܕܝܗܝܢ ܡܬܐܡܪ̈ܢ
09:517 ܗܿܝ ܓܝܪ ܕܕܡܐ ܐܚܪܢܐ ܠܐܚܪܢܐ ܠܐ ܐܝܬܝܗܿ ܒܐܚܪܬܐ ܐܦܠܐ ܒܚܕܐ ܐܠܐ ܒܗܿܝ ܕܐܝܢܐ ܐܝܬܘܗܝ
09:518 ܐܝܟܢܐ ܟܝܬ ܕܕܝܠܝܬܐ ܬܗܘܐ ܐܝܬܝܗܿ ܕܐܝܢܝܘܬܐ ܗܿܝ ܕܕܡܐ ܐܘܿ ܕܠܐ ܕܡܐ ܬܬܐܡܪ ܒܗܿ
09:519 ‍[‍11ܲ20‍]‍ ܠܐ ܕܝܢ ܙܕܩ ܕܢܫܬܓܫ ܕܕܠܡܐ ܐܢܫ ܢܐܡܪ ܥܠܝܢ ܕܟܕ ܚܠܦ ܐܝܢܝܘܬܐ ܥܒܕܢܢ ܡܠܬܐ ܣܓܝ̈ܐܬܐ ܡܢ ܗܠܝܢ ܕܠܘܬ ܡܕܡ ܐܟܚܕܐ ܡܢܝܼܢܢ ܥܡܗܝܢ
09:520 ܠܐܟܣܝ̈ܣ ܓܝܪ ܘܠܕܝܐܬܣܝ̈ܣ ܕܡܢ ܗܠܝܢ ܕܠܘܬ ܡܕܡ ܐܝܬܝܗܝܢ ܐܡܪܝܢܢ
09:521 ܟܢܝܫܐܝܬ ܓܝܪ ܥܠ ܟܠܗܝܢ ܗܠܝܢ ܕܐܝܟ ܗܟܢ ܓܢ̈ܣܐ ܠܘܬ ܡܕܡ ܡܬܐܡܪܝܢ ܡܢ ܗܠܝܢ ܕܝܢ ܕܟܠ ܚܕ ܘܠܐ ܡܕܡ
09:522 ܝܕܥܬܐ ܓܝܪ ܟܕ ‍[‍11ܲ25‍]‍ ܓܢܣܐ ܐܝܬܝܗܿ ܗܘܼ ܗܿܘ ܡܐ ܕܐܝܬܝܗܿ ܕܐܚܪܢܐ ܡܬܐܡܪܐ ܕܡܕܡ ܓܝܪ ܝܕܥܬܐ ܡܬܐܡܪܐ
09:523 ܡܢ ܗܠܝܢ ܓܝܪ ܕܟܠܚܕ ܘܠܐ ܡܕܡ ܗܘܼ ܗܿܘ ܡܐ ܕܐܝܬܘܗܝ ܕܐܚܪܢܐ ܡܬܐܡܪ
09:524 ܕܐܝܟ ܐܝܟܢ ܓܪܡܛܝܩܝ ܠܐ ܡܬܐܡܪܐ ܕܡܕܡ ܓܪܡܛܝܩܝ ܘܐܦܠܐ ܡܘܣܝܩܝ ܕܡܕܡ ܡܘܣܝܩܝ ܐܠܐ ܐܢ ܐܪܐ ܐܝܟ ܓܢܣܐ ܐܦ ܗܢܝ̈ܢ ܠܘܬ ܡܕܡ ܡܬܐܡܪ̈ܢ
09:525 ܕܐܝܟ ܐܝܟܢ ܓܪܡܛܝܩܝ ‍[‍11ܲ30‍]‍ ܡܬܐܡܪܐ ܕܡܕܡ ܝܕܥܬܐ ܠܐ ܗܼܘܐ ܕܡܕܡ ܓܪܡܛܝܩܝ ܘܡܘܣܝܩܝ ܕܡܕܡ ܝܕܥܬܐ ܠܐ ܗܼܘܐ ܕܡܕܡ ܡܘܣܝܩܝ
09:526 ܐܝܟܢܐ ܟܝܬ ܕܗܠܝܢ ܕܟܠܚܕ ܠܐ ܐܝܬܝܗܝܢ ܡܢ ܗܠܝܢ ܕܠܘܬ ܡܕܡ
09:527 ܡܬܐܡܪܝܢܢ ܕܝܢ ܐܝܠܝܢ ܒܗܠܝܢ ܕܟܠܚܕ ܗܠܝܢ ܓܝܪ ܐܦ ܐܝܬ ܠܢ
09:528 ܝܕ̈ܘܥܐ ܓܝܪ ܡܬܐܡܪܝܢܢ ܒܗܿܝ ܕܐܝܬ ܠܢ ܡܕܡ ܡܕܡ ܡܢ ܝܕ̈ܥܬܐ ܗܠܝܢ ܕܟܠܚܕ
09:529 ܐܝܟܢܐ ܟܝܬ ‍[‍11ܲ35‍]‍ ܕܗܢܝܢ ܗܠܝܢ ܕܟܠܚܕ ܗܠܝܢ ܕܒܗܝܢ ܐܦ ܐܝܠܝܢ ܡܬܐܡܪܝܢܢ ܗܢܝ̈ܢ ܟܝܬ ܠܐ ܐܝܬܝܗܝܢ ܡܢ ܗܠܝܢ ܕܠܘܬ ܡܕܡ
09:530 ܬܘܒ ܐܢ ܐܝܬܝܗܿ ܗܝܼ ܟܕ ܗܝܼ ܘܐܝܢܝܘܬܐ ܘܕܐܝܬܝܗܿ ܠܘܬ ܡܕܡ ܠܐ ܡܕܡ ܫܟܝܪܐ ܕܒܬܪ̈ܝܗܘܢ ܓܢ̈ܣܐ ܬܬܡܢܐ
09:531 ‍[‍11ܒ1‍]‍ ܡܛܠ ܗܿܝ ܕܥܿܒܕ ܘܡܛܠ ܗܿܝ ܕܚܿܐܫ ܡܩܒ̈ܠܢ ܕܝܢ ܐܦ ܗܿܝ ܕܥܿܒܕ ܐܦ ܗܿܝ ܕܚܿܐܫ ܣܩܘܒܠܝܘܬܐ ܐܦ ܗܿܝ ܕܝܬܝܪܐܝܬ ܘܒܨܝܪܐܝܬ
09:532 ܗܿܝ ܓܝܪ ܕܢܫܚܢ ܠܗܿܝ ܕܢܩܪ ܣܩܘܒܠܝܬܐ ܗܝ ܘܗܿܝ ܕܢܫܬܼܚܢ ܕܢܬܩܘܪܪ ܣܩܘܒܠܝܬܐ ܗܝ ܘܗܿܝ ܕܢܼܚܕܐ ܠܗܿܝ ܕܢܬܬܥܝܼܩ
09:533 ܐܝܟܢܐ ܟܝܬ ܕܡܩܒ̈ܠܢ ܣܩ̈ܘܒܠܝܬܐ
09:534 ܐܦ ܗܿܝ ‍[‍11ܒ5‍]‍ ܕܝܬܝܪܐܝܬ ܕܝܢ ܐܦ ܗܿܝ ܕܒܨܝܪܐܝܬ ܠܡܫܼܚܢܘ ܓܝܪ ܝܬܝܪܐܝܬ ܐܡܿܪܝܢܢ ܐܘ ܐܦ ܒܨܝܪܐܝܬ ܐܝܬ ܐܦ ܠܡܫܬܚܢܘ ܝܬܝܪܐܝܬ ܐܦ ܒܨܝܪܐܝܬ ܐܦ ܠܡܬܬܥܩܼܘ ܝܬܝܪܐܝܬ ܐܦ ܒܨܝܪܐܝܬ
09:535 ܡܩܒ̈ܠܢ ܗܟܝܠ ܐܦ ܠܗܿܝ ܕܝܬܝܪܐܝܬ ܘܒܨܝܪܐܝܬ ܗܿܝ ܕܥܿܒܕ ܐܦ ܗܿܝ ܕܚܿܐܫ