← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܒܪܫܝܬ ܒܪܐ ܐܠܗܐ܂ ܝܬ ܫܡܝܐ ܘܝܬ ܐܪܥܐ܂
01:02 [ai]ܐܪܥܐ ܗܘܬ ܬܘܗ ܘܒܘܗܿ܂ ܘܚܫܘܟܐ ܥܠ ܐ̈ܦܝ ܬܗܘܡܐ܂ ܘܪܘܚܗ ܕܐܠܗܐ ܡܪܚܦܐ ‍<‍ܗܘܬ#3#‍>‍ ܥܠ ܐ̈ܦܝ ܡ̈ܝܐ܀܂
01:03 [ai]ܘܐܡܼܪ ܐܠܗܐ ܢܗܘܐ ܢܘܗܪܐ܂ ܘܗܘܼܐ ܢܘܗܪܐ܂
01:04 [ai]ܘܚܼܙܐ ܐܠܗܐ ܠܢܘܗܪܐ ܕܫܦܝܪ܂ ܘܦܼܪܫ ܐܠܗܐ ܒܝܬ ܢܘܗܪܐ ܠܚܫܘܟܐ܂
01:05 [ai]ܘܩܼܪܐ ܐܠܗܐ ܠܢܘܗܪܐ ܐܝܡܡܐ܂ ܘܠܚܫܘܟܐ ܩܼܪܐ ܠܠܝܐ܂ ܘܗܘܼܐ ܪܡܫܐ ܘܗܘܐ ܨܦܪܐ ܝܘܡܐ ܚܕ܀܂
01:06 [ai]ܘܐܡܼܪ ܐܠܗܐ ܢܗܘܐ ܐܪܩܝܥܐ ܒܡܨܥܬ ܡ̈ܝܐ܂ ܘܢܗܘܐ ܦܪܫܿ ܒܝܬ ܡ̈ܝܐ ܠܡ̈ܝܐ܂
01:07 [ai]ܘܥܒܼܕ ܐܠܗܐ ܐܪܩܝܥܐ܂ ܘܦܼܪܫ ܒܝܬ ܡ̈ܝܐ ܕܠܬܚܬ ܡܢ ܐܪܩܝܥܐ܂ ܘܒܝܬ ܡ̈ܝܐ ܕܠܥܠ ܡܢ ܐܪܩܝܥܐ܂ ܘܗܘܼܐ ܗܟܢܐ܂
01:08 [ai]ܘܩܼܪܐ ܐܠܗܐ ܠܐܪܩܝܥܐ ܫܡܝܐ܂ ܘܗܘܼܐ ܪܡܫܐ ܘܗܘܐ ܨܦܪܐ ܝܘܡܐ ܕܬܪ̈ܝܢ܀܂
01:09 [ai]ܘܐܡܼܪ ܐܠܗܐ ܢܬܟܢܫܘܢ ܡ̈ܝܐ ܕܠܬܚܬ ܡܢ ܫܡܝܐ/ܪܩܝܥܐ#3#/ ܠܐܬܪܐ ܚܕ ܘܬܬܚܙܐ ܝܒܝܫܬܐ܂ ܘܗܘܼܐ ܗܟܢܐ܂
01:10 [ai]ܘܩܼܪܐ ܐܠܗܐ ܠܝܒܝܫܬܐ ܐܪܥܐ܂ ܘܠܟܢܫܐ ܕܡ̈ܝܐ ܩܼܪܐ ܝܡ̈ܡܐ܂ ܘܚܼܙܐ ܐܠܗܐ ܕܫܦܝܪ܂
01:11 [ai]ܘܐܡܼܪ ܐܠܗܐ ܬܦܩ ܐܪܥܐ ܬܕܐܐ ܥܣܒܐ ܕܡܙܕܪܥ ܙܪܥܐ ܠܓܢܣܗ܂ ܘܐܝܠܢܐ ܕܦܐܪ̈ܐ ܕܥܒܿܕ ܦܐܪ̈ܐ ܠܓܢܣܗ ܕܢܨܒܬܗ ܒܗ ܥܠ ܐܪܥܐ܂ ܘܗܼܘܐ ܗܟܢܐ܂
01:12 [ai]ܘܐܦܼܩܬ ܐܪܥܐ ܬܕܐܐ܂ ܥܣܒܐ ܕܡܙܕܪܥ ܙܪܥܐ ܠܓܢܣܗ܂ ܘܐܝܠܢܐ ܕܥܒܿܕ ܦܐܪ̈ܐ ܕܢܨܒܬܗ ܒܗ ܠܓܢܣܗ܂ ܘܚܼܙܐ ܐܠܗܐ ܕܫܦܝܪ܂
01:13 [ai]ܘܗܘܼܐ ܪܡܫܐ ܘܗܘܼܐ ܨܦܪܐ܂ ܝܘܡܐ ܕܬܠܬܐ܀
01:14 [ai]ܘܐܡܼܪ ܐܠܗܐ܂ ܢܗܘܘܢ ܢܗܝܪ̈ܐ ܒܐܪܩܝܥܐ ܕܫܡܝܐ܂ ܠܡܦܪܫ ܒܝܬ ܐܝܡܡܐ ܠܠܠܝܐ ܘܢܗܘܘܢ ܠܐܬ̈ܘܬܐ ܘܠܙܒ̈ܢܐ܂ ܘܠܝ̈ܘܡܬܐ ܘܠܫ̈ܢܝܐ܂
01:15 [ai]ܘܢܗܘܘܢ ܡܢܗܪ̈ܝܢ ܒܐܪܩܝܥܐ ܕܫܡܝܐ ܠܡܢܗܪܘ ܥܠ ܐܪܥܐ܂ ܘܗܘܼܐ ܗܟܢܐ܂
01:16 [ai]ܘܥܒܼܕ ܐܠܗܐ ܬܪ̈ܝܢ ܢܗܝܪ̈ܐ ܪ̈ܘܪܒܐ܂ ܢܗܝܪܐ ܪܒܐ ܠܫܘܠܛܢܐ ܕܐܝܡܡܐ܂ ܘܢܗܝܪܐ ܙܥܘܪܐ ܠܫܘܠܛܢܐ ܕܠܠܝܐ ܘܟܘܟ̈ܒܐ܂
01:17 [ai]ܘܝܗܼܒ ܐܢܘܢ ܐܠܗܐ ܒܐܪܩܝܥܐ ܕܫܡܝܐ܂ ܠܡܢܗܪܘ ܥܠ ܐܪܥܐ܂
01:18 [ai]ܘܠܡܫܠܛ ܒܐܝܡܡܐ ܘܒܠܠܝܐ܂ ܘܠܡܦܪܫ ܒܝܬ ܢܘܗܪܐ ܠܚܫܘܟܐ܂ ܘܚܼܙܐ ܐܠܗܐ ܕܫܦܝܪ܂
01:19 [ai]ܘܗܘܼܐ ܪܡܫܐ ܘܗܘܼܐ ܨܦܪܐ ܝܘܡܐ ܕܐܪ̈ܒܥܐ܀
01:20 [ai]ܘܐܡܼܪ ܐܠܗܐ܂ ܢܪܚܫܘܢ ܡ̈ܝܐ ܪܚܫܐ ܢܦܫܐ ܚܝܬܐ ܘܦܪܚܬܐ ܬܦܪܚ ܥܠ ܐܪܥܐ ܥܠ ܐ̈ܦܝ ܐܪܩܝܥܐ ܕܫܡܝܐ܂
01:21 [ai]ܘܒܪܼܐ ܐܠܗܐ ܬܢܝ̈ܢܐ ܪ̈ܘܪܒܐ܂ ܘܟܠ ܢܦܫܐ ܚܝܬܐ ܕܪܚܫܐ ܕܐܪܚܫܘ ܡ̈ܝܐ ܠܓܢܣܗܘܢ܂ ܘܟܠ ܦܪܚܬܐ ܕܓܦܐ ܠܓܢܣܗܿ܂ ܘܚܼܙܐ ܐܠܗܐ ܕܫܦܝܪ܂
01:22 [ai]ܘܒܪܟ ܐܢܘܢ ܐܠܗܐ܂ ܘܐܡܼܪ ܠܗܘܢ ܦܪܘ ܘܣܓܘ ܘܡܼܠܘ ܡ̈ܝܐ ܕܒܝܡ̈ܡܐ܂ ܘܦܪܚܬܐ ܬܣܓܐ ܒܐܪܥܐ܂
01:23 [ai]ܘܗܘܼܐ ܪܡܫܐ ܘܗܘܼܐ ܨܦܪܐ܂ ܝܘܡܐ ܕܚܡܫܐ܀
01:24 [ai]ܘܐܡܼܪ ܐܠܗܐ܂ ܬܦܩ ܐܪܥܐ ܢܦܫܐ ܚܝܬܐ ܠܓܢܣܗܿ܂ ܒܥܝܪ̈ܐ ܘܪܚܫܐ ܘܚܝܘܬܐ ܕܐܪܥܐ ܠܓܢܣܗܿ܂ ܘܗܘܼܐ ܗܟܢܐ܂
01:25 [ai]ܘܥܒܼܕ ܐܠܗܐ ܚܝܘܬܐ ܕܐܪܥܐ ܠܓܢܣܗܿ܂ ܘܒܥܝܪܐ ܠܓܢܣܗܿ܂ ܘܟܠܗ ܪܚܫܐ ܕܐܪܥܐ ܠܓܢܣ̈ܘܗܝ܂ ܘܚܼܙܐ ܐܠܗܐ ܕܫܦܝܪ܂
01:26 [ai]ܘܐܡܼܪ ܐܠܗܐ ܢܥܒܕ ܐܢܫܐ ܒܨܠܡܢ ܐܝܟ ܕܡܘܬܢ܂ ܘܢܫܠܛܘܢ ܒܢ̈ܘܢܝ ܝܡܐ ܘܒܦܪܚܬܐ ܕܫܡܝܐ܂ ܘܒܒܥܝܪ̈ܐ ܘܒܟܠܗܿ ܚܝܘܬܐ ܕܐܪܥܐ܂ ܘܒܟܠܗ ܪܚܫܐ ܕܪܚܫ ܥܠ ܐܪܥܐ܂
01:27 [ai]ܘܒܪܼܐ ܐܠܗܐ ܠܐܕܡ ܒܨܠܡܗ܂ ܒܨܠܡ ܐܠܗܐ ܒܪܝܗܝ܂ ܕܟܪ ܘܢܩܒܐ ܒܪܐ ܐܢܘܢ܂
01:28 [ai]ܘܒܪܟ ܐܢܘܢ ܐܠܗܐ ܘܐܡܼܪ ܠܗܘܢ ܐܠܗܐ܂ ܦܪܘ ܘܣܓܘ ܘܡܠܘ ܐܪܥܐ ܘܟܘܒܫܼܘܗܿ܂ ܘܫܠܛܘ ܒܢ̈ܘܢܝ ܝܡܐ ܘܒܦܪܚܬܐ ܕܫܡܝܐ ܘܒܒܥܝܪ̈ܐ ܘܒܟܠܗܿ \ܚܝܘܬܐ ܕܪܚܫܐ /ܪܚܫܐ ܕܪܚܫ#3/ ܥܠ ܐܪܥܐ܂
01:29 [ai]ܘܐܡܼܪ ܐܠܗܐ܂ ܗܐ ܝܗܿܒܬ ܠܟܘܢ ܟܠܗ ܥܣܒܐ ܕܙܪܥܐ ܕܡܙܕܪܥ ܥܠ ܐ̈ܦܝ ܟܠܗܿ ܐܪܥܐ ܘܟܠ ܐܝܠܢ ܕܐܝܬ ܒܗ ܦܐܪ̈ܝ ܐܝܠܢܗ ܕܙܪܥܗ ܡܙܕܪܥ/ܕܡܙܕܪܥ#3#/ ܠܟܘܢ ܢܗܘܐ ܠܡܐܟܘܠܬܐ܂
01:30 [ai]ܘܠܟܠܗܿ ܚܝܘܬܐ ܕܕܒܪܐ/ܕܐܪܥܐ#3#/܂ ܘܠܟܠܗܿ ܦܪܚܬܐ ܕܫܡܝܐ܂ ܘܠܟܠ ܕܪܚܫ ܥܠ ܐܪܥܐ ܕܐܝܬ ܒܗ ܢܦܫܐ ܚܝܬܐ܂ ܘܟܠܗ ܝܘܪܩܐ ܕܥܣܒܐ ܠܡܐܟܘܠܬܐ܂ ܘܗܘܐ ܗܟܢܐ܂
01:31 [ai]ܘܚܼܙܐ ܐܠܗܐ ܟܠ ܕܥܒܼܕ ܘܗܐ ܛܒ ܫܦܝܪ܂ ܘܗܘܼܐ ܪܡܫܐ܂ ܘܗܘܐ ܨܦܪܐ܂ ܝܘܡܐ ܕܫܬܐ܀

next chapter