← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܘܚܘܝܐ ܥܪܝܡ ܗܘܐ܂ ܡܢ ܟܠܗܿ ܚܝܘܬܐ ܕܕܒܪܐ ܕܥܒܼܕ ܡܪܝܐ ܐܠܗܐ܂ ܘܐܡܼܪ ܚܘܝܐ ܠܐܢܬܬܐ܂ ܫܪܝܪܐܝܬ ܐܡܼܪ ܐܠܗܐ܂ ܕܠܐ ܬܐܟܠܘܢ ܡܢ ܟܠ ܐ̈ܝܠܢܝ ܦܪܕܝܣܐ܂
03:02 [ai]ܘܐܡܼܪܬ ܐܢܬܬܐ ܠܚܘܝܐ܂ ܕܡܢ/ܡܢ#3#/ ܦܐܪ̈ܝ ܐ̈ܝܠܢܐ ܕܒܦܪܕܝܣܐ ܟܠܗܘܢ ܢܐܟܘܠ܂
03:03 [ai]ܘܡܢ ܦܐܪ̈ܝ ܐܝܠܢܐ ܕܒܡܨܥܬܗ ܕܦܪܕܝܣܐ܂ ܐܡܼܪ ܐܠܗܐ ܕܠܐ ܬܐܟܠܘܢ ܡܢܗ܂ ܘܠܐ ܬܬܿܩܪܒܘܢ ܠܗ ܕܠܐ ܬܡܘܬܘܢ܂
03:04 [ai]ܘܐܡܼܪ ܚܘܝܐ ܠܐܢܬܬܐ܂ ܠܐ ܡܡܬ ܬܡܘܬܘܢ܂
03:05 [ai]ܡܛܠ ܕܝܕܥܿ ܐܠܗܿܐ܂ ܕܒܝܘܡܐ ܕܐܟܠܝܢ ܐܢܬܘܢ ܡܢܗ܂ ܡܬܦܬ̈ܚܢ ܥܝܢܝ̈ܟܘܢ܂ ܘܗܘܝܬܘܢ ܐܝܟ ܐ̈ܠܗܐ܂ ܝܕ̈ܥܝ ܛܒܬܐ ܘܒܝܫܬܐ܂
03:06 [ai]ܘܚܙܬ ܐܢܬܬܐ ܕܫܦܝܪ ܐܝܠܢܐ ܠܡܐܟܠ ܘܪܓܬܐ ܗܘ ܠܥܝ̈ܢܐ܂ ܘܪܓܝܓ ܐܝܠܢܐ ܠܡܚܪ ܒܗ܂ ܘܢܣܼܒܬ ܡܢ ܦܐܪ̈ܘܗܝ ܘܐܟܼܠܬ܂ ܘܝܗܼܒܬ ܐܦ ܠܒܥܠܗܿ ܥܡܗܿ ܘܐܟܼܠ܂
03:07 [ai]ܘܐܬܿܦܬܚ ܥܝܢ̈ܐ ܕܬܪ̈ܝܗܘܢ܂ ܘܝܕܥܘ ܕܥܪ̈ܛܠܝܝܢ ܐܢܘܢ܂ ܘܕܒܩܿܘ ܛܪ̈ܦܐ ܕܬܐ̈ܢܐ܂ ܘܥܒܕܘ ܠܗܘܢ ܦܪ̈ܙܘܡܐ܂
03:08 [ai]ܘܫܡܥܘ ܩܠܗ ܕܡܪܝܐ ܐܠܗܐ ܡܗܠܟ/ܕܡܗܠܟ#3#/ ܒܦܪܕܝܣܐ ܠܦܢܝܗ/ܒܦܢܝܗ#3#/ ܕܝܘܡܐ܂ ܘܐܬܛܫܝܘ ܐܕܡ ܘܐܢܬܬܗ ܡܢ ܩܕܡ ܡܪܝܐ ܐܠܗܐ ܒܓܘ ܐ̈ܝܠܢܐ ܕܒܦܪܕܝܣܐ܂
03:09 [ai]ܘܩܼܪܐ ܡܪܝܐ ܐܠܗܐ ܠܐܕܡ ܘܐܡܼܪ ܠܗ܂ ܐܝܟܐ ܐܢܬ ܐܕܡ܂
03:10 [ai]ܘܐܡܼܪ܂ ܩܠܟ ܫܡܿܥܬ ܒܦܪܕܝܣܐ܂ ܘܚܿܙܝܬ ܕܥܪܛܠܝ ܐܢܐ ܘܐܬܿܛܫܝܬ܂
03:11 [ai]ܘܐܡܼܪ ܠܗ ܡܪܝܐ܂ ܡܢܘ ܚܘܝܟ ܕܥܪܛܠܝ ܐܢܬ܂ ܗܐ ܡܢ ܐܝܠܢܐ ܕܦܩܕܬܟ ܕܠܐ ܬܐܟܘܠ ܡܢܗ ܐܟܼܠܬ܂
03:12 [ai]ܘܐܡܼܪ ܐܕܡ܂ ܐܢܬܬܐ ܕܝܗܼܒܬ ܥܡܝ܂ ܗܼܝ ܝܗܼܒܬ ܠܝ ܡܢ ܐܝܠܢܐ ܘܐܿܟܠܬ܂
03:13 [ai]ܘܐܡܼܪ ܡܪܝܐ ܐܠܗܐ ܠܐܢܬܬܐ܂ ܡܢܘ ܗܢܐ ܕܥܒܕܬܝ܂ ܘܐܡܼܪܬ ܐܢܬܬܐ܂ ܚܘܝܐ ܐܛܥܝܢܝ ܘܐܿܟܠܬ܂
03:14 [ai]ܘܐܡܼܪ ܡܪܝܐ ܐܠܗܐ ܠܚܘܝܐ܂ ܥܠ ܕܥܒܼܕܬ ܗܕܐ܂ ܠܝܛ ܐܢܬ ܡܢ ܟܠܗܿ ܒܥܝܪܐ܂ ܘܡܢ ܟܠܗܿ ܚܝܘܬܐ ܕܕܒܪܐ܂ ܘܥܠ ܟܪܣܟ ܬܗܠܟ܂ ܘܥܦܪܐ ܬܐܟܘܠ ܟܠ ܝܘ̈ܡܝ ܚܝ̈ܝܟ܂
03:15 [ai]ܘܒܥܠܕܒܒܘܬܐ ܐܣܝܡ ܒܝܢ̈ܝܟ ܠܐܢܬܬܐ܂ ܘܒܝܬ ܙܪܥܟ ܠܙܪܥܗܿ܂ ܗܼܘ ܢܕܘܫ ܪܫܟ܂ ܘܐܢܬ ܬܡܚܝܘܗܝ ܒܥܩܒܗ܀
03:16 [ai]ܘܠܐܢܬܬܐ ܐܡܼܪ܂ ܡܣܓܝܘ ܐܣܓܐ ܟܐ̈ܒܝܟܝ ܘܒܛܢܝ̈ܟܝ܂ ܘܒܟܐ̈ܒܐ ܬܐܠܕܝܢ ܒܢ̈ܝܐ܂ ܘܥܠ ܒܥܠܟܝ ܬܬܦܢܝܢ܂ ܘܗܼܘ ܢܫܬܠܛ ܒܟܝ܀
03:17 [ai]ܘܠܐܕܡ ܐܡܼܪ܂ ܥܠ ܕܫܡܥܬ ܒܩܠܗܿ ܕܐܢܬܬܟ܂ ܘܐܟܼܠܬ ܡܢ ܐܝܠܢܐ ܕܦܩܕܬܟ ܘܐܡܿܪܬ ܠܟ ܕܠܐ ܬܐܟܘܠ ܡܢܗ܂ ܠܝܛܐ ܐܪܥܐ ܡܛܠܬܟ܂ ܒܟܐ̈ܒܐ ܬܐܟܠܝܗܿ ܟܠ ܝܘܡ̈ܝ ܚܝܝ̈ܟ܂
03:18 [ai]ܟܘܒ̈ܐ ܘܕܪ̈ܕܪܐ ܬܘܥܐ ܠܟ܂ ܘܬܐܟܘܠ ܥܣܒܐ ܕܚܩܠܐ܂
03:19 [ai]ܘܒܕܘܥܬܐ ܕܐ̈ܦܝܟ ܬܐܟܘܠ ܠܚܡܐ܂ ܥܕܡܐ ܕܬܗܦܘܟ ܠܐܪܥܐ ܕܡܢܗܿ ܐܬܢܼܣܒܬ܂ ܡܛܠ ܕܥܦܪܐ ܐܢܬ ܘܠܥܦܪܐ ܬܗܦܘܟ܂
03:20 [ai]ܘܩܼܪܐ ܐܕܡ ܫܡܗܿ ܕܐܢܬܬܗ ܚܘܐ܂ ܡܛܠ ܕܗܼܝ ܗܘܬ ܐܡܐ ܕܟܠ ܕܚܝ܂
03:21 [ai]ܘܥܒܼܕ ܡܪܝܐ ܐܠܗܐ ܠܐܕܡ ܘܠܐܢܬܬܗ ܟܘܬܝܢܝ̈ܬܐ ܕܡܫܟܐ ܘܐܠܒܫ ܐܢܘܢ܂
03:22 [ai]ܘܐܡܼܪ ܡܪܝܐ ܐܠܗܐ܂ ܗܐ ܐܕܡ ܗܘܐ ܐܝܟ ܚܕ ܡܢܢ܂ ܠܡܕܥ ܛܒܬܐ ܘܒܝܫܬܐ܂ ܗܫܐ ܕܠܡܐ ܢܘܫܛ ܐܝܕܗ ܘܢܣܒ ܐܦ ܡܢ ܐܝܠܢܐ ܕܚ̈ܝܐ܂ ܘܢܐܟܘܠ ܘܢܚܼܐ ܠܥܠܡ܂
03:23 [ai]ܘܫܕܪܗ ܡܪܝܐ ܐܠܗܐ ܡܢ ܦܪܕܝܣܐ ܕܥܕܢ ܠܡܦܠܚ ܐܪܥܐ ܕܐܬܢܣܒ ܡܢ ܬܡܢ܂
03:24 [ai]ܘܐܦܩܗ ܡܪܝܐ ܐܠܗܐ܂ ܘܐܟܪܟ ܡܢ \ܡܕܢܚ ܠܦܪܕܝܣܐ /ܡ̈ܕܢܚܝ ܦܪܕܝܣܐ#3#/ ܕܥܕܢ܂ ܟܪܘܒܐ ܘܫܢܢܐ ܕܚܪܒܐ ܕܡܬܗܦܟܐ ܠܡܛܪ ܐܘܪܚܐ ܕܐܝܠܢܐ ܕܚ̈ܝܐ܀

next chapter