← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܒܪܟ ܐܠܗܐ ܠܢܘܚ ܘܠܒܢ̈ܘܗܝ ܘܐܡܼܪ ܠܗܘܢ ܦܪܘ ܘܣܓܘ ܘܡܼܠܘ ܐܪܥܐ܂
09:02 [ai]ܘܕܚܠܬܟܘܢ ܘܙܘܥܬܟܘܢ ܬܗܘܐ ܥܠ ܟܠܗܿ ܚܝܘܬܐ ܕܐܪܥܐ/ܕܕܒܪܐ#3#/܂ ܘܥܠ ܟܠܗܿ ܦܪܚܬܐ ܕܫܡܝܐ܂ ܘܥܠ ܟܘܠ ܕܡܪܚܫܐ ܐܪܥܐ܂ ܘܟܠܗܘܢ ܢܘܢ̈ܐ ܕܝܡܐ ܒܐ̈ܝܕܝܟܘܢ ܢܫܬܠܡܘܢ܂
09:03 [ai]ܘܟܠ ܪܚܫܐ ܕܚܝ ܠܟܘܢ ܢܗܘܐ ܠܡܐܟܘܠܬܐ܂ ܐܝܟ ܝܘܪܩܐ ܕܥܣܒܐ ܝܗܿܒܬ ܠܟܘܢ ܟܠ܂
09:04 [ai]ܒܠܚܘܕ ܒܣܪܐ ܕܒܢܦܫܗ ܕܡܗ ܠܐ ܬܐܟܠܘܢ܂
09:05 [ai]ܘܒܪܡ ܕܡܟܘܢ ܕܢܦܫ̈ܬܟܘܢ ܐܬܒܥ܂ ܡܢ ܝܕ ܟܠ ܚܝܘܬܐ ܐܬܒܥܝܘܗܝ ܡܢ ܐܝܕܐ ܕܐܢܫܐ܂ ܘܡܢ ܐܝܕܐ ܕܓܒܪܐ ܘܐܚܘܗܝ ܐܬܒܥ ܢܦܫܐ ܕܐܢܫܐ܂
09:06 [ai]ܡܿܢ ܕܢܐܫܘܕ ܕܡܐ ܕܐܢܫܐ ܒܐܢܫܐ ܕܡܗ ܢܬܐܫܕ܂ ܡܛܠ ܕܒܨܠܡ ܐܠܗܐ ܥܒܝܕ ܐܕܡ܂
09:07 [ai]ܘܐܢܬܘܢ ܦܪܘ ܘܣܓܘ܂ ܘܐܘܠܕܘ ܒܐܪܥܐ ܘܣܓܘ ܒܗܿ܀
09:08 [ai]ܘܐܡܼܪ ܐܠܗܐ ܠܢܘܚ ܘܠܒܢ̈ܘܗܝ ܥܡܗ܂
09:09 [ai]ܐܢܐ ܗܐ ܡܩܝܡ ܐܢܐ ܩܝܡܝ ܥܡܟܘܢ܂ ܘܥܡ ܙܪܥܟܘܢ ܒܬܪܟܘܢ܂
09:10 [ai]ܘܥܡ ܟܠܗܿ ܢܦܫܐ ܚܝܬܐ ܕܥܡܟܘܢ܂ ܘܥܡ ܦܪܚܬܐ ܘܥܡ ܒܥܝܪ̈ܐ܂ ܘܥܡ ܟܠܗܿ ܚܝܘܬܐ ܕܐܪܥܐ ܕܥܡܟܘܢ܂ ܡܢ ܟܘܠ ܢܦܩ̈ܝ ‍<‍ܡܢ#3#‍>‍ ܩܒܘܬܐ܂ ܘܥܡ ܟܠܗܿ ܚܝܘܬܐ ܕܐܪܥܐ܂
09:11 [ai]ܘܐܩܝܡ ܩܝܡܝ ܥܡܟܘܢ܂ ܘܠܐ ܢܣܘܦ ܟܠ܆ܒܣܪ ܬܘܒ ܡܢ ܡ̈ܝܐ ܕܛܘܦܢܐ܂ ܘܠܐ ܢܗܘܐ ܬܘܒ ܛܘܦܢܐ ܠܡܚܒܠܘ ܠܐܪܥܐ܂
09:12 [ai]ܘܐܡܼܪ ܐܠܗܐ ܠܢܘܚ܂ ܗܕܐ ‍<‍ܗܝ#3#‍>‍ ܐܬܐ ܕܩܝܡܐ ܕܝܗܿܒ ܐܢܐ ܒܝܢ̈ܝ ܘܠܟܘܢ܂ ܘܒܝܬ ܟܠ ܢܦܫܐ ܚܝܬܐ ܕܥܡܟܘܢ ܠܕܪ̈ܝ ܥܠܡܐ܂
09:13 [ai]ܩܫܬܝ ܝܗܿܒܬ ܒܥܢ̈ܢܐ ܘܬܗܘܐ ܐܬܐ ܕܩܝܡܐ ܒܝܢ̈ܝ ܠܐܪܥܐ܂
09:14 [ai]ܘܢܗܘܐ ܡܐ ܕܡܣܩ ܐܢܐ ܥܢ̈ܢܐ ܥܠ ܐܪܥܐ܂ ܘܬܬܚܙܐ ܩܫܬܐ ܒܥܢ̈ܢܐ܂
09:15 [ai]ܐܬܕܟܪ ܩܝܡܝ ܕܒܝܢ̈ܝ ܘܠܟܘܢ܂ ܘܒܝܬ ܟܠ ܢܦܫܐ ܚܝܬܐ ܕܥܡܟܘܢ܂ ܘܒܝܬ ܟܠ ܒܣܪ܂ ܘܠܐ ܢܗܘܘܢ ܬܘܒ ܡ̈ܝܐ ܕܛܘܦܢܐ ܠܡܿܚܒܠܘ ܟܠ܆ܒܣܪ܂
09:16 [ai]ܘܬܗܘܐ ܩܫܬܐ ܒܥܢ̈ܢܐ܂ ܘܐܚܙܝܗܿ ܠܕܘܟܪܢܐ ܕܩܝܡܐ ܕܠܥܠܡ܂ ܒܝܬ ܐܠܗܐ ܠܒܝܬ ܟܠ ܢܦܫܐ ܚܝܬܐ ܕܟܠ ܒܣܪ ܕܥܠ ܐܪܥܐ܀܀
09:17 [ai]ܘܐܡܼܪ ܐܠܗܐ ܠܢܘܚ ܗܕܐ ܗܝ ܐܿܬܐ ܕܩܝܡܐ ܕܐܩܝܿܡܬ ܒܝܢ̈ܝ ܠܒܝܬ ܟܠ ܒܣܪ ܕܥܠ ܐܪܥܐ܀
09:18 [ai]ܘܗܘܘ ܒܢ̈ܝ ܢܘܚ ܕܢܦܩܘ ܡܢ ܩܒܘܬܐ܂ ܫܝܡ ܘܚܡ ܘܝܦܬ܂ ܚܡ ܗܼܘ/ܗܘܝܘ#3#/ܗܘܐ#3#/ ܐܒܘܗܝ ܕܟܢܥܢ܂
09:19 [ai]ܬܠܬܐ ܗܠܝܢ ܒܢ̈ܝ ܢܘܚ܂ ܘܡܢ ܗܠܝܢ ܐܿܬܒܕܪܘ ܒܟܠܗܿ ܐܪܥܐ܂
09:20 [ai]ܘܫܿܪܝ ܢܘܚ ܥܒܿܕܐ ܒܐܪܥܐ܂ ܘܢܨܼܒ ‍<‍ܢܘܚ#3#‍>‍ ܟܪܡܐ܂
09:21 [ai]ܘܐܫܬܝ ܡܢ ܚܡܪܗ ܘܪܘܝ ܘܐܬܓܠܝ ܒܓܘ ܡܫܟܢܗ܂
09:22 [ai]ܘܚܼܙܐ ܚܡ ܐܒܘܗܝ ܕܟܢܥܢ ܥܪܛܠܝܘܬܐ ܕܐܒܘܗܝ܂ ܘܚܘܝ ܠܬܪ̈ܝܢ ܐܚ̈ܘܗܝ܂
09:23 [ai]ܘܢܣܒܘ ܫܝܡ ܘܝܦܬ ܡܪܛܘܛܐ܂ ܘܐܪܡܝܘ ܥܠ ܟܬ̈ܦܬܐ ܕܬܪ̈ܝܗܘܢ܂ ܘܗܠܟܘ ܒܪ ܒܣܬܪܐܝܬ܂ ܘܟܣܝܘ ܥܪܛܠܝܘܬܐ ܕܐܒܘܗܘܢ܂ ܘܐ̈ܦܝܗܘܢ ܠܒܣܬܪܗܘܢ܂ ܘܥܪܛܠܝܘܬܐ ܕܐܒܘܗܘܢ ܠܐ ܚܙܘ܂
09:24 [ai]ܘܐܬܬܥܝܪ ܢܘܚ ܡܢ ܚܡܪܗ܂ ܘܝܕܥܼ ܟܠ ܕܥܒܼܕ ܠܗ ܒܪܗ ܙܥܘܪܐ܂
09:25 [ai]ܘܐܡܼܪ ܠܝܛ ܟܢܥܢ܂ \ܥܒܼܕ ܥܒ̈ܕܝܢ /ܥܒܕܐ#3#/ ܢܗܘܐ ܠܐܚ̈ܘܗܝ܂
09:26 [ai]ܘܐܡܼܪ܂ ܒܪܝܟ ܡܪܝܐ ܐܠܗܗ ܕܫܝܡ܂ ܘܢܗܘܐ ܟܢܥܢ ܥܒܼܕܐ ܠܗܘܢ܂
09:27 [ai]ܢܦܬܐ ܐܠܗܐ ܠܝܦܬ܂ ܘܢܫܪܐ ܒܡܫܟܢܗ ܕܫܝܡ܂ ܘܢܗܘܐ ܟܢܥܢ ܥܒܕܐ ܠܗܘܢ܂
09:28 [ai]ܘܚܼܝܐ ܢܘܚ ܡܢ ܒܬܪ ܛܘܦܢܐ܂ ܬܠܬܡܐܐ ܘܚܡܫܝܢ ܫܢܝ̈ܢ܂
09:29 [ai]ܘܗܘܘ ܟܘܠ ܝܘܡ̈ܘܗܝ ܕܢܘܚ܂ ܬܫܥܡܐܐ ܘܚܡܫܝܢ ܫ̈ܢܝܢ ܘܡܝܬ܂

next chapter