← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܘܗܘܬ ܟܠܗܿ ܐܪܥܐ܂ ܠܫܢܐ ܚܕ ܘܡܡܠܠܐ ܚܕ܂
11:02 [ai]ܘܗܼܘܐ ܕܟܕ ܫܩܠܘ ܡܢ ܡܕܢܚܐ܂ ܐܫܟܚܘ ܦܩܥܬܐ ܒܐܪܥܐ ܕܣܢܥܪ ܘܝܬܒܘ ܬܡܢ/ܒܗܿ#3#/܂
11:03 [ai]ܘܐܡܪܘ ܓܒܪ ܠܚܒܪܗ܂ ܬܘ ܢܪܡܐ ܠܒܢ̈ܐ ܘܢܘܩܕ ܐ̈ܢܝܢ ܒܢܘܪܐ܂ ܘܗܘܝܐ ܠܗܘܢ ܠܒܬܐ ܠܟܐܦܐ܂ ܘܣܝܕܐ ܗܿܘܐ ܠܗܘܢ ܠܡܿܠܛܐ܂
11:04 [ai]ܘܐܡܪܘ܂ ܬܘ ܢܒܢܐ ܠܢ ܩܪܝܬܐ܂ ܘܡܓܕܠܐ ܕܪܫܗ ܒܫܡܝܐ܂ ܘܢܥܒܕ ܠܢ ܫܡܐ܂ ܕܠܡܐ/ܕܠܐ#3#/ ܢܬܒܕܪ ܥܠ ܐ̈ܦܝ ܟܠܗܿ ܐܪܥܐ܀
11:05 [ai]ܘܢܚܼܬ ܡܪܝܐ ܠܡܚܙܐ/ܕܢܚܙܐ#3#/ ܩܪܝܬܐ܂ ܘܡܓܕܠܐ ܕܒܢܝܢ ܒ̈ܢܝܢܫܐ܂
11:06 [ai]ܘܐܡܼܪ ܡܪܝܐ܂ ܗܐ ܥܡܐ ܚܕ ܘܠܫܢܐ ܚܕ ܠܟܠܗܘܢ܂ ܘܗܟܢܐ ܐܬܚܫܒܘ ܠܡܥܒܕ܂ ܡܟܝܠ ܠܐ ܢܬܒܨܪ ܡܢܗܘܢ ܟܠܡܕܡ/ܟܠ ܡܐ#3#/ ܕܐܬܚܫܒܘ ܠܡܥܒܕ܂
11:07 [ai]ܬܘ ܢܚܘܬ ܘܢܿܦܠܓ ܬܡܿܢ ܠܫ̈ܢܐ܂ ܕܠܐ ܢܫܡܥܘܢ ܓܒܪ ܠܫܢ ܚܒܪܗ܂
11:08 [ai]ܘܒܿܕܪ ܐܢܘܢ ܡܪܝܐ \ܡܢ ܬܡܢ /#3#/ ܥܠ ܐ̈ܦܝ ܟܠܗܿ ܐܪܥܐ܂ ܘܦܫܘ ܡܢ ܕܠܡܒܢܐ ܩܪܝܬܐ܂
11:09 [ai]ܡܛܠ ܗܢܐ ܩܼܪܐ ܫܡܗܿ ܒܒܠ܂ ܡܛܠ ܕܬܡܿܢ ܒܠܒܠ/ܐܬܒܠܒܠܘ ܡܢ#3#/ ܡܪܝܐ ܠܫ̈ܢܐ ܕܟܠܗܿ ܐܪܥܐ܂ ܘܡܢ ܬܡܿܢ ܒܿܕܪ ܐܢܘܢ ܡܪܝܐ ܥܠ ܐ̈ܦܝ ܟܠܗܿ ܐܪܥܐ܀
11:10 [ai]ܘܗܠܝܢ ܬܘ̈ܠܕܬܗ ܕܫܝܡ܂ ܫܝܡ ܒܪ ܡܐܐ ‍<‍ܗܘܐ#3#‍>‍ ܫܢ̈ܝܢ܂ ‍<‍ܟܕ#3#‍>‍ ܐܘܠܕ ܠܐܪܦܟܫܪ܂ ܬܪ̈ܬܝܢ ܫ̈ܢܝܢ ܡܢ ܒܬܪ ܛܘܦܢܐ܂
11:11 [ai]ܘܚܝܼܐ ܫܝܡ ܡܢ ܒܬܪ ܕܐܘܠܕ ܠܐܪܦܟܫܪ ܚܡܫܡܐܐ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܀
11:12 [ai]ܘܐܪܦܟܫܪ ܚܼܝܐ ܬܠܬܝܢ ܘܚܡܫ ܫܢܝܢ܂ ܘܐܘܠܕ ܠܫܠܚ܂
11:13 [ai]ܘܚܼܝܐ ܐܪܦܟܫܪ ܡܢ ܒܬܪ ܕܐܘܠܕ ܠܫܠܚ܂ ܐܪ̈ܒܥܡܐܐ ܘܬܠܬ/ܘܬܠܬܝܢ#3#/ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀
11:14 [ai]ܘܫܠܚ ܚܝܐ ܬܠܬܝܢ ܫ̈ܢܝܢ܂ ܘܐܘܠܕ ܠܥܒܿܪ܂
11:15 [ai]ܘܚܼܝܐ ܫܠܚ ܡܢ ܒܬܪ ܕܐܘܠܕ ܠܥܒܿܪ ܐܪ̈ܒܥܡܐܐ ܘܬܠܬ ܫܢܝ̈ܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܀
11:16 [ai]ܘܚܝܐ ܥܿܒܪ ܬܠܬܝܢ ܘܐܪ̈ܒܥ ܫ̈ܢܝܢ܂ ܘܐܘܠܕ ܠܦܠܓ܂
11:17 [ai]ܘܚܼܝܐ ܥܒܪ ܡܢ ܒܬܪ ܕܐܘܠܕ ܠܦܠܓ܂ ܐܪ̈ܒܥܡܐܐ ܘܬܠܬܝܢ ܫ̈ܢܝܢ܂ ܘܐܘܠܕ ܒܢ̈ܝܐ ܘܒܢ̈ܬܐ܀܂
11:18 [ai]ܘܚܝܼܐ ܦܠܓ ܬܠܬܝܢ ܫܢܝ̈ܢ܂ ܘܐܘܠܕ ܠܐܪܥܘ܂
11:19 [ai]ܘܚܝܼܐ ܦܠܓ ܡܢ ܒܬܪ ܕܐܘܠܕ ܠܐܪܥܘ܂ ܡܐܬܝܢ ܘܬܫܥ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀
11:20 [ai]ܘܚܝܼܐ ܐܪܥܘ ܬܠܬܝܢ ܘܬܪ̈ܬܝܢ ܫ̈ܢܝܢ܂ ܘܐܘܠܕ ܠܣܪܘܓ܂
11:21 [ai]ܘܚܼܝܐ ܐܪܥܘ ܡܢ ܒܬܪ ܕܐܘܠܕ ܠܣܪܘܓ ܡܐܬܝܢ ܘܫܒܥ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܂܀
11:22 [ai]ܘܚܼܝܐ ܣܪܘܓ ܬܠܬܝܢ ܫ̈ܢܝܢ܂ ܘܐܘܠܕ ܠܢܚܘܪ܂
11:23 [ai]ܘܚܼܝܐ ܣܪܘܓ ܡܢ ܒܬܪ ܕܐܘܠܕ ܠܢܚܘܪ܂ ܡܐܬ̈ܝܢ ܫܢ̈ܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܂
11:24 [ai]ܘܚܼܝܐ ܢܚܘܪ ܥܣܪ̈ܝܢ ܘܬܫܥ ܫܢܝ̈ܢ܂ ܘܐܘܠܕ ܠܬܪܚ܂
11:25 [ai]ܘܚܝܼܐ ܢܚܘܪ ܡܢ ܒܬܪ ܕܐܘܠܕ ܠܬܪܚ܂ ܡܐܐ ܘܬܫܥܣܪܐ ܫ̈ܢܝܢ܂ ܘܐܘܠܕ ܒܢ̈ܝܐ ܘܒܢ̈ܬܐ܀
11:26 [ai]ܘܚܼܝܐ ܬܪܚ ܫܒܥܝܢ ܘܚܡܫ/#3#/ ܫ̈ܢܝܢ܂ ܘܐܘܠܕ ܠܐܒܪܡ ܘܠܢܚܘܪ܂ ܘܠܗܪܢ܂
11:27 [ai]ܘܗܠܝܢ ܬ̈ܘܠܕܬܗ ܕܬܪܚ܂ ܬܪܚ ܐܘܠܕ ܠܐܒܪܡ܂ ܘܠܢܚܘܪ ܘܠܗܪܢ܂ ܘܗܪܢ ܐܘܠܕ ܠܠܘܛ܂
11:28 [ai]ܘܡܝܬ ܗܪܢ ܒܚ̈ܝܝ ܬܪܚ ܐܒܘܗܝ܂ ܒܐܪܥܐ ܕܐܬܝܠܕ ܒܗܿ ܒܐܘܪ ܕܟ̈ܠܕܝܐ܂
11:29 [ai]ܘܢܣܒܼܘ ܠܗܘܢ ܐܒܪܡ ܘܢܚܘܪ ܢܫ̈ܐ܂ ܫܡ ܐܢܬܬܗ ܕܐܒܪܡ ܣܪܝ܂ ܘܫܡ ܐܢܬܬܗ ܕܢܚܘܪ ܡܠܼܟܐ ܒܪܬ ܗܪܢ܂ ܐܒܘܗܿ ܕܡܠܼܟܐ ܘܐܒܘܗܿ ܕܐܣܟܐ܂
11:30 [ai]ܘܗܘܬ ܣܪܝ ܥܩܪܬܐ܂ ܘܠܐ ܗܿܘܝܢ ܠܗܿ ܒ̈ܢܝܐ܂
11:31 [ai]ܘܕܒܼܪ ܬܪܚ ܠܐܒܪܡ ܒܪܗ ܘܠܠܘܛ ܒܪ ܗܪܢ ܒܪ ܒܪܗ܂ ܘܠܣܪܝ ܟܠܬܗ ܐܢܬܬ ܐܒܪܡ ܒܪܗ܂ ܘܢܦܩܼܘ ܥܡܗܘܢ ܡܢ ܐܘܪ ܕܟ̈ܠܕܝܐ ܠܡܐܙܠ ܠܐܪܥܐ ܕܟܢܥܢ܂ ܘܐܬܘ ܥܕܡܐ ܠܚܪܢ ܘܝܬܒܘ ܬܡܢ܂
11:32 [ai]ܘܗܘܘ ܝܘܡ̈ܬܗ ܕܬܪܚ܂ ܡܐܬܝܢ ܘܚܡܫ ܫ̈ܢܝܢ܂ ܘܡܝܬ ܬܪܚ/#3#/ ܒܚܪܢ܀

next chapter