← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܘܐܡܼܪ ܡܪܝܐ ܠܐܒܪܡ܂ ܙܠ ܠܟ ܡܢ ܐܪܥܟ ܘܡܢ ܐܝܡܟܐ/ܐܝܟܐ#3#/ ܕܐܬܝܠܕܬ܂ ܘܡܢ ܒܝܬ ܐܒܘܟ ܠܐܪܥܐ ܕܐܚܘܝܟ܂
12:02 [ai]ܘܐܥܒܕܟ ܠܥܡܐ ܪܒܐ܂ ܘܐܒܪܟܟ ܘܐܘܪܒ ܫܡܟ܂ ܘܗܘܝ ܒܪܝܟ܂
12:03 [ai]ܘܐܒܪܟ ܡܒܪ̈ܟܢܝܟ ܘܡ̈ܠܝܛܢܝܟ ܐܠܘܛ܂ ܘܢܬܒܪ̈ܟܢ ܒܟ ܟܠܗܝܢ ܫܪ̈ܒܬܐ ܕܐܪܥܐ ܘܒܙܪܥܟ܂
12:04 [ai]ܘܥܒܼܕ ܐܒܪܡ ܐܝܟ ܕܐܡܼܪ ܠܗ ܡܪܝܐ܂ ܘܐܙܠ ܥܡܗ ܠܘܛ܂ ܘܐܒܪܡ ܒܪ ܫܒܥܝܢ ܗܘܐ ܘܚܡܫ ܫ̈ܢܝܢ܂ ܟܕ ܢܦܼܩ ܡܢ ܚܪܢ܂
12:05 [ai]ܘܕܒܼܪ ܐܒܪܡ ܠܣܪܝ ܐܢܬܬܗ܂ ܘܠܠܘܛ ܒܪ ܐܚܘܗܝ ܘܠܟܘܠܗ ܩܢܝܢܗܘܢ ܕܩܢܘ܂ ܘܢܦܫ̈ܬܐ ܕܥܒܼܕܘ ܒܚܪܢ܂ ܘܢܦܩܘ ܠܡܐܙܠ ܠܐܪܥܐ ܕܟܢܥܢ܂ ܘܐܬܘ ܠܐܪܥܐ ܕܟܢܥܢ܂
12:06 [ai]ܘܥܒܼܪ ܐܒܪܡ ܒܐܪܥܐ܂ ܥܕܡܐ ܠܐܬܪܐ/ܠܐܪܥܐ#3#/ ܕܫܟܝܡ܂ ܘܥܕܡܐ ܠܒܠܘܛܐ ܕܡܡܪܐ܂ ܘܟܢܥ̈ܢܝܐ ܥܕܟܝܠ ܝܬܒܝܢ/#3#/ ܒܐܪܥܐ܂
12:07 [ai]ܘܐܬܓܠܝ ܡܪܝܐ ܥܠ ܐܒܪܡ ܘܐܡܼܪ ܠܗ܂ ܠܙܪܥܟ ܐܬܠܝܗܿ ܐܪܥܐ ܗܕܐ ܘܒܢܼܐ ܬܡܿܢ ܡܕܒܚܐ ܠܡܪܝܐ ܕܐܬܓܠܝ ܥܠܘܗܝ܂
12:08 [ai]ܘܫܿܢܝ ܡܢ ܬܡܿܢ ܠܛܘܪܐ܂ ܡܢ ܡܕܢܚܐ ܠܒܝܬ ܐܝܠ܂ ܘܢܩܼܫ ܡܫܟܢܗ ܒܝܬ ܐܝܠ ܡܢ ܡܥܪܒܐ ܘܥܝ ܡܢ ܡܕܢܚܐ܂ ܘܒܢܼܐ ܬܡܿܢ ܡܕܒܚܐ ܠܡܪܝܐ܂ ܘܩܼܪܐ ܒܫܡܗ ܕܡܪܝܐ܂
12:09 [ai]ܘܫܼܩܠ ܐܒܪܡ ܘܐܙܼܠ܂ ܘܡܫܩܠܢܗ ܠܬܝܡܢܐ܂
12:10 [ai]ܘܗܘܼܐ ܟܦܢܐ ܒܐܪܥܐ܂ ܘܢܚܼܬ ܐܒܪܡ ܠܡܨܪܝܢ܂ ܠܡܥܡܪ ܬܡܢ܂ ܡܛܠ ܕܥܫܢ ܟܦܢܐ ܛܒ ܒܐܪܥܐ܂
12:11 [ai]ܘܗܘܼܐ ܕܟܕ ܩܪܝܒ ܠܡܥܠ ܠܡܨܪܝܢ܂ ܐܡܼܪ ܠܣܪܝ ܐܢܬܬܗ܂ ܗܐ ܝܕܥܿ ܐܢܐ ܕܐܢܬܬܐ ܫܦܝܪܬ ܒܚܙܘܐ ܐܢܬܝ܂
12:12 [ai]ܘܟܕ ܢܚܙܘܢܟܝ ܡܨܪ̈ܝܐ܂ ܢܐܡܪܘܢ ܐܢܬܬܗ ܗܝ ܗܕܐ܂ ܩܛܠܝܢ ܠܝ ܘܠܟܝ ܡܚܝܢ܂
12:13 [ai]ܐܡܪܝ ܕܚܬܗ ܐܢܐ܂ ܡܛܠ ܕܢܛܐܒ ܠܝ ܡܛܠܬܟܝ܂ ܘܬܚܼܐ ܢܦܫܝ ܡܛܠܬܟܝ܂
12:14 [ai]ܘܗܘܼܐ ܕܟܕ ܥܠ ܐܒܪܡ ܠܡܨܪܝܢ܂ ܚܙܐܘܗܿ ܡܨܪ̈ܝܐ ܠܐܢܬܬܗ ܕܫܦܝܪܐ ܗܝ ‍<‍ܒܚܙܘܐ#3#‍>‍ ܛܒ܂
12:15 [ai]ܘܚܙܐܘܗܿ ܪ̈ܘܪܒܢܝ ܦܪܥܘܢ ܘܫܒܚܘܗܿ ܩܕܡ ܦܪܥܘܢ܂ ܘܐܬܕܒܼܪܬ ܐܢܬܬܐ ܠܒܝܬ ܦܪܥܘܢ܂
12:16 [ai]ܘܠܐܒܪܡ ܛܐܒ ܡܛܠܬܗܿ ܘܗܘܘ ܠܗ ܥܢܐ ܘܬܘܪ̈ܐ ܘܚܡܪ̈ܐ܂ ܘܥܒܼ̈ܕܐ ܘܐ̈ܡܗܬܐ܂ ܘܐܬ̈ܢܐ ܘܓܡ̈ܠܐ܂
12:17 [ai]ܘܡܚܼܐ ܡܪܝܐ ܠܦܪܥܘܢ ܡܚ̈ܘܬܐ ܪ̈ܘܪܒܬܐ ܠܗ ܘܠܒ̈ܢܝ ܒܝܬܗ܂ ܡܛܠ ܣܪܝ ܐܢܬܬܗ ܕܐܒܪܡ܂
12:18 [ai]ܘܩܼܪܐ ܦܪܥܘܢ ܠܐܒܪܡ ܘܐܡܼܪ ܠܗ܂ ܡܢܘ ܗܢܐ ܕܥܒܼܕܬ ܠܝ܂ ܠܡܢܐ ܠܐ ܚܘܝܬܢܝ ܕܐܢܬܬܟ ܗܝ܂
12:19 [ai]ܘܠܡܢܐ ܐܡܼܪܬ ܕܚܬܝ ܗܝ܂ ܘܢܣܒܬܗܿ ܠܝ ܐܢܬܬܐ܂ ܗܫܐ ܗܐ ܐܢܬܬܟ ܕܒܼܪ ܘܙܠ܂
12:20 [ai]ܘܦܩܿܕ ܥܠܘܗܝ ܦܪܥܘܢ ܓܒܪ̈ܐ܂ ܘܫܕܪܗ ܠܗ ܘܠܐܢܬܬܗ ܘܠܟܠ ܕܐܝܬ ܠܗ܂

next chapter