← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܘܗܘܐ ܒܝ̈ܘܡܘܗܝ ܕܐܡܪܦܠ ܡܿܠܟܐ ܕܣܢܥܪ܂ ܘܐܪܝܘܟ ܡܿܠܟܐ ܕܕܠܣܪ܂ ܘܟܪܕܠܥܡܪ ܡܿܠܟܐ ܕܥܝܠܡ܂ ܘܬܪܥܠ ܡܿܠܟܐ ܕܓ̈ܠܝܐ܂
14:02 [ai]ܥܒܕܘ ܩܪܒܐ ܥܡ ܒܪܥ ܡܿܠܟܐ ܕܣܕܘܡ܂ ܘܥܡ ܒܪܫܥ ܡܿܠܟܐ ܕܥܡܘܪܐ܂ ܘܫܢܐܒ ܡܿܠܟܐ ܕܐܕܡܐ܂ ܘܫܡܐܝܪ ܡܿܠܟܐ ܕܨܒܘܐܝܡ܂ ܘܡܿܠܟܐ ܕܒܠܥ ܗܼܝ ܗܝ ܨܥܪ܂
14:03 [ai]ܟܠܗܘܢ ܗܠܝܢ ܐܬܟܢܫܘ ܠܥܘܡܩܐ ܕܣ̈ܕܘܡܝܐ܂ ܗܼܘ ܝܡܐ ܕܡܠܚܐ܂
14:04 [ai]ܬܪ̈ܬܥܣܪܐ ܫ̈ܢܝܢ ܦܠܚܘ ܠܟܪܕܠܥܡܪ܂ ܘܒܕܬܠܬܥܣܪ̈ܐ ܫ̈ܢܝܢ ܡܪܕܘ܂
14:05 [ai]ܘܒܫܢܬ ܐܪ̈ܒܥܣܪܐ ܫ̈ܢܝܢ/#3#/܂ ܐܬܼܐ ܟܪܕܠܥܡܪ ܘܡ̈ܠܟܐ ܕܥܡܗ܂ ܘܡܚܘ ܠܓܢܒܪ̈ܐ ܕܒܥܣܬܪܘܬ ܩܘܪܢܝܡ ܘܠܥܫܝ̈ܢܐ ܕܒܗܝܢ܂ ܘܠܐܡ̈ܢܐ ܕܒܫܘܐ ܩܘܪܝܬܝܡ܂
14:06 [ai]ܘܠܚܘܪ̈ܝܐ/ܘܠܚ̈ܘܝܐ#3#/ ܕܒܛܘܪ̈ܝ ܣܥܝܪ ܥܕܡܐ ܠܒܛܡܬܐ ܕܦܪܢ ܕܒܡܕܒܪܐ܂
14:07 [ai]ܘܗܦܟܘ ܘܐܬܘ ܠܥܝܢ ܕܝܢܼܐ܂ ܗܼܝ ܗܼܝ ܪܩܡ ܘܚܪܒܘ ܟܘܠ ܪ̈ܫܢܐ ܕܥܡ̈ܠܩܝܐ܂ ܘܐܦ ܠܐܡܘܪ̈ܝܐ ܕܝܬܒܝܢ ܒܥܝܢ ܓܕ܀
14:08 [ai]ܘܢܦܼܩ ܡܿܠܟܐ ܕܣܕܘܡ܂ ܘܡܿܠܟܐ ܕܥܡܘܪܐ܂ ܘܡܿܠܟܐ ܕܐܕܡܐ ܘܡܿܠܟܐ ܕܨܒܘܐܝܡ ܘܡܿܠܟܐ ܕܒܿܠܥ ܗܼܝ ܗܝ ܨܥܪ܂ ܟܠܗܘܢ ܗܠܝܢ ܥܒܕܘ ܩܪܒܐ ܒܥܘܡܩܐ ܕܣ̈ܕܘܡܝܐ܂
14:09 [ai]ܥܡ ܟܪܕܠܥܡܪ ܡܿܠܟܐ ܕܥܝܠܡ܂ ܘܬܪܥܠ ܡܿܠܟܐ ܕܓ̈ܠܝܐ܂ ܘܐܡܪܦܠ ܡܿܠܟܐ ܕܣܢܥܪ܂ ܘܐܪܝܘܟ ܡܿܠܟܐ ܕܕܠܣܪ܂ ܐܪ̈ܒܥܐ ܡ̈ܠܟܝܢ ܥܡ ܚܡܫܐ܂
14:10 [ai]ܘܥܘܡܩܐ ܕܣܕܘ̈ܡܝܐ ܒܪ̈ܐ ܒܪ̈ܐ ܕܩܝܪܐ܂ ܘܥܪܼܩ ܡܿܠܟܐ ܕܣܕܘܡ܂ ܘܡܿܠܟܐ ܕܥܡܘܪܐ܂ ܘܢܦܠܘ ܬܡܢ܂ ܘܕܐܫܬܚܪܘ ܠܛܘܪܐ ܥܪܩܘ܂
14:11 [ai]ܘܢܣܒܘ ܟܠܗ ܩܢܝܢܐ ܕܣܕܘܡ ܘܕܥܡܘܪܐ܂ ܘܟܠܗܿ ܡܐܟܘܠܬܗܘܢ ܘܐܙܠܘ܂
14:12 [ai]ܘܕܒܪܘ ܠܠܘܛ ܒܪ ܐܚܘܗܝ ܕܐܒܪܡ ܘܠܩܢܝܢܗ ܘܐܙܠܘ܂ ܘܗܼܘ ܝܬܿܒ ܒܣܕܘܡ܂
14:13 [ai]ܘܐܬܐ ܡܢ ܕܐܬܿܦܠܛ ܘܚܘܝ ܠܐܒܪܡ ܥܒܪܝܐ܂ ܘܗܼܘ ܫܼܪܐ ܗܘܐ ܒܝܬ ܒܠܘܛܐ ܕܡܡܪܐ ܐܡܘܪܝܐ ܐܚܘܗܝ ܕܥܢܝܪ ܘܐܚܘܗܝ ܕܐܫܟܘܠ܂ ܘܗܼܢܘܢ ܒ̈ܥܠܝ ܩܝܡܗ ܕܐܒܪܡ܂
14:14 [ai]ܘܫܡܼܥ ܐܒܪܡ ܕܐܫܬܒܝ ܒܪ ܐܚܘܗܝ܂ ܘܙܝܢ ܥܠܝܡ̈ܘܗܝ ܝ̈ܠܝܕܝ ܒܝܬܗ܂ ܬܠܬܡܐܐ ܘܬܡܢܬܥܣܪ܂ ܘܪܕܦ ܒܬܪܗܘܢ ܥܕܡܐ ܠܕܢ܂
14:15 [ai]ܘܐܬܦܠܓ ܥܠܝܗܘܢ ܒܠܠܝܐ ܗܼܘ ܘܥܒ̈ܕܘܗܝ܂ ܘܡܚܘ ܐܢܘܢ ܘܪܕܦܘ ܐܢܘܢ ܥܕܡܐ ܠܚܘܒܐ ܕܡܢ ܣܡܠܗܿ ܕܕܪܡܣܘܩ܂
14:16 [ai]ܘܐܗܦܟܘ ܟܠܗ ܩܢܝܢܐ܂ ܘܐܦ ܠܠܘܛ ܒܪ ܐܚܘܗܝ ܘܠܩܢܝܢܗ/ܘܐܦ ܠܩܢܝܢܗ#3#/ ܐܗܦܟ܂ ܐܦ ܠܢܫ̈ܐ ܐܦ ܠܥܡܐ܂
14:17 [ai]ܘܢܦܼܩ ܡܿܠܟܐ ܕܣܕܘܡ ܠܐܘܪܥܗ ܡܢ ܒܬܪ ܕܗܦܼܟ܂ ܟܕ ܚܼܪܒ ܠܟܪܕܠܥܡܪ ܘܠܡ̈ܠܟܐ ܕܥܡܗ܂ ܒܥܘܡܩܐ ܕܫܘܐ܂ ܗܼܘ ܥܘܡܩܐ ܕܡ̈ܠܟܐ܂
14:18 [ai]ܘܡܠܟܝܙܕܩ ܡܠܟ ܫܠܝܡ܂ ܐܦܩ ܠܚܡܐ ܘܚܡܪܐ܂ ܘܗܼܘ ܟܘܡܪܐ ܗܘܐ ܕܐܠܗܐ ܡܪܝܡܐ܂
14:19 [ai]ܘܒܪܟܗ ܘܐܡܼܪ܂ ܒܪܝܟ ܐܒܪܡ ܠܐܠܗܐ ܡܪܝܡܐ ܩܢܼܐ ܫܡܝܐ ܘܐܪܥܐ܂
14:20 [ai]ܘܒܪܝܟ ܗܼܘ ܐܠܗܐ ܡܪܝܡܐ܂ ܕܐܫܼܠܡ ܒ̈ܥܠܕܒܒܝܟ ܒܐܝ̈ܕܝܟ܂ ܘܝܗܼܒ ܠܗ ܡܥܣܪ̈ܐ ܡܢ ܟܠ܀
14:21 [ai]ܘܐܡܼܪ ܡܿܠܟܐ ܕܣܕܘܡ ܠܐܒܪܡ܂ ܗܒ ܠܝ ܢܦܫ̈ܬܐ ܘܩܢܝܢܐ ܣܒ ܠܟ܂
14:22 [ai]ܘܐܡܼܪ ܐܒܪܡ ܠܡܿܠܟܐ ܕܣܕܘܡ܂ ܐܿܪܝܡܬ ܐܝ̈ܕܝ ܠܘܬ ܐܠܗܐ ܡܪܝܡܐ ܕܩܢܝܢܗ ܫܡܝܐ ܘܐܪܥܐ܂
14:23 [ai]ܐܢ ܡܢ ܚܘܛܐ ܘܥܕܡܐ ܠܥܪܩܬܐ ܕܡܣܢܐ܂ ܐܢ ܐܣܒ ܡܢ ܟܠܡܕܡ/ܟܠ#3#/ ܕܐܝܬ ܠܟ܂ ܕܠܐ ܬܐܡܪ ܕܐܢܐ ܐܥܬܪܬ ܠܐܒܪܡ܂
14:24 [ai]ܣܛܪ ܡܢ ܡܕܡ ܕܐܟܠܘ ܥܠܝ̈ܡܐ܂ ܘܡܢ̈ܘܬܐ ܕܓܒܪ̈ܐ ܕܐܙܠܘ/ܕܐܬܘ#3#/ ܥܡܝ܂ ܥܢܝܪ ܘܐܫܟܘܠ ܘܡܡܪܐ܂ ܗܼܢܘܢ ܢܣܒܘܢ ܡܢ̈ܘܬܗܘܢ܀

next chapter