← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܘܣܪܝ ܐܢܬܬܗ ܕܐܒܪܡ ܠܐ ܝܠܼܕܬ ܠܗ܂ ܘܐܝܬ ܗܘܬ ܠܗܿ ܐܡܬܐ ܡܨܪܝܬܐ ܘܫܡܗܿ ܗܓܪ܂
16:02 [ai]ܘܐܡܼܪܬ ܣܪܝ ܠܐܒܪܡ܂ ܗܐ ܟܠܢܝ ܡܪܝܐ ܡܢ ܝܠܕܐ܂ ܥܘܠ ܥܠ ܐܡܬܝ܂ ܟܒܪ ܐܬܒܝܐ ܡܢܗܿ܂ ܘܫܡܼܥ ܐܒܪܡ ܒܩܠܗܿ ܕܣܪܝ܂
16:03 [ai]ܘܕܒܼܪܬ ܣܪܝ ܐܢܬܬܗ ܕܐܒܪܡ ܠܗܓܪ ܡܨܪܝܬܐ ܐܡܬܗܿ܂ ܡܢ ܒܬܪ ܥܣܪ̈/ܥܣܪ̈ܝܢ#3#/ ܫ̈ܢܝܢ ܕܝܬܼܒ ܐܒܪܡ ܒܐܪܥܐ ܕܟܢܥܢ܂ ܘܝܗܒܬܗܿ ܐܢܬܬܐ/ܣܪܝ#3#/ ܠܐܒܪܡ ܒܥܠܗܿ܂
16:04 [ai]ܘܥܠ ܥܠ ܗܓܪ ܘܒܛܢܼܬ܂ ܘܟܕ ܚܙܬ ܕܒܼܛܢܬ܂ ܙܠܬ ܡܪܬܗܿ ܒܥܝܢ̈ܝܗܿ܂
16:05 [ai]ܘܐܡܼܪܬ ܣܪܝ ܠܐܒܪܡ܂ ܥܘܠܒܢܝ ܥܠܝܟ܂ ܐܢܐ ܝܗܿܒܬ ܐܡܬܝ ܒܥܘܒܟ܂ ܘܟܕ ܚܙܬ ܕܒܛܢܼܬ ܙܿܠܬ ܒܥܝܢ̈ܝܗܿ܂ ܢܕܘܢ ܡܪܝܐ ܒܝ̈ܢܝ ܘܠܟ܂
16:06 [ai]ܘܐܡܼܪ ܐܒܪܡ ܠܣܪܝ ܐܢܬܬܗ/#3#/܂ ܗܐ ܐܡܬܟܝ ܡܫܠܡܐ ܒܐ̈ܝܕܝܟܝ܂ ܥܒܕܝ ܠܗܿ ܡܕܡ ܕܫܦܝܪ/ܕܫܿܦܪ#3#/ ܒܥܝܢ̈ܝܟܝ܂ ܘܨܥܪܬܗܿ ܣܪܝ ܡܪܬܗܿ/#3#/܂ ܘܥܪܩܬ ܡܢ ܩܕܡܝܗܿ܂
16:07 [ai]ܘܐܫܟܚܗܿ ܡܠܐܟܗ ܕܡܪܝܐ ܥܠ ܥܝܢܐ/ܒܐܪܐ#3#/ ܕܡ̈ܝܐ ܒܡܕܒܪܐ ܒܐܘܪܚܐ ܕܓܕܪ܂
16:08 [ai]ܘܐܡܼܪ ܠܗܿ܂ ܗܓܪ ܐܡܬܗܿ ܕܣܪܝ܂ ܡܢ/#3#/ ܐܝܡܟܐ ܐܬܝܐ ܐܢܬܝ ܘܠܐܝܟܐ ܐܙܠܐ ܐܢܬܝ܂ ܘܐܡܼܪܬ ܡܢ ܩܕܡ ܣܪܝ ܡܪܬܝ ܥܪܩܐ ܐܢܐ܂
16:09 [ai]ܘܐܡܼܪ ܠܗܿ ܡܠܐܟܗ ܕܡܪܝܐ܂ ܗܦܘܟܝ ܠܘܬ ܡܪܬܟܝ ܘܐܫܬܥܒܕܝ ܬܚܝܬ ܐܝܕܗܿ܂
16:10 [ai]ܘܐܡܼܪ ܠܗܿ ܡܠܐܟܗ ܕܡܪܝܐ܂ ܡܣܓܝܘ ܐܣܓܐ ܙܪܥܟܝ܂ ܘܠܐ ܢܬܡܢܐ ܡܢ ܣܘܓܐܗ܂
16:11 [ai]ܘܐܡܼܪ ܠܗܿ ܡܠܐܟܗ ܕܡܪܝܐ܂ ܗܐ ܒܛܢܬܝ ܘܝܠܕܐ ܐܢܬܝ ܒܪܐ܂ ܘܬܩܪܝܢ ܫܡܗ ܐܝܫܡܥܝܠ܂ ܡܛܠ ܕܫܡܼܥ ܡܪܝܐ/ܐܠܗܐ#3#/ ܒܫܘܥܒܕܟܝ܂
16:12 [ai]ܘܗܼܘ ܢܗܘܐ ܥܪܕܐ ܕܒܢ̈ܝ ܐܢܫܐ܂ ܐܝܕܗ ܥܠ ܟܠ ܘܐܝܕܐ ܕܟܠ ܒܗ܂ ܘܥܠ ܬܚܘܡܐ ܕܟܠܗܘܢ ܐ̈ܚܘܗܝ ܢܫܪܐ܂
16:13 [ai]ܘܩܼܪܬ ܫܡܗ ܕܡܪܝܐ ܕܡܠܠ ܥܡܗܿ܂ ܘܐܡܼܪܬ܂ ܐܢܬ ܗܼܘ ܐܠܗܐ ܒܚܙܘܐ܂ ܡܛܠ ܕܐܡܼܪܬ܂ ܕܗܐ ܐܦ ܚܙܘܐ ܚܿܙܝܬ ܡܢ ܒܬܪ ܕܚܙܢܝ܂
16:14 [ai]ܡܛܠ ܗܢܐ ܩܪܬ ܠܒܪܐ ܗܿܝ/#3#/ ܒܪܐ ܕܚܝܐ ܚܙܢܝ܂ ܗܐ ܗܼܝ ܒܝܬ ܪܩܡ ܠܒܝܬ ܓܕܪ܂
16:15 [ai]ܘܝܠܼܕܬ ܗܓܪ ܠܐܒܪܡ ܒܪܐ܂ ܘܩܼܪܐ ܐܒܪܡ ܫܡ ܒܪܗ \ܕܐܬܝܠܕ ܠܗ /#3#/ ܕܝܠܼܕܬ ܠܗ/#3#/ ܗܓܪ ܐܝܫܡܥܝܠ܂
16:16 [ai]ܘܐܒܪܡ ܒܪ ܬܡܢܐܝܢ ܗܘܐ ܘܫܬ ܫ̈ܢܝܢ ܟܕ ܝܠܼܕܬ ܗܓܪ ܐܝܫܡܥܝܠ/ܠܐܝܫܡܥܝܠ#3#/ ܠܐܒܪܡ܂

next chapter