← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܘܗܘܼܐ ܐܒܪܡ ܒܪ ܬܫܥܝܢ ܘܬܫܥ ܫ̈ܢܝܢ܂ ܘܐܬܓܠܝ ܡܪܝܐ ܥܠ ܐܒܪܡ ܘܐܡܼܪ ܠܗ܂ ܐܢܐ ܐܢܐ ܐܠܫܕܝ/#3#/ ܐܠܗܐ܂ ܫܦܼܪ ܩܕܡܝ ܘܗܘܝ ܕܠܐ ܡܘܡ܂
17:02 [ai]ܘܐܬܠ ܩܝܡܝ ܒܝܢ̈ܝ ܘܠܟ܂ ܘܐܣܓܝܟ ܛܒ ܛܒ/#3#/܂
17:03 [ai]ܘܢܦܼܠ ܐܒܪܡ ܥܠ ܐ̈ܦܘܗܝ܂ ܘܡܠܠ ܥܡܗ ܐܠܗܐ ܘܐܡܼܪ ܠܗ܂
17:04 [ai]ܐܢܐ ܗܐ ܡܩܝܡ ܐܢܐ ܩܝܡܝ ܥܡܟ܂ ܘܬܗܘܐ ܐܒܐ ܠܣܘܓܐܐ ܕܥܡ̈ܡܐ܂
17:05 [ai]ܘܠܐ ܢܬܩܪܐ ܬܘܒ ܫܡܟ ܐܒܪܡ܂ ܐܠܐ ܢܗܘܐ ܫܡܟ ܐܒܪܗܡ܂ ܡܛܠ ܕܐܒܐ ܠܣܘܓܐܐ ܕܥܡ̈ܡܐ ܝܗܒܬܟ܂
17:06 [ai]ܘܐܦܪܝܟ/ܘܐܦܪܥܟ#3#/ ܘܐܣܓܝܟ ܛܒ ܛܒ/#3#/܂ ܘܐܬܠܟ ܠܥܡ̈ܡܐ/ܠܣܘܓܐܐ ܕܥܡ̈ܡܐ#3#/ ܘܡ̈ܠܟܐ \ܡܢ ܚܨܟ /ܡܢܟ#3#/ ܢܦܩܘܢ܂
17:07 [ai]ܘܐܩܝܡ ܩܝܡܝ ܒܝܢ̈ܝ ܘܠܟ ܘܒܝܬ ܙܪܥܟ ܡܢ ܒܬܪܟ ܠܕܪ̈ܝܗܘܢ܂ ܠܩܝܡܐ ܕܠܥܠܡ܂ ܘܐܗܘܐ ܠܟ ܐܠܗܐ ܘܠܙܪܥܟ ܡܢ ܒܬܪܟ܂
17:08 [ai]ܘܐܬܠ ܠܟ ܘܠܙܪܥܿܟ ܡܢ ܒܬܪܟ܂ ܐܪܥܐ ܕܡܥܡܪܟ܂ ܟܠܗܿ ܐܪܥܐ ܕܟܢܥܢ ܠܝܘܪܬܢܐ ܕܠܥܠܡ܂ ܘܐܗܘܐ ܠܗܘܢ ܐܠܗܐ܂
17:09 [ai]ܘܐܡܼܪ ܐܠܗܐ ܠܐܒܪܗܡ܂ ܐܢܬ ܩܝܡܝ ܛܪ܂ ܐܢܬ ܘܙܪܥܟ ܡܢ ܒܬܪܟ ܠܕܪ̈ܝܗܘܢ܂
17:10 [ai]ܗܢܘ ܩܝܡܝ ܕܬܛܪܘܢ ܒܝܢ̈ܝ ܘܠܟܘܢ܂ ܘܒܝܬ ܙܪܥܟ ܡܢ ܒܬܪܟ܂ ܕܬܓܙܪܘܢ ܟܠ ܕܟܪܐ܂
17:11 [ai]ܘܬܓܙܪܘܢ ܒܣܪܐ ܕܥܘܪܠܘܬܟܘܢ܂ ܘܬܗܘܐ ܐܬܐ ܕܩܝܡܐ ܒܝ̈ܢܝ ܘܠܟܘܢ܂
17:12 [ai]ܘܒܪ ܬܡܢܝܐ ܝܘܡ̈ܝܢ ܢܓܙܘܪ ܡܢܟܘܢ ܟܠ ܕܟܪܐ ܠܕܪ̈ܝܟܘܢ܂ ܝܠܝܕ ܒܝܬܐ ܘܙܒܝܢ ܟܣܦܐ܂ ܡܢ ܟܠ ܒܪ ܢܘܟܪ̈ܝܐ ܕܠܐ ܗܘܼܐ ܡܢ ܙܪܥܟ܂
17:13 [ai]ܡܓܙܪ ܢܓܙܘܪ܂ ܝܠܝܕ ܒܝܬܟ ܘܙܒܝܢ ܟܣܦܟ܂ ܘܢܗܘܐ ܩܝܡܝ ܒܒܣܪܟܘܢ ܠܩܝܡܐ ܕܠܥܠܡ܂
17:14 [ai]ܘܥܘܪܠܐ ܕܟܪܐ ܕܠܐ ܢܓܙܘܪ ܒܣܪܐ ܕܥܘܪܠܘܬܗ܂ ܬܐܒܕ ܢܦܫܐ ܗܿܝ ܡܢ ܥܡܗܿ܂ ܩܝܡܝ ܒܿܛܠܬ܂
17:15 [ai]ܘܐܡܼܪ ܐܠܗܐ ܠܐܒܪܗܡ܂ ܣܪܝ ܐܢܬܬܟ ܠܐ ܬܩܪܐ ܫܡܗܿ ܣܪܝ܂ ܡܛܠ ܕܣܪܐ ܫܡܗܿ܂
17:16 [ai]ܘܐܒܪܟܝܗܿ ܘܐܦ ܐܬܠ ܠܟ ܡܢܗܿ ܒܪܐ܂ ܘܐܒܪܟܝܘܗܝ ܘܢܗܘܐ ܠܥܡ̈ܡܐ܂ ܘܡ̈ܠܟܐ ܕܥܡ̈ܡܐ ܡܢܗ ܢܗܘܘܢ܂
17:17 [ai]ܘܢܦܼܠ ܐܒܪܗܡ ܥܠ ܐ̈ܦܘܗܝ ܘܓܚܟ܂ ܘܐܡܼܪ ܒܠܒܗ܂ ܠܒܪ ܡܐܐ ܫܢܝ̈ܢ ܢܬܝܠܕ ܒܪܐ܂ ܐܘ ܣܪܐ ܒܪܬ ܬܫܥܝܢ ܫ̈ܢܝܢ ܬܐܠܕ܂
17:18 [ai]ܘܐܡܼܪ ܐܒܪܗܡ ܠܐܠܗܐ܂ ܐܫܬܘܦ ܕܝܢ ܐܝܫܡܥܝܠ ܢܚܼܐ ܩܕܡܝܟ܂
17:19 [ai]ܘܐܡܼܪ ܐܠܗܐ ܠܐܒܪܗܡ/#3#/ ܫܪܝܪܐܝܬ ܣܪܐ ܐܢܬܬܟ ܝܠܕܐ ܠܟ ܒܪܐ܂ ܘܩܿܪܐ ܐܢܬ ܫܡܗ ܐܝܣܚܩ܂ ܘܐܩܝܡ ܩܝܡܝ ܥܡܗ ܠܩܝܡܐ ܕܠܥܠܡ܂ ܘܠܙܪܥܗ/ܘܥܡ ܙܪܥܗ#3#/ ܡܢ ܒܬܪܗ܂
17:20 [ai]ܘܥܠ ܐܝܫܡܥܝܠ ܫܡܥܬܟ܂ ܗܐ ܒܪܟܬܗ ܘܐܣܓܝܬܗ܂ ܘܐܟܒܪܬܗ ܛܒ ܛܒ܂ ܬܪ̈ܥܣܪ ܪ̈ܘܪܒܢܝܢ ܢܘܠܕ ܘܐܬܠܝܘܗܝ ܠܥܡܐ ܪܒܐ܂
17:21 [ai]ܘܩܝܡܝ ܐܩܝܡ ܥܡ/ܥܠ#2#/ ܐܝܣܚܩ܂ ܕܬܐܠܕ ܠܟ ܣܪܐ ܠܙܒܢܐ ܗܢܐ ܠܫܢܬܐ ܐܚܪܬܐ܂
17:22 [ai]ܘܟܕ ܫܿܠܡ ܠܡܡܠܠܘ ܥܡܗ܂ ܐܬܪܝܡ ܐܠܗܐ ܡܢ ܐܒܪܗܡ܀
17:23 [ai]ܘܕܒܼܪ ܐܒܪܗܡ ܠܐܝܫܡܥܝܠ ܒܪܗ܂ ܘܠܟܠ ܝ̈ܠܝܕܝ ܒܝܬܗ ܘܠܟܠ ܙܒܝܢ̈ܝ ܟܣܦܗ܂ ܟܠ ܕܟܪܐ ܒܐܢܫ̈ܝ ܒܝܬ ܐܒܪܗܡ܂ ܘܓܙܼܪ ܒܣܪܐ ܕܥܘܪܠܘܬܗܘܢ ܒܗ ܒܝܘܡܐ ܗܢܐ ‍<‍ܓܙܪ ܐܒܪܗܡ ܠܐܫܡܥܐܝܠ#3#‍>‍܂ ܐܝܟ ܕܡܠܠ ܥܡܗ ܐܠܗܐ܂
17:24 [ai]ܘܐܒܪܗܡ ܒܪ ܬܫܥܝܢ ܗܘܐ ܘܬܫܥ ܫ̈ܢܝܢ ܟܕ ܓܙܪ ܒܣܪܐ ܕܥܘܪܠܘܬܗ܂
17:25 [ai]ܘܐܝܫܡܥܝܠ ܒܪܗ ܒܪ ܬܠܬܥܣܪܐ ܗܘܐ ܫ̈ܢܝܼܢ܂ ܟܕ ܓܙܪ ܒܣܪܐ ܕܥܘܪܠܘܬܗ܂
17:26 [ai]ܒܗ ܒܝܘܡܐ ܗܢܐ܂ ܓܙܪ ܐܒܪܗܡ ܠܐܝܫܡܥܝܠ ܒܪܗ܂
17:27 [ai]ܘܠܟܠܗܘܢ ܐܢܫ̈ܝ ܒܝܬܗ܂ ܝ̈ܠܝܕܝ ܒܝܬܗ ܘܙܒܝܢ̈ܝ ܟܣܦܗ܂ ܘܐܦ ܡܢ ܒܢ̈ܝ ܢܘܟܪ̈ܝܐ ܓܙܪ ܥܡܗ܂

next chapter