The Comprehensive Aramaic Lexicon

20:01 [ai]	ܘܫܩܼܠ ܡܢ ܬܡܢ ܐܒܪܗܡ ܠܐܪܥܐ ܕܬܝܡܢܐ܂ ܘܝܬܒ ܒܝܬ ܪܩܡ \ܠܒܝܬ ܓܕܪ /ܠܓܕܪ#3#/܂ ܘܥܡܼܪ ܐܒܪܗܡ ܒܓܕܪ܂
20:02 [ai]	ܘܐܡܼܪ ܐܒܪܗܡ ܥܠ ܣܪܐ ܐܢܬܬܗ ܕܚܬܝ ܗܝ܂ ܘܫܕܪ ܐܒܝܡܠܟ ܡܿܠܟܐ ܕܓܕܪ ܘܕܒܪܗܿ ܠܣܪܐ܂
20:03 [ai]	ܘܐܬܼܐ ܐܠܗܐ ܥܠ ܐܒܝܡܠܟ ܒܚܠܡܐ ܕܠܠܝܐ ܘܐܡܼܪ ܠܗ܂ ܗܐ ܡܐܬ ܐܢܬ ܥܠ ܐ̈ܦܝ ܐܢܬܬܐ ܕܕܒܼܪܬ܂ ܡܛܠ ܕܐܢܬܬ ܓܒܪܐ ܗܝ܂
20:04 [ai]	ܘܐܒܝܡܠܟ ܠܐ ܩܼܪܒ ܠܗܿ܂ ܘܐܡܼܪ ܐܒܝܡܠܟ܂ ܡܪܝܐ ‍<‍ܐܠܗܐ#3#‍>‍ ܐܦ ܥܡܐ ܙܟܝܐ ܩܿܛܠ ܐܢܬ܂
20:05 [ai]	ܗܐ ܗܼܘ ܐܡܼܪ ‍<‍ܠܝ#3#‍>‍ ܕܚܬܝ ܗܝ܂ ܘܐܦ ܗܼܝ ܐܡܼܪܬ ܕܐܚܝ ܗܼܘ܂ \ܒܬܡܝܡܘܬ ܠܒܝ /ܒܬܡܝܡܘܬܐ ܕܠܒܝ#3#/ ܘܒܕܟܝܘܬܐ ܕܐ̈ܝܕܝ ܥܒܿܕܬ ܗܕܐ܂
20:06 [ai]	ܘܐܡܼܪ ܠܗ ܐܠܗܐ ܒܚܠܡܐ܂ ܘܐܦ ܐܢܐ ܝܕܥܿ ܐܢܐ܂ ܕܒܬܡܝܡܘܬ ܠܒܟ ܥܒܼܕܬ ܗܕܐ܂ ܘܚܣܟܬܟ ܐܦ ܐܢܐ ܕܠܐ ܬܚܛܐ ܠܝ܂ ܡܛܠ ܗܢܐ ܠܐ ܫܒܩܬܟ ܠܡܩܪܒ ܠܗܿ܂
20:07 [ai]	ܗܫܐ ܐܗܦܟ ܐܢܬܬ ܓܒܪܐ܂ ܡܛܠ ܕܢܒܝܐ ܗܘ܂ ܘܢܨܠܐ ܥܠܝܟ ܘܬܚܐ܂ ܘܐܢ ܠܐ ܡܗܦܟ ܐܢܬ܂ ܕܥ ܕܡܡܬ ܡܐܬ ܐܢܬ܂ ܐܢܬ ܘܟܠ ܕܐܝܬ ܠܟ܂
20:08 [ai]	ܘܩܿܕܡ/ܘܩܡ#3#/ ܐܒܝܡܠܟ ܒܫܦܪܐ/ܒܨܦܪܐ#3#/܂ ܘܩܼܪܐ ܠܟܠܗܘܢ ܥܒܼ̈ܕܘܗܝ܂ ܘܡܠܠ ܟܠܗܝܢ ܡ̈ܠܐ ܗܠܝܢ ܒܐ̈ܕܢܝܗܘܢ܂ ܘܕܚܠܘ ܐܢܫܐ ܛܒ܀
20:09 [ai]	ܘܩܼܪܐ ܐܒܝܡܠܟ ܠܐܒܪܗܡ ܘܐܡܼܪ ܠܗ܂ ܡܢܐ ܥܒܿܕܬ ܠܟ ܘܡܢܐ ܚܛܝܬ ܠܟ܂ ܕܐܝܬܝܬ ܥܠܝ ܘܥܠ ܡܠܟܘܬܝ ܚܛܗܐ ܪܒܐ܂ ܥܒ̈ܕܐ ܕܠܐ ܡܬܥܒܕܝܢ ܥܒܼܕܬ ܥܡܝ܀܀
20:10 [ai]	ܘܐܡܼܪ ܐܒܝܡܠܟ ܠܐܒܪܗܡ܂ ܡܢܐ ܚܼܙܝܬ ܕܥܒܼܕܬ ܦܬܓܡܐ ܗܢܐ܂
20:11 [ai]	ܘܐܡܼܪ ܐܒܪܗܡ܂ ܡܛܠ ܕܐܡܿܪܬ܂ ܕܠܡܐ ܠܝܬ ܕܚܠܬܗ ܕܐܠܗܐ ܒܐܬܪܐ ܗܢܐ܂ ܘܢܩܛܠܘܢܢܝ ܥܠ ܐ̈ܦܝ ܐܢܬܬܝ܂
20:12 [ai]	ܒܪܡ ܫܪܝܪܐܝܬ ܚܬܝ ܗܝ܂ ܒܪܬ ܐܒܝ ܘܠܐ ܒܪܬ ܐܡܝ܂ ܘܗܘܬ ܠܝ ܐܢܬܬܐ܂
20:13 [ai]	\ܘܗܘܼܐ ܕܟܕ /ܘܟܕ#3#/ ܐܦܩܢܝ ܐܠܗܐ ܡܢ ܒܝܬ ܐܒܝ ܐܡܿܪܬ ܠܗܿ ‍<‍ܕܥܝ ܐܢܬܝ#3#‍>‍܂ ܗܕܐ ܛܝܒܘܬܐ ܕܬܥܒܕܝܢ ܥܡܝ܂ ܒܟܠ ܐܬܪ ܕܐܙܠܝܢ ܚܢܢ ܠܬܡܢ܂ ܐܡܪܝ ܥܠܝ ܕܐܚܝ ܗܘ܂
20:14 [ai]	ܘܕܒܼܪ ܐܒܝܡܠܟ ܥܢܐ ܘܬܘܪ̈ܐ ܘܥܒ̈ܕܐ ܘܐ̈ܡܗܬܐ܂ ܘܝܗܼܒ ܠܐܒܪܗܡ ܘܦܢܝ ܠܗ ܠܣܪܐ ܐܢܬܬܗ܂
20:15 [ai]	ܘܐܡܼܪ ܐܒܝܡܠܟ ܠܐܒܪܗܡ/#3#/܂ ܗܐ ܐܪܥܝ ܩܕܡܝܟ܂ ܟܪ ܕܫܦܝܪ/ܕܫܿܦܪ#3#/ ܒܥܝܢ̈ܝܟ ܬܒ܂
20:16 [ai]	ܘܠܣܪܐ ܐܡܼܪ܂ ܗܐ ܝܗܿܒܬ ܐܠܦ ܕܟܣܦ ܠܐܚܘܟܝ܂ ܘܗܐ ܐܦ/#3#/ ܗܼܘ ܝܗܝܒ ܠܟܝ܂ ܚܠܦ ܕܚܦܝܬܝ ܥܝ̈ܢܐ ܕܟܠ ܕܥܡܝ܂ ܘܥܠ ܟܠ ܡܕܡ/#3#/ ܐܟܣܬܝܢܝ܂
20:17 [ai]	ܘܨܠܝ ܐܒܪܗܡ ܩܕܡ ܐܠܗܐ܂ ܘܐܣܝ ܐܠܗܐ ܠܐܒܝܡܠܟ ܘܠܐܢܬܬܗ ܘܠܐ̈ܡܗܬܗ܂ ܘܝܠܼܕ܂
20:18 [ai]	ܡܛܠ ܕܡܐܚܕ ܐܚܕ ܡܪܝܐ ܒܐ̈ܦܝ ܟܠ ܡܪܒܥܐ ܕܒܝܬ ܐܒܝܡܠܟ܂ ܡܛܠ ܣܪܐ ܐܢܬܬܗ ܕܐܒܪܗܡ܂

next chapter