← Back
The Comprehensive Aramaic Lexicon
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܡܪܝܐ ܐܬܕܟܪ ܠܣܪܐ ܐܝܟ ܕܐܡܼܪ܂ ܘܥܒܼܕ ܡܪܝܐ ܠܣܪܐ ܐܝܟ ܕܡܠܠ/ܕܐܡܪ#3#/܂
21:02 [ai]ܘܒܛܢܼܬ ܣܪܐ ܘܝܠܕܬ ܠܐܒܪܗܡ ܒܪܐ ܠܣܝܒܘܬܗ܂ ܠܙܒܢܐ ܕܡܠܠ ܥܡܗ ܐܠܗܐ܂
21:03 [ai]ܘܩܼܪܐ ܐܒܪܗܡ ܫܡ ܒܪܗ ܕܐܬܝܠܕ ܠܗ ܕܝܠܼܕܬ ܠܗ ܣܪܐ ܐܝܣܚܩ܂
21:04 [ai]ܘܓܙܪ ܐܒܪܗܡ ܠܐܝܣܚܩ ܒܪܗ ܒܪ ܬܡܢܝܐ ܝܘܡ̈ܝܢ܂ ܐܝܟ ܕܦܩܕܗ ܐܠܗܐ܂
21:05 [ai]ܘܐܒܪܗܡ ܒܪ ܡܐܐ ܗܘܐ ܫ̈ܢܝܢ܂ ܟܕ ܐܬܝܠܕ ܠܗ ܐܝܣܚܩ ܒܪܗ܂
21:06 [ai]ܘܐܡܼܪܬ ܣܪܐ܂ ܚܕܘܬܐ ܪܒܬܐ/#3#/ ܥܒܼܕ ܠܝ ܐܠܗܐ ܝܘܡܢܐ/#3#/܂ ܟܠ ܕܫܿܡܥ ܢܚܕܐ ܠܝ܂
21:07 [ai]ܘܐܡܼܪܬ ‍<‍ܣܪܐ#3#‍>‍܂ ܡܿܢ ܐܡܪ ܠܐܒܪܗܡ ܕܬܝܢܩ ܒ̈ܢܝܐ ܣܪܐ܂ ܕܝܠܼܕܬ ܠܗ ܒܪܐ ܠܣܝܒܘܬܗ܂
21:08 [ai]ܘܪܒܐ ܛܠܝܐ ܘܐܬܚܣܠ܂ ܘܥܒܼܕ ܐܒܪܗܡ ܡܫܬܝܐ ܪܒܐ ܒܝܘܡܐ ܕܐܬܚܣܠ ܐܝܣܚܩ܂
21:09 [ai]ܘܚܙܬ ܣܪܐ ܠܒܪ ܗܓܪ ܡܨܪܝܬܐ ܕܝܠܼܕܬ ܠܐܒܪܗܡ ܡܓܚܟ܂
21:10 [ai]ܘܐܡܪܬ ܠܐܒܪܗܡ܂ ܐܦܩܝܗܿ ܠܐܡܬܐ ܗܕܐ ܘܠܒܪܗܿ܂ ܡܛܠ ܕܠܐ ܢܐܪܬ ܒܪ ܐܡܬܐ ܗܢܐ ܥܡ ܒܪܝ ܐܝܣܚܩ܂
21:11 [ai]ܘܐܬܒܐܫ ܦܬܓܡܐ ܛܒ܂ ܒܥܝܢ̈ܝ ܐܒܪܗܡ ܥܠ ܨܒܘܬܐ ܕܒܪܗ܂
21:12 [ai]ܘܐܡܼܪ ܐܠܗܐ ܠܐܒܪܗܡ܂ ܠܐ ܢܬܒܐܫ ܒܥܝܢ̈ܝܟ ܥܠ ܛܠܝܐ ܘܥܠ ܐܡܬܟ܂ ܟܠ ܕܐܡܪܐ ܠܟ ܣܪܐ ܫܡܼܥ ܒܩܠܗܿ܂ ܡܛܘܠ ܕܒܐܝܣܚܩ ܢܬܩܪܐ ܠܟ ܙܪܥܐ܂
21:13 [ai]ܘܐܦ ܒܪܗܿ ܕܐܡܬܐ ܠܥܡܐ ܪܒܐ/#3#/ ܐܥܒܕܝܘܗܝ܂ ܡܛܠ ܕܙܪܥܟ ܗܼܘ܀܂
21:14 [ai]ܘܩܿܕܡ ܐܒܪܗܡ ܒܨܦܪܐ܂ ܘܢܣܼܒ ܠܚܡܐ ܘܪܩܒܐ ܕܡ̈ܝܐ ܘܝܗܼܒ ܠܗܓܪ܂ ܘܣܡ ܥܠ ܟܬܦܗܿ ܘܠܛܠܝܐ܂ ܘܫܕܪܗܿ ܘܐܙܼܠܬ܂ ܘܛܥܼܬ ܒܡܕܒܪܐ ܕܒܪܫܒܥ܂
21:15 [ai]ܘܓܡܪܘ ܡ̈ܝܐ ܡܢ ܪܩܒܐ܂ ܘܐܪܡܝܬܗ ܠܛܠܝܐ ܬܚܝܬ ܚܕ ܡܢ ܣܝܚ̈ܐ܂
21:16 [ai]ܘܐܙܼܠܬ \ܘܝܬܼܒܬ/ܝܬܒܬ ܠܗܿ#3#/ ܡܢ ܩܒܘܠ܂ ܐܪܚܩܬ ܐܝܟ ܡܫܕܐ ܒܩܫܬܐ܂ ܡܛܠ ܕܐܡܼܪܬ ܕܠܐ ܐܚܙܐ ܒܡܘܬܗ ܕܛܠܝܐ܂ ܘܝܬܼܒܬ ܡܢ ܩܒܘܠ ܘܐܪܝܡܼܬ ܩܠܗܿ ܘܒܟܼܬ܂
21:17 [ai]ܘܫܡܼܥ ܐܠܗܐ ܒܩܠܗ ܕܛܠܝܐ܂ ܘܩܼܪܐ ܡܠܐܟܗ ܕܐܠܗܐ/ܕܡܪܝܐ#3#/ ܠܗܓܪ ܡܢ ܫܡܝܐ ܘܐܡܼܪ ܠܗܿ܂ ܡܐ ܠܟܝ ܗܓܪ ܠܐ ܬܕܚܠܝܢ ܡܛܠ ܕܫܡܼܥ ܐܠܗܐ ܒܩܠܗ ܕܛܠܝܐ ܐܬܪ ܕܗܼܘ/ܕܬܡܢ ܗܘ#3#/܂
21:18 [ai]ܩܘܡܝ ܫܩܘܠܝ ܠܛܠܝܐ ܘܚܡܣܢܝ ܐ̈ܝܕܝܟܝ ܒܗ܂ ܡܛܠ ܕܠܥܡܐ ܪܒܐ ܐܥܒܕܝܘܗܝ܂
21:19 [ai]ܘܦܬܼܚ ܐܠܗܐ ܥܝܢ̈ܝܗܿ܂ ܘܚܙܬ ܒܪܐ ܕܡ̈ܝܐ܂ ܘܐܙܠܼܬ ܘܡܼܠܬ ܪܩܒܐ ܡ̈ܝܐ/ܕܡ̈ܝܐ#3#/ ܘܐܫܩܝܬܗ ܠܛܠܝܐ܂
21:20 [ai]ܘܗܘܐ ܐܠܗܐ ܥܡܗ ܥܡ ܛܠܝܐ܂ ܘܪܒܼܐ ܘܝܬܼܒ ܒܡܕܒܪܐ ܕܦܪܢ܂ ܘܝܿܠܦ ܗܘܐ ܩܫܬܐ܂
21:21 [ai]ܒܡܕܒܪܐ ܕܦܪܢ܂ ܘܢܣܒܬ ܠܗ ܐܡܗ ܐܢܬܬܐ ܡܢ ܐܪܥܐ ܕܡܨܪܝܢ܀
21:22 [ai]ܘܗܘܼܐ ܒܙܒܢܐ ܗܿܘ܂ ܘܐܡܼܪ ܐܒܝܡܠܟ ܘܦܝܟܠ ܪܒ ܚܝܠܗ ܠܐܒܪܗܡ܂ ܐܠܗܐ ܥܡܟ ܒܟܠ ܕܥܒܿܕ ܐܢܬ܂
21:23 [ai]ܘܗܫܐ ܝܡܝ ܠܝ ܒܐܠܗܐ ܗܪܟܐ܂ ܕܠܐ ܬܕܓܠ ܒܝ ܘܒܛܘܗܡܝ ܘܒܫܪܒܬܝ ܘܐܝܟ ܛܝܒܘܬܐ ܕܥܒܿܕܬ ܥܡܟ ܥܒܼܕ ܥܡܝ܂ ܘܥܡ ܐܪܥܐ ܕܥܡܼܪܬ ܒܗܿ܂
21:24 [ai]ܘܐܡܼܪ ܐܒܪܗܡ ܐܢܐ ܐܡܐ܂
21:25 [ai]ܘܐܟܣ ܐܒܪܗܡ ܠܐܒܝܡܠܟ ܥܠ ܨܒܘܬܐ ܕܒܪܐ ܕܡ̈ܝܐ܂ ܕܚܦܪܘ ܥܒ̈ܕܘܗܝ ܕܐܒܪܗܡ ܘܫܩܠܘܗܿ ܥܒ̈ܕܘܗܝ ܕܐܒܝܡܠܟ܂
21:26 [ai]ܘܐܡܼܪ ܐܒܝܡܠܟ܂ ܠܐ ܝܕܥܿܬ ܡܢܘ ܥܒܼܕ ܦܬܓܡܐ ܗܢܐ܂ ܘܐܦ ܐܢܬ ܠܐ ܚܘܝܬܢܝ܂ ܘܐܦ ܐܢܐ ܠܐ ܫܡܿܥܬ܂ ܐܠܐ ܐܢ ܝܘܡܢܐ܂
21:27 [ai]ܘܕܒܼܪ ܐܒܪܗܡ ܥܢܐ ܘܬܘܪ̈ܐ܂ ܘܝܗܼܒ ܠܐܒܝܡܠܟ܂ ܘܐܩܝܡܘ ܬܪ̈ܝܗܘܢ ܩܝܡܐ܂
21:28 [ai]ܘܐܩܝܡ ܐܒܪܗܡ ܫܒܥ ܦܪ̈ܬܐ ܕܥܢܐ ܒܠܚܘܕܝܗܝܢ܂
21:29 [ai]ܘܐܡܼܪ ܐܒܝܡܠܟ ܠܐܒܪܗܡ܂ ܡܢܐ ܐ̈ܢܝܢ ܗܠܝܢ ܫܒܥ ܦܪ̈ܬܐ ܕܥܢܐ ܕܐܩܝܡܬ ܒܠܚܘܕܝܗܝܢ܂
21:30 [ai]ܘܐܡܼܪ ‍<‍ܐܒܪܗܡ#3#‍>‍ ܕܫܒܥ ܦܪ̈ܬܐ ܬܣܒ ܡܢ ܐ̈ܝܕܝ ܡܛܠ ܕܬܗܘܐ ܠܝ ܣܗܕܘܬܐ ܕܚܦܪܬ ܒܪܐ ܗܕܐ܂
21:31 [ai]ܡܛܠ ܗܢܐ ܩܼܪܐ ܠܐܬܪܐ ܗܿܘ ܒܪܫܒܥ܂ ܡܛܠ ܕܬܡܢ ܝܡܘ ܬܪ̈ܝܗܘܢ܂
21:32 [ai]ܘܐܩܝܼܡܘ ܩܝܡܐ ܒܒܪܫܒܥ܂ ܘܩܡ ܐܒܝܡܠܟ ܘܦܝܟܠ ܪܒ ܚܝܠܗ܂ ܘܗܦܟܘ ܠܐܪܥܐ ܕܦܠܫ̈ܬܝܐ܂
21:33 [ai]ܘܢܼܨܒ ܐܒܪܗܡ ܢܨܒܬܐ ܒܒܪܫܒܥ܂ ܘܩܼܪܐ ܬܡܢ ܒܫܡܗ ܕܡܪܝܐ ܐܠܗܐ ܕܥܠܡ̈ܐ܂
21:34 [ai]ܘܥܡܼܪ ܐܒܪܗܡ ܒܐܪܥܐ ܕܦܠܫ̈ܬܝܐ ܝܘܡ̈ܬܐ ܣ̈ܓܝܐܐ܀

next chapter