← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܘܐܘܣܦ ܐܒܪܗܡ ܘܢܣܒ ܐܢܬܬܐ܂ ܘܫܡܗܿ ܩܢܛܘܪܐ܂
25:02 [ai]ܘܝܠܼܕܬ ܠܗ ܠܙܡܪܢ ܘܝܩܫܢ܂ ܘܡܕܢ ܘܡܕܝܢ܂ ܘܐܫܒܩ ܘܫܘܚ܂
25:03 [ai]ܘܝܩܫܢ ܐܘܠܕ ܠܫܒܐ ܘܠܕܪܢ܂ ܘܒܢ̈ܝ ܕܪܢ ܗܘܘ܂ ܐܫܘܕܝܡ ܘܠܛܫܝܡ ܘܐܡܝܡ܂
25:04 [ai]ܘܒܢ̈ܝ ܡܕܝܢ܂ ܥܦܐ ܘܚܦܪ܂ ܘܚܢܘܟ ܘܐܒܝܕܥ ܘܐܠܕܥܐ܂ ܟܠܗܘܢ ܗܠܝܢ ܒ̈ܢܝ ܩܢܛܘܪܐ܂
25:05 [ai]ܘܝܗܼܒ ܐܒܪܗܡ ܟܠܡܕܡ/ܟܠ ܡܐ#3#/ ܕܐܝܬ ܠܗ ܠܐܝܣܚܩ ܒܪܗ܂
25:06 [ai]ܘܠܒܢ̈ܝ ܕܪܘܟܬܗ ܕܐܒܪܗܡ܂ ܝܗܼܒ ܐܒܪܗܡ ܡܘܗ̈ܒܬܐ܂ ܘܫܕܪ ܐܢܘܢ ܡܢ ܠܘܬ ܐܝܣܚܩ ܒܪܗ ܥܕ ܗܼܘ ܚܝ ܩܕܡܝܬ ܠܐܪܥܐ/ܠܐܬܪܐ#3#/ ܕܡܕܢܚܐ܂
25:07 [ai]ܘܗܠܝܢ ܝܘܡ̈ܝ ܫ̈ܢܝ ܚܝ̈ܘܗܝ ܕܐܒܪܗܡ ܕܚܼܝܐ܂ ܡܐܐ ܘܫܒܥܝܢ ܘܚܡܫ ܫ̈ܢܝܢ܀܀܂
25:08 [ai]ܘܐܬܟܪܗܼ ܘܡܝܬ ܐܒܪܗܡ ܒܣܝܒܘܬܐ ܛܒܬܐ܂ ܣܐܒ ܘܣܒܼܥ ܝܘܡ̈ܬܗ ܘܐܬܟܢܫ ܠܘܬ ܥܡܗ܂
25:09 [ai]ܘܩܒܪܘܗܝ ܐܝܣܚܩ ܘܐܝܫܡܥܝܠ ܒܢ̈ܘܗܝ܂ ܒܡܥܪܬܐ ܐܥܝܦܬܐ ܕܒܚܩܠܐ ܕܥܦܪܘܢ ܒܪ ܨܚܪ ܚܬܝܐ ܕܩܕܡ ܡܡܪܐ܂
25:10 [ai]ܚܩܠܐ ܕܙܒܢ ܐܒܪܗܡ ܡܢ ܒ̈ܢܝ ܚܝܬ \ܠܝܘܪܬܢܐ ܕܩܒܪܐ /#3#/܂ ܬܡܢ ܐܬܩܒܪ ܐܒܪܗܡ ܘܣܪܐ ܐܢܬܬܗ܂
25:11 [ai]ܘܗܘܼܐ ܡܢ ܒܬܪ ܕܡܝܬ ܐܒܪܗܡ܂ ܒܪܟ ܐܠܗܐ ܠܐܝܣܚܩ ܒܪܗ܂ ܘܝܬܼܒ ܐܝܣܚܩ ܥܠ ܓܢܒ ܒܪܐ ܕܚܝܐ ܚܙܢܝ/#3#/܀܀
25:12 [ai]ܘܗܠܝܢ ܬܘܠܕܬ̈ܗ ܕܐܝܫܡܥܝܠ ܒܪ ܐܒܪܗܡ܂ ܕܝܠܼܕܬ ܗܓܪ ܡܨܪܝܬܐ ܐܡܬܗܿ ܕܣܪܐ ܠܐܒܪܗܡ܂
25:13 [ai]ܘܗܠܝܢ ܫܡ̈ܗܐ ܕܒܢ̈ܝ ܐܝܫܡܥܝܠ ܒܫܡ̈ܗܝܗܘܢ ܠܬ̈ܘܠܕܬܗܘܢ܂ ܒܘܟܪܗ ܕܐܝܫܡܥܝܠ ܢܒܝܘܬ܂ ܘܩܕܪ ܘܐܪܟܠ܂ ܘܡܒܣܡ܂
25:14 [ai]ܘܡܫܡܥ܂ ܘܪܘܡܐ ܘܡܣܐ܂
25:15 [ai]ܘܚܕܪ ܘܬܝܡܐ ܘܢܛܘܪ ܘܢܦܫ܂ ܘܩܕܡ܂
25:16 [ai]ܗܠܝܢ ܐܢܘܢ ܒܢ̈ܘܗܝ ܕܐܝܫܡܥܝܠ܂ ܘܗܠܝܢ ܫ̈ܡܗܝܗܘܢ ܒܕܝܪ̈ܝܗܘܢ/ܒܕܪ̈ܝܗܘܢ#1##2#/ ܘܒܛܝܪ̈ܝܗܘܢ܂ ܬܪ̈ܥܣܪ ܪܘܪ̈ܒܢܝܢ ܠܐܡ̈ܘܬܗܘܢ܀
25:17 [ai]ܘܗܠܝܢ ܫ̈ܢܝ ܚܝ̈ܘܗܝ ܕܐܝܫܡܥܝܠ܂ ܡܐܐ ܘܬܠܬܝܢ ܘܫܒܥ ܫ̈ܢܝܢ܂ ܘܐܬܟܪܗ ܘܡܝܬ ܘܐܬܟܢܫ ܠܘܬ ܥܡܗ܂
25:18 [ai]ܘܫܪܘ ܡܢ ܚܘܝܠܐ ܘܥܕܡܐ ܠܫܘܕ ܕܩܕܡ ܡܨܪܝܢ܂ ܕܒܡܥܠܢܐ ܕܐܬܘܪ܂ ܥܠ ܬܚܘܡܐ ܕܟܠܗܘܢ ܐܚ̈ܘܗܝ ܫܼܪܐ܂
25:19 [ai]ܘܗܠܝܢ ܬܘ̈ܠܕܬܗ ܕܐܝܣܚܩ ܒܪ ܐܒܪܗܡ܂ ܐܒܪܗܡ ܐܘܠܕ ܠܐܝܣܚܩ܂
25:20 [ai]ܘܗܘܐ ܐܝܣܚܩ ܒܪ ܐܪ̈ܒܥܝܢ ܫ̈ܢܝܢ܂ ܟܕ ܢܣܼܒ ܠܪܦܩܐ ܒܪܬ ܒܬܘܐܝܠ ܐܪܡܝܐ ܡܢ ܦܕܢ ܕܐܪܡ܂ ܚܬܗ ܕܠܒܢ ܐܪܡܝܐ ܠܗ ܐܢܬܬܐ܂
25:21 [ai]ܘܨܠܝ ܐܝܣܚܩ ܩܕܡ ܡܪܝܐ ܡܛܠ ܐܢܬܬܗ ܕܥܩܪܬܐ ܗܝ܂ ܘܥܢܝܗܝ ܡܪܝܐ܂ ܘܒܛܢܬ ܪܦܩܐ ܐܢܬܬܗ܂
25:22 [ai]ܘܐܠܨܝܢ ܒ̈ܢܝܗܿ ܒܟܪܣܗܿ܂ ܘܐܡܼܪܬ܂ ܐܢ ܗܟܢܐ ܗܘ ܠܡܢܐ ܚܝܐ ܐܢܐ܂ ܘܐܙܠܼܬ ܠܡܫܐܠ/ܘܒܥܬ#3#/ ܡܢ ܡܪܝܐ܂
25:23 [ai]ܘܐܡܼܪ ܠܗܿ ܡܪܝܐ܂ ܬܪ̈ܝܢ ܥܡ̈ܡܝܢ ܒܡ̈ܥܝܟܝ܂ ܘܬܪ̈ܬܝܢ ܐ̈ܡܘܢ ܡܢ ܡ̈ܥܝܟܝ ܢܬܦܪܫܢ܂ ܘܐܘܡܬܐ ܡܢ ܐܘܡܬܐ ܬܥܫܢ܂ ܘܪܒܐ ܢܫܬܥܒܕ ܠܙܥܘܪܐ܂
25:24 [ai]ܘܫܠܼܡܘ ܝܘܡ̈ܬܗܿ ܠܡܐܠܕ܂ ܘܗܐ ܬܡ̈ܐ ܒܟܪܣܗܿ܂
25:25 [ai]ܘܢܦܩ ܩܕܡܝܐ ܣܡܩܪܝ܂ ܘܟܠܗ ܥܙܩ̈ܬܐ ܕܣܥܪܐ܂ ܘܩܼܪܐ ܫܡܗ ܥܣܘ܂
25:26 [ai]ܘܒܬܪܗ/ܘܒܬܪܟܢ#3#/ ܢܦܼܩ ܐܚܘܗܝ܂ ܘܐܝܕܗ ܐܚܝܕܐ ܒܥܩܒܗ ܕܥܣܘ܂ ܘܩܼܪܐ ܫܡܗ ܝܥܩܘܒ܂ ܘܐܝܣܚܩ ܒܪ ܫܬܝܢ ܗܘܐ ܫ̈ܢܝܢ ܟܕ ܝܠܼܕܬ ܐܢܘܢ܂
25:27 [ai]ܘܪܒܘ ܛ̈ܠܝܐ܂ ܘܗܘܼܐ ܥܣܘ ܓܒܪܐ ܝܕܥܿ ܨܝܕܐ ܓܒܪܐ ܕܒܪܐ܂ ܘܝܥܩܘܒ ܓܒܪ ܬܡܝܡ ܘܥܡܿܪ ܒܡܫܟܢܐ܂
25:28 [ai]ܘܪܚܼܡ ܐܝܣܚܩ ܠܥܣܘ܂ ܡܛܠ ܕܨܝܕܗ ܒܦܘܡܗ܂ ܘܪܦܩܐ ܪܚܼܡܬ ܠܝܥܩܘܒ܂
25:29 [ai]ܘܒܫܿܠ ܝܥܩܘܒ ܒܘܫܠܐ܂ ܘܗܐ/#3#/ ܥܣܘ ܐܚܘܗܝ/#3#/ ܐܬܼܐ ܡܢ ܚܩܠܐ܂ ܘܗܼܘ ܡܼܛܪܦ܂
25:30 [ai]ܘܐܡܼܪ ܥܣܘ ܠܝܥܩܘܒ܂ ܐܛܥܡܝܢܝ ܡܢ ܣܘܡ̈ܩܐ ܣܘܡܩܐ ܗܢܐ܂ ܡܛܠ ܕܡܼܛܪܦ ܐܢܐ܂ ܡܛܠ ܗܢܐ ܩܼܪܐ ܫܡܗ ܐܕܘܡ܂
25:31 [ai]ܐܡܿܪ ܠܗ/#3#/ ܝܥܩܘܒ܂ ܙܒܿܢ ܠܝ ܝܘܡܢܐ ܒܘܟܪܘܬܟ܂
25:32 [ai]ܘܐܡܼܪ ܥܣܘ ܒܠܒܗ/ܒܢܦܫܗ#3#/܂ ܗܐ ܐܢܐ ܐܿܙܠ ܐܢܐ/#3#/ ܠܡܡܬ܂ ܠܡܢܐ ܐܙܠܐ ܠܝ ܒܘܟܪܘܬܐ܂
25:33 [ai]ܐܡܿܪ ܠܗ/#3#/ ܝܥܩܘܒ܂ ܝܡܝ ܠܝ ܝܘܡܢܐ܂ ܘܝܡܐ ܠܗ܂ ܘܙܒܢ ܒܘܟܪܘܬܗ ܠܝܥܩܘܒ܂
25:34 [ai]ܘܝܥܩܘܒ ܝܗܼܒ ܠܥܣܘ/ܠܗ#3#/ ܠܡܠܥܣ ܠܚܡܐ ܘܒܘܫܠܐ ܕܛܠܦܚ̈ܐ܂ ܘܠܥܣ ܘܐܫܬܝ܂ ܘܩܡ ܐܙܠ܂ ܘܒܣܿܪ ܥܣܘ ܥܠ ܒܘܟܪܘܬܐ܀܀܂

next chapter