← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


26:01 [ai]ܘܗܘܐ ܟܦܢܐ ܒܐܪܥܐ܂ ܣܛܪ ܡܢ ܟܦܢܐ ܩܕܡܝܐ ܕܗܘܼܐ ܒܝܘ̈ܡܝ ܐܒܪܗܡ܂ ܘܐܙܼܠ ܐܝܣܚܩ ܠܘܬ ܐܒܝܡܠܟ ܡܿܠܟܐ ܕܦܠܫ̈ܬܝܐ ܠܓܕܪ܂
26:02 [ai]ܘܐܬܚܙܝ ܠܗ ܡܪܝܐ ܘܐܡܼܪ ܠܗ܂ ܠܐ ܬܚܘܬ ܠܡܨܪܝܢ܂ ܫܼܪܝ ܒܐܪܥܐ ܕܐܡܼܪ ܠܟ܂
26:03 [ai]ܥܡܼܪ ܒܐܪܥܐ ܗܕܐ܂ ܘܐܿܗܘܐ ܥܡܟ ܘܐܒܪܟܟ܂ ܡܛܠ ܕܠܟ ܘܠܙܪܥܟ ܐܬܠ ܟܘܠܗܝܢ ܡ̈ܠܟܘܬܐ/ܐܪ̈ܥܬܐ#3#/ ܗܠܝܢ܂ ܘܐܩܝܡ ܡ̈ܘܡܬܐ ܕܝܡܿܝܬ ܠܐܒܪܗܡ ܐܒܘܟ܂
26:04 [ai]ܘܐܣܓܐ ܙܪܥܟ ܐܝܟ ܟܘܟܒ̈ܝ ܫܡܝܐ܂ ܘܐܬܠ ܠܙܪܥܟ ܟܠܗܝܢ ܐܪ̈ܥܬܐ ܗܠܝܢ܂ ܘܢܬܒܪܟܘܢ ܒܙܪܥܟ ܟܠܗܘܢ ܥܡ̈ܡܐ ܕܐܪܥܐ܂
26:05 [ai]ܚܠܦ ܕܫܡܼܥ ܐܒܪܗܡ ܒܩܠܝ܂ ܘܢܛܪ ܢܛܘܪ̈ܬܝ ܘܦܘܩ̈ܕܢܝ ܘܩܝ̈ܡܝ ܘܢܡܘ̈ܣܝ܂
26:06 [ai]ܘܝܬܼܒ ܐܝܣܚܩ ܒܓܕܪ܂
26:07 [ai]ܘܫܐܠܘܗܝ ܐܢܫ̈ܝ ܐܬܪܐ ܥܠ ܐܢܬܬܗ܂ ܘܐܡܼܪ ܚܬܝ/ܕܚܬܝ#3#/ ܗܝ܂ ܡܛܠ ܕܕܚܼܠ ܕܢܐܡܪ ܕܐܢܬܬܝ ܗܼܝ܂ ܕܠܡܐ ܢܩܛܠܘܢܗ ܐܢܫ̈ܝ ܐܬܪܐ ܡܛܠ ܪܦܩܐ ܕܫܦܝܪܐ ܗܝ ܒܚܙܘܗܿ܂
26:08 [ai]ܘܗܘܐ ܕܟܕ ܢܓܼܪܘ ܠܗ ܬܡܢ ܝܘܡ̈ܬܐ܂ ܐܕܝܩ ܐܒܝܡܠܟ ܡܿܠܟܐ ܕܦܠܫܬ̈ܝܐ ܡܢ ܟܘܬܐ܂ ܘܚܙܝܗܝ ܠܐܝܣܚܩ ܟܕ ܡܓܚܟ ܥܡ ܪܦܩܐ ܐܢܬܬܗ܂
26:09 [ai]ܘܩܼܪܐ ܐܒܝܡܠܟ ܠܐܝܣܚܩ ܘܐܡܼܪ ܠܗ܂ ܗܐ ܐܢܬܬܟ ܗܝ܂ ܐܝܟܢܐ ܐܡܿܪ ܗܘܝܼܬ ܕܚܬܝ ܗܝ܂ ܐܡܿܪ ܠܗ ܐܝܣܚܩ܂ ܡܛܠ ܕܐܡܿܪܬ ܕܠܡܐ ܐܡܘܬ ܡܛܠܬܗܿ܂
26:10 [ai]ܐܡܿܪ ܠܗ/#3#/ ܐܒܝܡܠܟ܂ ܡܢܘ ܗܢܐ ܕܥܒܼܕܬ ܠܢ܂ ܥܕ ܩܠܝܠ ܕܡܿܟ ܗܘܼܐ ܚܕ ܡܢ ܥܡܐ ܥܡ ܐܢܬܬܟ܂ ܘܡܿܝܬܐ ܗܘܝܼܬ ܥܠܝܢ ܚܛܗܐ܂
26:11 [ai]ܘܦܩܿܕ ܐܒܝܡܠܟ ܠܟܠܗ ܥܡܐ ܘܐܡܼܪ܂ ܡܿܢ ܕܡܿܗܪ ܠܓܒܪܐ ܗܢܐ ܘܠܐܢܬܬܗ ܡܬܩܛܠܘ ܢܬܩܛܠ܂
26:12 [ai]ܘܙܪܥܼ ܐܝܣܚܩ ܒܐܪܥܐ ‍<‍ܗܿܝ#3#‍>‍܂ ܘܐܫܟܚ ܒܫܢܬܐ ܗܿܝ ܡܐܐ ܕܣܥܪ̈ܐ܂ ܘܒܪܟܗ ܡܪܝܐ܂
26:13 [ai]ܘܝܪܼܒ ܓܒܪܐ܂ ܘܐܙܿܠ ܡܐܙܠ ܥܕܡܐ ܕܝܪܼܒ ܛܒ܂
26:14 [ai]ܘܗܘܼܐ ܠܗ ܩܢܝܢܐ ܕܥܢܐ ܘܩܢܝܢܐ ܕܬܘܪ̈ܐ ܘܥܒܕܬܐ ܪܒܬܐ܂ ܘܛܢܘ ܒܗ ܦܠܫܬ̈ܝܐ܂
26:15 [ai]ܘܟܠܗܝܢ ܒܪ̈ܐ ܕܚܦܪܘ ܥܒ̈ܕܝ ܐܒܘܗܝ ܒܝ̈ܘܡܘܗܝ ܕܐܒܪܗܡ ܐܒܘܗܝ܂ ܛܡܡܘ ܐ̈ܢܝܢ ܦܠܫ̈ܬܝܐ܂ ܘܡܠܘ ܐ̈ܢܝܢ ܥܦܪܐ܂
26:16 [ai]ܘܐܡܼܪ ܐܒܝܡܠܟ ܠܐܝܣܚܩ܂ ܙܠ ܠܟ ܡܢ ܠܘܬܢ܂ ܡܛܠ ܕܥܫܼܢܬ ܡܢܢ ܛܒ܂
26:17 [ai]ܘܐܙܼܠ ܡܢ ܬܡܢ ܐܝܣܚܩ܂ ܘܫܼܪܐ ܒܢܚܠܐ ܕܓܕܪ܂ ܘܝܬܼܒ ܬܡܢ܂
26:18 [ai]ܘܗܼܦܟ ܐܝܣܚܩ ܘܚܦܼܪ ܒܪ̈ܐ ܕܡ̈ܝܐ܂ ܕܚܦܪܘ ܥܒܼ̈ܕܝ ܐܒܘܗܝ ܒܝ̈ܘܡܘܗܝ ܕܐܒܪܗܡ ܐܒܘܗܝ܂ ܘܛܡܡܘ ܐܢܝ̈ܢ ܦܠܫ̈ܬܝܐ ܡܢ ܒܬܪ ܕܡܝܬ ܐܒܪܗܡ/ܐܒܘܗܝ#3#/܂ ܘܩܼܪܐ ܠܗܝܢ ܫ̈ܡܗܐ ܐܝܟ ܫܡ̈ܗܐ ܕܩܿܪܐ ܗܘܐ ܠܗܝܢ ܐܒܘܗܝ܂
26:19 [ai]ܘܚܦܪܘ ܥܒ̈ܕܘܗܝ ܕܐܝܣܚܩ ܒܢܚܠܐ܂ ܘܐܫܟܚܘ ܬܡܢ ܒܪܐ ܕܡ̈ܝܐ ܚ̈ܝܐ܂
26:20 [ai]ܘܢܨܘ ܪ̈ܥܘܬܐ ܕܓܕܪ ܥܡ ܪ̈ܥܘܬܐ ܕܐܝܣܚܩ ܘܐܡܪܘ܂ ܕܝܠܢ ܐܢܘܢ ܡ̈ܝܐ܂ ܘܩܼܪܐ ܫܡܗܿ ܕܒܪܐ ‍<‍ܗܿܝ#2#‍>‍ ܥܣܩܐ܂ ܡܛܠ ܕܐܬܥܣܩܘ ܥܡܗ܂
26:21 [ai]ܘܚܦܪܘ ܒܪܐ ܐܚܪܬܐ܂ ܘܢܨܘ ܐܦ/#3#/ ܥܠܝܗܿ܂ ܘܩܼܪܐ ‍<‍ܐܦ#2#‍>‍ ܫܡܗܿ/#3#/ ܣܛܢܐ܂
26:22 [ai]ܘܫܼܢܝ ܡܢ ܬܡܿܢ܂ ܘܚܦܪܘ ܒܪܐ ܐܚܪܬܐ ܘܠܐ ܢܨܘ ܥܠܝܗܿ܂ ܘܩܼܪܐ ܫܡܗܿ ܪܚܒܘܬ܂ ܘܐܡܼܪ܂ ܗܫܐ ܐܪܘܚ ܠܢ ܡܪܝܐ ܘܣܓܝܢ ܒܐܪܥܐ܂
26:23 [ai]ܘܣܠܼܩ ܡܢ ܬܡܿܢ ܠܒܪܫܒܥ܂
26:24 [ai]ܘܐܬܓܠܝ ܥܠܘܗܝ ܡܪܝܐ ܒܠܠܝܐ ܗܿܘ ܘܐܡܼܪ ܠܗ܂ ܐܢܐ ܐܢܐ ܐܠܗܗ ܕܐܒܪܗܡ ܐܒܘܟ܂ ܠܐ ܬܕܚܠ ܡܛܠ ܕܥܡܟ ܐܢܐ܂ ܘܐܒܪܟܟ ܘܐܣܓܐ ܙܪܥܟ܂ ܡܛܠ ܐܒܪܗܡ ܥܒܕܝ܂
26:25 [ai]ܘܒܢܼܐ ܬܡܿܢ ܡܕܒܚܐ܂ ܘܩܼܪܐ ܒܫܡܗ ܕܡܪܝܐ܂ ܘܢܩܼܫ ܬܡܢ ܡܫܟܢܗ܂ ܘܚܦܪܘ ܬܡܿܢ ܥܒ̈ܕܘܗܝ ܕܐܝܣܚܩ ܒܪܐ܂
26:26 [ai]ܘܐܒܝܡܠܟ ܐܬܼܐ ܠܘܬܗ ܡܢ ܓܕܪ ܘܐܚܙܘܬ ܪܚܡܗ ܘܦܝܟܠ ܪܒ ܚܝܠܗ܂
26:27 [ai]ܘܐܡܼܪ ܠܗܘܢ ܐܝܣܚܩ܂ ܡܢܐ ܐܬܝܼܬܘܢ ܠܘܬܝ܂ ܐܢܬܘܢ ܣܢܝܬܘܢܢܝ ܘܫܕܪܬܘܢܢܝ ܡܢ ܠܘܬܟܘܢ܂
26:28 [ai]ܘܐܡܪܘ ܠܗ/#3#/܂ ܡܚܙܐ ܚܙܝܢ ܕܗܘܐ ܡܪܝܐ ܥܡܟ܂ ܘܐܡܪܢ ܕܬܗܘܐ ܡܘ̈ܡܬܐ ܒܝܢ̈ܝܢ ܘܠܟ܂ ܘܢܩܝܡ ܩܝܡܐ ܥܡܟ܂
26:29 [ai]ܕܠܐ ܬܥܒܕ ܠܢ ܒܝܫܬܐ܂ ܐܝܟܢܐ/ܐܝܟ#3#/ ܕܠܐ ܐܗܪܢܟ܂ ܘܐܝܟܢܐ ܕܥܒܕܢ ܠܘܬܟ ܫܦܝܪܬܐ ܘܫܕܪܢܟ ܒܫܠܡܐ܂ ܐܢܬ ܗܼܘ ܗܫܐ ܒܪܝܟܗ ܕܡܪܝܐ܂
26:30 [ai]ܘܥܒܼܕ ܠܗܘܢ ܡܫܬܝܐ܂ ܘܠܥܣܘ ܘܐܫܬܝܘ܂
26:31 [ai]ܘܩܿܕܡܘ ܒܨܦܪܐ ܘܝܡܘ ܓܒܪ ܠܐܚܘܗܝ/ܠܚܒܪܗ#3#/܂ ܘܫܕܪ ܐܢܘܢ ܐܝܣܚܩ܂ ܘܐܙܠܘ ܡܢ ܠܘܬܗ ܒܫܠܡܐ܂
26:32 [ai]ܘܗܘܼܐ ܒܝܘܡܐ ܗܿܘ ܘܐܬܘ ܥܒܼ̈ܕܘܗܝ ܕܐܝܣܚܩ܂ ܘܚܘܝܘܗܝ ܥܠ ܨܒܘܬܐ ܕܒܪܐ ܕܚܦܪܘ܂ ܘܐܡܪܘ ܠܗ ܐܫܟܚܢ ܡ̈ܝܐ܂
26:33 [ai]ܘܩܼܪܐ ܫܡܗܿ ܣܒܥܐ܂ ܡܛܠ ܗܢܐ ܩܼܪܐ ܫܡܗܿ ܕܩܪܝܬܐ ܒܪܣܒܥ܂ ܥܕܡܐ ܠܝܘܡܢܐ܂
26:34 [ai]ܘܗܘܼܐ ܥܣܘ ܒܪ ܐܪ̈ܒܥܝܢ ܫ̈ܢܝܢ܂ ܘܢܣܼܒ ܐܢܬܬܐ ܠܝܗܘܕܝܬ ܒܪܬ ܒܪܝ ܚܬܝܐ܂ ܘܠܒܣܡܬ ܒܪܬ ܐܠܘܢ ܚܘܝܐ܂
26:35 [ai]ܘܗ̈ܘܝ ܡܡܪ̈ܢ ܠܪܘܚܗ ܕܐܝܣܚܩ ܘܕܪܦܩܐ܂

next chapter