← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


29:01 [ai]ܘܐܪܝܡ ܝܥܩܘܒ ܪ̈ܓܠܘܗܝ܂ ܘܐܙܠ ܠܐܪܥܐ ܕܒ̈ܢܝ ܡܕܢܚܐ܂
29:02 [ai]ܘܚܼܙܐ ܘܗܐ ܒܪܐ ܒܚܩܠܐ܂ ܘܬܡܢ ܬܠܬܐ ܓܙܪ̈ܝܢ ܕܥܢܐ ܪ̈ܒܝܥܝܢ/ܪ̈ܒܥܝܢ#3#/ ܥܠܝܗܿ܂ ܡܛܠ ܕܡܢ ܒܪܐ ܗܿܝ ܫܬܝܢ ܓܙܪ̈ܐ܂ ܘܟܐܦܐ ܪܒܬܐ ܥܠ ܦܘܡܗܿ ܕܒܪܐ܂
29:03 [ai]ܘܡܬܟܢܫܝܢ ܠܬܡܢ ܟܠܗܘܢ ܓܙܪ̈ܐ܂ ܘܡܥܓܠܝܢ ܟܐܦܐ ܡܢ ܦܘܡܗܿ ܕܒܪܐ ܘܡܫܩܝܢ ܥܢܐ/ܓܙܪ̈ܐ#3#/܂ ܘܡܗܦܟܝܢ ܟܐܦܐ ܠܦܘܡܗܿ ܕܒܪܐ ܠܕܘܟܬܗܿ܂
29:04 [ai]ܐܡܿܪ ܠܗܘܢ ܝܥܩܘܒ܂ ܐ̈ܚܝ ܐܝܡܟܐ ܐܢܬܘܢ܂ ܐܡܪܝܢ ܠܗ ܡܢ ܚܪܢ ܚܢܢ܂
29:05 [ai]ܐܡܿܪ ܠܗܘܢ܂ ܝܕܥܝܢ ܐܢܬܘܢ ‍<‍ܠܗ#3#‍>‍ ܠܠܒܢ ܒܪ ܢܚܘܪ܂ ܐܡܪ̈ܝܢ ܠܗ/#3#/܂ ܝܕܥܝܢܢ܂
29:06 [ai]ܐܡܿܪ ܠܗܘܢ/#3#/܂ ܫܼܠܡ ܗܘ܂ ܐܡܪܝܢ ܠܗ/#3#/ ܫܠܡ ‍<‍ܗܘ#3#‍>‍܂ ܘܗܐ ܪܚܝܠ ܒܪܬܗ ܐܬܝܐ ܥܡ ܥܢܐ܂
29:07 [ai]ܐܡܿܪ \ܠܗܘܢ ܝܥܩܘܒ /#3#/܂ ܗܐ/#3#/ ܥܕܟܝܠ ܝܘܡܐ ܩܝܡ܂ ܠܐ ܗܘܼܐ ܙܒܢܐ ܠܡܟܢܫ ܒܥܝܪ̈ܐ/ܥܢܐ#3#/܂ ܐܫܩܘ ܥܢܐ ܘܙܠܘ ܐܪܥܘ܂
29:08 [ai]ܐܡܪܝܢ ܠܗ/#3#/܂ ܠܐ ܡܫܟܚܝܢܢ ܥܕܡܐ ܕܡܬܟܢܫܝܢ ܟܠܗܘܢ ܓܙܪ̈ܐ ܘܡܥܓܠܝܢ ܟܐܦܐ ܡܢ ܦܘܡܗܿ ܕܒܪܐ ܘܡܫܩܝܢ ܚܢܢ ܥܢܐ܂
29:09 [ai]ܘܥܕ/ܘܟܕ#3#/ ܗܼܘ ܡܡܠܠ ܥܡܗܘܢ܂ ܪܚܝܠ ܐܬܬ ܥܡ ܥܢܐ ܕܐܒܘܗܿ ܡܛܠ ܕܪܥܝܬܐ ܗܝ܀
29:10 [ai]ܘܟܕ ܚܙܗܿ ܝܥܩܘܒ ܠܪܚܝܠ܂ ܒܪܬ ܠܒܢ ܐܚܘܗܿ ܕܐܡܗ܂ ܘܠܥܢܐ ܕܠܒܢ ܐܚܘܗܿ ܕܐܡܗ܂ ܩܪܼܒ ܝܥܩܘܒ ܘܥܓܠ ܟܐܦܐ ܡܢ ܦܘܡܗܿ ܕܒܪܐ܂ ܘܐܫܩܝ ܠܥܢܐ ܕܠܒܢ ܐܚܘܗܿ ܕܐܡܗ܂
29:11 [ai]ܘܢܫܩܗܿ ܝܥܩܘܒ ܠܪܚܝܠ܂ ܘܐܪܝܡ ܩܠܗ ܘܒܟܼܐ܂
29:12 [ai]ܘܚܘܝ ܝܥܩܘܒ ܠܪܚܝܠ ܕܐܚܐ ܗܘ ܕܐܒܘܗܿ܂ ܘܕܒܪ ܪܦܩܐ ܗܘ܂ ܘܪܗܼܛܬ ܘܚܼܘܝܬ ܠܐܒܘܗܿ/ܠܒܝܬ ܐܒܘܗܿ#3#/܂
29:13 [ai]ܘܟܕ ܫܡܼܥ ܠܒܢ ܫܡܥܐ ܕܝܥܩܘܒ ܒܪ ܚܬܗ܂ ܪܗܼܛ ܠܐܘܪܥܗ ܘܥܦܩܗ ܘܢܫܩܗ܂ ܘܐܝܬܝܗ ܠܒܝܬܗ܂ ܘܐܫܬܥܝ ܠܠܒܢ ܟܠܗܝܢ ܡ̈ܠܐ ܗܠܝܢ܂
29:14 [ai]ܐܡܿܪ ܠܗ ܠܒܢ܂ ܫܪܝܪܐܝܬ ܓܪܡܝ ܐܢܬ ܘܒܣܪܝ܂ ܘܝܬܼܒ ܠܘܬܗ ܝܪܚ ܝܘܡ̈ܝܢ܂
29:15 [ai]ܘܐܡܼܪ ܠܒܢ ܠܝܥܩܘܒ܂ ܫܪܝܪܐܝܬ ܐܚܝ ܐܢܬ܂ ܬܦܠܚܢܝ ܡܓܢ܂ ܚܘܢܝ ܡܢܘ ܐܓܪܟ܂
29:16 [ai]ܘܠܠܒܢ ܐܝܬ ܗ̈ܘܝ ܬܪ̈ܬܝܢ ܒܢ̈ܢ܂ ܫܡܗܿ ܕܩܫܝܫܬܐ ܠܝܐ܂ ܘܫܡܗܿ ܕܙܥܘܪܬܐ ܪܚܝܠ܂
29:17 [ai]ܘܥܝܢ̈ܝܗܿ ܕܠܝܐ ܪ̈ܟܝܟܢ ‍<‍ܗ̈ܘܝ#3#‍>‍܂ ܘܪܚܝܠ ܫܦܝܪܐ ܗܘܬ ܒܚܙܘܗܿ܂ ܘܝܐܐ/ܘܫܦܝܪ#3#/ ܩܘܒܠܠܗܿ܂
29:18 [ai]ܘܪܚܼܡ ܝܥܩܘܒ ܠܪܚܝܠ ܘܐܡܼܪ܂ ܐܦܠܚܟ ܫܒܥ ܫ̈ܢܝܢ ܒܪܚܝܠ ܒܪܬܟ ܙܥܘܪܬܐ܂
29:19 [ai]ܐܡܿܪ ܠܗ/#3#/ ܠܒܢ܂ ܦܩܚ ܕܐܬܠܝܗܿ ܠܟ ܡܢ ܕܐܬܠܝܗܿ ܠܐܢܫ ܐܚܪܝܢ܂ ܬܒ ܥܡܝ܂
29:20 [ai]ܘܦܠܼܚ ܝܥܩܘܒ ܒܪܚܝܠ ܫܒܥ ܫ̈ܢܝܢ܂ ܘܗ̈ܘܝ ܒܥܝܢ̈ܘܗܝ ܐܝܟ ܝܘܡ̈ܬܐ ܙܥܘܪ̈ܐ܂ ܡܛܠ ܕܪܚܿܡ ܗܘܼܐ ܠܗܿ܂
29:21 [ai]ܘܐܡܼܪ ܝܥܩܘܒ ܠܠܒܢ܂ ܗܒ ܠܝ ܐܢܬܬܝ܂ ܡܛܠ ܕܫܠܡܘ ‍<‍ܠܗܘܢ#3#‍>‍ ܝܘܡ̈ܬܐ܂ ܘܐܥܘܠ ܠܘܬܗܿ܂
29:22 [ai]ܘܟܢܫ ܠܒܢ ܠܟܠܗܘܢ ܐܢܫ̈ܝ ܐܬܪܐ܂ ܘܥܒܼܕ ܡܫܬܝܐ܂
29:23 [ai]ܘܟܕ ܗܘܼܐ ܪܡܫܐ܂ ܕܒܼܪ ܠܠܝܐ ܒܪܬܗ ܘܐܥܠܗܿ ܠܘܬܗ܂ ܘܥܠ ܥܠܝܗܿ܂
29:24 [ai]ܘܝܗܼܒ ܠܗܿ ܠܒܢ ܠܠܝܐ ܒܪܬܗ܂ ܠܙܠܦܐ ܐܡܬܗ ܐܡܬܐ܂
29:25 [ai]ܘܟܕ ܗܘܼܐ ܨܦܪܐ ܘܚܙܐ ܕܠܝܐ ܗܝ ܐܡܼܪ ‍<‍ܝܥܩܘܒ#3#‍>‍ ܠܠܒܢ܂ ܡܢܐ ܗܘ ܗܢܐ ܕܥܒܼܕܬ ܠܝ܂ ܗܐ ܒܪܚܝܠ ܦܠܚܿܬ ܥܡܟ܂ ܠܡܢܐ ܢܟܠܬܢܝ܂
29:26 [ai]ܘܐܡܼܪ ܠܒܢ ܠܝܥܩܘܒ/#3#/܂ ܠܐ ܡܬܥܒܕ ܗܟܢܐ ܒܐܬܪܢ܂ ܠܡܬܠ ܙܥܘܪܬܐ ܩܕܡ ܩܫܝܫܬܐ܂
29:27 [ai]ܫܿܠܡ ܡܫܬܘܬܗܿ ܕܗܕܐ܂ ܘܐܬܠ ܠܟ ܐܦ ܗܿܝ ܒܦܘܠܚܢܐ ܕܬܦܠܘܚ ܥܡܝ܂ ܬܘܒ ܫܒܥ ܫ̈ܢܝܢ ܐܚܪ̈ܢܝܢ܂
29:28 [ai]ܘܥܒܼܕ ܝܥܩܘܒ ܗܟܢܐ܂ ܘܡܿܠܝ/ܘܫܠܡ#3#/ ܡܫܬܘܬܗܿ ܕܗܿܝ ܘܝܗܒ ܠܗ ܠܪܚܝܠ ܒܪܬܗ ܐܢܬܬܐ܂
29:29 [ai]ܘܝܗܼܒ ‍<‍ܠܗ#3#‍>‍ ܠܒܢ ܠܪܚܝܠ ܒܪܬܗ܂ ܠܒܠܗܐ ܐܡܬܗ ܐܡܬܐ܂
29:30 [ai]ܘܥܠ ܐܦ ܥܠ ܪܚܝܠ܂ ܘܪܚܡܗܿ ܐܦ ܠܪܚܝܠ ܡܢ ܠܝܐ܂ ܘܦܠܚܼ ܥܡܗ ܬܘܒ ܫܒܥ ܫ̈ܢܝܢ ܐܚܪ̈ܢܝܢ܂
29:31 [ai]ܘܚܼܙܐ ܡܪܝܐ ܕܣܢܝܐ ܗܝ ܠܝܐ ܘܦܬܼܚ ܡܪܒܥܗܿ܂ ܘܪܚܝܠ ܥܩܪܬܐ ‍<‍ܗܝ#3#‍>‍܂
29:32 [ai]ܘܒܼܛܢܬ ܠܝܐ ܘܝܠܼܕܬ ܒܪܐ܂ ܘܩܪܬ ܫܡܗ ܪܘܒܝܠ ܘܐܡܼܪܬ܂ ܡܛܠ ܕܚܼܙܐ ܐܠܗܐ ܫܘܥܒܕܝ܂ ܗܫܐ ܢܪܚܡܢܝ ܒܥܠܝ܂
29:33 [ai]ܘܒܛܢܼܬ ܬܘܒ ܘܝܼܠܕܬ ܒܪܐ ܘܐܡܼܪܬ܂ ܡܛܠ ܕܫܼܡܥ ܡܪܝܐ ܕܣܢܝܐ ܐܢܐ ܝܗܼܒ ܠܝ ܐܦ ܗܢܐ܂ ܘܩܪܬ ܫܡܗ ܫܡܥܘܢ܂
29:34 [ai]ܘܒܼܛܢܬ ܬܘܒ ܘܝܠܼܕܬ ܒܪܐ ܘܐܡܼܪܬ܂ ܙܒܢܬܐ ܗܕܐ ܢܬܠܘܐ ܠܝ ܒܥܠܝ܂ ܡܛܠ ܕܝܿܠܕܬ ܠܗ ܬܠܬܐ ܒܢܝܢ܂ ܡܛܠ ܗܢܐ ܩܪܬ ܫܡܗ ܠܘܝ܂
29:35 [ai]ܘܒܛܢܼܬ ܬܘܒ ܘܝܠܼܕܬ ܒܪܐ ܘܐܡܼܪܬ܂ ܙܒܢܐ ܗܢܐ ܐܘܕܐ ܠܡܪܝܐ܂ ܡܛܠ ܗܢܐ ܩܪܬ ܫܡܗ ܝܗܘܕܐ܂ ܘܩܡܬ ܡܢ ܝܠܕܐ܀

next chapter