← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


31:01 [ai]ܘܫܡܼܥ ܝܥܩܘܒ ܡ̈ܠܝܗܘܢ ܕܒܢ̈ܝ ܠܒܢ ܕܐܡܪ̈ܝܢ܂ ܢܣܼܒ ܝܥܩܘܒ ܟܠ ܕܐܝܬ ܗܘܐ ܠܐܒܘܢ܂ ܘܡܢ ܕܐܒܘܢ ܩܢܼܐ ܗܢܐ ܩܢܝܢܐ ܟܠܗ܂
31:02 [ai]ܘܚܼܙܐ ܝܥܩܘܒ ܐ̈ܦܘܗܝ ܕܠܒܢ܂ ܕܠܐ ܗ̈ܘܝ ܥܡܗ܂ ܐܝܟ ܕܐܬܡܠܝ ܘܐܝܟ ܕܡܢܬܡܠܝ܂܀
31:03 [ai]ܘܐܡܼܪ ܡܪܝܐ ܠܝܥܩܘܒ܂ ܗܦܘܟ ܠܐܪܥܐ ܕܐܒ̈ܗܝܟ ܘܠܬܘ̈ܠܕܬܟ ܘܐܗܘܐ ܥܡܟ܂
31:04 [ai]ܘܫܕܪ ܝܥܩܘܒ ܩܼܪܐ ܠܪܚܝܠ ܘܠܠܝܐ ܠܚܩܠܐ܂ ܠܘܬ ܥܢܗ܂
31:05 [ai]ܘܐܡܼܪ ܠܗܝܢ܂ ܚܿܙܐ ܐܢܐ ܐ̈ܦܘܗܝ ܕܐܒܘܟܝܢ܂ ܕܠܐ ܗ̈ܘܝ ܠܘܬܝ ܐܝܟ ܕܐܬܡܠܼܝ ܘܐܝܟ ܕܡܢܬܡܠܝ܂ ܘܐܠܗܗ ܕܐܒܝ ܗܘܼܐ ܥܡܝ܂
31:06 [ai]ܘܐܢܬܝܢ ܝܕ̈ܥܢ ܐܢܬܝܢ ܕܒܟܠܗ ܚܝܠܝ ܦܠܚܿܬ ܠܐܒܘܟܝܢ܂
31:07 [ai]ܘܐܒܘܟܝܢ ܕܓܿܠ ܒܝ܂ ܘܚܿܠܦ ܐܓܪܝ ܥܣܪ ܙܒܢܝܢ܂ ܘܠܐ ܫܒܩܗ ܐܠܗܐ ܕܢܒܐܫ ܠܝ܂
31:08 [ai]ܐܢ ܗܟܢܐ ܢܐܡܪ ܕܩܪ̈ܚܐ ܢܗܘܐ ܐܓܪܟ܂ ܝ̈ܠܕܢ ܟܠܗܝܢ ܥܢܐ ܩܪ̈ܚܐ܂ ܘܐܢ ܢܐܡܪ ܕܦܝܣ̈ܟܝܐ ܢܗܘܐ ܐܓܪܟ܂ ܝ̈ܠܕܢ ܟܠܗܝܢ ܥܢܐ ܦܝܣ̈ܟܝܐ܂
31:09 [ai]ܘܦܪܫ ܐܠܗܐ ܡܢ ܩܢܝܢܐ ܕܐܒܘܟܝܢ ܘܝܗܼܒ ܠܝ܂
31:10 [ai]ܘܒܙܒܢܐ ܕܚܡܐ ܥܢܐ܂ ܐܪܝܡܿܬ ܥܝܢ̈ܝ ܘܚܿܙܝܬ ܒܚܠܡܐ܂ ܘܗܐ ܬܝܫ̈ܐ ܣܠܩܝܢ ܥܠ ܥܢܐ܂ ܩܪ̈ܚܐ ܘܦܝܣ̈ܟܝܐ ܘܒܪ̈ܕܐ܂
31:11 [ai]ܘܐܡܼܪ ܠܝ ܡܠܐܟܗ ܕܐܠܗܐ ܒܚܠܡܐ܂ ܝܥܩܘܒ܂ ܘܐܡܿܪܬ ܗܐ ܐܢܐ܂
31:12 [ai]ܘܐܡܼܪ ܠܝ/#3#/܂ ܐܪܝܡ ܥܝܢ̈ܝܟ܂ ܘܚܙܝ ܟܘܠ ܬܝܫ̈ܐ ܕܣܠܩܝܢ ܥܠ ܥܢܐ܂ ܩܪ̈ܚܐ ܘܦܝܣ̈ܟܝܐ ܘܒܪ̈ܕܐ܂ ܡܛܠ ܕܚܿܙܝܬ ܟܠ ܕܥܒܼܕ ܠܟ ܠܒܢ܂
31:13 [ai]ܐܢܐ ܐܢܐ ܐܠܗܐ ܕܒܝܬ ܐܝܠ܂ ܕܡܫܼܚܬ ܠܝ ܬܡܢ ܩܝܡܬܐ܂ ܘܢܼܕܪܬ ܠܝ ܬܡܿܢ ܢܕܪܐ܂ ܗܫܐ ܩܘܡ ܦܘܩ ܡܢ ܐܪܥܐ ܗܕܐ܂ ܘܗܦܘܟ ܠܐܪܥܐ ܕܬ̈ܘܠܕܬܟ܀
31:14 [ai]ܘܥܢܼܝ ܪܚܝܠ ܘܠܝܐ ܘܐܡܪ̈ܢ ‍<‍ܠܗ#3#‍>‍܂ ܬܘܒ ܠܝܬ ܠܢ ܡܢܬܐ ܘܝܪܬܘܬܐ ܒܝܬ/ܥܡ#3#/ ܐܒܘܢ܂
31:15 [ai]ܗܐ ܐܝܟ ܢܘܟܪ̈ܝܬܐ ܚܫ̈ܝܒܢ ܚܢܢ ܠܗ܂ ܡܛܠ ܕܙܒܢܢ ܐܦ ܐܟܼܠ ܟܣܦܢ܂
31:16 [ai]ܡܛܠ ܕܟܠܗ ܥܘܬܪܐ ܕܦܼܪܫ ܐܠܗܐ ܡܢ ܕܐܒܘܢ ܕܝܠܢ ܗܘ ܘܕܒܢ̈ܝܢ܂ ܘܗܫܐ ܟܠ ܕܐܡܿܪ ܠܟ ܡܪܝܐ ܥܒܼܕ܀
31:17 [ai]ܘܩܡ ܝܥܩܘܒ ܘܫܩܼܠ ܠܒܢ̈ܘܗܝ ܘܠܢܫ̈ܘܗܝ ܥܠ ܓܡ̈ܠܐ܂
31:18 [ai]ܘܕܒܼܪ ܟܠܗܿ ܒܥܝܪܗ ܘܟܠܗ ܩܢܝܢܗ ܕܩܢܼܐ ܒܦܕܢ ܕܐܪܡ܂ ܠܡܐܬܐ ܠܘܬ ܐܝܣܚܩ ܐܒܘܗܝ ܠܐܪܥܐ ܕܟܢܥܢ܂
31:19 [ai]ܘܠܒܢ ܐܙܼܠ ܠܡܓܙ ܥܢܗ܂ ܘܓܢܒܼܬ ܪܚܝܠ ܨܠܡ̈ܐ ܕܐܒܘܗܿ܂
31:20 [ai]ܘܓܢܼܒ ܝܥܩܘܒ ܠܒܗ ܕܠܒܢ ܐܪܡܿܝܐ܂ ܡܛܠ ܕܠܐ ܚܘܝܗ ܕܐܿܙܠ܂
31:21 [ai]ܘܥܼܪܩ ܗܼܘ ܘܟܘܠ ܕܐܝܬ ܠܗ܂ ܘܩܡ ܘܥܒܼܪ ܢܗܪܐ܂ ܘܣܡ ܐ̈ܦܘܗܝ \ܠܛܘܪ ܓܠܥܕ /ܠܛܘܪܐ ܕܓܠܥܕ#3#/܂
31:22 [ai]ܘܐܬܐܡܪ ‍<‍ܠܗ#3#‍>‍ ܠܠܒܢ ܒܝܘܡܐ/ܠܝܘܡܐ#3#/ ܕܬܠܬܐ/ܬܠܝܬܝܐ#3#/ ܕܥܼܪܩ ܠܗ ܝܥܩܘܒ܂
31:23 [ai]ܘܕܒܼܪ ܠܐ̈ܚܘܗܝ ܥܡܗ܂ ܘܪܕܦ ܒܬܪܗ ܡܪܕܐ ܫܒܥܐ ܝܘܡ̈ܝܢ܂ ܘܐܕܪܟܗ ܒܛܘܪܐ ܕܓܠܥܕ܂
31:24 [ai]ܘܐܬܼܐ ܐܠܗܐ ܥܠ ܠܒܢ ܐܪܡܝܐ ܒܚܠܡܐ ܕܠܠܝܐ ܘܐܡܼܪ ܠܗ܂ ܐܙܕܗܪ ܠܟ ܕܠܡܐ ܬܡܠܠ ܥܡ ܝܥܩܘܒ ܡܢ ܛܒܬܐ ܘܥܕܡܐ ܠܒܝܫܬܐ܂
31:25 [ai]ܘܐܕܪܟ ܠܒܢ ܠܝܥܩܘܒ܂ ܘܝܥܩܘܒ ܢܩܼܫ ܡܫܟܢܗ ܒܛܘܪܐ ܘܠܒܢ ܐܫܪܝ ܐ̈ܚܘܗܝ ܒܛܘܪܐ ܕܓܠܥܕ܂
31:26 [ai]ܘܐܡܼܪ ܠܒܢ ܠܝܥܩܘܒ܂ ܡܢܐ \ܥܒܿܕܬ ܠܟ /ܥܒܼܕܬ#3#/ ܕܓܢܒܼܬ ܠܒܝ܂ ܘܕܒܼܪܬ ܠܒܢ̈ܬܝ ܐܝܟ ܫܒܝ̈ܬܐ ܕܚܪܒܐ܂
31:27 [ai]ܠܡܢܐ ܐܬܿܛܫܝܬ ܠܡܥܪܩ ܘܐܬܓܢܼܒܬ ܡܢܝ/#3#/ ܘܠܐ ܚܘܝܬܢܝ܂ ܫܕܪܬܟ ܕܝܢ ܒܚܕܘܬܐ ܘܒܙܡܪܐ܂ ܘܒܟܢܪ̈ܐ ܘܒ̈ܦܠܓܐ܂
31:28 [ai]ܘܠܐ ܫܒܩܬܢܝ ܠܡܢܫܩܘ ܠܒ̈ܢܝ ܘܠܒܢ̈ܬܝ܂ ܗܫܐ ܐܣܟܠܼܬ ܒܡܕܡ ܕܥܒܼܕܬ܂
31:29 [ai]ܡܿܛܐ ܗܘܐ ܒܐ̈ܝܕܝ ܕܐܥܒܕ ܠܟܘܢ ܒܝܫܬܐ܂ ܘܐܠܗܐ ܕܐܒܘܟܘܢ ܒܪܡܫܐ ܐܡܼܪ ܠܝ܂ ܐܙܕܗܪ ‍<‍ܠܟ#3#‍>‍ ܕܠܡܐ ܬܡܠܠ ܥܡ ܝܥܩܘܒ܂ ܡܢ ܛܒܬܐ ܘܥܕܡܐ ܠܒܝܫܬܐ܂
31:30 [ai]ܘܗܫܐ/#3#/ ܡܐܙܠ ܐܙܠ ܐܢܬ܂ ܡܛܠ ܕܡܬܪܓܪܓܘ ܐܬܪܓܪܓܬ ܠܒܝܬ ܐܒܘܟ܂ ܠܡܢܐ ܓܢܒܼܬ ܐ̈ܠܗܝ܂
31:31 [ai]ܘܥܢܼܐ ܝܥܩܘܒ ܘܐܡܼܪ ܠܠܒܢ܂ ܡܛܠ ܕܕܚܿܠܬ ܘܐܡܿܪܬ܂ ܕܕܠܡܐ ܬܕܒܼܪ ܒܢ̈ܬܟ ܡܢܝ܂
31:32 [ai]ܠܘܬ ܡܿܢ ܕܢܫܬܟܚܘܢ ܐ̈ܠܗܝܟ ܠܐ ܢܚܐ܂ ܩܕܡ ܐ̈ܚܝܢ ܐܫܬܘܕܥ ܕܝܠܟ܂ ܡܢܐ ܐܝܬ ܠܘܬܝ ܘܣܒ ܠܟ܂ ܘܠܐ ܝܕܥܼ ܝܥܩܘܒ ܕܪܚܝܠ ܓܢܒܼܬ ܐܢܘܢ܂
31:33 [ai]ܘܥܠ ܠܒܢ ܠܡܫܟܢܐ ܕܝܥܩܘܒ ܘܠܡܫܟܢܐ ܕܠܝܐ ܘܠܡܫܟܢܐ ܕܬܪ̈ܬܝܢ ܐ̈ܡܗܬܐ ܘܠܐ ܐܫܟܚ܂ ܘܢܦܼܩ/#2#/ ܡܢ ܡܫܟܢܐ ܕܠܝܐ ܘܥܠ ܠܡܫܟܢܐ ܕܪܚܝܠ܂
31:34 [ai]ܘܪܚܝܠ ܢܣܼܒܬ ܨ̈ܠܡܐ܂ ܘܣܡܬ ܐܢܘܢ ܒܥܒܝܛܐ ܕܓܡܠܐ܂ ܘܝܬܼܒܬ ܥܠܝܗܘܢ܂ ܘܡܫ ܠܒܢ ܟܠܗ/ܒܟܠܗ#3#/ ܡܫܟܢܐ ܘܠܐ ܐܫܟܚ܂
31:35 [ai]ܘܐܡܼܪܬ ܪܚܝܠ ܠܐܒܘܗܿ܂ ܠܐ ܢܬܒܐܫ ܒܥܝܢ̈ܝ ܡܪܝ܂ ܡܛܠ ܕܠܐ ܡܫܟܚܐ ܐܢܐ ܠܡܩܡ ܡܢ ܩܕܡܝܟ܂ ܡܛܠ ܕܐܘܪܚܐ ܠܝ ܕܢܫ̈ܐ܂ ܘܒܼܨܐ ܘܠܐ ܐܫܟܚ ܨ̈ܠܡܐ܂
31:36 [ai]ܘܐܬܒܐܫ ܠܝܥܩܘܒ ܘܢܼܨܐ ܥܡ ܠܒܢ܂ ܘܥܢܼܐ ܝܥܩܘܒ ܘܐܡܼܪ ܠܠܒܢ܂ ܡܢܐ ܗܝ ܣܟܠܘܬܝ ܘܡܢܘ ܣܘܪܚܢܝ ܕܪܕܦܼܬ ܒܬܪܝ܂
31:37 [ai]ܗܐ ܡܫܬ ܟܠܗܘܢ ܡܐ̈ܢܝ܂ ܡܢܐ ܐܫܟܚܬ ܡܢ ܟܠܗܘܢ ܡܐ̈ܢܝ ܒܝܬܟ܂ ܣܝܡ ܗܪܟܐ ܩܕܡ ܐ̈ܚܝ܂ ܘܐܚ̈ܝܟ ܘܢܿܟܣܘܢ ܒܝܬ ܬܪ̈ܝܢ܂
31:38 [ai]ܗܐ ܥܣܪ̈ܝܢ ‍<‍ܠܝ#3#‍>‍ ܫ̈ܢܝܢ ܥܡܟ ܐܢܐ/#3#/܂ ܢܩ̈ܘܬܟ ܘܥ̈ܙܝܟ ܠܐ ܓܝܙ܂ ܘܕܟܪ̈ܐ ܕܥܢܟ ܠܐ ܐܿܟܠܬ܂
31:39 [ai]ܘܕܬܒܝܪܐ ܠܐ ܐܝܬܿܝܬ ܠܟ܂ ܐܢܐ ܡܿܢܛܪ ܗܘܿܝܬ ܠܗܿ܂ ܕܡܢ ܐ̈ܝܕܝ ܬܒܿܥ ܗܘܼܝܬ ܠܗܿ܂ ܕܡܬܓܢܒ ܒܐܝܡܡܐ ܘܕܡܬܓܢܒ ܒܠܠܝܐ܂
31:40 [ai]ܗܘܝܬ ܒܐܝܡܡܐ ܐܟܠܢܝ ܫܘܒܐ܂ ܘܐܓܠܝܕܐ ܒܠܠܝܐ܂ ܦܪܕܬ ܫܢܬܝ ܡܢ ܥܝ̈ܢܝ܂
31:41 [ai]ܗܐ ܥܣܪ̈ܝܢ ܠܝ ܫ̈ܢܝܢ ܒܒܝܬܟ܂ ܦܠܚܬܟ ܐܪ̈ܒܥܣܪܐ ܫ̈ܢܝܢ ܒܬܪ̈ܬܝܢ ܒܢ̈ܬܟ܂ ܘܫܬ ܫ̈ܢܝܢ ܒܥܢܟ܂ ܘܚܼܠܦܬ ܐܓܪܝ ܥܣܼܪ̈ ܙܒ̈ܢܝܢ܂
31:42 [ai]ܘܐܠܘ ܠܐ ܐܠܗܗ ܕܐܒܝ܂ ܐܠܗܗ ܕܐܒܪܗܡ ܘܕܚܠܬܗ ܕܐܝܣܚܩ ܩܡ ܠܝ܂ ܗܫܐ ܣܪܝܩܐܝܬ ܡܫܕܪ ܗܘܝܬ ܠܝ܂ ܥܡܠܝ ܘܠܐܘܬܐ ܕܐܝ̈ܕܝ ܚܼܙܐ ܐܠܗܐ ܘܐܟܣܟ ܒܪܡܫܐ܂
31:43 [ai]ܘܥܢܼܐ ܠܒܢ ܘܐܡܼܪ ܠܝܥܩܘܒ܂ ܒܢ̈ܬܐ ܒܢ̈ܬܝ܂ ܘܒ̈ܢܝܐ ܒܢ̈ܝ܂ ܘܥܢܐ ܥܢܝ܂ ܘܟܠ ܕܚܿܙܐ ܐܢܬ ܕܝܠܝ ܗܼܘ܂ ܘܠܒܢ̈ܬܝ ܗܠܝܢ ܡܢܐ ܐܥܒܕ ܠܗܝܢ ܝܘܡܢܐ܂ ܐܘ ܠܒܢ̈ܝܗܝܢ ܕܝܠܼܕ܂
31:44 [ai]ܘܗܫܐ ܬܐ ܢܩܝܡ ܩܝܡܐ ܐܢܐ ܘܐܢܬ܂ ܘܢܗܘܐ ܣܗܕܐ ܒܝܢ̈ܝ ܘܠܟ܂
31:45 [ai]ܘܢܣܼܒ ܝܥܩܘܒ ܟܐܦܐ ܘܐܪܝܡܗܿ ܩܝܡܬܐ܂
31:46 [ai]ܘܐܡܼܪ ܝܥܩܘܒ ܠܐ̈ܚܘܗܝ ܠܩܿܛܘ ܟܐ̈ܦܐ܂ ܘܢܣܒܘ ܟܐ̈ܦܐ ܘܥܒܕܘ ܝܓܪܐ܂ ܘܐܟܠܘ ܬܡܢ ܥܠ ܝܓܪܐ܂
31:47 [ai]ܘܩܪܝܗܝ ܠܒܢ ܝܓܪܐ ܕܣܗܕܘܬܐ܂ ܘܝܥܩܘܒ ܩܪܝܗܝ ܓܠܥܕ܂
31:48 [ai]ܘܐܡܼܪ ܠܒܢ܂ ܝܓܪܐ ܗܢܐ ܣܗܿܕ ܒܝܢ̈ܝ ܘܠܟ ܝܘܡܢܐ܂ ܡܛܠ ܗܢܐ ܩܪܐ ܫܡܗ ܓܠܥܕ܂
31:49 [ai]ܘܕܘܩܐ ܕܐܡܼܪ ܢܚܙܐ ܡܪܝܐ ܒܝܢ̈ܝ ܘܠܟ܂ ܡܛܠ ܕܦܪܫܝܢܢ ܓܒܪ ܡܢ ܐܚܘܗܝ/ܚܒܪܗ#3#/܂
31:50 [ai]ܐܢ ܬܨܥܪ ܠܒܢ̈ܬܝ܂ ܘܐܢ ܬܣܒ ܢܫ̈ܐ ܥܠ ܒܢ̈ܬܝ܂ ܠܝܬ ܐܢܫ ܥܡܢ܂ ܚܙܝ ܕܐܠܗܐ ܣܗܿܕ ܒܝܢ̈ܝ ܘܠܟ܂
31:51 [ai]ܘܐܡܼܪ ܠܒܢ ܠܝܥܩܘܒ܂ ܗܐ ܝܓܪܐ ܗܢܐ ܘܗܐ ܩܝܡܬܐ ܗܕܐ ܕܐܩܝܡܬ ܒܝܢ̈ܝ ܘܠܟ܂
31:52 [ai]ܣܗܿܕ ܝܓܪܐ ܗܢܐ ܘܣܗܕܐ ܩܝܡܬܐ ܗܕܐ܂ ܕܐܢܐ ܠܐ ܐܥܒܪ ܥܠܝܟ ܝܓܪܐ ܗܢܐ܂ ܘܐܦ ܐܢܬ ܠܐ ܬܥܒܪ ܥܠ ܝܓܪܐ ܗܢܐ ܘܩܝܡܬܐ ܗܕܐ ܠܒܝܫܬܐ܂
31:53 [ai]ܐܠܗܗ ܕܐܒܪܗܡ ܐܠܗܗ ܕܢܚܘܪ ܢܕܘܢ ܒܝܢܬܢ ܐܠܗܐ ܕܐ̈ܒܗܬܢ܂ ܘܝܡܼܐ ܝܥܩܘܒ ܒܕܚܠܬܐ ܕܐܒܘܗܝ ܐܝܣܚܩ܂
31:54 [ai]ܘܕܒܿܚܼ ܝܥܩܘܒ ܕܒܚܬܐ ܒܛܘܪܐ܂ ܘܩܪܐ ܠܐ̈ܚܘܗܝ ܠܡܐܟܠ ܠܚܡܐ܂ ܘܐܟܠܘ ܠܚܡܐ ܘܒܬܘ ܒܛܘܪܐ܂܀

next chapter