← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


32:01 [ai]ܘܩܿܕܡ ܠܒܢ ܒܫܦܪܐ/ܒܨܦܪܐ#3#/܂ ܘܢܫܿܩ ܠܒܢ̈ܘܗܝ ܘܠܒܢ̈ܬܗ ܘܒܪܟ ܐܢܘܢ܂ ܘܗܼܦܟ ܠܒܢ ܘܐܙܼܠ ܠܐܬܪܗ܂
32:02 [ai]\ܘܐܦ ܝܥܩܘܒ /ܘܝܥܩܘܒ#3#/ ܐܙܼܠ ܠܐܘܪܚܗ܂ ܘܦܓܥܘ ܒܗ ܡܠܐ̈ܟܘܗܝ ܕܐܠܗܐ܂
32:03 [ai]ܘܐܡܼܪ ܝܥܩܘܒ ܟܕ ܚܼܙܐ ܐܢܘܢ܂ ܡܫܪܝܬܐ ܗܝ ܕܐܠܗܐ ܗܕܐ܂ ܘܩܼܪܐ ܫܡܗ ܕܐܬܪܐ ܗܿܘ ܡܚܢܝܡ܂
32:04 [ai]ܘܫܕܪ ܝܥܩܘܒ ܐܝܙ̈ܓܕܐ ܩܕܡܘܗܝ ܠܘܬ ܥܣܘ ܐܚܘܗܝ ܠܐܪܥܐ ܕܣܥܝܪ ܠܚܩܠܐ ܕܐܕܘܡ܂
32:05 [ai]ܘܦܩܿܕ ܐܢܘܢ ܘܐܡܼܪ ܠܗܘܢ܂ ܗܟܢܐ ܬܐܡܪܘܢ ܠܡܪܝ ܥܣܘ܂ ܗܟܢܐ ܐܡܿܪ ܥܒܼܕܟ ܝܥܩܘܒ܂ ܥܡ ܠܒܢ ܥܡܿܪܬ܂ ܘܐܿܘܚܪܬ ܥܕܡܐ ܠܝܘܡܢܐ/ܠܗܫܐ#3#/܂
32:06 [ai]ܘܗܘܘ ܠܝ ܬܘܪ̈ܐ ܘܚܡܪ̈ܐ܂ ܘܥܢܐ ܘܥܒ̈ܕܐ ܘܐܡܗ̈ܬܐ܂ ܘܫܿܕܪܬ ܠܡܚܘܝܘ ܠܡܪܝ ܕܐܫܟܚ ܪ̈ܚܡܐ ܒܥܝܢ̈ܝܟ܀
32:07 [ai]ܘܗܦܟܘ ܐܝܙ̈ܓܕܐ ܠܘܬ ܝܥܩܘܒ ܘܐܡܼܪܘ ܠܗ܂ ܐܙܠܢ ܠܘܬ ܥܣܘ ܐܚܘܟ ܘܗܐ ܐܦ ܗܼܘ ܐܬܐ ܠܐܘܪܥܟ܂ ܘܐܪ̈ܒܥܡܐܐ ܓܒܪ̈ܝܢ ܥܡܗ܂
32:08 [ai]ܘܕܚܼܠ ܝܥܩܘܒ ‍<‍ܛܒ#3#‍>‍ ܘܥܩܼܬ ܠܗ ܛܒ/#3#/܂ ܘܦܠܓ ܥܡܐ ܕܥܡܗ܂ ܘܥܢܐ ܘܬܘܪ̈ܐ ܘܓܡ̈ܠܐ ܠܬܪ̈ܬܝܢ ܡܫܪ̈ܝܢ܂
32:09 [ai]ܘܐܡܼܪ ܝܥܩܘܒ/#3#/܂ ܐܢ ܢܐܬܐ ܥܣܘ ܐܚܝ ܥܠ ܡܫܪܝܬܐ ܚܕܐ ܘܢܚܪܒܝܗܿ܂ ܡܫܪܝܬܐ ܕܡܫܬܚܪܐ ܡܬܦܠܛܐ܂
32:10 [ai]ܘܨܠܝ/#3#/ ‍<‍ܝܥܩܘܒ#3#‍>‍ ܘܐܡܼܪ ‍<‍ܝܥܩܘܒ#3#‍>‍܂ ܐܠܗܗ ܕܐܒܝ ܐܒܪܗܡ܂ ܐܠܗܗ ܕܐܒܝ ܐܝܣܚܩ܂ ܡܪܝܐ ܕܐܡܼܪ ܠܝ܂ ܗܦܘܟ \ܠܐܪܥܐ ܕܐ̈ܒܗܝܟ /ܠܐܪܥܟ#3#/ ܘܠܬܘ̈ܠܕܬܟ ܘܐܛܐܒ ܠܟ܂
32:11 [ai]ܒܨܝܪ ܐܢܐ ܡܢ ܟܠܗܝܢ ܛܝܒ̈ܘܬܟ܂ ܘܡܢ ܟܠܗ ܩܘܫܬܐ ܕܥܒܼܕܬ ܥܡ ܥܒܕܟ܂ ܡܛܠ ܕܒܚܘܛܪܝ ܥܒܿܪܬ ܝܘܪܕܢܢ ܗܢܐ܂ ܘܗܫܐ ܗܘܝܬ ܠܬܪ̈ܬܝܢ ܡܫܪ̈ܝܢ܂
32:12 [ai]ܦܨܢܝ ܡܢ ܐ̈ܝܕܘܗܝ ܕܥܣܘ ܐܚܝ܂ ܡܛܠ ܕܕܚܿܠ ܐܢܐ ܡܢܗ ܕܠܡܐ/ܕܕܠܡܐ#3#/ ܢܐܬܐ ܘܢܡܚܝܢܝ ܐܡܐ ܥܡ ܒܢ̈ܝܗܿ܂
32:13 [ai]ܘܐܢܬ ܐܡܼܪܬ ܡܛܐܒܼܘ/ܕܡܛܐܒܼܘ#3#/ ܐܛܐܒ ܠܟ܂ ܘܐܥܒܕ ܙܪܥܟ ܐܝܟ ܚܠܐ ܕܝܡܐ ܕܠܐ ܡܬܡܢܐ ܡܢ ܣܘܓܐܗ܂
32:14 [ai]ܘܒܬ ܬܡܢ ܒܠܠܝܐ ܗܿܘ܂ ܘܢܣܼܒ ܡܢ ܡܕܡ ܕܐܝܬܝ ܒܐܝܕܗ ܩܘܪܒܢܐ ܠܥܣܘ ܐܚܘܗܝ܂
32:15 [ai]ܥ̈ܙܐ ܡܐܬ̈ܝܢ܂ ܘܬܝܫ̈ܐ ܥܣܪ̈ܝܢ܂ ܢܩܘ̈ܬܐ ܡܐܬܝܢ܂ ܘܕܟܪ̈ܐ ܥܣܪ̈ܝܢ܂
32:16 [ai]ܓܡ̈ܠܐ ܡܝܢܩ̈ܬܐ ܘܒܢܝܗܝܢ ܬܠܬܝܢ܂ ܬܘܪ̈ܬܐ ܐܪ̈ܒܥܝܢ ܘܬܘܪ̈ܐ ܥܣܪܐ܂ ܐܬ̈ܢܐ ܥܣܪ̈ܝܢ ܘܥ̈ܝܠܐ ܥܣܪܐ܂
32:17 [ai]ܘܝܗܼܒ ܒܐܝܕܐ ܕܥܒ̈ܕܘܗܝ ܓܙܪܐ ܓܙܪܐ ܒܠܚܘܕ܂ ܘܐܡܼܪ ܠܥܒ̈ܕܘܗܝ܂ ܥܒܪܘ ܩܕܡܝ܂ ܘܐܪܘܚܬܐ ܥܒܕܘ ܒܝܬ ܓܙܪܐ ܠܓܙܪܐ܂
32:18 [ai]ܘܦܩܿܕ ܠܩܕܡܝܐ ܘܐܡܼܪ ܠܗ܂ ܕܟܕ ܢܦܓܥ ܒܟ ܥܣܘ ܐܚܝ܂ ܘܢܫܐܠܟ ܘܢܐܡܪ ܠܟ܂ ܕܡܿܢ ܐܢܬ ܘܠܐܝܟܐ ܐܿܙܠ ܐܢܬ܂ ܘܕܡܿܢ ܗܠܝܢ ܕܩܕܡܝܟ܂
32:19 [ai]ܐܡܼܪ ܠܗ ܕܥܒܕܟ ܝܥܩܘܒ܂ ܩܘܪܒܢܐ ܕܫܕܪ ܠܡܪܝ ܥܣܘ܂ ܘܗܐ ܐܦ ܗܼܘ ܐܬܐ ܒܬܪܢ܂
32:20 [ai]ܘܦܩܿܕ ܠܬܢܝܢܐ ܘܐܦ ܠܬܠܝܬܝܐ܂ ܘܐܦ ܠܟܠ ܕܐܙܠܝܢ ܒܬܪ ܓܙܪ̈ܐ ܠܡܐܡܪ܂ ܐܝܟ ܦܬܓܡܐ ܗܢܐ ܬܐܡܪܘܢ ܠܥܣܘ ܡܐ ܕܐܫܟܚܬܘܢܝܗܝ܂
32:21 [ai]ܘܬܐܡܪܘܢ ܠܗ/#3#/܂ ܕܗܐ ܐܦ ܥܒܕܟ ܝܥܩܘܒ ܒܬܪܢ܂ ܡܛܠ ܕܐܡܼܪ܂ ܕܐܢܝܚ ܪܘܓܙܗ ܒܩܘܪܒܢܐ ܕܐܿܙܠ ܩܕܡܝ܂ ܘܒܬܪܟܢ ܐܿܚܙܐ ܐܦܘ̈ܗܝ܂ ܟܒܪ ܢܣܼܒ ܒܐ̈ܦܝ܂
32:22 [ai]ܘܥܼܒܪ ܩܘܪܒܢܐ ܩܕܡܘܗܝ܂ ܘܗܼܘ ܒܬ ܒܠܠܝܐ ܗܿܘ ܒܡܫܪܝܬܐ܂
32:23 [ai]ܘܩܿܕܡ ܒܠܠܝܐ ‍<‍ܗܿܘ#3#‍>‍܂ ܘܕܒܪ/ܘܐܥܒܪ#1##2#/ ܬܪ̈ܬܝܢ/ܠܬܪ̈ܬܝܢ#3#/ ܢܫ̈ܘܗܝ ܘܬܪ̈ܬܝܢ ܐܡܗ̈ܬܗ܂ ܘܚܕܥܣܪ ܒܢ̈ܘܗܝ ܘܐܥܒܪ ܐܢܘܢ ܠܡܕܒܪܐ ܕܝܒܩ܂
32:24 [ai]ܘܕܒܼܪ ܐܢܘܢ ܘܐܥܒܪ ܐܢܘܢ ܢܚܠܐ/ܠܢܚܠܐ#3#/܂ ܘܐܥܒܪ ܟܠ ܕܐܝܬ ܠܗ܂
32:25 [ai]ܘܦܫ ܝܥܩܘܒ ܒܠܚܘܕܘܗܝ܂ ܘܐܬܟܬܫ ܓܒܪܐ ܥܡܗ ܥܕܡܐ ܕܣܠܼܩ ܫܦܪܐ/ܨܦܪܐ#3#/܂
32:26 [ai]ܘܚܼܙܐ ܕܠܐ ܡܬܡܨܐ ܚܝܠܗ܂ ܘܩܪܼܒ ܠܚܪܘܬܗ܂ ܘܫܼܢܬ ܚܪܘܬܗ ܕܝܥܩܘܒ ܟܕ ܐܬܟܬܫ ܥܡܗ܂
32:27 [ai]ܘܐܡܼܪ ܠܗ/#3#/܂ ܫܕܪܝܢܝ ܡܛܠ ܕܣܠܼܩ ܫܦܪܐ/ܨܦܪܐ#3#/ ܘܐܡܼܪ܂ ܠܐ ܐܫܕܪܟ ܐܠܐ ܐܢ ܒܪܟܬܢܝ܂
32:28 [ai]ܘܐܡܼܪ ܠܗ܂ ܐܝܟܢܐ ܫܡܟ܂ ܘܐܡܼܪ ܝܥܩܘܒ܂
32:29 [ai]ܘܐܡܼܪ ܠܗ/#3#/܂ ܠܐ ܝܥܩܘܒ ܢܬܩܪܐ ܬܘܒ ܫܡܟ ܐܠܐ ܐܝܣܪܝܠ܂ ܡܛܘܠ ܕܐܫܼܬܪܪܬ ܥܡ ܡܠܐܟܐ ܘܥܡ ܓܒܪܐ ܘܐܬܡܨܝܼܬ ܚܝܠܐ܂
32:30 [ai]ܘܫܐܠܗ ܝܥܩܘܒ ܘܐܡܼܪ܂ ܚܘܢܝ ܫܡܟ܂ ܐܡܿܪ ܠܗ/#3#/܂ ܠܡܢܐ ܫܐܿܠ ܐܢܬ ܥܠ ܫܡܝ܂ ܘܒܪܟܗ ܬܡܢ܂
32:31 [ai]ܘܩܼܪܐ ܝܥܩܘܒ ܫܡܗ ܕܐܬܪܐ ܗܿܘ ܦܢܘܐܝܠ܂ ܡܛܠ ܕܚܿܙܝܬ ܡܠܐܟܐ ܐ̈ܦܝܢ ܠܘܩܒܠ ܐ̈ܦܝܢ ܘܐܬܦܼܨܝܬ ܢܦܫܝ܂
32:32 [ai]ܘܕܢܼܚܬ ܠܗ ܫܡܫܐ ܟܕ ܥܒܼܪ ܠܦܢܘܐܝܠ܂ ܘܗܼܘ ܡܿܣܡܐ ܗܘܐ ܡܢ ܚܪܘܬܗ܂
32:33 [ai]ܡܛܠ ܗܢܐ ܠܐ ܐܟܠܝܢ ܒܢ̈ܝ ܐܝܣܪܝܠ܂ ܓܝܕܐ ܕܓܢܫܝܐ ܕܒܚܪܘܬܐ ܕܥܛܡܐ ܥܕܡܐ ܠܝܘܡܢܐ܂ ܡܛܠ ܕܩܼܪܒ ܠܚܪܘܬܐ ܕܥܛܡܗ ܕܝܥܩܘܒ ܠܓܢܫܝܐ܂

next chapter