The Comprehensive Aramaic Lexicon

33:01 [ai]	ܘܐܪܝܡ ܝܥܩܘܒ ܥܝܢ̈ܘܗܝ ܘܚܼܙܐ ܘܗܐ ܥܣܘ ܐܬܐ ‍<‍ܠܐܘܪܥܗ#3#‍>‍܂ ܘܥܡܗ ܐܪܒܥܡܐܐ ܓܒܪ̈ܝܢ܂ ܘܦܠܓ ܛ̈ܠܝܐ ܥܠ ܠܝܐ ܘܥܠ ܪܚܝܠ ܘܥܠ ܬܪ̈ܬܝܢ ܐܡܗ̈ܬܐ܂
33:02 [ai]	ܘܥܒܼܕ ܠܐܡܗ̈ܬܐ ܘܠܒܢܝܗܝܢ ܩܕܡܝܬ܂ ܘܠܠܝܐ ܘܠܒ̈ܢܝܗܿ ܒܬܪܗܝܢ܂ ܘܠܪܚܝܠ ܘܠܝܘܣܦ ܒܚܪܬܐ܂
33:03 [ai]	ܘܗܼܘ ܥܒܼܪ ܩܕܡܝܗܘܢ܂ ܘܣܓܼܕ ܥܠ ܐܪܥܐ ܫܒܥ ܙܒ̈ܢܝܢ܂ ܥܕܡܐ ܕܩܪܒ ܠܘܬ ‍<‍ܥܣܘ#2#‍>‍ ܐܚܘܗܝ܂
33:04 [ai]	ܘܪܗܛ ܥܣܘ ܠܐܘܪܥܗ܂ ܘܥܦܩܗ ܘܢܦܠ ܥܠ ܨܘܪܗ܂ ܘܢܫܩܗ ܘܒܟܘ܂
33:05 [ai]	ܘܐܪܝܡ ܥܣܘ/#3#/ ܥܝܢ̈ܘܗܝ܂ ܘܚܼܙܐ ܢܫ̈ܐ ܘܛ̈ܠܝܐ ܘܐܡܼܪ܂ ܐܝܡܟܐ ܠܟ ܗܠܝܢ ܘܐܡܼܪ ‍<‍ܠܗ#3#‍>‍ ‍<‍ܝܥܩܘܒ#3#‍>‍܂ ܛ̈ܠܝܐ ܐܢܘܢ ܕܝܗܼܒ ܐܠܗܐ ܠܥܒܼܕܟ܂
33:06 [ai]	ܘܩܪܒ ܐܡܗ̈ܬܐ ܗ̈ܢܝܢ ܘܒ̈ܢܝܗܝܢ ܘܣܓܼܕܘ܂
33:07 [ai]	ܘܩܼܪܒܬ ܐܦ/#3#/ ܠܝܐ ܘܒ̈ܢܝܗܿ ܘܣܓܼܕܘ܂ ܘܒܬܪܟܢ ܩܪܒܘ ܐܦ ܪܚܝܠ ܘܝܘܣܦ ܘܣܓܼܕܘ܂
33:08 [ai]	ܘܐܡܪ ‍<‍ܠܗ#2܂3‍>‍ ܥܣܘ/#3#/ ‍<‍ܠܝܥܩܘܒ#3#‍>‍܂ ܐܝܡܟܐ ܠܟ ܗܕܐ ܟܠܗܿ ܡܫܪܝܬܐ ܕܦܓܥܬ ܒܝ܂ ܘܐܡܼܪ ܠܗ/#3#/ ܝܥܩܘܒ/#3#/܂ ܡܛܠ ܕܐܫܿܟܚܬ ܪ̈ܚܡܐ ܒܥܝܢ̈ܝ ܡܪܝ܂
33:09 [ai]	ܘܐܡܪ ܠܗ/#3#/ ܥܣܘ/#3#/܂ ܐܝܬ ܠܝ ܘܣܿܓܝ ܠܝ܂ ܐܚܝ ܩܕܐ ܕܝܠܟ܂
33:10 [ai]	ܐܡܿܪ ܠܗ/#3#/ ܝܥܩܘܒ܂ ܐܢ ܐܫܿܟܚܬ ܪ̈ܚܡܐ ܒܥܝܢ̈ܝܟ܂ ܣܒ ܩܘܪܒܢܝ ܡܢ ܐ̈ܝܕܝ܂ ܡܛܠ ܕܗܫܐ ܚܿܙܝܬ ܐ̈ܦܝܟ܂ ܐܝܟ ܚܙܘܐ ܕܐ̈ܦܝ ܡܠܐܟܐ ܘܐܨܛܒܝܬ ܒܝ܂
33:11 [ai]	ܣܒ ܒܘܪܟܬܝ ܕܐܝܬܿܝܬ ܠܟ܂ ܡܛܠ ܕܪܚܿܡ ܥܠܝ ܐܠܗܐ܂ ܘܡܛܠ ܕܐܝܬ ܠܝ ܟܠ܂ ܘܐܠܨܗ ܘܩܿܒܠ܂
33:12 [ai]	ܐܡܪ ܠܗ ܥܣܘ܂ ܢܫܩܘܠ ܘܢܐܙܠ܂ ܘܐܙܠ ܠܩܘܒܠܟ܂
33:13 [ai]	ܐܡܿܪ ܠܗ ܝܥܩܘܒ܂ ܡܪܝ ܝܕܥܿ ܕܛ̈ܠܝܐ ܛܠܼܝܢ܂ ܘܥܢܐ ܘܬܘܪ̈ܐ ܡܝܢܩܢ ܥܠܝ܂ ܘܐܢ ܪܕܦܿ ܐܢܐ ܠܗܘܢ ܚܕ ܝܘܡ܂ ܡܝܬܐ ܟܘܠܗܿ ܥܢܐ܂
33:14 [ai]	ܢܥܒܪ ܡܪܝ ܩܕܡ ܥܒܕܗ܂ ܘܐܢܐ ܐܗܠܟ ܪܟܝܟܐܝܬ ܠܪܓܠ ܥܒܕܬܐ ܕܩܕܡܝ ܘܠܪܓܠ ܛ̈ܠܝܐ܂ ܥܕܡܐ ܕܐܬܐ ܠܘܬ ܡܪܝ ܠܣܥܝܪ܂
33:15 [ai]	ܐܡܿܪ ‍<‍ܠܗ#3#‍>‍ ܥܣܘ܂ ܐܫܒܘܩ ܠܘܬܟ ܡܢ ܥܡܐ ܕܥܡܝ܂ ܘܐܡܼܪ ܝܥܩܘܒ/#3#/܂ ܠܡܢܐ ܗܿܘܐ ܠܝ ܐܫܟܚ ܪ̈ܚܡܐ ܒܥܝܢ̈ܝ ܡܪܝ܂
33:16 [ai]	ܘܗܼܦܟ ܥܣܘ ܒܝܘܡܐ ܗܿܘ ܠܐܘܪܚܗ܂ ܠܣܥܝܪ܂
33:17 [ai]	ܘܝܥܩܘܒ ܫܩܠ ܠܣܟܘܬ܂ ܘܒܢܼܐ ܠܗ ܒܝܬܐ܂ ܘܠܒܥܝܪܗ ܥܒܼܕ ܡܛܠܠܐ܂ ܡܛܠ ܗܢܐ ܩܼܪܐ ܫܡܗ ܕܐܬܪܐ ܗܿܘ ܣܟܘܬ܀
33:18 [ai]	ܘܐܬܐ ܝܥܩܘܒ ܠܫܠܝܡ ܩܪܝܬܐ ܕܫܟܝܡ ܕܒܐܪܥܐ/ܒܐܬܪܐ#3#/ ܕܟܢܥܢ܂ ܟܕ ܐܬܐ ܡܢ ܦܕܢ ܕܐܪܡ ܘܫܼܪܐ ܠܩܘܒܠܗܿ ܕܩܪܝܬܐ܂
33:19 [ai]	ܘܙܒܢ ܡܢܬܐ ܕܚܩܠܐ ܡܢ ܒܢ̈ܝ ܚܡܘܪ ܐܒܘܗܝ ܕܫܟܝܡ ܒܡܐܐ ܢܩ̈ܘܢ܂ ܘܢܩܼܫ ܬܡܿܢ ܡܫܟܢܗ܂
33:20 [ai]	ܘܐܩܝܡ ܬܡܢ ܡܕܒܚܐ܂ ܘܩܪܝܗܝ ܐܝܠ ܐܠܗܐ ܕܐܝܣܪܝܠ܀

next chapter