← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


38:01 [ai]ܘܗܘܼܐ ܒܙܒܢܐ ܗܿܘ܂ ܘܢܚܼܬ ܝܗܘܕܐ ܡܢ ܠܘܬ ܐܚ̈ܘܗܝ܂ ܘܣܼܛܐ ܠܘܬ ܓܒܪܐ ܥܪܠܡܝܐ ܘܫܡܗ ܚܝܪܐ܂
38:02 [ai]ܘܚܼܙܐ ܬܡܢ/#3#/ ܝܗܘܕܐ ܒܪܬ ܓܒܪܐ ܟܢܥܢܝܐ܂ ܘܫܡܗܿ ܫܘܥ܂ ܘܢܣܒܗܿ ܘܥܠ ܠܘܬܗܿ܂
38:03 [ai]ܘܒܛܼܢܬ ܘܝܠܼܕܬ ܠܗ/#3#/ ܒܪܐ܂ ܘܩܪܐ ܫܡܗ ܥܝܪ܂
38:04 [ai]ܘܒܼܛܢܬ ܬܘܒ ܘܝܠܕܬ ܒܪܐ܂ ܘܩܼܪܐ ܫܡܗ ܐܘܢܢ܂
38:05 [ai]ܘܐܘܣܼܦܬ ܬܘܒ ܘܝܠܼܕܬ ܒܪܐ܂ ܘܩܼܪܐ ܫܡܗ ܫܠܐ܂ ܘܦܣܼܩܬ ܗܘܬ ܟܕ ܝܠܕܬܗ܂
38:06 [ai]ܘܢܣܼܒ ܝܗܘܕܐ ܐܢܬܬܐ ܠܥܝܪ ܒܘܟܪܗ܂ ܘܫܡܗܿ ܬܡܪ܂
38:07 [ai]ܘܗܘܼܐ ܥܝܪ ܒܘܟܪܗ ܕܝܗܘܕܐ ܒܝܫ ܩܕܡ ܡܪܝܐ܂ ܘܐܡܝܬܗ ܡܪܝܐ܂
38:08 [ai]ܘܐܡܼܪ ܝܗܘܕܐ ܠܐܘܢܢ ܒܪܗ/#3#/܂ ܥܘܠ ܥܠ ܐܢܬܬ ܐܚܘܟ ܘܝܒܡܝܗܿ܂ ܘܐܩܝܡ ܙܪܥܐ ܠܐܚܘܟ܂
38:09 [ai]ܘܝܕܥܼ ܐܘܢܢ ܕܠܗ ܠܐ ܗܿܘܐ ܙܪܥܐ܂ ܘܡܐ ܕܥܐܿܠ ܗܘܐ ܥܠ ܐܢܬܬ ܐܚܘܗܝ܂ ܡܿܚܒܠ ܗܘܐ ܥܠ ܐܪܥܐ ܕܠܐ ܢܩܝܡ ܙܪܥܐ ܠܐܚܘܗܝ܂
38:10 [ai]ܘܐܬܒܐܫ ܩܕܡ ܡܪܝܐ ܡܕܡ ܕܥܒܼܕ ܘܐܡܝܬܗ ܐܦ ܠܗ܀
38:11 [ai]ܘܐܡܼܪ ܝܗܘܕܐ ܠܬܡܪ ܟܠܬܗ܂ ܬܒܝ ܒܐܪܡܠܘܬܐ ܒܝܬ ܐܒܘܟܝ܂ ܥܕܡܐ ܕܢܪܒܐ ܫܠܐ ܒܪܝ܂ ܡܛܠ ܕܐܡܼܪ܂ ܕܠܡܐ ܢܡܘܬ ܐܦ ܗܼܘ ܐܝܟ ܐܚ̈ܘܗܝ܂ ܘܐܙܠܼܬ ܬܡܪ ܘܝܬܼܒܬ ܒܝܬ ܐܒܘܗܿ܂
38:12 [ai]ܘܣܓܝܘ ܝܘܡ̈ܬܐ܂ ܘܡܝܬܬ ܒܪܬ ܫܘܥ ܐܢܬܬܗ ܕܝܗܘܕܐ܂ ܘܐܬܒܝܐ ܝܗܘܕܐ܂ ܘܣܠܼܩ ܠܘܬ ܓܙܝ̈ ܥܢܗ܂ ܗܼܘ ܘܚܝܪܐ ܪܚܡܗ ܥܪܠܡܝܐ ܠܬܡܢܬ܂
38:13 [ai]ܘܚܘܝܘ/ܘܐܬܚܘܝ#3#/ ܠܬܡܪ ܘܐܡܪܘ ܠܗܿ܂ ܗܐ ܚܡܘܟܝ ܣܿܠܩ ܠܬܡܢܬ ܠܡܓܙ ܥܢܗ܂
38:14 [ai]ܘܐܥܒܼܪܬ ܠܒܘ̈ܫܝ ܐܪܡܠܘܬܗܿ ܡܢܗܿ܂ ܘܐܬܟܣܝܬ ܒܐܪܕܝܕܐ ܘܐܨܛܒܬܬ ܘܝܬܼܒܬ ܒܦܠܫܬ ܐܘܪ̈ܚܬܐ܂ ܕܒܐܘܪܚܐ ܕܬܡܢܬ܂ ܡܛܠ ܕܚܙܬ ܕܪܒܐ ܫܠܐ܂ ܘܗܼܝ ܠܐ ܡܬܝܗܒܐ ܠܗ ‍<‍ܐܢܬܬܐ#3#‍>‍܂
38:15 [ai]ܘܚܙܗܿ ܝܗܘܕܐ ܘܚܫܒܗܿ ܐܝܟ ܙܢܝܬܐ܂ ܡܛܠ ܕܟܣܼܝܬ ܐ̈ܦܝܗܿ܂
38:16 [ai]ܘܣܼܛܐ ܠܘܬܗܿ ܠܐܘܪܚܐ ܘܐܡܼܪ ܠܗܿ/#3#/܂ ܬܝ ܐܥܘܠ ܠܘܬܟܝ܂ ܡܛܠ ܕܠܐ ܝܕܥܿ ܗܘܐ ܕܟܠܬܗ ܗܝ܂ ܘܐܡܼܪܬ ܠܗ/#3#/܂ ܡܢܐ ܝܗܿܒ ܐܢܬ ‍<‍ܠܝ#3#‍>‍ ܕܥܐܿܠ ܐܢܬ ܠܘܬܝ܂
38:17 [ai]ܘܐܡܼܪ ܐܢܐ ܐܫܕܪ ܓܕܝܐ ܕܥ̈ܙܐ ܡܢ ܥܢܐ܂ ܘܐܡܼܪܬ ܐܢ ܬܬܠ ܠܝ/#3#/ ܡܫܟܢܐ ܥܕܡܐ ܕܡܫܕܪ ܐܢܬ܂
38:18 [ai]ܘܐܡܼܪ ܡܢܐ ܡܫܟܢܐ ܐܬܠ ܠܟܝ܂ ܘܐܡܼܪܬ ܥܙܩܬܟ ܘܫܘܫܦܟ ܘܚܘܛܪܟ ܕܒܐܝܕܟ܂ ܘܝܗܼܒ ܠܗܿ ܘܥܠ ܠܘܬܗܿ܂ ܘܒܼܛܢܬ ܡܢܗ܂
38:19 [ai]ܘܩܡܬ ܘܐܙܠܼܬ܂ ܘܐܥܒܼܪܬ ܐܪܕܝܕܐ ܡܢܗܿ܂ ܘܠܒܫܼܬ ܠܒܘܫ̈ܝ ܐܪܡܠܘܬܗܿ܂
38:20 [ai]ܘܫܕܪ ܝܗܘܕܐ ܓܕܝܐ ܕܥ̈ܙܐ ܒܝܕ ܪܚܡܗ ܥܪܠܡܝܐ܂ ܠܡܣܒ ܡܫܟܢܐ ܡܢ ܐ̈ܝܕܝܗܿ ܕܐܢܬܬܐ ܘܠܐ ܐܫܟܚܗܿ܂
38:21 [ai]ܘܫܐܿܠ ܠܐܢܫ̈ܝ ܐܬܪܐ ܘܐܡܼܪ܂ ܐܝܟܐ ܗܝ ܙܢܝܬܐ ܕܝܬܒܐ ܒܦܠܫܬ ܐܘܪ̈ܚܬܐ ܘܐܡܪܘ܂ ܠܝܬ ܗܪܟܐ ܙܢܝܬܐ܂
38:22 [ai]ܘܗܼܦܟ ܠܘܬ ܝܗܘܕܐ ܘܐܡܪ܂ ܠܐ ܐܫܟܚܬܗܿ܂ ܘܐܦ ܐܢܫ̈ܝ ܐܬܪܐ ܐܡܪ̈ܝܢ܂ ܠܝܬ ܗܪܟܐ ܙܢܝܬܐ܂
38:23 [ai]ܘܐܡܼܪ ܝܗܘܕܐ܂ ܬܣܒ ܠܗܿ ܕܠܡܐ ܐܗܘܐ ܓܘܚܟܐ܂ ܗܐ ܫܿܕܪܬ ܓܕܝܐ ܗܢܐ \ܘܐܢܬ ܠܐ /ܘܠܐ#3#/ ܐܫܟܚܬܗܿ܀
38:24 [ai]ܘܗܘܼܐ ܡܢ/#3#/ ܒܬܪ ܬܠܬܐ ܝܪ̈ܚܝܢ܂ ܘܐܬܚܘܝ ܠܝܗܘܕܐ ܘܐܡܪܘ ܠܗ܂ ܙܢܝܬ ܬܡܪ ܟܠܬܟ܂ ܘܗܐ ܡܢ ܙܢܝܘܬܐ ܒܛܢܐ܂ ܘܐܡܼܪ ܝܗܘܕܐ܂ ܐܦܩܘܗܿ ܘܬܐܩܕ܂
38:25 [ai]ܘܟܕ ܗܼܢܘܢ ܡܦܩܝܢ ܠܗܿ܂ ܫܠܚܐ ܠܚܡܘܗܿ ‍<‍ܘܐܡܪܐ#3#‍>‍܂ ܡܢ ܓܒܪܐ ܕܗܠܝܢ ܕܝܠܗ ܡܢܗ ܒܛܢܐ ܐܢܐ ܘܐܡܪܬ܂ ܐܫܬܘܕܥ ܕܡܿܢ ܗܝ ܥܙܩܬܐ ܘܫܘܫܦܐ ܘܚܘܛܪܐ ܗܠܝܢ܂
38:26 [ai]ܘܗܼܘ ܐܫܬܘܕܥ ܘܐܡܼܪ ܝܗܘܕܐ܂ ܙܟܝܐ ܗܝ ܡܢܝ܂ ܡܛܠ ܗܢܐ ܠܐ ܝܗܒܬܗܿ ܠܫܠܐ ܒܪܝ܂ ܘܠܐ ܐܘܣܦ ܬܘܒ ܠܡܕܥܗܿ܂
38:27 [ai]ܘܗܘܼܐ ܙܒܢ ܡܘܠܕܗܿ܂ ܘܗܐ ܬܐ̈ܡܐ ܒܟܪܣܗܿ܂
38:28 [ai]ܘܗܘܼܐ ܕܟܕ ܝܠܕܐ ܝܗܼܒ ܐܝܕܗ܂ ܘܢܣܼܒܬ ܚܝܬܐ ܚܘܛܐ ܕܙܚܘܪܝܬܐ ܘܩܛܪܬ ܥܠ ܐܝܕܗ ܘܐܡܼܪܬ܂ ܗܢܐ ܢܦܘܩ ܩܕܡܝܬ܂
38:29 [ai]ܘܟܕ ܐܗܦܟ ܐܝܕܗ ܢܦܼܩ ܐܚܘܗܝ ܘܐܡܼܪܬ܂ ܡܐ ܐܬܬܪܥܼܬ ܥܠܝܟܝ ܬܘܪܥܬܐ ܘܩܪܬ ܫܡܗ ܦܪܨ܂
38:30 [ai]ܘܒܬܪܟܢ ܢܦܼܩ ܐܚܘܗܝ ܕܥܠ ܐܝܕܗ ܚܘܛܐ ܕܙܚܘܪܝܬܐ܂ ܘܩܪܬ ܫܡܗ ܙܪܚ܀

next chapter