← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


39:01 [ai]ܘܠܝܘܣܦ ܐܚܬܘܗܝ ܡܕܝܢ̈ܝܐ ܠܡܨܪܝܢ܂ ܘܙܒܢܗ ܦܘܛܝܦܪ ܡܗܝܡܢܐ ܪܒ ܕܚܫ̈ܐ ܕܦܪܥܘܢ܂ ܓܒܪܐ ܡܨܪܝܐ ܡܢ ܐܝܕܐ ܕܥܪ̈ܒܝܐ܂ ܕܐܚܬܘܗܝ ܠܬܡܢ܂
39:02 [ai]ܘܗܘܼܐ ܡܪܝܐ ܥܡ ܝܘܣܦ܂ ܘܗܘܼܐ ܓܒܪܐ ܡܨܠܚ ܒܝܬ ܡܪܗ ܡܨܪܝܐ܂
39:03 [ai]ܘܚܼܙܐ ܡܪܗ ܕܡܪܝܐ ܥܡܗ܂ ܘܟܠ ܕܥܒܿܕ ܡܪܝܐ ܡܼܨܠܚ ܒܐܝܕܗ܂
39:04 [ai]ܘܐܫܟܚ ܝܘܣܦ ܪ̈ܚܡܐ ܒܥܝܢ̈ܘܗܝ ܘܫܡܫܗ܂ ܘܐܫܠܛܗ ܥܠ ܒܝܬܗ܂ ܘܟܠ ܕܐܝܬ ܠܗ ܝܗܼܒ ܒܐ̈ܝܕܘܗܝ܂
39:05 [ai]ܘܗܘܼܐ ܡܢ ܙܒܢܐ ܕܐܫܠܛܗ ܥܠ ܒܝܬܗ ܘܥܠ ܟܠ ܕܐܝܬ ܠܗ܂ ܒܪܟ ܡܪܝܐ ܠܒܝܬܗ ܕܡܨܪܝܐ ܡܛܠ ܝܘܣܦ܂ ܘܗܘܬ ܒܘܪܟܬܗ ܕܡܪܝܐ ܒܟܠ ܕܐܝܬ ܠܗ ܒܒܝܬܐ ܘܒܚܩܠܐ܂
39:06 [ai]ܘܫܒܼܩ ܟܠܡܕܡ/ܟܠ#3#/ ܕܐܝܬ ܠܗ ܒܝܕ ܝܘܣܦ܂ ܘܠܐ ܝܕܥܼ ܥܡܗ ܡܕܡ܂ ܐܠܐ ܐܢ ܠܚܡܐ ܕܐܿܟܠ ܗܘܐ܂ ܘܝܘܣܦ ܫܦܝܪ ܗܘܐ ܚܙܘܗ/ܒܚܙܘܗ#3#/ ܘܝܐܐ ܗܘܐ/#3#/ ܩܘܒܠܠܗ܂
39:07 [ai]ܘܗܘܐ ܡܢ ܒܬܪ ܦ̈ܬܓܡܐ/ܡ̈ܠܐ#3#/ ܗܠܝܢ܂ ܐܪܡܼܝܬ ܐܢܬܬ ܡܪܗ ܥܝܢܗܿ ܥܠ ܝܘܣܦ܂ ܘܐܡܼܪܬ ܠܗ ܕܡܼܟ ܥܡܝ܂
39:08 [ai]ܘܠܐ ܨܒܼܐ ܘܐܡܼܪ ܠܐܢܬܬ ܡܪܗ܂ ܗܐ ܡܪܝ ܠܐ ܝܕܥܿ ܥܡܝ ܡܢܐ ܐܝܬ ܒܒܝܬܗ܂ ܘܟܠ ܕܐܝܬ ܠܗ ܐܫܠܛ ܒܐ̈ܝܕܝ܂
39:09 [ai]ܘܠܝܬ ܕܪܒ ܒܒܝܬܐ ܗܢܐ ܡܢܝ܂ ܘܠܐ ܚܣܟ ܡܢܝ ܡܕܡ܂ ܐܠܐ ܐܢ ܠܟܝ ܕܐܢܬܬܗ ܐܢܬܝ܂ ܘܐܝܟܢܐ ܐܥܒܕ ܒܝܫܬܐ ܗܕܐ ܪܒܬܐ܂ ܘܐܚܛܐ ܠܐܠܗܐ܂
39:10 [ai]ܘܟܕ ܐܡܪܐ ܗܘܬ ܠܗ ܟܠܝܘܡ ‍<‍ܠܝܘܣܦ#3#‍>‍ ܘܠܐ ܫܡܿܥ ܗܘܐ ܠܗܿ܂ ܠܡܕܡܟ ܠܘܬܗܿ ܘܠܡܗܘܐ ܥܡܗܿ܂
39:11 [ai]ܘܗܘܼܐ \ܒܚܕ ܡܢ /ܒܬܪ#3#/ ܝܘܡ̈ܬܐ܂ ܘܥܠ ܝܘܣܦ/#3#/ ܠܒܝܬܐ ܠܡܥܒܕ ܥܒܿܕܐ ܘܠܝܬ ܐܢܫ ܡܢ ܐܢܫ̈ܝ ܒܝܬܐ ܬܡܢ ܒܒܝܬܐ܂
39:12 [ai]ܘܐܚܕܬܗ ܒܠܒܫܗ ܘܐܡܼܪܬ ܠܗ/#3#/܂ ܕܡܼܟ ܥܡܝ܂ ܘܫܒܩܗ ܠܒܫܗ ܒܐ̈ܝܕܝܗܿ܂ ܘܥܼܪܩ ܢܦܼܩ ܠܗ ܠܫܘܩܐ܂
39:13 [ai]ܘܗܘܼܐ ܕܟܕ ܚܙܬ ܕܫܒܩܗ ܠܒܫܗ ܒܐ̈ܝܕܝܗܿ ܘܥܼܪܩ ܠܫܘܩܐ܂
39:14 [ai]ܩܼܪܬ ܠܐܢܫ̈ܝ ܒܝܬܗܿ ܘܐܡܼܪܬ ܠܗܘܢ܂ ܚܙܘ ܕܐܝܬܝ ܠܢ ܥܒܼܕܐ ܥܒܪܝܐ ܠܡܓܚܟ ܥܠܝܢ܂ ܥܠ ܥܠܝ ܠܡܕܡܟ ܥܡܝ܂ ܘܩܥܿܝܬ ܒܩܠܐ ܪܡܐ/ܪܒܐ#3#/܂
39:15 [ai]ܘܟܕ ܫܡܼܥ ܕܐܪܝܡܿܬ ܩܠܝ ܘܩܿܥܝܬ/ܘܩܪܝܬ#3#/܂ ܫܒܩܗ ܠܒܫܗ ܠܘܬܝ/ܒܐ̈ܝܕܝ#3#/܂ ܘܥܼܪܩ ܢܦܼܩ ܠܗ ܠܫܘܩܐ܂
39:16 [ai]ܘܣܡܬܗ ܠܒܫܗ ܠܘܬܗܿ܂ ܥܕܡܐ ܕܥܠ ܡܪܗ ܠܒܝܬܐ܂
39:17 [ai]ܘܐܡܼܪܬ ܠܗ ܐܝܟ ܡ̈ܠܐ ܗܠܝܢ܂ ܥܠ ܥܠܝ ܥܒܼܕܐ ܥܒܪܝܐ ܕܐܝܬܝܬ ܠܢ ܠܡܓܚܟܘ ܒܢ܂
39:18 [ai]ܘܟܕ ܐܪܝܡܿܬ ܩܠܝ ܘܩܿܥܝܬ܂ ܫܒܩܗ ܠܒܫܗ ܒܐ̈ܝܕܝ ܘܥܪܼܩ ܢܦܼܩ ܠܗ ܠܫܘܩܐ܂
39:19 [ai]ܘܟܕ ܫܡܼܥ ܡܪܗ ܡ̈ܠܝܗܿ ܕܐܢܬܬܗ ܕܐܡܼܪܬ ܠܗ܂ ܕܐܝܟ ܡ̈ܠܐ ܗܠܝܢ ܥܒܼܕ ܠܝ ܥܒܼܕܟ܂ ܐܬܚܡܼܬ ܪܘܓܙܗ܂
39:20 [ai]ܘܕܒܪܗ ܡܪܗ ‍<‍ܠܝܘܣܦ#3#‍>‍ ܘܐܪܡܝܗ ܒܝܬ ܐܣܝܪ̈ܐ܂ ܐܬܪ ܕܐܣܝܪ̈ܝ ܡܿܠܟܐ ܐܣܝܪ̈ܝܢ ܗܘܘ/#3#/܂ ܘܗܘܼܐ ܬܡܿܢ ܒܝܬ ܐܣܝܪ̈ܐ܂
39:21 [ai]ܘܗܼܘܐ ܡܪܝܐ ܥܡ ܝܘܣܦ܂ ܘܐܪܡܝ ܥܠܘܗܝ ܚܣܕܐ܂ ܘܝܗܒܗ ܠܪ̈ܚܡܐ ܒܥܝ̈ܢܝ ܪܒ ܒܝܬ ܐܣܝܪ̈ܐ܂
39:22 [ai]ܘܐܫܠܡ ܪܒ ‍<‍ܒܝܬ#3#‍>‍ ܐܣܝܪ̈ܐ ܒܝܕ ܝܘܣܦ ܟܠܗܘܢ ܐܣܝܪ̈ܐ ܕܒܒܝܬ ܐܣܝܪ̈ܐ܂ ܘܟܠ ܕܥܒܕܝܢ ܗܘܘ ܬܡܿܢ ܗܼܘ ܥܒܿܕ ܗܘܐ܂
39:23 [ai]ܘܪܒ ‍<‍ܒܝܬ#3#‍>‍ ܐܣܝܪ̈ܐ ܠܐ ܚܿܙܐ ܗܘܼܐ ܡܕܡ ܒܐܝܕܗ܂ ܡܛܠ ܕܡܪܝܐ ‍<‍ܗܘܐ#3#‍>‍ ܥܡܗ܂ \ܘܟܠ ܡܕܡ /ܘܡܕܡ#3#/ ܕܥܒܿܕ ܗܘܐ ܡܪܝܐ ܡܨܠܚ܀

next chapter