← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


40:01 [ai]ܘܗܘܼܐ ܡܢ ܒܬܪ ܦܬ̈ܓܡܐ ܗܠܝܢ܂ ܚܛܘ ܪܒ ܫܩ̈ܘܬܐ ܕܡܿܠܟܐ ܕܡܨܪܝܢ ܘܪܒ ܢܚ̈ܬܘܡܐ ܠܡܪܗܘܢ ܡܿܠܟܐ ܕܡܨܪܝܢ܂
40:02 [ai]ܘܪܓܙ ܦܪܥܘܢ ܥܠ ܬܪ̈ܝܢ ܡܗܝܡܢ̈ܘܗܝ܂ ܥܠ ܪܒ ܫܩ̈ܘܬܐ \ܘܥܠ ܪܒ /ܘܪܒ#3#/ ܢܚ̈ܬܘܡܐ܂
40:03 [ai]ܘܐܪܡܝ ܐܢܘܢ ܒܝܬ ܐܣܝܪ̈ܐ܂ ܒܝܬ ܪܒ ܕܚܫ̈ܐ ‍<‍ܒܝܬ ܐܣܝܪ̈ܐ#3#‍>‍܂ ܒܐܬܪܐ ܕܝܘܣܦ ܐܣܝܪ ‍<‍ܗܘܐ#3#‍>‍ ܬܡܿܢ܂
40:04 [ai]ܘܐܫܠܛ ܪܒ ܕܚܫ̈ܐ ܠܝܘܣܦ ܥܠܝܗܘܢ ܘܫܡܫ ܐܢܘܢ܂ ܘܗܘܘ ܝܘܡ̈ܬܐ ܒܝܬ ܐܣܝܪ̈ܐ܂
40:05 [ai]ܘܚܼܠܡܘ ܚ̈ܠܡܐ ܬܪ̈ܝܗܘܢ܂ ܓܒܪ ܚܠܡܗ ܒܠܠܝܐ ܚܕ ܓܒܪ ܐܝܟ ܦܫܪ ܚܠܡܗ܂ ܫܩܝܐ ܘܢܚܬܘܡܐ ܕܡܿܠܟܐ ܕܡܨܪܝܢ ܕܐܣܝܪ̈ܝܢ ܒܝܬ ܐܣܝܪ̈ܐ܂
40:06 [ai]ܘܥܠ ܠܘܬܗܘܢ ܝܘܣܦ ܒܨܦܪܐ ܘܚܼܙܐ ܐܢܘܢ܂ ܘܗܐ ܟܡܝܪ̈ܝܢ܂
40:07 [ai]ܘܫܐܿܠ ܠܡܗ̈ܝܡܢܝ ܦܪܥܘܢ ܕܥܡܗ ܒܚܒܘܫܝܐ ܒܝܬ ܡܪܗ ܘܐܡܼܪ ܠܗܘܢ/#3#/܂ ܠܡܢܐ ܟܡܝܪ̈ܢ ܐ̈ܦܝܟܘܢ ܝܘܡܢܐ܂
40:08 [ai]ܘܐܡܪܘ ܠܗ܂ ܚܠܡܐ ܚܠܡܢ ܘܦܫܘܪܐ ܠܝܬ ܠܗ܂ ܐܡܿܪ ܠܗܘܢ ܝܘܣܦ܂ ܗܐ ܕܐܠܗܐ ܐܢܘܢ ܦܫܪ̈ܐ܂ ܐܫܬܥܘ ܠܝ ‍<‍ܓܒܪ ܚܠܡܗ#3#‍>‍܂
40:09 [ai]ܘܐܫܬܥܝ ‍<‍ܠܗ#3#‍>‍ ܪܒ ܫܩ̈ܘܬܐ ܚܠܡܗ ܠܝܘܣܦ܂ ܘܐܡܼܪ ܠܗ܂ ܒܚܠܡܝ ܗܐ ܓܦܬܐ ܩܕܡܝ܂
40:10 [ai]ܘܒܓܦܬܐ ܬܠܬ ܫܒܫ̈ܬܝܢ܂ ܘܗܼܝ ܟܕ ܦܪܥܼܬ܂ ܝܥܘ ܛܪ̈ܦܝܗܿ ܘܒܫܠܘ ܣ̈ܓܘܠܝܗܿ܂ ܗܘܘ ܥܢ̈ܒܐ܂
40:11 [ai]ܘܟܣܐ ܕܦܪܥܘܢ ܒܐ̈ܝܕܝ܂ ܘܢܣܿܒܬ ܥܢ̈ܒܐ ܘܥܨܪܬ ܐܢ̈ܝܢ ܒܟܣܗ ܕܦܪܥܘܢ܂ ܘܝܗܿܒܬ ܟܣܐ \ܠܐ̈ܝܕܝ ܦܪܥܘܢ /ܠܐܝܕܗ ܕܦܪܥܘܢ#3#/܂
40:12 [ai]ܐܡܿܪ ܠܗ ܝܘܣܦ܂ ܗܢܘ ܦܫܪܗ ܕܚܠܡܟ/#3#/܂ ܬܠܬ ܫܒܫ̈ܬܝܢ ܬܠܬܐ ܐܢܘܢ ܝܘܡ̈ܝܢ܂
40:13 [ai]‍<‍ܡܢ#3#‍>‍ ܒܬܪ ܬܠܬܐ ܝܘܡ̈ܝܢ ܢܬܕܟܪܟ ܦܪܥܘܢ܂ ܘܢܗܦܟܟ ܥܠ ܫܕܬܟ܂ ܘܬܬܠ ܟܣܐ ܠܦܪܥܘܢ ܒܐܝܕܗ܂ ܐܝܟ ܢܡܘܣܐ ܩܕܡܝܐ ܕܡܫܿܩܐ ܗܘܼܝܬ ܠܗ܂
40:14 [ai]ܐܠܐ ܐܬܕܟܪܝܢܝ ܥܡܟ ܟܕ ܢܛܐܒ ܠܟ܂ ܘܥܒܼܕ ܥܡܝ ܛܝܒܘܬܐ ܘܩܘܫܬܐ܂ ܘܐܬܕܟܪܝܢܝ ܩܕܡ ܦܪܥܘܢ܂ ܘܐܦܩܝܢܝ ܡܢ ܒܝܬ ܐܣܝܪ̈ܐ ܗܢܐ܂
40:15 [ai]ܡܛܠ ܕܡܓܢܒ ܓܢܝܒ ܐܢܐ ܡܢ ܐܪܥܐ ܕܥܒܪ̈ܝܐ܂ ܘܐܦ ܗܪܟܐ ܡܕܡ ܠܐ ܥܒܿܕܬ܂ ܕܐܪܡܝܘܢܝ ܒܓܘܒܐ/ܒܝܬ ܐܣܝܪ̈ܐ#3#/܂
40:16 [ai]ܘܚܼܙܐ ܪܒ ܢܚ̈ܬܘܡܐ ܕܫܦܝܪ ܦܫܼܪ܂ ܘܐܡܼܪ ܠܝܘܣܦ܂ ܘܐܦ ܐܢܐ ܒܚܠܡܝ܂ ܘܗܐ ܬܠܬܐ ܣ̈ܠܐ ܕܚܘܪ̈ܬܐ ܥܠ ܪܫܝ܂
40:17 [ai]ܘܒܣܠܐ ܥܠܝܐ ܡܢ ܟܠ ܡܐܟܠܗ ܕܦܪܥܘܢ܂ ܥܒܿܕܐ ܕܢܚܬܘܡܐ܂ ܘܚܝܘܬ ܟܢܦܐ ܐܟܠܐ ܠܗܘܢ ܡܢ ܣܠܐ ܡܢ ܠܥܠ ܡܢ ܪܫܝ܂
40:18 [ai]ܥܢܼܐ ܝܘܣܦ ܘܐܡܼܪ ܠܗ/#3#/ܠܪܒ ܢܚ̈ܬܘܡܐ#2#/܂ ܗܢܘ ܦܫܪܗ ܕܚܠܡܟ܂ ܬܠܬܐ ܣ̈ܠܝܢ ܬܠܬܐ ܐܢܘܢ ܝܘܡ̈ܝܢ܂
40:19 [ai]‍<‍ܡܢ#3#‍>‍ ܒܬܪ ܬܠܬܐ ܝܘܡ̈ܝܢ܂ ܢܣܼܒ ܦܪܥܘܢ ܪܫܟ ܡܢܟ ܘܢܙܩܦܟ ܥܠ ܩܝܣܐ܂ ܘܬܐܟܘܠ ܦܪܚܬܐ ܒܣܪܟ ܡܢܟ܀
40:20 [ai]ܘܗܘܐ ܒܝܘܡܐ ܬܠܝܬܝܐ ܒܝܘܡܐ ܕܒܝܬ ܝܠܕܗ ܕܦܪܥܘܢ܂ ܥܒܼܕ ܦܪܥܘܢ/#3#/ ܡܫܬܝܐ ܠܟܠܗܘܢ ܥܒܼ̈ܕܘܗܝ܂ ܘܐܬܕܟܪ ܠܪܒ ܫܩ̈ܘܬܐ ܘܠܪܒ ܢܚܬ̈ܘܡܐ ܒܓܘ ܥܒ̈ܕܘܗܝ܂
40:21 [ai]ܘܐܩܝܡ ܠܪܒ ܫ̈ܩܘܬܐ ܥܠ ܫܕܬܗ܂ ܘܝܗܼܒ ܟܣܐ \ܥܠ ܐܝ̈ܕܝ /ܠܐ̈ܝܕܝ#3#/ ܦܪܥܘܢ܂
40:22 [ai]ܘܠܪܒ ܢܚܬ̈ܘܡܐ ܙܩܦܼ ܐܝܟ ܕܦܫܼܪ ܠܗܘܢ ܝܘܣܦ܂
40:23 [ai]ܘܠܐ ܐܬܕܟܪ ܪܒ ܫܩ̈ܘܬܐ ܠܝܘܣܦ ܘܛܥܝܗܝ܀

next chapter