The Comprehensive Aramaic Lexicon

41:01 [ai]	ܘܗܘܐ ܡܢ ܒܬܪ ܬܪ̈ܬܝܢ ܫ̈ܢܝܢ܂ ܘܦܪܥܘܢ ܚܠܼܡ ܚܠܡܐ/#3#/܂ ܘܗܐ ܩܐܡ ܥܠ ܢܗܪܐ܂
41:02 [ai]	ܘܗܐ ܡܢ ܢܗܪܐ ܣ̈ܠܩܢ ܫܒܥ ܬܘܪ̈ܢ܂ ܫܦܝܪ̈ܢ ܒܚܙܘܗܝܢ ܘܫܡܝܢܢ ܒܒܣܪܗܝܢ܂ ܘܪܥܝܢ ܒܡܪܓܐ܂
41:03 [ai]	ܘܗܐ ܫܒܥ ܬܘܪ̈ܬܐ ܐܚܪ̈ܢܝܬܐ ܣ̈ܠܩܢ ܒܬܪܗܝܢ ܡܢ ܢܗܪܐ܂ ܒܝܫ̈ܢ ܒܚܙܘܗܝܢ ܘܡܚܝܠܢ ܒܒܣܪܗܝܢ܂ ܘܩܡ ܥܠ ܓܢܒ ܬܘܪ̈ܬܐ ܥܠ ܣܦܬ ܢܗܪܐ܂
41:04 [ai]	ܘܐܟܼܠ ܬܘܪ̈ܬܐ ܕܒܝܫ̈ܢ ܒܚܙܘܗܝܢ/#3#/ ܘܡܚܝ̈ܠܢ ܒܒܣܪܗܝܢ܂ ܠܫܒܥ ܬܘܪ̈ܬܐ ܕܫܦܝܪ̈ܢ ܒܚܙܘܗܝܢ ܘܫܡܝ̈ܢܢ ܒܒܣܪܗܝܢ܂ ܘܐܬܬܥܝܪ ܦܪܥܘܢ܂
41:05 [ai]	ܘܕܡܼܟ܀܀ ܘܚܠܡ ܕܬܪ̈ܬܝܢ ܙܒܢܝܢ܂ ܘܗܐ ܫܒܥ ܫܒ̈ܠܝܢ ܣ̈ܠܩܢ ܒܩܢܝܐ ܚܕ܂ ܡ̈ܠܝܢ ܘܛܒ̈ܢ܂
41:06 [ai]	ܘܗܐ ܫܒܥ ܫܒ̈ܠܝܢ ‍<‍ܐܚܪ̈ܢܝܢ#3#‍>‍ ܩ̈ܛܝܢܢ ܘܫܩܝܦܢ ܠܪܘܚܐ ܕܫܘܒܐ ܝܥܝܢ ܒܬܪܗܝܢ܂
41:07 [ai]	ܘܒܠܥ ܫܒ̈ܠܐ ܩܛܝܢ̈ܬܐ ܠܫܒܥ ܫܒ̈ܠܐ ܫܡܝܢ̈ܬܐ ܘܡܠܝ̈ܬܐ܂ ܘܐܬܥܝܪ ܦܪܥܘܢ ܘܗܐ ܚܠܡܐ ܗܘ܀
41:08 [ai]	ܘܗܘܐ ܒܨܦܪܐ܂ ܘܐܬܛܪܦܬ ܪܘܚܗ ܕܦܪܥܘܢ/#3#/܂ ܘܫܕܪ ܩܼܪܐ ܠܟܠܗܘܢ ܚܪ̈ܫܐ ܘܠܟܠܗܘܢ ܚܟܝ̈ܡܝܗܿ ܕܡܨܪ̈ܝܢ܂ ܘܐܫܬܥܝ ܠܗܘܢ ܦܪܥܘܢ ܚ̈ܠܡܘܗܝ܂ ܘܠܝܬ ‍<‍ܐܢܫ#3#‍>‍ ܕܦܫܿܪ \ܠܗܘܢ ܠܦܪܥܘܢ /ܚ̈ܠܡܘܗܝ#3#/܂
41:09 [ai]	ܘܡܠܠ ܪܒ ܫܩ̈ܘܬܐ ܩܕܡ ܦܪܥܘܢ ܘܐܡܼܪ܂ ܣܘܪܚܢܝ ܡܕܟܪ ܐܢܐ ܝܘܡܢܐ܂
41:10 [ai]	ܦܪܥܘܢ ܪܓܙ ܥܠ ܥܒܼ̈ܕܘܗܝ܂ ܘܐܪܡܝܢ ܒܝܬ ܐܣܝܪ̈ܐ ܒܝܬ ܪܒ ܕܚܫ̈ܐ܂ ܠܝ ܘܠܪܒ ܢܚ̈ܬܘܡܐ܂
41:11 [ai]	ܘܚܠܡܢ ܚ̈ܠܡܐ ܒܠܠܝܐ ܚܕ ܐܢܐ ܘܗܿܘ܂ ܓܒܪ ܐܝܟ ܦܫܪ ܚܠܡܗ ܚܠܡܢ܂
41:12 [ai]	ܘܬܡܢ ܥܡܢ ܥܠܝܡܐ ܥܒܪܝܐ ܥܒܼܕܐ ‍<‍ܗܘ#3#‍>‍ ܕܪܒ ܕܚܫܼ̈ܐ ܘܐܫܬܥܝܢ ܠܗ܂ ܘܦܫܼܪ ܠܢ ܚ̈ܠܡܝܢ܂ ܐܢܫ ܐܝܟ ܚܠܡܗ ܦܫܪ܂
41:13 [ai]	ܘܐܝܟ/ܘܐܝܟܢܐ#3#/ ܕܦܫܼܪ ܠܢ ܗܟܢܐ ܗܘܐ ܠܢ/#3#/܂ ܠܝ ܐܗܦܟ \ܥܠ ܫܕܬܝ/ܠܫܕܬܝ/#3#/܂ ܘܠܗܿܘ ܙܩܦ܀
41:14 [ai]	ܘܫܕܪ ܦܪܥܘܢ ܘܩܪܝܗܝ ܠܝܘܣܦ ܘܐܪܗܛܘܗܝ ܡܢ ܓܘܒܐ܂ ܘܓܼܪܥ ܘܚܿܠܦ ܢܚ̈ܬܘܗܝ܂ ܘܥܠ/ܩܡ#3#/ ܩܕܡ ܦܪܥܘܢ܂
41:15 [ai]	ܘܐܡܼܪ ܦܪܥܘܢ ܠܝܘܣܦ܂ ܚܠܡܐ ܚܿܠܡܬ ܘܦܫܘܪܐ ܠܝܬ ܠܗ܂ ܘܐܢܐ ܫܡܿܥܬ ܥܠܝܟ܂ ܕܫܡܿܥ ܐܢܬ ܚܠܡܐ ܘܦܫܪ ܐܢܬ ܠܗ܂
41:16 [ai]	ܥܢܼܐ ܝܘܣܦ ܘܐܡܼܪ ܠܦܪܥܘܢ܂ ܕܠܡܐ ܣܿܒܪ ܐܢܬ ܕܒܠܥܕ ‍<‍ܡܢ#2#‍>‍ ܐܠܗܐ ܢܥܢܐ ܫܠܡܐ ܠܦܪܥܘܢ܂
41:17 [ai]	ܘܐܡܼܪ ܦܪܥܘܢ ܠܝܘܣܦ܂ ܒܚܠܡܝ ܗܐ ܩܐܡ ܐܢܐ ܥܠ ܣܦܬ ܢܗܪܐ܂
41:18 [ai]	ܘܗܐ ܡܢ ܢܗܪܐ ܣܠܩܢ ܫܒܥ ܬܘܪ̈ܬܐ܂ ܫܡܝ̈ܢܢ/ܫܡܝܢ#3#/ ܒܒܣܪܗܝܢ \ܘܫܦܝܪ ܚܙܘܗܝܢ /ܘܫܦܝܪ̈ܢ ܒܚܙܘܗܝܢ#3#/ ܘܪܥܝܢ ܒܡܪܓܐ܂
41:19 [ai]	ܘܗܐ ܫܒܥ ܬܘܪ̈ܢ ܐܚܪ̈ܢܝܢ ܣܠܩܢ ܒܬܪܗܝܢ܂ ܒܨܝܪ̈ܢ \ܘܒܝܫ ܚܙܘܗܝܢ /ܘܒܝ̈ܫܢ ܒܚܙܘܗܝܢ#3#/܂ ܘܡܚܝܠ ܒܣܪܗܝܢ ܛܒ܂ ܘܠܐ ܚܿܙܝܬ ܕܒܝܫ̈ܢ ܐܟܘܬܗܝܢ ܒܟܘܠܗܿ ܐܪܥܐ ܕܡܨܪܝܢ܂
41:20 [ai]	ܘܐܟܼܠ ܬܘܪ̈ܬܐ ܡܚܝ̈ܠܬܐ ܘܒܝܫ̈ܬܐ ܠܫܒܥ ܬܘܪ̈ܬܐ ܩܕܡܝ̈ܬܐ ܫܡܝ̈ܢܬܐ܂
41:21 [ai]	ܘܥܠ ܠܓܘܗܝܢ܂ ܘܠܐ ܐܬܝܕܥ ܕܥܠ ܠܓܘܗܝܢ܂ ܘܚܙܘܗܝܢ ܒܝܫ ܐܝܟ ܕܒܩܕܡܝܬܐ܂ ܘܐܬܿܬܥܝܪܬ܂
41:22 [ai]	ܘܬܘܒ ܚܙܝܿܬ ܒܚܠܡܝ܂ ܘܗܐ ܫܒܥ ܫܒ̈ܠܝܢ ܣ̈ܠܩܢ ܒܩܢܝܐ ܚܕ܂ ܡ̈ܠܝܢ ܘܛܒ̈ܢ܂
41:23 [ai]	ܘܗܐ ܫܒܥ ܫܒ̈ܠܝܢ ܩܛܝ̈ܢܢ ܘܫܩܝ̈ܦܢ ܠܪܘܚܐ ܕܫܘܒܐ ܝܥܝܢ ܒܬܪܗܝܢ܂
41:24 [ai]	ܘܒܠܼܥ ܫܒ̈ܠܐ ܩܛܝܢܬ̈ܐ ܠܫܒܥ ܫܒ̈ܠܐ ܛܒܬ̈ܐ܂ ܘܐܡܿܪܬ ܠܚܪ̈ܫܐ ܘܠܝܬ ܕܡܚܘܐ ܠܝ܀
41:25 [ai]	ܘܐܡܼܪ ܝܘܣܦ ܠܦܪܥܘܢ܂ ܚܠܡܐ ܦܪܥܘܢ ܚܕ ܗܼܘ܂ ܡܕܡ ܕܐܠܗܐ ܥܒܿܕ ܚܘܝ ܠܦܪܥܘܢ܂
41:26 [ai]	ܫܒܥ ܬܘܪ̈ܬܐ ܛܒܬ̈ܐ ܫܒܥ ܐܢܝ̈ܢ ܫ̈ܢܝܢ܂ ܘܫܒܥ ܫ̈ܒܠܐ ܛܒ̈ܬܐ ܫܒܥ ܐܢܝ̈ܢ ܫ̈ܢܝܢ܂ ܚܠܡܐ ܚܕ ܗܼܘ܂
41:27 [ai]	ܘܫܒܥ ܬܘܪ̈ܬܐ ܡܚܝ̈ܠܬܐ ܘܒܝܫ̈ܬܐ ܕܣ̈ܠܩܢ ܒܬܪܗܝܢ ܫܒܥ ܐܢܝ̈ܢ ܫ̈ܢܝܢ܂ ܘܫܒܥ ܫ̈ܒܠܐ ܩܛܝܢ̈ܬܐ ܕܫܩܝܦܢ ܠܪܘܚܐ ܕܫܘܒܐ܂ ܢܗܘܝܢ ܫܒܥ ܫ̈ܢܝܢ ܟܦܢܐ܂
41:28 [ai]	ܗܿܘ ܦܬܓܡܐ ܕܐܡܿܪܬ ܠܦܪܥܘܢ܂ ܐܝܠܝܢ ܕܐܠܗܐ ܥܒܿܕ ܚܘܝ ܠܦܪܥܘܢ܂
41:29 [ai]	ܗܐ/ܗܫܐ#3#/ ܫܒܥ ܫ̈ܢܝܢ ܐܬ̈ܝܢ܂ ܣܒܥܐ ܪܒܐ ܒܟܠܗܿ ܐܪܥܐ ܕܡܨܪܝܢ܂
41:30 [ai]	ܘܢܩܘܡܢ ܫܒܥ ܫ̈ܢܝܢ ܕܟܦܢܐ ܒܬܪܗܝܢ܂ ܘܢܬܛܥܐ ܟܠܗ ܣܒܥܐ ܕܗܘܼܐ \ܒܟܘܠܗܿ ܐܪܥܐ /ܒܐܪܥܐ#3#/ ܕܡܨܪܝܢ܂ ܘܢܣܝܦ ܟܦܢܐ ܠܐܪܥܐ܂
41:31 [ai]	ܘܠܐ ܢܬܝܕܥ ܣܒܥܐ ܒܐܪܥܐ܂ ܡܛܠ ܟܦܢܐ ܗܿܘ ܕܡܢ ܒܬܪܟܝܢ ܕܥܫܝܢ ܗܼܘ ܛܒ܂
41:32 [ai]	ܘܕܐܬܬܢܝ ܚܠܡܐ ܠܦܪܥܘܢ ܕܬܪ̈ܬܝܢ ܙܒ̈ܢܝܢ܂ ܕܡܛܝܒ ܦܬܓܡܐ ܡܢ ܩܕܡ ܐܠܗܐ܂ ܘܡܣܪܗܒ ܐܠܗܐ ܠܡܥܒܕܗ܂
41:33 [ai]	ܗܫܐ ܢܚܙܐ ܦܪܥܘܢ ܓܒܪܐ ܚܟܝܡܐ ܘܣܟܘܠܬܢܐ܂ ܘܢܩܝܡܝܘܗܝ ܥܠ ܐܪܥܐ ܕܡܨܪܝܢ܂
41:34 [ai]	ܘܢܥܒܪ/ܘܢܥܒܕ#3#/ ܦܪܥܘܢ ܘܢܩܝܡ ܫ̈ܠܝܛܐ/ܫ̈ܠܝܛܢܐ#3#/ ܥܠ ܐܪܥܐ ܕܡܨܪܝܢ/#3#/܂ ܘܢܣܒܘܢ ܚܕ ܡܢ ܚܡܫܐ ܒܐܪܥܐ ܕܡܨܪܝܢ܂ ܒܫܒܥ ܫ̈ܢܝܐ ܕܣܒܥܐ܂
41:35 [ai]	ܘܢܟܢܫܘܢ ܟܠܗ ܥܒܘܪܐ ‍<‍ܕܐܝܬ#3#‍>‍ ܕܫ̈ܢܝܐ \ܗܠܝܢ ܛܒ̈ܬܐ /ܛܒ̈ܬܐ ܗܢܝܢ#3#/ ܕܐܿܬܝܢ܂ ܘܢܚܡܠܘܢ ܥܒܘܪܐ ‍<‍ܕܐܝܬ#3#‍>‍ ܬܚܝܬ ܐܝܕܐ ܕܦܪܥܘܢ܂ ܥܒܘܪܐ ܒܩܘܪ̈ܝܐ ܢܛܪܘܢ܂
41:36 [ai]	ܘܢܗܘܐ ܥܒܘܪܐ ܢܛܝܪ ܠܐܪܥܐ܂ ܠܫܒܥ ܫ̈ܢܝܐ ܕܟܦܢܐ ܕܢܗ̈ܘܝܢ ܒܐܪܥܐ ܟܠܗܿ/#3#/ ܕܡܨܪܝܢ܂ ܘܠܐ ܬܣܘܦ ܐܪܥܐ ܒܟܦܢܐ܂
41:37 [ai]	ܘܫܼܦܪ ܦܬܓܡܐ ܒܥܝܢ̈ܝ ܦܪܥܘܢ܂ ܘܒܥܝܢ̈ܝ ܥܒ̈ܕܘܗܝ܂
41:38 [ai]	ܘܐܡܼܪ ܦܪܥܘܢ ܠܥܒܼ̈ܕܘܗܝ܂ ܡܫܬܟܚ ܐܝܟ/ܕܐܝܟ#3#/ ܗܢܐ ܓܒܪܐ ܕܪܘܚܐ ܕܐܠܗܐ ܐܝܬ ܒܗ܂
41:39 [ai]	ܘܐܡܼܪ ܦܪܥܘܢ ܠܝܘܣܦ܂ ܡܢ ܒܬܪ ܕܐܘܕܥܟ ܐܠܗܐ ‍<‍ܥܠ#3#‍>‍ ܗܕܐ ܟܠܗܿ܂ ܠܝܬ ܕܚܟܝܡ ܘܣܟܘܠܬܢ ܐܟܘܬܟ܂
41:40 [ai]	ܐܢܬ ܬܗܘܐ ܥܠ ܒܝܬܝ܂ ܘܥܠ ܡܠܬ ܦܘܡܟ ܢܣܼܒ ܕܝܢܼܐ ܟܠܗ ܥܡܝ܂ ܒܠܚܘܕ ܟܘܪܣܝܐ ܐܪܒ ܡܢܟ܂
41:41 [ai]	ܘܐܡܼܪ ܦܪܥܘܢ ܠܝܘܣܦ܂ ܚܙܝ ܕܐܫܠܛܬܟ ܥܠ ܟܠܗܿ ܐܪܥܐ ܕܡܨܪ̈ܝܢ܂
41:42 [ai]	ܘܫܩܼܠ ܦܪܥܘܢ ܥܙܩܬܗ ܡܢ ܐܝܕܗ܂ ܘܣܡܗܿ ܒܐܝܕܗ ܕܝܘܣܦ܂ ܘܐܠܒܫܗ ܠܒܘܫܐ ܕܒܘܨܐ܂ ܘܐܪܡܝ ܗܡܢܝܟܐ ܕܕܗܒܐ ܒܨܘܪܗ܂
41:43 [ai]	ܘܐܘܬܒܗ ܒܡܪܟܒܬܐ/ܥܠ ܡܪܟܒܬܐ#3#/ ܐܚܪܬܐ ܕܝܠܗ ܘܩܼܪܐ ܩܕܡܘܗܝ ܐܒܐ ܘܫܠܝܛܐ܂ ܘܐܫܠܛܗ ܥܠ ܟܠܗܿ ܐܪܥܐ ܕܡܨܪܝܢ܂
41:44 [ai]	ܘܐܡܼܪ ܦܪܥܘܢ ܠܝܘܣܦ܂ ܐܢܐ ܦܪܥܘܢ ܦܩܿܕܬ܂ ܕܒܠܥܕܝܟ ܐܢܫ ܠܐ ܢܪܝܡ ܐܝܕܗ ܘܪܓܠܗ/ܐܘ ܪܓܠܗ#3#/ ܒܟܠܗܿ ܐܪܥܐ ܕܡܨܪܝܢ܂
41:45 [ai]	ܘܩܼܪܐ ܦܪܥܘܢ ܫܡܗ ܕܝܘܣܦ ܨܦܢܬܦܥܢܚ ܕܟܣܝ̈ܬܐ ܓܠܝܢ ܠܗ܂ ܘܝܗܼܒ ܠܗ ܠܐܣܝܬ ܒܪܬ ܦܘܛܝܦܪܥ ܟܘܡܪܐ ܕܐܘܢ ܐܢܬܬܐ܀܂ ܘܢܦܼܩ ܝܘܣܦ ܥܠ ܟܠܗܿ ܐܪܥܐ ܕܡܨܪ̈ܝܢ܂
41:46 [ai]	ܘܝܘܣܦ ܒܪ ܬܠܬܝܢ ܗܘܐ ܫ̈ܢܝܢ܂ ܟܕ ܩܡ ܩܕܡ ܦܪܥܘܢ ܡܿܠܟܐ ܕܡܨܪܝܢ܂ ܘܢܦܼܩ ܝܘܣܦ ܡܢ ܩܕܡ ܦܪܥܘܢ܂ ܘܥܼܒܪ ܒܟܠܗܿ ܐܪܥܐ ܕܡܨܪܝܢ܂
41:47 [ai]	ܘܚܡܼܠܬ ܐܪܥܐ ܒܫܒܥ ܫ̈ܢܝܐ ܕܣܒܥܐ ܒܐܘܨܪ̈ܐ܂
41:48 [ai]	ܘܚܡܼܠ ܟܠܗ ܥܒܘܪܐ ܕܒܫܒܥ ܫ̈ܢܝܐ ܕܣܒܥܐ/#3#/ ܕܗ̈ܘܝ ܒܐܪܥܐ ܕܡܨܪܝܢ܂ ܘܝܗܼܒ ܥܒܘܪܐ ܒܩܘܪ̈ܝܐ܂ ܥܒܘܪܐ ܕܚܩ̈ܠܬܐ ܕܩܪܝܬܐ ܘܕܚܕܪ̈ܝܗܿ ܚܡܠ ܒܓܘܗܿ܂
41:49 [ai]	ܘܚܡܼܠ ܝܘܣܦ ܥܒܘܪܐ ܐܝܟ ܚܠܐ ܕܝܡܐ܂ ܣܘܓܐܐ ܕܛܒ܂ ܥܕܡܐ ܕܠܐܝ ܠܡܡܢܐ ܕܠܐ ܡܢܝܢܐ܂
41:50 [ai]	ܘܠܝܘܣܦ ܐܬܝܠܕܘ ܠܗ ܬܪ̈ܝܢ ܒܢ̈ܝܢ܂ ܥܕܠܐ ܬܥܘܠ ܫܢܬܐ ܕܟܦܢܐ܂ ܕܝܠܼܕܬ ܠܗ/#3#/ ܐܣܝܬ ܒܪܬ ܦܘܛܝܦܪܥ ܟܘܡܪܐ ܕܐܘܢ܂
41:51 [ai]	ܘܩܼܪܐ ܝܘܣܦ ܫܡ ܒܪܗ/#3#/ ܒܘܟܪܗ ܡܢܫܐ܂ ܡܛܠ ܕܐܢܫܝܢܝ ܐܠܗܐ ܟܠܗ/ܒܟܠܗ#3#/ ܥܡܠܝ ܘܟܠܗ ܒܝܬ ܐܒܝ܂
41:52 [ai]	ܘܫܡܗ ܕܐܚܪܢܐ ܩܼܪܐ ܐܦܪܝܡ܂ ܡܛܠ ܕܐܦܪܝܢܝ ܐܠܗܐ ܒܐܪܥܐ ܕܫܘܥܒܕܝ܀
41:53 [ai]	ܘܓܡܼܪ ܫܒܥ ܫܢ̈ܝܐ ܕܣܒܥܐ ܕܗ̈ܘܝ ܒܐܪܥܐ/ܒܟܘܠܗܿ ܐܪܥܐ#3#/ ܕܡܨܪܝܢ܂
41:54 [ai]	ܘܫܿܪܝ ܫܒܥ ܫ̈ܢܝܐ ܕܟܦܢܐ ܠܡܐܬܐ܂ ܐܝܟ ܕܐܡܼܪ ܝܘܣܦ܂ ܘܗܘܼܐ ܟܦܢܐ ܒܟܠܗܝܢ ܐܪ̈ܥܬܐ܂ ܘܒܟܠܗܿ ܐܪܥܐ ܕܡܨܪܝܢ ܠܐ ܗܘܼܐ ܠܚܡܐ܂
41:55 [ai]	ܘܟܦܢܼܬ ܟܠܗܿ ܐܪܥܐ ܕܡܨܪܝܢ܂ ܘܡܒܓܢܝܢ ‍<‍ܗܘܘ#3#‍>‍ ܥܡܐ ܥܠ ܦܪܥܘܢ ܥܠ ܠܚܡܐ܂ ܘܐܡܼܪ ܦܪܥܘܢ ܠܟܠܗܘܢ ܡܨܪ̈ܝܐ܂ ܙܠܘ ܠܘܬ ܝܘܣܦ܂ ܘܡܕܡ ܕܐܡܿܪ ܠܟܘܢ ܬܥܒܕܘܢ܂
41:56 [ai]	ܘܟܦܢܐ ܗܘܼܐ ܥܠ ܐ̈ܦܝ ܟܠܗܿ ܐܪܥܐ܂ ܘܦܬܼܚ ܝܘܣܦ ܐܘܨܪ̈ܐ܂ ܘܙܒܿܢ ܠܡܨܪ̈ܝܐ܂ ܘܥܫܼܢ ܟܦܢܐ ܒܐܪܥܐ ܕܡܨܪܝܢ܂
41:57 [ai]	ܘܟܠܗܿ ܐܪܥܐ ܐܬܘ ܠܡܨܪܝܢ ܠܡܡܿܪ ‍<‍ܥܒܘܪܐ#3#‍>‍ ܡܢ ܝܘܣܦ܂ ܡܛܠ ܕܥܫܢ ܟܦܢܐ ܒܟܠܗܿ ܐܪܥܐ ܕܡܨܪܝܢ/#3#/܂

next chapter