← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


46:01 [ai]ܘܫܩܼܠ ܐܝܣܪܝܠ ܗܼܘ ܘܟܘܠ ܕܐܝܬ ܠܗ ܘܐܬܼܐ ܠܒܪܫܒܥ܂ ܘܕܒܼܚ ܕܒܚܬܐ ܠܐܠܗܐ ܕܐܒܘܗܝ ܐܝܣܚܩ܂
46:02 [ai]ܘܐܡܼܪ ܐܠܗܐ ܠܐܝܣܪܝܠ ܒܚܙܘܐ ܕܠܠܝܐ܂ ܘܐܡܼܪ ܝܥܩܘܒ ܝܥܩܘܒ܂ ܘܐܡܼܪ ܗܐ ܐܢܐ܂
46:03 [ai]ܘܐܡܼܪ ܠܗ/#3#/܂ ܐܢܐ ܐܢܐ ܐܝܠ/#3#/ ܐܠܗܗ ܕܐܒܘܟ܂ ܠܐ ܬܕܚܠ ܠܡܚܬ ܠܡܨܪܝܢ܂ ܡܛܠ ܕܠܥܡܐ ܪܒܐ ܐܥܒܕܟ ܬܡܢ܂
46:04 [ai]ܐܢܐ ܐܚܘܬ ܥܡܟ ‍<‍ܠܡܨܪܝܢ#3#‍>‍ ܘܐܢܐ ܐܣܩܟ܂ ܘܝܘܣܦ ܢܣܝܡ ܐ̈ܝܕܘܗܝ ܥܠ ܥܝܢ̈ܝܟ܂
46:05 [ai]ܘܩܡ ܝܥܩܘܒ ܡܢ ܒܪܫܒܥ܂ ܘܫܩܼܠܘ ܒܢ̈ܝ ܐܝܣܪܝܠ ܠܝܥܩܘܒ ܐܒܘܗܘܢ ܘܠܝܩܪܬܗܘܢ ܘܠܢܫܝ̈ܗܘܢ ܒ̈ܥܓܠܬܐ ܕܫܕܪ ܦܪܥܘܢ ܠܡܫܩܠܗ܂
46:06 [ai]ܘܕܒܪܘ ܒܥܝܪܗܘܢ ܘܩܢܝܢܗܘܢ ܕܩܢܘ ܒܐܪܥܐ ܕܟܢܥܢ܂ ܘܐܬܘ ܠܡܨܪܝܢ܂ ܝܥܩܘܒ ܘܟܠܗ ܙܪܥܗ ܥܡܗ܂
46:07 [ai]ܒܢ̈ܘܗܝ ܘܒܢ̈ܝ ܒܢ̈ܘܗܝ ܥܡܗ܂ ܒܢ̈ܬܗ ܘܒܢ̈ܬ ܒܢ̈ܘܗܝ܂ ܘܟܠܗ ܙܪܥܗ ܐܥܠ ܥܡܗ ܠܡܨܪܝܢ܂
46:08 [ai]ܘܗܠܝܢ ܫܡ̈ܗܐ ܕܒܢ̈ܝ ܐܝܣܪܝܠ ܕܥܠܘ ܠܡܨܪܝܢ܂ ܝܥܩܘܒ ܘܒܢ̈ܘܗܝ܂ ܒܘܟܪܗ ܕܝܥܩܘܒ ܪܘܒܝܠ܂
46:09 [ai]ܒܢ̈ܝ ܪܘܒܝܠ܂ ܚܢܘܟ ܘܦܠܘ܂ ܘܚܨܪܘܢ ܘܟܪܡܝ܂
46:10 [ai]ܘܒܢ̈ܝ ܫܡܥܘܢ܂ ܝܡܘܐܝܠ ܘܝܡܝܢ܂ ܘܐܗܪ ܘܝܟܝܢ܂ ܘܨܚܪ ܘܫܐܘܠ ܒܪ ܟܢܥܢܝܬܐ܂
46:11 [ai]ܘܒܢܝ ܠܘܝ܂ ܓܪܫܘܢ ܘܩܗܬ ܘܡܪܪܝ܂
46:12 [ai]ܘܒܢ̈ܝ ܝܗܘܕܐ܂ ܥܝܪ ܘܐܘܢܢ܂ ܘܫܠܐ ܘܦܪܨ ܘܙܪܚ܂ ܘܡܝܬܘ ܥܝܪ ܘܐܘܢܢ ܒܐܪܥܐ ܕܟܢܥܢ܂ ܘܗܘܘ ܒܢ̈ܝ ܦܪܨ܂ ܚܨܪܘܢ ܘܚܡܘܠ܂
46:13 [ai]ܘܒ̈ܢܝ ܐܝܣܟܪ܂ ܬܘܠܥ ܘܦܘܐܐ܂ ܘܐܘܝܒ ܘܫܡܪܘܢ܂
46:14 [ai]ܘܒܢ̈ܝ ܙܒܘܠܘܢ܂ ܣܕܪ ܘܐܠܘܢ ܘܢܚܠܐܝܠ܂
46:15 [ai]ܗܠܝܢ ܒܢ̈ܝܗܿ ܕܠܝܐ ܕܝܠܼܕܬ ܠܝܥܩܘܒ ܒܦܕܢ ܕܐܪܡ܂ ܘܠܕܝܢܼܐ ܒܪܬܗ܂ ܟܘܠ ܢܦܫ̈ܬܐ ܕܒܢ̈ܘܗܝ ܘܕܒܢ̈ܬܗ܂ ܬܠܬܝܢ ܘܬܠܬ܂
46:16 [ai]ܘܒܢ̈ܝ ܓܕ܂ ܨܦܝܘܢ ܘܚܓܝ܂ ܘܫܘܢܝ ܘܐܨܒܥܘܢ܂ ܘܥܕܝ ܘܐܪܘܕ ܘܐܕܪܝ܂
46:17 [ai]ܘܒܢ̈ܝ ܐܫܝܪ܂ ܝܡܢܐ ܘܝܫܘܐ܂ ܘܝܫܘܝ ܘܒܪܝܥܐ܂ ܘܣܪܚ ܚܬܗܘܢ܂ ܘܒܢ̈ܝ ܒܪܝܥܐ܂ ܚܒܿܪ ܘܡܠܟܝܠ܂
46:18 [ai]ܗܠܝܢ ܒܢ̈ܝܗܿ ܕܙܠܦܐ ܕܝܗܼܒ ܠܒܢ ܠܠܝܐ ܒܪܬܗ܂ ܘܝܠܼܕܬ ܗܠܝܢ ܠܝܥܩܘܒ܂ \ܢܦܫ̈ܬܐ ܫܬܬܥܣܪ̈ܐ /ܫܬܬܥܣܪ ܢܦܫܢ#3#/܂
46:19 [ai]ܘܒܢ̈ܝܗܿ ܕܪܚܝܠ ܐܢܬܬܗ ܕܝܥܩܘܒ܂ ܝܘܣܦ ܘܒܢܝܡܝܢ܂
46:20 [ai]ܘܐܬܝܠܕܘ ܠܝܘܣܦ ܒܐܪܥܐ ܕܡܨܪܝܢ܂ ܕܝܠܼܕܬ ܠܗ ܐܣܝܬ ܒܪܬ ܦܘܛܝܦܪܥ ܟܘܡܪܐ ܕܐܘܢ ܠܡܢܫܐ ܘܠܐܦܪܝܡ܂
46:21 [ai]ܘܒܢ̈ܝ ܒܢܝܡܝܢ܂ ܒܿܠܥ ܘܐܟܒܪ ܘܐܫܟܠ ܘܓܼܪܐ܂ ܘܢܥܡܢ ܘܐܚܝ ܘܐܪܘܫ܂ ܘܡܦܝܡ ܘܚܦܝܡ ܘܐܕܪ܂
46:22 [ai]ܗܠܝܢ ܒܢ̈ܝܗܿ ܕܪܚܝܠ܂ ܕܝܠܼܕܬ ܠܝܥܩܘܒ܂ ‍<‍ܟܠ#3#‍>‍ ܢܦܫ̈ܬܐ ܐܪܒܥܣܪܐ܂
46:23 [ai]ܘܒܢ̈ܝ ܕܢ܂ ܚܘܫܝܡ܂
46:24 [ai]ܘܒܢ̈ܝ ܢܦܬܠܝ܂ ܢܚܨܐܝܠ ܘܓܘܢܝ܂ ܘܚܿܨܪ ܘܫܠܝܡ܂
46:25 [ai]ܗܠܝܢ ܒܢܝܗܿ ܕܒܠܗܐ ܕܝܗܼܒ ܠܒܢ ܠܪܚܝܠ ܒܪܬܗ܂ ܘܝܠܼܕܬ ܗܠܝܢ ܠܝܥܩܘܒ܂ ܟܘܠ ܢܦܫ̈ܬܐ ܫܒܥ܂
46:26 [ai]ܟܠܗܝܢ ܢܦܫ̈ܬܐ ܕܥܠ ܥܡ ܝܥܩܘܒ ܠܡܨܪܝܢ܂ ܕܢܦܼܩ ܡܢ ܚܨܗ܂ ܣܛܪ ܡܢ ܢܫ̈ܐ ܕܒܢ̈ܘܗܝ ܕܝܥܩܘܒ܂ ܟܠ ܢܦܫ̈ܬܐ ܫܬܝܢ ܘܫܬ܀
46:27 [ai]ܘܒܢ̈ܝ ܝܘܣܦ ܕܐܬܝܠܕܘ ܠܗ ܒܡܨܪܝܢ܂ ܢܦܫ̈ܬܐ ܬܪ̈ܬܝܢ܂ ܟܠܗܝܢ ܢܦܫ̈ܬܐ ܕܒܝܬ ܝܥܩܘܒ ܕܥܠ ܠܡܨܪܝܢ ܫܒܥܝܢ܀
46:28 [ai]ܘܠܝܗܘܕܐ ܫܕܪ ܩܕܡܘܗܝ ܠܘܬ ܝܘܣܦ܂ ܠܡܬܚܙܝܘ ܩܕܡܘܗܝ ܠܓܫܢ܂ ܘܐܬܐ ܠܐܪܥܐ ܕܓܫܢ܂
46:29 [ai]ܘܦܓܿܕ ܝܘܣܦ ܡܪ̈ܟܒܬܗ܂ ܘܣܼܠܩ ܠܐܘܪܥܐ ܕܐܝܣܪܝܠ ܐܒܘܗܝ ܠܓܫܢ܂ ܘܐܬܚܙܝ ܠܗ ܘܢܦܼܠ ܥܠ ܨܘܪܗ܂ ܘܒܟܼܐ ܥܠ ܨܘܪܗ ܬܘܒ܂
46:30 [ai]ܘܐܡܼܪ ܐܝܣܪܝܠ ܠܝܘܣܦ܂ ܐܡܘܬ ܡܟܝܠ ܡܢ ܒܬܪ ܕܚܿܙܝܬ ܐ̈ܦܝܟ ܒܪܝ܂ ܕܥܕܟܝܠ ܚܝ ܐܢܬ܂
46:31 [ai]ܘܐܡܼܪ ܝܘܣܦ ܠܐ̈ܚܘܗܝ ܘܠܒܝܬ ܐܒܘܗܝ܂ ܐܣܩ ܐܚܘܐ ܠܦܪܥܘܢ ܘܐܡܼܪ ܠܗ܂ ܐܚ̈ܝ ܘܒܝܬ ܐܒܝ ܕܒܐܪܥܐ ܕܟܢܥܢ܂ ܐܬܘ ܠܘܬܝ܂
46:32 [ai]ܘܓܒܪ̈ܐ ܪ̈ܥܝܝ ܥܢܐ ܐܢܘܢ܂ ܡܛܠ ܕܓܒܪ̈ܐ ܩܢܝ̈ܝ ܩܢܝܢܐ ܐܢܘܢ ܘܥܢܗܘܢ ܘܬܘܪ̈ܝܗܘܢ ܘܟܠ ܕܐܝܬ ܠܗܘܢ ܐܝܬܝܘ܂
46:33 [ai]ܘܟܕ ܢܩܪܝܟܘܢ ܦܪܥܘܢ ܘܢܐܡܪ ܠܟܘܢ/#3#/܂ ܡܢܘ ܥܒܕܟܘܢ܂
46:34 [ai]ܥܡܪܘ ܠܗ/#3#/܂ ܡܪ̈ܝ ‍<‍ܕܡܪ̈ܝ#3#‍>‍ ܩܢܝܢܐ ܗܘܘ ܥܒܼ̈ܕܝܟ ܡܢ ܛܠܝܘܬܗܘܢ ܘܥܕܡܐ ܠܗܫܐ܂ ܘܐܦ ܚܢܢ ܘܐܦ ܐܒ̈ܗܝܢ ܡܛܠ ܕܬܬܒܘܢ ܒܐܪܥܐ ܕܓܫܢ܂ ܡܛܠ ܕܡܣܠܝܢ ܐܢܘܢ ܠܡܨܪ̈ܝܐ ܟܠ ܪ̈ܥܝܝ ܥܢܐ܂

next chapter