← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


49:01 [ai]ܘܩܼܪܐ ܝܥܩܘܒ ܠܒܢ̈ܘܗܝ ܘܐܡܼܪ ܠܗܘܢ/#3#/܂ ܐܬܿܟܢܫܘ ܘܐܚܘܝܟܘܢ ܡܕܡ ܕܓܕܫܿ ܠܟܘܢ ܒܚܪܬܐ ܕܝܘܡ̈ܬܐ܂
49:02 [ai]ܐܬܿܟܢܫܘ ܘܫܡܼܥܘ ܒܢ̈ܘܗܝ ܕܝܥܩܘܒ܂ ܫܡܥܘ ܠܐܝܣܪܐܝܠ ܐܒܘܟܘܢ܂
49:03 [ai]ܪܘܒܝܠ ܒܘܟܪܝ ܐܢܬ܂ ܚܝܠܝ ܘܪܝܫ ܬܘܩܦܝ܂ ܫܪܟܐ ܕܫܩܘܠܬܐ ܘܫܪܟܐ ܕܥܘܫܢܐ܂
49:04 [ai]ܛܥܼܝܬ ܐܝܟ ܡ̈ܝܐ ܠܐ ܬܦܘܫ ܕܣܠܩܼܬ ܠܡܫܟܒܗ ܕܐܒܘܟ܂ ܫܪܝܪܐܝܬ ܛܘܫܼܬ ܬܫܘܝܬܝ ܘܣܼܠܩܬ܂
49:05 [ai]ܫܡܥܘܢ ܘܠܘܝ ܐ̈ܚܐ/#3#/ ܡܐ̈ܢܐ ܕܪܘܓܙܐ ܡܢ ܟܝܢܗܘܢ܂
49:06 [ai]ܒܐܪܙܗܘܢ ܠܐ ܥܠܼܬ ܢܦܫܝ܂ ܘܒܟܢܫܗܘܢ ܠܐ ܢܚܬܬ ܡܢ ܐܝܩܪܝ܂ ܡܛܠ ܕܒܪܘܓܙܗܘܢ ܩܼܛܠܘ ܓܒܪ̈ܐ܂ ܘܒܚܡܬܗܘܢ ܥܩܪܘ ܫܘܪܐ܂
49:07 [ai]ܠܝܛ ܗܼܘ/#3#/ ܪܘܓܙܗܘܢ ܡܛܠ ܕܥܫܝܢ܂ ܘܚܡܬܗܘܢ ܡܛܠ ܕܩܫܝܐ/ܕܒܝܫܐ#3#/܂ ܐܦܠܓ ܐܢܘܢ ܒܝܥܩܘܒ܂ ܘܐܒܕܪ ܐܢܘܢ ܒܐܝܣܪܝܠ܂
49:08 [ai]ܝܗܘܕܐ ܠܟ ܢܘܕܘܢ ܐ̈ܚܝܟ܂ ܐܝܕܟ ܥܠ ܩܕܠܐ ܕܒ̈ܥܠܕܒܒܝܟ܂ ܢܣܓܕܘܢ ܠܟ ܒܢ̈ܘܗܝ ܕܐܒܘܟ܂
49:09 [ai]ܓܘܪܝܐ ܕܐܪܝܐ ܝܗܘܕܐ܂ ܡܢ ܩܛܠܐ ܒܪܝ ܣܠܩܼܬ܂ ܒܼܪܟ ܘܪܒܼܥ ܐܝܟ ܐܪܝܐ܂ ܘܐܝܟ ܓܘܪܝܐ ܕܐܪܝܐ ܘܡܢܘ ܢܩܝܡܝܘܗܝ܂
49:10 [ai]ܠܐ ܢܥܢܕ ܫܒܛܐ ܡܢ ܝܗܘܕܐ܂ ܘܡܒܕܩܢܐ ܡܢ ܒܝܬ ܪ̈ܓܠܘܗܝ܂ ܥܕܡܐ ܕܢܐܬܐ ܡܿܢ ܕܕܝܠܗ ܗܼܝ ‍<‍ܡܠܟܘܬܐ#3#‍>‍܂ ܘܠܗ ܢܣܿܟܘܢ ܥܡ̈ܡܐ܂
49:11 [ai]ܢܐܣܘܪ ܒܓܦܬܐ ܥܝܠܗ܂ ܘܒܫܒܘܩܐ ܒܪ ܐܬܢܗ܂ ܢܚܘܪ ܒܚܡܪܐ ܠܒܘܫܗ܂ ܘܒܕܡܐ ܕܥܢ̈ܒܐ ܬܟܣܝܬܗ܂
49:12 [ai]ܙܪܓܢ ܥܝܢ̈ܘܗܝ ܡܢ ܚܡܪܐ܂ ܘܚܘܪ̈ܢ ܫ̈ܢܘܗܝ ܡܢ ܚܠܒܐ܂
49:13 [ai]ܙܒܘܠܘܢ ܥܠ ܣܦܪ̈ܝ ܝܡ̈ܡܐ/ܝܡܐ#3#/ ܢܫܪܐ܂ ܘܗܼܘ ܥܠ ܫܘܦܪܐ ܕܣܦܝ̈ܢܐ܂ ܘܬܚܘܡܗ ܥܕܡܐ ܠܨܝܕܢ܂
49:14 [ai]ܐܝܣܟܪ ܓܒܪܐ ܓܢܒܪܐ܂ ܕܪܒܝܥ ܒܝܬ ܫܒܝ̈ܠܐ܂
49:15 [ai]ܘܚܼܙܐ ܡܫܪܝܗ ܕܫܦܝܪ܂ ܘܐܪܥܗ ܕܛܒܐ܂ ܘܐܪܟܢ ܟܬܦܗ ܠܫܘܥܒܕܐ܂ ܘܗܘܼܐ ܠܡܕܐܬܐ܂
49:16 [ai]ܕܢ ܢܕܘܢ ܠܥܡܗ܂ ܐܝܟ ܚܕ ܡܢ ܫܒ̈ܛܐ ܕܐܝܣܪܝܠ܂
49:17 [ai]ܢܗܘܐ ܕܢ ܚܘܝܐ ܕܥܠ ܐܘܪܚܐ܂ \ܘܚܪܡܢܐ ܕܥܠ ܫܒܝ̈ܠܐ /#3#/܂ ܕܢܟܬ ‍<‍ܠܗ#3#‍>‍ ܠܣܘܣܝܐ ܒܥܩܒܗ܂ ܘܡܪܡܐ ܠܪܟܒܗ ܠܒܣܬܪܗ܂
49:18 [ai]ܠܦܘܪܩܢܟ ܣܿܟܝܬ ܡܪܝܐ܂
49:19 [ai]ܓܕ ܒܓܝܣܐ ܢܦܘܩ܂ ܘܗܼܘ ܢܓܕ ܥܩܒܐ܂
49:20 [ai]ܐܫܝܪ ܛܒܐ ܐܪܥܗ܂ ܘܗܼܘ ܢܬܠ ܬܘܪܣܝܐ ܠܡ̈ܠܟܐ܂
49:21 [ai]ܢܦܬܠܝ ܐܝܙܓܕܐ ܩܠܝܠܐ܂ ܝܗܿܒ ܡܐܡܪܐ ܫܦܝܪܐ܂
49:22 [ai]ܒܪܐ ܕܬܪܒܝܬܐ ܝܘܣܦ܂ ܒܪܐ ܕܬܪܒܝܬܐ܂ ܣܩܝ ܥܝܢܐ ܒܢܝܢܐ ܣܡܝܟܐ܂ ܕܣܿܠܩ ܒܫܘܪܐ܂
49:23 [ai]ܘܐܬܚܪܝܘ ܥܡܗ ܘܣܓܝܘ܂ ܘܣܩܪܘܗܝ ܡܪ̈ܝ ܓܘ̈ܕܐ܂
49:24 [ai]ܘܗܦܼܟܬ ܒܥܘܫܢܐ ܩܫܬܗ܂ ܘܐܼܬܒܕܪܘ ܕܪ̈ܥܐ ܕܐ̈ܝܕܘܗܝ܂ ܡܢ ܐ̈ܝܕܝ ܥܫܝܢܐ ܕܝܥܩܘܒ܂ ܘܡܢ ܫܡ ܪܥܝܐ ܕܟܐܦܐ ܕܐܝܣܪܝܠ܂
49:25 [ai]ܐܠܗܗ ܕܐܒܘܟ ܢܥܕܪܟ ܘܐܝܠܫܕܝ ܢܒܪܟܟ܂ ܒܘܪܟܬܐ ܕܫܡܝܐ ܡܢ/ܕܡܢ#3#/ ܠܥܠ܂ ܒܘܪܟܬܐ ܕܬܗܘܡܐ ܕܪܒܝܥܐ ܡܢ ܠܬܚܬ܂ ܒܘܪܟܬܐ ܕܬܕ̈ܝܐ ܘܕܪ̈ܚܡܐ܂
49:26 [ai]ܒܘܪ̈ܟܬܗ ܕܐܒܘܟ ܥܫܼܢ ܥܠ ܒܘܪ̈ܟܬܐ ܕܡܘ̈ܠܕܢܝ܂ ܥܕܡܐ ܠܣܒܪܐ ܕܪ̈ܡܬܐ ܕܥܠܡ܂ ܢܗܘܝܢ ܥܠ ܪܝܫܗ ܕܝܘܣܦ ܘܥܠ ܪܝܫ ܟܠܝܠܐ ܕܐ̈ܚܘܗܝ܂
49:27 [ai]ܒܢܝܡܝܢ ܕܐܒܐ ܚܛܘܦܐ܂ ܒܨܦܪܐ ܢܐܟܘܠ ܒܙܬܐ܂ ܘܒܪܡܫܐ ܢܦܠܓ ܡܕܡ ܕܡܥܕܐ܂
49:28 [ai]ܟܠܗܘܢ ܗܠܝܢ ܫܒ̈ܛܐ ܕܐܝܣܪܝܠ ܬܪ̈ܥܣܪ܂ ܘܗܢܐ ܡܕܡ ܕܐܡܼܪ ܠܗܘܢ ܝܥܩܘܒ ܐܒܘܗܘܢ ܐܡܼܪ ܠܗܘܢ܂ ܘܒܪܟ ܐܢܘܢ܂ ܐܢܫ ܐܝܟ ܒܘܪܟܬܗ ܒܪܟ ܐܢܘܢ܂
49:29 [ai]ܘܦܩܿܕ ܐܢܘܢ ܘܐܡܼܪ ܠܗܘܢ ܐܒܘܗܘܢ܂ ܐܢܐ ܡܬܟܢܫ ܐܢܐ ܠܘܬ ܥܡܝ܂ ܩܘܒܪܘܢܝ ܠܘܬ ܐ̈ܒܗܝ܂ ܒܡܥܪܬܐ ܕܒܚܩܠܐ ܕܥܦܪܘܢ ܚܬܝܐ܂
49:30 [ai]ܒܡܥܪܬܐ ܕܒܚܩܠܐ ܐܥܝܦܬܐ܂ ܕܩܕܡ ܡܡܪܐ ܕܒܐܪܥܐ ܕܟܢܥܢ܂ ܕܙܒܼܢ ܐܒܪܗܡ ܚܩܠܐ ܡܢ ܥܦܪܘܢ ܚܬܝܐ ܠܝܘܪܬܢܐ ܕܩܒܪܐ܂
49:31 [ai]ܬܡܢ ܩܒܪܘ ܠܐܒܪܗܡ ܘܠܣܪܐ ܐܢܬܬܗ܂ ܘܬܡܢ ܩܒܪܘ ܠܐܝܣܚܩ ܘܠܪܦܩܐ ܐܢܬܬܗ܂ ܘܬܡܿܢ ܩܒܿܪܬ ܠܠܝܐ܂
49:32 [ai]ܙܒܝܢܬܐ ܕܚܩܠܐ ܘܡܥܪܬܐ ܕܒܗܿ ܡܢ ܒܢ̈ܝ ܚܝܬ܀܂
49:33 [ai]ܘܟܕ ܫܿܠܡ ܝܥܩܘܒ ܠܡܦܩܕܘ ܠܒ̈ܢܘܗܝ܂ ܦܫܼܛ ܪ̈ܓܠܘܗܝ ܒܥܪܣܐ ܘܐܬܟܪܗ ܘܡܝܬ܂ ܘܐܬܟܢܫ ܠܘܬ ܥܡܗ܂

next chapter