← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܘܗܠܝܢ ܫܡ̈ܗܐ ܕܒܢ̈ܝ ܐܝܣܪܝܠ ܕܥܠܘ ܠܡܨܪܝܢ ܥܡ ܝܥܩܘܒ܂ ܓܒܪ ܘܒܝܬܗ ܥܠܘ܂
01:02 [ai]ܪܘܒܝܠ ܘܫܡܥܘܢ܂ ܘܠܘܝ ܘܝܗܘܕܐ܂
01:03 [ai]ܘܐܝܣܟܪ ܘܙܒܘܠܘܢ ܘܒܢܝܡܝܢ܂
01:04 [ai]ܘܕܢ ܘܢܦܬܠܝ܂ ܘܓܕ ܘܐܫܝܪ܂
01:05 [ai]ܘܗ̈ܘܝ ܟܠ ܢܦܫ̈ܬܐ ܕܢܦܼܩ ܡܢ ܚܨܗ ܕܝܥܩܘܒ ܫܒܥܝܢ ܢܦܫ̈ܢ܂ ܘܝܘܣܦ ܗܘܐ ܒܡܨܪܝܢ܂
01:06 [ai]ܘܡܝܬ ܝܘܣܦ ܘܟܠܗܘܢ ܐܚ̈ܘܗܝ ܘܟܠܗ ܕܪܐ ܗܿܘ܂
01:07 [ai]ܘܒܢ̈ܝ ܐܝܣܪܝܠ ܟܒܪܘ ܘܐܘܠܕܘ ܘܣܓܝܘ܂ ܘܬܩܦܘ ܛܒ ܛܒ ܘܐܬܡܼܠܝܬ ܐܪܥܐ ܡܢܗܘܢ܂
01:08 [ai]ܘܩܡ ܡܿܠܟܐ ܚܕܬܐ ܥܠ ܡܨܪܝܢ ܕܠܐ ܝܕܥܿ ܗܘܐ ܠܗ/#3#/ ܠܝܘܣܦ܂
01:09 [ai]ܘܐܡܼܪ ܠܥܡܗ ܗܐ ܥܡܐ ܒܢ̈ܝ/ܕܒܢ̈ܝ#3#/ ܐܝܣܪܝܠ܂ ܣܓ̈ܝܐܝܢ ܘܬܩܝܦܝܢ ܡܢܢ܂
01:10 [ai]ܗܒܘ ܢܬܚܟܡ ܠܗܘܢ ܥܕܠܐ ܣܿܓܝܢ܂ ܕܠܡܐ/ܕܠܐ#3#/ ܢܡܼܛܝܢ ܩܪܒܐ܂ ܘܢܬܬܘܣܦܘܢ ܐܦ ܗܼܢܘܢ ܥܠ ܣ̈ܢܐܝܢ܂ ܘܢܬܟܬܫܘܢ ܥܡܢ ܘܢܣܩܘܢܢ ܡܢ ܐܪܥܐ܂
01:11 [ai]ܘܣܡܘ ܥܠܝܗܘܢ ܫ̈ܠܝܛܐ ܒܝܫ̈ܐ܂ ܕܢܫܥܒܕܘܢ ܐܢܘܢ ܒܫܘܥܒܕܗܘܢ܂ ܘܒܢܝܢ ܗܘܘ ܩܘܪ̈ܝܐ ܒܝܬ/ܠܒܝܬ#3#/ ܩܦܣ̈ܐ ܠܦܪܥܘܢ܂ ܠܦܝܬܘܡ ܘܠܪܥܡܣܝܣ܂
01:12 [ai]ܘܟܡܐ ܕܗܼܢܘܢ ܡܫܥܒܕܝܢ ܗܘܘ ܠܗܘܢ܂ ܗܟܢܐ ܣܿܓܝܢ ܗܘܘ ܘܗܟܢܐ ܬܩܦܝܢ ܗܘܘ/#3#/܂ ܘܥܩܼܬ ܠܗܘܢ ܡܢ ܩܕܡ ܒܢ̈ܝ ܐܝܣܪܝܠ܂
01:13 [ai]ܘܡܫܥܒܕܝܢ ܗܘܘ ܡܨܪ̈ܝܐ ܠܒܢ̈ܝ ܐܝܣܪܝܠ ܒܩܫܝܘܬܐ܂
01:14 [ai]ܘܡܡܪ̈ܝܢ ܗܘܘ ܚܝܝ̈ܗܘܢ ܒܦܘܠܚܢܐ ܩܫܝܐ ܒܛܝܢܐ ܘܒ̈ܠܒܢܐ ܘܒܟܠ ܥܒܿܕ ܕܚܩܠܐ܂ ܟܠ ܫܘܥܒܕܐ ܕܡܫܥܒܕܝܢ ܗܘܘ ܠܗܘܢ ܒܩܫܝܘܬܐ܂
01:15 [ai]ܘܐܡܼܪ ܡܿܠܟܐ ܕܡܨܪܝܢ ܠܚ̈ܝܬܐ ܥܒܪ̈ܝܬܐ/ܡܨܪ̈ܝܬܐ#3#/܂ ܕܫܡܗܿ ܕܚܕܐ ܦܘܥܐ/ܫܘܦܪܐ#3#/܂ ܘܫܡܗܿ ܕܐܚܪܝܬܐ ܫܘܦܪܐ/ܦܘܥܐ#3#/܂
01:16 [ai]ܘܐܡܼܪ ܠܗܝܢ܂ ܡܐ ܕܗܘ̈ܝܢ ܐܢܬܝܢ ܡܘ̈ܠܕܢ ܠܥܒܪ̈ܝܬܐ܂ ܗܘܝܬܝܢ ܚܙܝܢ ܡܐ ܕܒܪܟܢ܂ ܐܢ ܕܟܪܐ ܗܘ ܗܘܝܬܝܢ ܩܛܠܢ ܠܗ܂ ܘܐܢ ܢܿܩܒܬܐ ܗܝ/#3#/ ܗܘܝܬܝܢ ܡܚܝܢ ܠܗܿ܂
01:17 [ai]ܘܕܚܼܠ ܚܝ̈ܬܐ ܡܢ ܐܠܗܐ܂ ܘܠܐ ܥܒܕ ܐܝܟ/ܐܟܡܐ#3#/ ܕܐܡܼܪ ܠܗܝܢ/#3#/ ܡܿܠܟܐ ܕܡܨܪܝܢ܂ ܘܡܚܝܢ ܗ̈ܘܝ ܛ̈ܠܝܐ܂
01:18 [ai]ܘܩܼܪܐ ܡܿܠܟܐ ܕܡܨܪܝܢ ܠܚ̈ܝܬܐ ܘܐܡܼܪ ܠܗܝܢ܂ ܡܛܠ ܡܢܐ ܥܒܕܬܝܢ ܦܬܓܡܐ ܗܢܐ ܘܐܚܝܬܝܢ ܛ̈ܠܝܐ܂
01:19 [ai]ܘܐܡܼܪ ܚܝ̈ܬܐ ܠܦܪܥܘܢ ܠܐ ܗ̈ܘܝ ܐܝܟ ܢܫ̈ܐ ܡܨܪ̈ܝܬܐ ܥܒܪ̈ܝܬܐ/#3#/܂ ܡܛܠ ܕܚܝ̈ܬܐ ܐܢܝ̈ܢ܂ ܘܥܕ ܠܐ ܥܐܠܐ ܥܠܝܗܝܢ ܚܝܿܬܐ ܝܠܕܢ܂
01:20 [ai]ܘܐܛܐܒ ܐܠܗܐ ܠܚܝ̈ܬܐ܂ ܡܛܠ/ܥܠ#3#/ \ܕܥܒܕ ܦܬܓܡܐ ܗܢܐ /#3#/܂ ܘܣܓܝ ܥܡܐ ܘܬܩܦܘ ܛܒ܂
01:21 [ai]ܘܗܘܐ ܕܟܕ ܕܚܼܠ ܚܝ̈ܬܐ ܡܢ ܐܠܗܐ܂ ܥܒܼܕ ܠܗܝܢ ܒܬ̈ܐ܂
01:22 [ai]ܘܦܩܿܕ ܦܪܥܘܢ ܠܟܠܗ ܥܡܐ ܘܐܡܼܪ܂ ܟܠ/ܕܟܠ#3#/ ܒܪܐ/ܕܟܪܐ#3#/ ܕܡܬܝܠܕ ܒܢܗܪܐ ܬܫܕܘܢܗ ܘܟܘܠ ܒܪܬܐ ܬܿܚܘܢ܂

next chapter