← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܐܡܼܪ ܡܪܝܐ ܠܡܘܫܐ܂ ܗܫܐ ܬܚܙܐ ܡܕܡ ܕܐܥܿܒܕ ܠܦܪܥܘܢ܂ ܡܛܠ ܕܒܐܝܕܐ ܬܩܝܦܬܐ ܢܫܕܪ ܐܢܘܢ܂ ܘܒܕܪܥܐ ܪܡܐ ܢܦܿܩ/ܢܣܩ#3#/ ܐܢܘܢ ܡܢ ܐܪܥܗ܂
06:02 [ai]ܘܡܠܠ ܡܪܝܐ/ܐܠܗܐ#1##2#/ ܥܡ ܡܘܫܐ ܘܐܡܼܪ ܠܗ܂ ܐܢܐ ܐܢܐ ܡܪܝܐ܂
06:03 [ai]ܕܐܬܿܓܠܝܬ ܠܐܒܪܗܡ ܘܠܐܝܣܚܩ ܘܠܝܥܩܘܒ ܒܐܝܠܫܕܝ ܐܠܗܐ܂ ܘܫܡ ܡܪܝܐ ܠܐ ܚܿܘܝܬ ܐܢܘܢ܂
06:04 [ai]ܘܐܦ ܐܩܝܿܡܬܼ ܩܝܡܝ ܥܡܗܘܢ܂ ܠܡܬܠ ܠܗܘܢ ܐܪܥܐ ܕܟܢܥܢܿ ܐܪܥܐ ܕܬܘܬܒܘܬܗܘܢ ܕܥܡܪܘ ܒܗܿ܂
06:05 [ai]ܘܐܦ ܐܢܐ ܫܡܿܥܬ ܐܢܩܬܐ ܕܒܢ̈ܝ ܐܝܣܪܝܠ ܕܡܨܪ̈ܝܐ ܡܫܥܒܕܝܢ ܠܗܘܢ܂ ܘܐܬܿܕܟܪܬ ܩܝܡܝ܂
06:06 [ai]ܡܛܠ ܗܢܐ ܐܡܼܪ ܠܒܢ̈ܝ ܐܝܣܪܝܠ܂ ܐܢܐ ܐܢܐ ܡܪܝܐ ܐܠܗܐ܂ ܘܡܿܦܩ ܐܢܐ ܠܟܘܢ ܡܢ ܫܘܥܒܕܐ ܕܡܨܪ̈ܝܐ܂ ܘܡܦܿܨܐ ܐܢܐ ܠܟܘܢ ܡܢ ܥܒܿܕܗܘܢ܂ ܘܐܦܪܘܩܟܘܢ ܒܐܝܕܐ ܬܩܝܦܬܐ/ܥܫܝܢܬܐ#3#/ ܘܒܕܪܥܐ ܪܡܐ܂ ܘܒܕܝܼ̈ܢܐܿ ܪ̈ܘܪܒܐ܂
06:07 [ai]ܘܐܣܒܟܘܢ ܠܝ ܥܡܐ܂ ܘܐܗܘܐ ܠܟܘܢ ܐܠܗܐ܂ ܘܬܕܥܘܢ ܕܐܢܐ ܐܢܐ ܡܪܝܐ ܐܠܗܟܘܢ܂ ܕܡܿܦܩ ܐܢܐ ܠܟܘܢ ܡܢ ܫܘܥܒܕܐ ܕܡܨܪ̈ܝܐ܂
06:08 [ai]ܘܐܝܬܝܟܘܢ ܠܐܪܥܐ ܕܐܿܪܝܡܼܬ ܐܝܕܝ ܠܡܬܠܗܿ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܘܐܬܠܝܗܿ ܠܟܘܢ ܝܪܬܘܬܐ ܐܢܐ ܡܪܝܐ܂
06:09 [ai]ܘܐܡܼܪ ܗܟܢܐ ܡܘܫܐ ܠܒܢ̈ܝ ܐܝܣܪܝܠ܂ ܘܠܐ ܫܡܥܘܗܝ ܠܡܘܫܐ܂ ܡܢ ܟܪܝܘܬ ܪܘܚܐ ܘܡܢ ܫܘܥܒܕܐ ܩܫܝܐ܂
06:10 [ai]ܘܡܠܠ ܡܪܝܐ ܥܡ ܡܘܫܐ ܠܡܐܡܪ܂
06:11 [ai]ܙܠ ܐܡܼܪ ܠܦܪܥܘܢ ܡܿܠܟܐ ܕܡܨܪܝܼܢ܂ ܘܢܿܫܕܪ ܠܒܢ̈ܝ ܐܝܣܪܝܠ ܡܢ ܐܪܥܗ܂
06:12 [ai]ܘܐܡܼܪ ܡܘܫܐ ܠܡܪܝܐ܂ ܗܐ ܒܢܝ ܐܝܣܪܝܠ ܠܐ ܫܡܿܥܝܢ ܠܝ܂ ܐܿܝܟܢܐ ܢܫܡܼܥܢܝ ܦܪܥܘܢ ܕܠܥܓ ܠܫܢܝ܂
06:13 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ܂ ܘܦܩܿܕ ܐܢܘܢ ܠܘܬ ܒܢ̈ܝ ܐܝܣܪܝܠ܂ ܘܠܘܬ ܦܪܥܘܢ ܡܿܠܟܐ ܕܡܨܪܝܿܢ ܠܡܿܦܩܘ ܠܒܢ̈ܝ ܐܝܣܪܝܠ ܡܢ ܐܪܥܐ ܕܡܨܪܝܢ܂
06:14 [ai]ܘܗܠܝܢ ܪ̈ܝܫܐ ܕܒܝܬ ܐ̈ܒܗܝܗܘܢ܂ ܒܢ̈ܝ ܪܘܒܝܠ ܒܘܟܪܗ ܕܐܝܣܪܝܠ܂ ܚܢܘܟܼ ܘܦܿܠܘ܂ ܘܚܨܪܘܢ܂ ܘܟܪܡܝ ܗܠܝܢ ܫܪ̈ܒܬܐ ܕܪܘܒܝܠ܂
06:15 [ai]ܘܒܢ̈ܝ ܫܡܥܘܢ܂ ܝܡܘܐܝܠ ܘܝܿܡܝܢ܂ ܘܐܿܗܪ ܘܝܿܟܝܼܢ ܘܨܿܚܪ܂ ܘܫܐܘܠ ܒܪ ܟܢܥܢܝܬܐ܂ ܗܠܝܢ ܫܪ̈ܒܬܐ ܕܫܡܥܘܢ܂
06:16 [ai]ܘܗܠܝܢ ܫܡ̈ܗܐ ܕܒ̈ܢܝ ܠܘܝ ܠܫܪ̈ܒܬܗܘܢ܂ ܓܪܫܘܢ ܘܩܿܗܬܼ ܘܡܪܪܝ܂ ܘܫ̈ܢܝܐ ܕܚܝܐ ܠܘܝܼ܂ ܡܐܐܿ ܘܬܠܬܝܼܢ ܘܫܒܥ ܫ̈ܢܝܢ܂
06:17 [ai]ܘܒܢ̈ܘܗܝ ܕܓܪܫܘܢ܂ ܠܒܿܢܝܼ ܘܫܿܡܥܝ ܠܫܪ̈ܒܬܗܘܢ܂
06:18 [ai]ܘܒܢ̈ܘܗܝ ܕܩܿܗܬܼ܂ ܥܡܪܡܿ ܘܝܨܗܪ܂ ܘܚܒܪܘܢ ܘܥܘܼܙܝܠ܂ ܘܫ̈ܢܝܐ ܕܚܼܝܐ ܩܗܿܬ܂ ܡܐܐܿ ܘܬܠܬܝܼܢ ܘܬܠܬ ܫ̈ܢܝܢ܂
06:19 [ai]ܘܒܢ̈ܘܗܝ ܕܡܪܪܝ܂ ܡܚܠܝ ܘܡܘܫܝ܂ ܗܠܝܢ ܫܪ̈ܒܬܐ ܕܠܘ̈ܝܐ/ܕܠܘܝ#3#/ ܠܫܪ̈ܒܬܗܘܢ܂
06:20 [ai]ܘܢܣܒܼ ܥܡܪܡ ܐܢܬܬܐ ܠܝܘܟܒܪ ܒܪܬ ܕܕܗ܂ ܘܝܠܼܕܬ ܠܗ ܠܐܗܪܘܢܿ ܘܠܡܪܝܼܡ/#3#/ ܘܠܡܘܫܐ܂ ܘܫ̈ܢܝܐ ܕܚܝܼܐ ܥܡܪܡ܂ ܡܐܐܿ ܘܬܠܬܝܼܢ ܘܫܒܥ ܫ̈ܢܝܢ܂
06:21 [ai]ܘܒܢ̈ܘܗܝ ܕܝܨܗܿܪ܂ ܩܘܪܚܿ ܘܢܼܦܿܓܼ ܘܙܟܼܪܝ܂
06:22 [ai]ܘܒܢ̈ܘܗܝ ܕܥܘܙܝܼܠ ܡܢܫܼܐܝܠ/ܡܝܫܐܝܠ#3#/܂ ܘܐܠܝܨܦܼܢ ܘܣܬܪܝ܂
06:23 [ai]ܘܢܣܼܒ ܐܗܪܘܢ ܠܐܠܝܫܒܥ ܒܪܬ ܥܡܝܢܕܒ ܚܬܗ ܕܢܚܫܘܢ ܐܢܬܬܐ܂ ܘܝܠܼܕܬ ‍<‍ܠܗ#3#‍>‍ ܠܢܿܕܒܼ ܘܠܐܒܝܗܘ܂ ܘܠܐܠܝܥܙܼܪ ܘܠܐܝܬܡܪ܂
06:24 [ai]ܘܒܢ̈ܝ ܩܘܪܚܼ܂ ܐܣܝܪ ܘܗܠܩܢܐ ܘܐܟܢܣܼܦ܂ ܗܠܝܢ ܫܪ̈ܒܬܐ ܕܩܘܪܚ܂
06:25 [ai]ܘܐܠܝܥܙܪ ܒܪ ܐܗܪܘܢ܂ ܢܣܼܒ ܠܗ ܐܢܬܬܐ ܡܢ ܒܢ̈ܬܗ/ܒܝܬܗ#3#/ ܕܦܢܛܝܠ ܘܝܠܼܕܬ ܠܗ ܠܦܝܢܚܣ܂ ܗܠܝܢ ܪ̈ܝܫܐ ܕܫܪ̈ܒܬܐ ܕܠܘ̈ܝܐ ܠܫܪ̈ܒܬܗܘܢ܂
06:26 [ai]ܗܢܘ ܡܘܫܐ ܘܐܗܪܘܢ ܕܐܡܼܪ ܠܗܘܢ ܡܪܝܐܿ ܐܦܩܘ ܠܒܢ̈ܝ ܐܝܣܪܝܠ ܡܢ ܐܪܥܐ ܕܡܨܪܝܢ܂ ܟܘܠ ܚ̈ܝܠܘܬܗܘܢ܂
06:27 [ai]ܗܢܘܢ ܐܡܪܘ ܠܦܪܥܘܢ ܡܿܠܟܐ ܕܡܨܪܝܿܢ܂ ܠܡܦܩܘ ܠܒܢܝ ܐܝܣܪܝܠ ܡܢ ܡܨܪܝܢ/ܐܪܥܐ ܕܡܨܪܝܢ#3#/ ܡܘܫܐ ܘܐܗܪܘܢ܂
06:28 [ai]ܘܗܘܼܐ ܒܝܘܡܐ ܕܡܠܠ ܡܪܝܐ ܥܡ ܡܘܫܐ ܒܐܪܥܐ ܕܡܨܪܝܼܢ܂
06:29 [ai]ܡܠܠ ܡܪܝܐ ܥܡ ܡܘܫܐ ܘܐܡܼܪ ܠܗ܂ ܐܢܐ ܐܢܐ ܡܪܝܐ܂ ܐܡܼܪ ܠܦܪܥܘܢ ܡܿܠܟܐ ܕܡܨܪܝܢ ܟܠ ܡܕܡ/#3#/ ܕܐܡܿܪ ܐܢܐ ܠܟ܂
06:30 [ai]ܘܐܡܼܪ ܡܘܫܐ ܠܡܪܝܐ܂ ܕܝܠܼܝ ܠܥܓ ܠܫܢܝ܂ ܐܿܝܟܢܐ ܢܫܡܼܥܢܝ ܦܪܥܘܢ܂

next chapter