The Comprehensive Aramaic Lexicon

11:01 [ai]	ܘܐܡܪ ܡܪܝܐ ܠܡܘܫܐ܂ ܬܘܒ ܡܚܘܬܐ ܚܕܐ ܡܝܿܬܐ ܐܢܐ ܥܠ ܦܪܥܘܢ ܘܥܠ ܡܨܪ̈ܝܐ܂ ܘܗܝܕܝܢ ܐܫܕܪܟܘܢ ܡܟܐ܂ ܘܡܐ ܕܫܕܪܬܟܘܢ ܟܠܟܘܢ ܦܘܩܘ ܠܟܘܢ ܡܟܐ܂
11:02 [ai]	ܘܐܡܪ ܩܕܡ ܥܡܐ܂ ܢܫܐܼܠܘܢ ܐܢܫ ܓܒܪ ܡܢ ܚܒܪܗ ܘܐܢܬܬܐ ܡܢ ܚܒܪܬܗܼܿ܂ ܡܐ̈ܢܐ ܕܣܐܡܐ ܘܡܐ̈ܢܐ ܕܕܗܒܐ܂
11:03 [ai]	ܘܝܗܼܒ ܐܢܘܢ ܡܪܝܐ ܠܥܡܐ ܠܪ̈ܚܼܡܐ ܒܥܝܢ̈ܝܗܘܢ ܕܡܨܪ̈ܝܐ܂ ܘܐܦ/ܕܐܦ#3#/ ܓܒܪܐ ܡܘܫܐ ܝܩܝܪ ܗܘܐ ܛܒ ܒܐܪܥܐ ܕܡܨܪܝܢ܂ ܒܥܝܢ̈ܝ ܥܒܼ̈ܕܘܗܝ ܕܦܪܥܘܢ ܘܒܥܝܢ̈ܝ ܥܡܐ܂
11:04 [ai]	ܘܐܡܪ ܡܘܫܐ܂ ܗܟܢܐ ܐܡܿܪ ܡܪܝܐ܂ ܒܦܠܓܗ ܕܠܠܝܐ ܢܿܦܩ ܐܢܐ ܒܓܘ ܡܨܪܝܼܢ܂
11:05 [ai]	ܘܢܡܼܘܬܘܢ ܟܠܗܘܢ ܒܘܟܪ̈ܐ ܕܐܪܥܐ/ܕܒܐܪܥܐ#3#/ ܕܡܨܪܝܢ ܡܢ ܒܘܟܪܗ ܕܦܪܥܘܢ ܕܝܬܿܒ ܥܠ ܟܘܪܣܝܗܼ܂ ܘܥܕܡܐ ܠܒܘܟܪܐ ܕܐܡܬܐ ܕܐܝܬ ܒܝܬ ܪܚܝܐ܂ ܘܟܠܗܘܢ ܒܘܟܪ̈ܐ ܕܒܥܝܪܐ܂
11:06 [ai]	ܘܬܗܘܐ ܝܠܠܬܐ ܪܒܬܐ ܒܐܪܥܐ ܕܡܨܪܝܼܢ܂ ܕܐܟܘܬܗܼܿ ܠܐ ܗܼܘܬܿ ܘܐܟܘܬܗܼܿ ܠܐ ܬܗܼܘܐ܂
11:07 [ai]	ܘܡܢ ܕܒܝܬ ܐܝܣܪܝܠ ܠܐ ܢܿܗܼܪ/ܢܗܪ#3#/܂ ܐܦ ܠܐ ܟܠܒܐ ܒܠܫܢܗ܂ ܐܦ ܠܐ ܒܢ̈ܝ ܐܢܫܐܿ ܐܦ ܠܐ ܒܥܝܪܐ܂ ܡܛܠ ܕܬܕܥܘܢ ܕܦܪܫ ܡܪܝܐ/ܐܠܗܐ#3#/ ܒܝܬ ܡܨܪ̈ܝܐ ܠܕܒܝܬ ܐܝܣܪܐܝܠ܂
11:08 [ai]	ܘܢܚܼܬܘܢ ܟܠܗܘܢ ܥܒܼ̈ܕܝܟ ܗܠܝܢ ܠܘܬܝ ܘܢܣܓܕܘܢ ܠܝ ܘܢܐܡܪܘܢ ܠܝ܂ ܦܘܩ ܐܢܬ ܘܥܡܐ ܗܢܐ ܟܠܗ ܕܥܡܟܼ܂ ܘܗܝܕܝܢ ܐܦܘܩ܂ ܘܢܦܼܩ ܡܘܫܐ ܡܢ ܩܕܡ ܦܪܥܘܢ ܒܚܡܬܐ ܪܒܬܐ܂
11:09 [ai]	ܘܐܡܪ ܡܪܝܐ ܠܡܘܫܐ܂ ܠܐܿ ܢܫܡܼܥܟܘܢ ܦܪܥܘܢ܂ ܡܛܠ ܕܐܣܓܐ ܦܪ̈ܝܫܬܝ ܒܐܪܥܐ ܕܡܨܪܝܢ܂
11:10 [ai]	ܘܡܘܫܐ ܘܐܗܪܘܢ ܥܒܕܘ ܦܪ̈ܝܫܬܐ ܗܠܝܢ \ܩܕܡ ܦܪܥܘܢ /ܒܐܪܥܐ ܕܡܨܪܝܢ#3#/܂ ܘܩܫܿܝ ܡܪܝܐ ܠܒܗ ܕܦܪܥܘܢ܂ ܘܠܐ ܫܕܪ ܠܒܢ̈ܝ ܐܝܣܪܝܠ ܡܢ ܐܪܥܗ܂

next chapter