The Comprehensive Aramaic Lexicon

17:01 [ai]	ܘܫܩܼܠܘ ܟܠܗܿ ܟܢܘܫܬܐ ܕܒܢ̈ܝ ܐܝܣܪܝܠ ܡܢ ܡܕܒܪܐ ܕܣܝܢ ܠܡܫ̈ܩܠܢܝܗܘܢ܂ ܥܠ \ܡܠܬ ܦܘܡܗ /ܡܠܬܗ#3#/ ܕܡܪܝܐ܂ ܘܫܼܪܘ ܒܪܦܝܕܝܢ܂ ܘܠܝܬ ܗܘܐ ܡ̈ܝܐ ܕܢܫܬܐ ܥܡܐ܂
17:02 [ai]	ܘܢܨܘ ܥܡܐ ܥܡ ܡܘܫܐ ܘܐܡܪܘ ܠܗ܂ ܗܒ ܠܢ ܡ̈ܝܐ ܢܫܬܐ/ܕܢܫܬܐ#3#/܂ ܐܡܿܪ ܠܗܘܢ ܡܘܫܐ܂ ܡܢܐ ܢܨܝܢ ܐܢܬܘܢ ܥܡܝ܂ ܘܡܢܐ ܡܢܣܝܢ ܐܢܬܘܢ ܠܡܪܝܐ܂
17:03 [ai]	ܘܨܗܝܘ ܬܡܢ ܥܡܐ ܠܡ̈ܝܐ܂ ܘܪܛܢܼܘ ܥܡܐ ܥܠ ܡܘܫܐ ܘܐܡܪܘ ܠܗ/#3#/܂ ܠܡܢܐ ܐܣܩܬܢ ܡܢ ܡܨܪܝܿܢ܂ ܠܡܩܛܠܢ ܠܢ ܘܠܒܢܝܢ ܘܠܒܥܝܪܢ ܒܨܗܝܐ܂
17:04 [ai]	ܘܨܿܠܝ ܡܘܫܐ ܩܕܡ ܡܪܝܐ ܘܐܡܼܪ܂ ܡܢܐ ܐܥܿܒܕ ܠܗ ܠܥܡܐ ܗܢܐܿ܂ ܕܥܕ ܩܠܝܠ ܪܓܡܿܝܢ ܗܘܘ ܠܝ܂
17:05 [ai]	ܘܐܡܼܪ ܡܪܝܐ ܠܡܘܫܐ܂ ܥܒܼܪ ܩܕܡ ܥܡܐ܂ ܘܕܒܼܪ ܥܡܟ ܡܢ ܩܫܝܫ̈ܐ/ܣܒ̈ܐ#3#/ ܕܐܝܣܪܝܠ܂ ܘܚܘܛܪܟ ܕܡܚܼܝܬ ܒܗ ܠܢܗܪܐ܂ ܣܒ ܒܐܝܕܟܼ ܘܙܠ܂
17:06 [ai]	ܘܗܐ ܐܢܐ/#3#/ ܩܐܿܡ ܐܢܐ ܬܡܢ/#3#/ ܩܕܡܝܟ ܥܠ ܛܪܢܐ ܒܚܘܪܝܒ܂ ܘܬܡܼܚܐ ܠܛܪܢܐ܂ ܘܢܦܼܩܘܢ ܡܢܗ ܡ̈ܝܐ ܘܢܫܬܐ ܥܡܐ܂ ܘܥܒܼܕ ܗܟܢܐ ܡܘܫܐ ܠܥܝܢ ܣܒ̈ܐ ܕܒܢ̈ܝ/#3#/ ܐܝܣܪܝܠ܂
17:07 [ai]	ܘܩܪܼܐ ‍<‍ܡܘܫܐ#3#‍>‍ ܫܡܗ ܕܐܬܪܐ ܗܿܘ ܢܣܐ ܘܡܪܝܒܐ܂ ܥܠ ܕܢܨܘ ܒ̈ܢܝ ܐܝܣܪܐܝܠ܂ ܘܥܠ ܕܢܣܝܘ ܠܡܪܝܐ ܘܐܡܪܘܿ܂ ܕܐܢ ܐܝܬ ܡܪܝܐ ܒܝܢܬܢ ܐܘ ܠܐ܂
17:08 [ai]	ܘܐܬܼܐ ܥܡܠܝܩ ܠܡܥܒܕ/ܘܥܒܕ#3#/ ܩܪܒܐ ܥܡ ܐܝܣܪܝܠ ܒܪܦܝܕܝܢ܂
17:09 [ai]	ܘܐܡܼܪ ܡܘܫܐ ܠܝܫܘܥ܂ ܓܒܼܝ ܠܟ ܓܒܪ̈ܐ܂ ܘܦܘܩ ܢܥܒܕ ܩܪܒܐ ܥܡ ܥܡܠܝܩ ܡܚܪ܂ ܘܐܢܐ ܗܐ/#3#/ ܩܐܿܡ ܐܢܐ ܥܠ ܪܫܗܿ ܕܪܡܿܬܐ܂ ܘܚܘܛܪܐ ܕܐܠܗܐ ܒܐܝܕܝ܂
17:10 [ai]	ܘܥܼܒܕ ܝܫܘܥܼ ܐܝܟ/ܐܝܟܢܐ#3#/ ܕܐܡܼܪ ܠܗ ܡܘܫܐ܂ ܘܐܙܼܠ/#3#/ ܠܡܥܒܕ ܩܪܒܐ ܥܡ ܥܡܠܝܩ܂ ܘܡܘܫܐ ܘܐܗܪܘܢ ܘܚܘܪ܂ ܣܠܼܩܘ ܠܪܝܫ ܪܡܿܬܐ܂
17:11 [ai]	ܘܟܕ ܡܪܼܝܡ ܗܘܐ ܡܘܫܐ ܐ̈ܝܕܘܗܝܼ ܬܩܿܦ ܗܘܐ ܐܝܣܪܝܠ܂ ܘܟܕ ܡܢܝܼܚ ܗܘܐ ܐ̈ܝܕܘܗܝܼ ܬܩܿܦ/ܬܩܝܦ#3#/ ܗܘܐ ܥܡܠܝܩ܂
17:12 [ai]	ܘܐ̈ܝܕܘܗܝ ܕܡܘܫܐ ܠܐܼܝ܂ ܘܢܣܒܘ ܟܐܦܐ ܘܼܣܡܘ ܬܚܘܬܘܗܝܼ ܘܝܬܼܒ ܥܠܝܗܿ܂ ܘܐܗܪܘܢ ܘܚܘܼܪ ܡܣܿܡܟܝܢ ܗܘܘ ܐ̈ܝܕܘܗܝ܂ ܚܕ ܡܟܐ ܘܚܕ ܡܟܐ܂ ܘܗ̈ܘܝ ܐ̈ܝܕܘܗܝ ܒܗܝܡܢܘܬܐ ܥܕܡܐ ܕܥܪܼܒܬ ܫܡܫܐ܂
17:13 [ai]	ܘܬܒܼܪ ܝܫܘܥ ܠܥܡܠܝܩ ܘܠܥܡܗ/ܘܠܚܝܠܗ#3#/ ܒܦܘܡܐ ܕܚܪܒܐ܂
17:14 [ai]	ܘܐܡܼܪ ܡܪܝܐ ܠܡܘܫܐ܂ ܟܬܘܒ ܕܘܟܪܢܐ ܗܢܐ ܒܣܦܼܪܐ܂ ܘܣܝܡ ܩܕܡ ܝܫܘܥ ܒܪܢܘܢ܂ ܡܛܘܠ ܕܡܥܼܛܐ ܥܿܛܐ ܐܢܐ ܕܘܟܪܢܗ ܕܥܡܠܝܩ ܡܢ ܬܚܝܬ ܫܡܝܐ܂
17:15 [ai]	ܘܒܢܼܐ ܡܘܫܐ ܡܕܒܚܐ܂ ܘܩܪܼܐ ܫܡܗܼ ܡܪܝܐ ܢܣܿܝ܂
17:16 [ai]	ܘܐܡܼܪ܂ ܗܐ ܐܝܕܐ ܥܠ ܟܘܪܣܝܐ܂ ܩܪܒܐ ܠܡܪܝܐ ܒܥܡܠܝܩ/ܠܥܡܠܝܩ#3#/ ܡܢ ܕܪܕܪܝܢ܂

next chapter