← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܫܡܼܥ ܝܬܪܘܢ ܟܘܡܪܐ ܕܡܕܝܢ ܚܡܘܗܝ ܕܡܘܫܐܿ܂ ܟܠ ܡܕܡ ܕܥܒܼܕ ܐܠܗܐ ܠܡܘܫܐ ܘܠܐܝܣܪܝܠ ܥܡܗ܂ ܕܐܦܩ ܡܪܝܐ ܠܒ̈ܢܝ ܐܝܣܪܝܠ ܡܢ ܡܨܪܝܢ܂
18:02 [ai]ܘܕܒܼܪ ܝܬܪܘܢ ܚܡܘܗܝ ܕܡܘܫܐ܂ ܠܨܿܦܘܪܐ ܒܪܬܗ ܐܢܬܬܗ ܕܡܘܫܐ܂ ܡܢ ܒܬܪ ܕܫܒܩܗܿ܂
18:03 [ai]ܘܠܬܪ̈ܝܢ ܒܢܝܗܿ܂ ܕܫܡܗ/ܫܡܗ#3#/ ܕܚܕܼ ܓܪܫܘܢ܂ ܡܛܠ ܕܐܡܼܪܼ ܕܬܘܬܒܐ ܗܘܼܝܬ ܒܐܪܥܐ ܢܘܟܪܝܬܐ܂
18:04 [ai]ܘܫܡܗ ܕܐܚܪܢܐ ܐܠܝܥܙܪ܂ ܡܛܠ ܕܐܠܗܐ ܕܐ̈ܒܗܝ ܒܥܕܪܝܼ܂ ܘܦܨܿܝܢܝ ܡܢ ܚܪܒܗ ܕܦܪܥܘܢ܂
18:05 [ai]ܘܐܬܼܐ ܝܬܪܘܢ ܚܡܘܗܝ ܕܡܘܫܐ ܘܒܢ̈ܘܗܝ ܘܐܢܬܬܗ ܠܘܬ ܡܘܫܐܿ܂ ܠܡܕܒܪܐ ܕܫܪܐ ܗܘܐ ܬܡܢ ܠܛܘܪܗ/ܒܛܘܪܗ#3#/ ܕܐܠܗܐ܂
18:06 [ai]ܘܐܬܐܡܪ ܠܡܘܫܐ܂ ܕܗܐ ܚܡܘܟ ܝܬܪܘܢ ܐܬܼܐ ܠܘܬܟ܂ ܘܐܢܬܬܟ ܘܬܪ̈ܝܗܘܢ ܒܢܝܟ ܥܡܗ܂
18:07 [ai]ܘܢܦܼܩ ܡܘܫܐ ܠܐܘܪܥܗ ܕܚܡܘܗܝܼ܂ ܘܼܣܓܕ ܠܗܼ ܘܢܫܿܩܗ ܘܫܐܼܠܘ ܐܢܫ ܒܫܠܡܐ ܕܚܒܪܗ܂ ܘܥܠܼܘ ܠܡܫܟܼܢܐ܂
18:08 [ai]ܘܐܫܿܬܥܝ ܡܘܫܐ ܠܚܡܘܗܝ܂ ܟܠ ܡܕܡ/#3#/ ܕܥܒܼܕ ܡܪܝܐ ܠܦܪܥܘܢ ܘܠܡܨܪ̈ܝܐܿ܂ ܥܠ ܨܒܘܬܐ ܕܒ̈ܢܝ ܐܝܣܪܝܠ܂ ܘܟܠ ܠܐܘܬܐ ܕܠܐܝܘ ܒܐܘܪܚܐ ܘܦܨܿܝ/ܕܦܨܝ#3#/ ܐܢܘܢ ܡܪܝܐ܂
18:09 [ai]ܘܚܼܕܝ ܝܬܪܘܢ ܥܠ ܟܘܠ ܛܒܬ̈ܐ ܕܥܒܼܕ ܡܪܝܐ ܠܐܝܣܪܝܠ܂ ܘܦܨܿܝ ܐܢܘܢ ܡܢ ܐܝܕܐ ܕܡܨܪ̈ܝܐ܂ ܘܡܢ ܐܝܕܗ ܕܦܪܥܘܢ܂
18:10 [ai]ܘܐܡܼܪ ܝܬܪܘܢ܂ ܒܪܝܟ ܗܘ ܡܪܝܐ ܕܦܨܝܟܘܢ ܡܢ ܐܝܕܐ ܕܡܨܪ̈ܝܐ ܘܡܢ ܐܝܕܗ ܕܦܪܥܘܢ܂ ܕܦܨܿܝ ܠܥܡܗ ܡܢ ܬܚܝܬ ܐܝܕܐ ܕܡܨܪ̈ܝܐ܂
18:11 [ai]ܗܫܐ ܝܕܥܿܬ ܕܪܒ ܗܘ ܡܪܝܐ ܡܢ ܟܠܗܘܢ ܐ̈ܠܗܐܿ܂ ܡܛܠ ܬܪܥܝܬܐ ܕܐܬܪܥܝܘ ܥܠܝܗܘܢ܂
18:12 [ai]ܘܩܿܪܒ ܝܬܪܘܢ ܚܡܘܗܝ ܕܡܘܫܐܿ܂ ܝܩ̈ܕܐ ܫ̈ܠܡܼܐ ܘܕܒܚ̈ܐ ܠܡܪܝܐ܂ ܘܐܬܼܐ ܐܗܪܘܢ ܘܟܠܗܘܢ ܣ̈ܒܐ \ܕܒܢ̈ܝ ܐܝܣܪܝܠ /ܕܐܝܣܪܝܠ#3#/܂ ܠܡܐܟܠ ܠܚܡܐ ܥܡ ܚܡܘܗܝ ܕܡܘܫܐ ܩܕܡ ܐܠܗܐ܂
18:13 [ai]ܘܗܘܼܐ ܠܒܬܪ ܝܘܡܐ܂ ܘܝܬܼܒ ܡܘܫܐ ܠܡܼܕܢ ܠܥܡܐ܂ ܘܩܝܿܡܝܢ ܗܘܘ ܥܡܐ ܠܥܠ ܡܢ ܡܘܫܐ܂ ܡܢ ܨܿܦܪܐ ܘܥܕܡܐ ܠܪܡܫܐ܂
18:14 [ai]ܘܚܼܙܐ ܚܡܘܗܝ ܕܡܘܫܐ ܟܘܠ ܡܕܡ ܕܥܒܿܕ ܠܥܡܐ܂ ܘܐܡܼܪ ܠܗ܂ ܡܿܢܘ ܦܬܓܡܐ ܗܢܐ/#3#/ ܕܥܒܿܕ ܐܢܬ ܠܥܡܐ܂ ܠܡܢܐ ܝܿܬܒ ܐܢܬ ܒܠܚܘܕܝܟܿ܂ ܘܟܠܗ ܥܡܐ ܩܐܿܡ ܠܥܠ ܡܢܟܿ ܡܢ ܨܿܦܪܐ ܘܥܕܡܐ ܠܪܡܫܐ܂
18:15 [ai]ܘܐܡܼܪ ܡܘܫܐ ܠܚܡܘܗܝ܂ ܕܐܬܿܝܢ ܠܘܬܝ ܥܡܐ ܠܡܫܼܐܠ ܡܠܬܐ ܡܢ ܐܠܗܐ܂
18:16 [ai]ܘܡܐ/ܟܕ#3#/ ܕܗܿܘܐ ܠܗܘܢ ܦܬܓܡܐ ܐܬܿܝܢ ܠܘܬܝ܂ ܘܕܐܿܢ ܐܢܐ ܒܝܬ ܓܒܪܐ ܠܚܒܪܗ܂ ܘܡܚܘܐ ܐܢܐ ܠܗܘܢ ܦܘܩ̈ܕܢܘܗܝ ܕܐܠܗܐ ܘܢܡܘܣ̈ܘܗܝ܂
18:17 [ai]ܘܐܡܼܪ ܠܗ ܚܡܘܗܝ ܠܡܘܫܐ܂ ܠܐܿ ܫܦܝܪ ܥܒܿܕ ܐܢܬ܂
18:18 [ai]ܡܨܛܿܥܪܘ ܡܨܛܿܥܪ ܐܢܬ܂ ܐܦ ܐܢܬܼ ܐܦ ܟܠܗ/#3#/ ܥܡܐ ܗܢܐ/#3#/ ܕܥܡܟ܂ ܡܛܘܠ ܕܝܩܝܪ ܗܼܘ ܡܢܟ ܦܬܓܡܐ܂ ܘܠܐ ܡܫܟܚ ܐܢܬ ܠܡܥܒܕܗ ܒܠܚܘܕܝܟ܂
18:19 [ai]ܗܫܐ ܫܡܼܥ ܒܩܠܝܼ ܘܐܡܠܼܟܟ܂ ܘܢܼܗܘܐ ܐܠܗܐ ܥܡܟ܂ ܗܘܼܝ ܐܢܬ ܡܿܠܦܢܐ ܠܥܡܐ ܡܢ ܐܠܗܐ܂ ܘܗܘܼܝܬ ܡܿܥܠ ܦܬܓܡ̈ܝܗܘܢ ܩܕܡ/ܠܘܬ#3#/ ܐܠܗܐ܂
18:20 [ai]ܘܬܙܿܗܪ ܐܢܘܢ ܕܢܛܪܼܘܢ/#3#/ ܦܘܩ̈ܕܢܐ ܘܢܡܘܣ̈ܐ܂ ܘܬܚܘܐܿ ܐܢܘܢ ܐܘܪܚܐ ܕܢܐܙܠܘܢ ܒܗܼܿ܂ ܘܥܿܒ̈ܕܐ/ܘܦܘ̈ܩܕܢܐ#3#/ ܕܢܥܒܕܘܢ܂
18:21 [ai]ܘܐܢܬ ܬܚܙܐ \ܡܢ ܟܠܗ ܥܡܐ /#3#/ ܓܒܪ̈ܐ ܕܚܝܠܐ ܕܕܚܿܠܝܢ \ܡܢ ܐܠܗܐ /ܠܐܠܗܐ#3#/܂ ܓܒܪ̈ܝܼܢ ܫܪ̈ܝܪܝܢ ܘܣܿܢܝܢ ܫܘܚܕܐ ܘܢܟܠܐ܂ ܘܐܩܝܡ ܥܠܝܗܘܢ ܪ̈ܝܫܝ ܐ̈ܠܦܐ ܘܪ̈ܝܫܝ ܡܐ̈ܘܬܐ܂ ܘܪ̈ܝܫܝ ܚܡܫܝܢܿ ܘܪ̈ܫܝܼ ܥܣܪ̈ܐ܂
18:22 [ai]ܘܢܿܗܘܘܢ/ܕܢܗܘܘܢ#3#/ ܕܝܿܢܝܢ ܠܥܡܐ ܒܟܠ ܥܕܢ܂ ܘܟܕ ܢܗܘܐ ‍<‍ܠܗܘܢ#3#‍>‍ ܦܬܓܡܐ ܪܒܐ ܢܐܬܘܢ ܠܘܬܟ܂ ܘܟܠ ܦܬܓܡܐ ܙܥܘܪܐ ܗܼܢܘܢ ܢܕܼܘܢܘܢ܂ ܘܐܩܠ ܡܢܟܼ ܘܢܿܫܩܼܠܘܢ ܥܡܟ܂
18:23 [ai]ܘܐܢ ܦܬܓܡܐ ܗܢܐ ܬܥܒܼܕ܂ ܡܿܦܩܼܕ/ܡܦܩܕ#3#/ ܠܟ ܐܠܗܐ ܘܡܫܟܚ ܐܢܬ ܠܡܩܼܡ܂ ܘܐܦ ܟܠܗ ܥܡܐ ܗܢܐ܂ ܐܢܫ ܠܒܝܬܗܼ ܢܿܐܙܠܘܢ ܒܫܠܡܐ܂
18:24 [ai]ܘܫܡܼܥ ܡܘܫܐ ܒܩܠܗ ܕܚܡܘܗܝܼ܂ ܘܥܒܕ ܟܠ ܡܕܡ ܕܐܡܼܪ ܠܗ܂
18:25 [ai]ܘܓܒܼܐ ܡܘܫܐ ܓܒܪ̈ܐ ܕܚܝܠܐ ܡܢ ܟܠܗ ܐܝܣܪܝܠ܂ ܘܐܩܝܡ ܐܢܘܢ ܪ̈ܫܐ ܥܠ ܥܡܐ܂ ܪ̈ܝܫܝ ܐ̈ܠܦܐܿ ܘܪ̈ܫܝ ܡܐ̈ܘܬܐ܂ ܘܪ̈ܫܝ ܚܡܫܝܢܿ ܘܪ̈ܫܝ ܥܣܪܐ܂
18:26 [ai]ܘܕܝܿܢܝܢ ܗܘܘ ܠܥܡܐ ܒܟܠ ܥܕܢ ܘܦܬܓܡܐ ܕܩܫܼܐ/ܩܫܝܐ#3#/ ܡܿܝܬܝܢ ܗܘܘ ܠܘܬ ܡܘܫܐ܂ ܘܦܬܓܡܐ ܙܥܘܪܐ ܕܝܿܢܝܢ ܗܘܘ ܗܼܢܘܢ܂
18:27 [ai]ܘܫܕܪ ܡܘܫܐ ܠܚܡܘܗܝܼ ܘܐܙܼܠ ܠܐܪܥܗ܂

next chapter